Новости за 07.05.2019

د کندهار ولایت د سوداګرۍ او صنایعو خونه د ۱۵ مېګا واټه لمریزې برښنا د پروژې د کار د بشپړېدو خبره کوي. د دغه ولایت د سوداګرۍ خونې مرستیال فضل‌الحق مشکاڼي نن د سې شنبې په ورځ ازادي راډيو ته وویل چې په‌دغې پروژې سره به په‌دغه ولایت کې د فابریکو د برښنا ستونزه تر یو بریده هواره شي. دی وايي: "زموږ ډېری فابریکې د برښنا د نشتوالي له امله له فعالیت پاتې دي، له دې سره هم ستونزې ټولې نه‌حلېږي، خو تر یوې اندازې به هوارې شي." د ښاغلي مشکاڼي د معلوماتو له مخې په‌دغه ولایت کې ۲۵۰ فابریکې شته چې له دې شمېر ۱۵۲یې فعالې او پاتې نورې یې غیر فعالې دي. Читать дальше...

د افغانستان د سوداګرۍ او صنعت وزارت د ټاپي پروژې په څلورو برخو کې د پرمختګونو خبره کوي. د دغه وزارت ویاند سمیر رسا نن د سې شنبې په ورځ ازادي راډيو ته وویل چې حقوقي، مالي، تدارکاتي او تحقیقي برخې مخ په وروستۍ کېدو دي. ښاغلي رسا زیاته کړه: "په ټوله کې له نېکه‌مرغه د ټاپي پروژې په برخه کې ښه پرمختګونه شوي او په ۲۰۱۹ میلادي کال کې به موږ عملاً په افغانستان کې د دغې پروژې د عملي کار شاهدان واوسو." شااوخوا یو کال په افغانستان کې د ټاپي پروژې د تخنیکي چارو له پرانیستې کېږي او مسؤلینو ویلي چې تخنیکي،... Читать дальше...

د افغانستان د انتخاباتو خپلواک کمېسیون پرېکړه کړې چې د ولسمشرۍ انتخابات د رأیې ورکوونکو له هغه نوملړه ...

د میانمار حکومت د روېټرز خبري اژانس دوه خبریالان چې د روهینګیایي مسلمانانو د وضعیت په اړه‌یې راپورونه جوړول، نن د مې په شپږمه ازاد کړل. د روېټرز خبري اژانس د دوو خبریالانو د خوشې کېدو لپاره نړیوال کمپاین وشو. د میانمار حکومت مجبور شو چې د جمهور رئيس د عفوې د یوه فرمان پر اساس هغوی خوشې کړي. دواړو خبریالانو د میانمار په ستر ښار ینګون کې په داسې زندان کې چې شرایط‌یې ډېر سخت دي، تقریباً ۱۶ میاشتې په توقیف کې تېرې کړې. پر هغوی په ۲۰۱۸ میلادي کال کې تور لګېدلی و چې د روهینګیايي مسلمانانو پر ضد... Читать дальше...

د کاتولیک مسیحیانو مشر پاپ فرانسېس نن د مې په اوومه شمالي مقدونیې ته ورسېد. دا اول وار دی چې د واتیکان مشر مقدونیې ته ځي.  پاپ به د بالکان په سیمه کې درېیو هېوادونو ته په دې سفر کې نن د مقدونیې خلکو ته وینا وکړي. شمالي مقدونیه یو کوچنی هېواد دی چې ۲،۱ ميلیون وګړي لري.  د مقدونیې د خلکو لویه برخه ارتودوکس مسیحیان دي. خو په دې هېواد کې د مسلمانانو ستره ټولنه چې په خټه البانیایان دي، اوسېږي.  د شمالي مقدونیې د وګړو له څلورو یو مسلمان دی او ګڼل کېږي چې ۱۵ زره کاتولیک مسیحیان هم هلته مېشت دي.

په پاکستان کې امنیتي ځواکونه وايي چې مشکوکو وسله‌والو کسانو په شمالي وزیرستان کې څلور عسکر وژلي او ۱۰ نور یې زخمیان کړي دي. یوه پاکستاني چارواکي چې د هویت د پټ پاتې کېدو په شرط‌یې خبرې کولې، ویلي چې وسله‌والو پرون د مې په شپږمه دوه حملې کړې دي. د هغه په وینا، حمله کوونکي د افغانستان د سرحد خوا ته تښتېدلي دي. د حملې مسؤلیت چا نه‌دی اخیستی.

د شمالي وزیرستان چارواکي وايي د مې پر اوومه په تحصیل رزمک کې پر پاکستانیو ځواکونو وسله وال برید کې درې عسکر وژل شوي او پنځه نور ژوبل دي.

د هلمند د ګرشک ولسوالۍ زده کوونکي د کتابونو او ښوونکو له کموالي شکایت کوي، دا په داسې حال کې ده...

د کندهار ولایت خاکرېز ولسوالۍ ته ټولې غځېدلې لارې د خلکو پر مخ تړل شوې دي. د لارو د تړلو له امله د خاکرېز ولسوالۍ ...

