Новости за 12.01.2020

په ليبيا کې دوو سيالو ادارو، د ملګرو ملتونو ملاتړلرونکي د ملي تړون حکومت او د خليفه حفتر د ليبيا د ملي پوځ اداره وايي دوى پر اوربند سلا کړې ده. د حفتر ځواکونو، چې ځان د لیبیا ملي پوځ ګڼي وویل اوربند، چې له نن څخه عملي کېږي، له دې سره تړلی، چې په طرابلس کې د ملي تړون حکومت یې ومني. د خليفه حفتر د لیبیا د ملي پوځ وياند احمد مسماري په یوه ویډیويي پیغام کې وویل: "د ليبيا د عرب وسلوالو ځواکونو عمومي قومانداني د تېرې شپې له دوولسو بجو په غربي ساحه کې د پوځي عملياتو درول او اوربند اعلانوي هيله لري چې... Читать дальше...

کابل چاپ ورځپاڼو په خپلو نننیو ګڼو کې تر ډېره د ایراني رژیم له لوري د اوکرینۍ الوتکې د نسکورېدو او د افغانستان پر فضا د هوايي الوتنو ډيرېدو په تړاو لیکنې او تبصرې خپرې کړې دي.

د افغانستان د ټاکنو خپلواک کمېسیون وايي، هر کله چې یې د ټاکنیزو شکایتونو له کمېسیونه لازم وضاحت ترلاسه کړ، په ځینو محلونو او مرکزونو کې به د رایو بیا شمېرنه پیل کړي. د ټاکنو خپلواک کمېسیون یوه ویندوی عبدالعزیز ابراهیمي تېر ماښام ازادي راډیو ته وویل: "د افغانستان د ټاکنو خپلواک کمېسیون ژمن دی چې د ټاکنیزو شکایتونو له کمېسیون سره مرسته وکړي، د ټاکنو خپلواک کمېسیون د هغو مرکزونو او محلونو په اړه د لا زیات وضاحت غوښتنه کړې چې د ټاکنیزو شکایتونو کمېسیون په کې د رایو د بیا شمېرلو غوښتونکی دی، مونږ دا... Читать дальше...

په لشکر ګاه کې پرون، د جنورۍ په ۱۱مه، درې پولیس ووژل شول. د هلمند د والي ویاند عمر ځواک ازادي راډیو ته وویل چې پرون د لشکرګاه ښار په لومړۍ حوزه کې د پولیسو په پوسته کې چاودنه وشوه. عمر ځواک وویل: "د لشکرګاه ښار د لومړۍ حوزې د شهید غلطان په سیمه کې د پولیسو پر یوه نوې پوسته چاودنه وشوه، د پېښې په اړه څېړنې کېږي." د برید مسئولیت چا پر غاړه نه دی اخیستی. عمر ځواک ازادي راډیوته وویل چې د پېښې په اړه نور جزئیات به وروسته له رسنیو سره شریک کړي.

په کندز کې د وسله والو طالبانو د یوه قومندان په ګډون ۶ وسله وال وژل شوي دي. د پامیر ۲۱۷ قول اردو مرستیال عبدالهادي جمال په دې اړه پرون د جنورۍ په ۱۱مه، په یوه بیان کې ویلي چې د کندز په اقتاش ولسوالۍ کې پوځي عملیات شوي او د وسله والو د یو قومندان ملا خلیل په ګډون ۶ طالبان وژل شوی دی. د ملي دفاع وزارت په وینا، د کندز په دې سیمه کې له تېرو شپږ ورځو راهیسې پوځي عملیات روان دي. د عبدالهادي جمال په وینا، په عملیاتو کې د وسله والو طالبانو ۷ وګړي زخمیان شوي دي. په اعلامیه کې همدا راز ادعا شوې چې... Читать дальше...

په کاپیسا ، پروان او پنجشیر کې د ډېرې واورې د اورېدو له امله د زیاتو کليو او ولسوالیو لارې بندې شوې او خلک له حکومته مرسته غواړي. په دې ولایتونو کې یوشمېر خلکو ازادي راډیو ته ویلي چې د لویو او وړو لارو د بندېدو له امله ان خپل ناروغان په وخت روغتونو ته نه شي رسولای. د پنجشیر د رخې ولسوالۍ یوه اوسېدونکي، ظریف محمدي د ازادي راډیو خبریال ته وویل: "دلته د زیاتې واورې د اورېدو له امله د کلیو فرعي لارې او سړکونه ان ۳۰ او ۴۰ ورځې بندې وي او داسې غریب خلک چې حتی د خوراک ډوډۍ نه لري دلته بند پاتې کېږي."... Читать дальше...

د روسیې ولسمشر ولادیمیر پوتین ویلي چې هېواد یې باید د دې توان ولري چې جرمني ته د ګاز د صادرولو نللیکه​، نورد سټورم ۲، چې امریکا بندیز ورباندې لګولي، بشپړه کړي. ولادیمیر پوتین، پرون د جنورۍ په ۱۱مه، په مسکو کې خبري غونډې ته چې د جرمني صدراعظمه، انګېلا مېرکل هم په کې وه، وویل چې روسیه به له بهرنۍ مرستې پرته دا پروژه بشپړه کړي. خو دا پروژه چې باید په ۲۰۲۰ میلادي کال کې فعاله شوې وای څو میاشتې له ځنډ سره مخ شوه. ولادیمیرپوتین وویل، هیله لري چې د دې کال په وروستیو میاشتو یا د راتلونکي کال په پېل کې به د نللیکې کار بشپړ شي او فعالیت به پیل کړي.

په تهران کې پرون، د جنورۍ په ۱۱مه، یو شمېر خلکو لاریون وکړ.

په افغانستان کې د سړک پرغاړه د ماین د چاودنې له امله ۴ امریکايي عسکرو ته مر ګ ژوبله اوښتې ده.

د امریکا ولسمشر ډونالډ ټرمپ ایراني اعتراض کوونکي زړور وبلل او د هغو ملاتړ یې وکړ. پرون وروسته له دې چې ایران وویل، اوکراینۍ الوتکه یې سهواً ویشتې ده، په تهران کې یو شمېر خلکو لاریون وکړ. ټرمپ د ایران حکومت ته خبرداری ورکړ چې نړۍ یې څاري. د امریکا ولسمشر پر خپله ټویټرپاڼه کښلي: "د ایران زړه ورو او له اوږدې مودې راهیسې ځورېدلو خلکو! زه د خپلې ولسمشرۍ له پیله له تاسو سره ولاړ یم او زما حکومت به ستاسو ملاتړ ته دوام ورکړي، مونږ ستاسو اعتراضونه په ځیر څارو، او موږ ستاسو له جرئته الهام اخلو." د... Читать дальше...