Новости за 06.12.2018

د ناټو يوه چارواکي د افغان امنيتي ځواکونو د مرګ ژوبلې پر زياتېدو اندېښنه وښوده. د ناټو لوى ملکي استازي کارنليوس زيمرمن «Cornelius Zimmermann» په بروکسل کې د ازادي راډيو له خبريال سره په ځانګړې مرکه کې وويل: "موږ ټول د مرګ ژوبلې د شمېر زياتېدو له کبله خواشيني او اندېښمن يو. د ناټو د قاطع ملاتړ د ماموريت پوځي مشر جنرال سکاټ مېلر هم دا موضوع مطرح کړې ده. موږ په پام کې لرو، خپل د روزنې او سلا مشورې همکاري نوره هم اغېزناکه کړو." د افغانستان دفاع وزارت تېره مياشت د افغان ځواکونو د مرګ ژوبلې د مخنيوي لپاره د يوې ستراتيژۍ د جوړولو خبر ورکړ. Читать дальше...

د بخښنې نړيوال سازمان وايي، د ايران رژيم د درېيو لسيزو مخکې اعدامونو په اړه د حقايقو په پټولو سره د بشرضد جرايمو ته دوام ورکوي.

د سولې عالي شورا د ناټو د وروستۍ اعلاميې هرکلى وکړ چې د افغانانو په مشرۍ د سولې پروسې پر ملاتړ يې په کې ټينګار کړى.

د نړۍ رهبرانو د امريکا متحدو ايالتونو په پلامېنه واشنګټن ډي سي کې د پخواني ولسمشر جورج، اېچ، ډبليو بوش جنازې ته د احترام مراتب پرځاى کړي. د ده مړى چې پرون د کانګرس په ودانۍ کې ايښوول شوى و، د ښخېدو لپاره ملي کليسا ته ولېږدول شو. د امريکا يوڅلوېښتم ولسمشر جورج، ايچ، ډبليو بوش د جمعې په ورځ د ٩٤ کلونو په عمر مړ شو. ده له اوږدې مودې راهيسې د پارکينسن يا د اندامونو د رېږد له ناروغۍ ځورېده. د هغه زوى جورج، ډبليو بوش چې دى هم د امريکا ولسمشر پاتې شوى، د خپل پلار مړي ته د احترام د ادا کولو پر مهال دى نجيب شخص او تر ټولو غوره پلار وباله. Читать дальше...

د سې شنبې په ماښام د ننګرهار ولایت مرکز جلال ابداد کې د انعکاس د راډیو ټلوېزیون بنسټګر انجنیر زلمی لطیفي د ناپېژاندو وسله‌والو له‌خوا وتښتول شو او موټر چلوونکی يې ورته وواژه.

د روسيې ولسمشر ولادیمير پوتين وايي، له اى، اېن، ايف «INF» تړون څخه د امريکا د وتلو پر پرېکړه سم غور نه و شوى. دا د منځ-واټنه اټمي توغنديو د کنټرول تړون دى. خو ولادیمير پوتين پرون چهارشنبه په مسکو خبريالانو ته د وينا پر مهال خبردارى ورکړ: "موږ د دغه تړون د ماتولو پرخلاف يو، که دغه تړون ماتېږي موږ به له شرايطو سره سم عکس العمل څرګندوو." د روسيې ولسمشر وويل، که د امريکا متحد ايالتونه ځان په هغو وسلو سمبال کړي چې په دغه تړون کې منع اعلان شوي، مسکو به يې په وړاندې رسمي شکايت وکړي. ښاغلي پوتين وويل... Читать дальше...

په غزني کې دیني عالمان په دغه ولایت او بیا په ټول هېواد کې د افغانیو پرځای د پاکستاني کالدارو چلول غیر شرعي عمل او ګناه ګڼي.