د ناټو عمومي منشي د ترکیې د هغه پلان د احتمالي عواقبو په اړه اندېښنه ښودلې چې غواړي روسیې دافع هوا توغندي وپېري. ینس سټولټنبرګ پرون د دوشنبې په ورځ په انقره کې د ترکیې د بهرنیو چارو له وزیر مولوت چاووش اوغلو سره په ګډه خبري غونډه کې وویل، هر هېواد د خپلو اړتیا وړ پوځي تجهیزاتو د پېرلو اختیار لري، خو زیاته یې کړه چې په عین حال کې د «S-۴۰۰» توغندیو د پېرودلو د احتمالي عواقبو له کبله اندیښمن دی ځکه متحد ایالاتو په ډاګه کړې چې که ترکیه دا توغندي وپېري نو بندیزونه به پرې ولګول شي. د ترکیې ولسمشر رجب... Читать дальше...

د کابل چاپ د نن ورځې ورځپاڼو د بېلابېلو مسایلو په اړه مقالې او تبصرې خپرې کړي دي.

په بغلان ولایت کې د ملي اردو دېره ځواکونه وايي چې په ډنډ غوري سیمه کې د ګډو ځواکونو په عملیاتو کې ۱۳ طالبان وژل شوي دي. په بغلان کې د دېره ۲۰۱۷ قول اردو د درېیمې لوا قوماندان ډګروال عباس توکلي ازادي راډیو ته وویل، افغان کومانډو ځواکونو د ناټو په مشرۍ د غوڅ ملاتړ د ماموریت په هوايي ملاتړ په ډنډ غوري کې پوځي عملیات وکړل:" ۱۳ تنه طالبان تېره شپه د ځانګړو ځواکونو په عملیاتو کې چې د نړیوالو ځواکونو جټ او شینوک الوتکو یې ملاتړ کاوه، په ډنډ غوري سیمه کې وژل شوی دي." ډګروال توکلي زیاته کړه چې په وژل... Читать дальше...

د هرات ولایت امنیه قوماندان وايي چې طالبانو د فارسي ولسوالۍ د برپل سیمې ۱۴ ملکي وګړي وژلي دي. جنرال امین‌الله امرخېل پرون- دوشنبې تور ولګاوه چې طالبانو پر سیمې له ولکې وروسته د یکشنبې په ماښام د یو شمېر ولسي وګړو کورونو ته اور واچاوه او تر اوسه د پنځو کسانو مړي موندل شوي. ښاغلی امرخېل وايي، دا سیمه اوس هم د طالبانو په ولکه کې ده. د هرات امنیه قوماندان وايي، د برپل سیمې خلکو دوه ورځې مخکې د ولسي پاڅون د ځواکونو په مرسته له طالبانو سره په جګړه کې اته وسله‌وال وژلي او اووه یې نور ټپیان کړي وو. Читать дальше...

په ننګرهار کې ديني عالمانو له حکومته وغوښتل چې د دوی پر وړاندې دې د هدفي وژنو مخه ونيسي. د ننګرهار د حج او اوقافو رئیس محمد داوود مجاهد ازادي راډیو ته وويل چې په تېرو څو ورځو کې په ننګرهار کې شپږ ديني عالمان د هدفي وژنو قرباني شوي دي. یو شمېر ديني عالمان وايي چې سخت دريځي دوی د افغانستان د نظام د ملاتړ په خاطر وژني. د ننګرهار د والي وياند عطاالله خوګياڼی وايي چې ولایتي اداره د ديني عالمان خونديتوب ته ژمنه ده او په‌دې اړه به ځانګړي اقدامات کوي. ده زیاته کړه: "زموږ له علماوو کرامو څخه هیله... Читать дальше...

افغان ولسمشر محمد اشرف غني به د روانې میلادي مياشتې په وروستيو کې اسلام‌اباد ته سفر وکړي. دا خبره په کابل کې يوه لوړپوړي چارواکي د نوم نه خپرولو په شرط ازادي راډيو ته د دوشنبې په ماسختن وکړه. یاد چارواکي زياته کړه چې دا سفر د پاکستان د صدراعظم عمران خان په بلنه کېږي او هيله شته چې د افغانستان د سولې په برخه کې به ګټوره ثابته شي.  د ولسمشر غني د وياند مرستيال صمیم عارف بیا پرون ماښام له ازادي راډيو سره په خبرو کې د ولسمشر غني د سفر د کره نېټې په اړه له معلوماتو ورکولو ډډه وکړه، خو زياته یې کړه... Читать дальше...

د هندوستان د بهرنیو چارو وزارت وايي، د امريکا د ځانګړي استازي زلمي خليل‌زاد هرکلی کوي چې په هندوستان کې يې د دې هېواد د بهرنیو چارو وزيرې ته د افغانستان د سولې د بهير په اړه معلومات ورکړل. دغه وزارت همدا راز ویلي چې د افغانستان د سولې په اړه به په راتلونکي کې له مهمو لوریو سره کار وکړي.  د هندوستان د بهرنیو چارو وزارت وياند رویش کمار «Raveesh Kumar» پرون ماښام پر ټويټرپاڼه ليکلي چې ښاغلي خليل‌زاد له سوشما سواراج سره د دوشنبې په ورځ په خبرو کې په افغانستان کې د سولې او ثبات رامنځته کولو په برخه کې د سیمه‌ييزو اړخونو پر رول خبرې وکړې. Читать дальше...

د ورځپاڼې په لیکنه د پولیسو افسران په‌داسې حال کې چې وسلې یې نه درلودې او د خپلو معاشونو د اخېستلو...

د امريکا د دفاع وزارت سرپرست ژمنه کړې چې ايران به د امريکا پر ګټو يا ځواکونو د هر ډول حملو په خاطر مسئول ونیسي.

ټاکل شوې ده د افغانستان د سولې لپاره د امریکا ځانګړی استازی زلمی خليل‌زاد د قطر په پلازمېنه دوحه کې له طالب استازو سره نن سې شنبې شپږم پړاو خبرې پیل کړي.

ټولنيزې شبکې فیسبوک ويلي چې له روسیې څخه سرچينه اخېستونکي هغه پاڼې او حسابونه یې تړلي چې د اعتماد وړ چلند يې نه کاوه. د دوشنبې په ورځ په يوه اعلان کې فیسبوک وويل چې هغه پاڼې او ګروپونه یې هم تړلي چې تر شا يې داسې کسانو کار کاوه چې د ځان په اړه یې ناسم معلومات شریک کړي وو. فیسبوک ويلي چې په‌دغو اقداماتو کې يې د عکسونو خپروونکې شبکه انسټاګرام هم شامله ده. د فیسبوک د انترنيټي امنیت د پاليسۍ رئیس ناتانيل ګلايچر پر خپله فیسبوک پاڼه ليکلي چې په تړل شويو کې هغه ۹۷ حسابونه او پاڼې هم شاملې دي چې تمرکز يې پر اوکراین وو. Читать дальше...

د امريکا دفاع وزارت ژمنه وکړه چې پر امریکايي ځواکونو یا د امریکا پر ګټو د هر ډول حملو په خاطر به ایران مسؤل ونيسي. واشنګټن په‌دې وروستیو کې د ایران پر وړاندې پر خپل سخت دريځ ټينګار کړی او ويلي يې دي چې ايران ته نږدې په اوبو کې به د جنګي الوتکو وړونکې بیړۍ ځای پر ځای کړي. د امريکا د دفاع سرپرست وزیر پاتریک شانهان د دوشنبې په ورځ پر ټويټرپاڼه پر تهران پاروونکي چلند تورونه هم پورې کړل. د شانهان خبرې یوه ورځ وروسته له هغه دي چې د سپینې ماڼۍ د ملي امنیت سلاکار جان بولټون وويل چې د جنګي الوتکو... Читать дальше...

په بلغاریه کې د پناه غوښتونکو کمپ ته د پاپ فرانسس ورتګ هلته د وضعیت د ښه کېدو هیلې زیاتې کړي دي. د کاريتاس صوفيا خیریه موسسې اجراييه رئیس څويتومير دومانوف «Tsvetomir Doumanov» د دوشنبې په ورځ وویل چې د بلغاریه په ټولنه کې د پناه غوښتونکو د جلب و جزب داسي رسمي پروګرامونه نشته چې مالي مرسته تر لاسه کړي. دلته دا ډول يوازې یو پروګرام شته خو هغه هم د کاغذ پر مخ دی او مالي مرسته نه ورسره کېږي، نو ځکه هم د جلب و جذب ټول فعاليتونه غیر دولتي ادارې پر مخ وړي. د نړۍ د عيسویانو مشر پاپ فرانسس د دوشنبې... Читать дальше...

د امريکا د بهرنیو چارو وزیر مايک پامپیو وايي، د ونزوئلا په اړه یې له خپل روسي سیال سرګي لاوروف سره ښې خبرې کړي. سرګي لاوروف دا خبرې «رغندې» بللي دي. دواړو ډپلوماټانو په فنلنډ کې د ارکټيک شورا د غونډې په څنډه کې د دوشنبې په ورځ سره وليدل. دا لیده کاته په‌داسې حال کې شوي چې د ونزوئلا د بحران په اړه وضعیت نور هم ترینګلی شوی دی. واشنګټن په ونزوئلا کې د حکومت د مخالف خوان ګواېدو ملاتړ کوي او هغه یې د دې هېواد مشروع مشر بللی دی، خو مسکو ولسمشر نیکلاس مادورو ته وفادارو ځواکونو ته نظامي سلاکاران ګومارلي دي. Читать дальше...

د امریکا د متحده ایالاتو د ملي امنیت سلاکار جان بولټون وايي، منځني ختیځ ته د اضافي پوځي ځواک او تجهیزاتو...