Новости за 18.06.2020

د افغانستان د کورنیو چارو وزارت د جون پر اتمه، د خوست امنیه قوماندانۍ په جنايي څانګه کې یوه افسره پر دنده وګومارله چې پر ټولنیزو رسنیو یې په حق او مخالفت کې بحثونه پیل شول. ځلا ځاځۍ په ترکیې کې د پولیسو له اکاډمۍ زده کړې کړې دي. په دې ویډیويي مرکه کې مو ورڅخه د هغې پر وړاندې د څرګندونو او د دندې په اړه پوښتلي.

د افغانستان کرنې اوبو لګونې او مالدارۍ وزارت د ۶۳۴.۶ میلیونه افغانیو کرنیزو پورونو خبر ورکوي. د دې وزارت ویاند اکبر رستمي وايي، د کرنیزو پورونو منظوري کميټې جلسې کې د معلوماتو وړاندې کولو او د کمیټې غړو ته قناعت بخشه ځوابونو ویلو وروسته ۶۳۴.۶ میلیونه افغانیو کرنیز پورونه ومنل شول. هغه وویل په ټوله کې درې ډوله پورونه تأیید شوې، یو ډول یې د مالي موسسو اړوند دي چې تر پنځو کلونو وخت لري او هر کال به اتو ولایتونو کې له زرو کروندګرو زیات ورڅخه برخمن شي. د رستمي په خبره د پور دوهمه برخه د خوړو د تولید... Читать дальше...

په پاکستان کې افغان سفیر عاطف مشعل وايي، د راتلونکې اوونۍ له دوشنبې ورځې به د تورخم، سپین بولدک او غلام خان له لارو پاکستان ته د افغان صادراتو لړۍ پیل شي. نوموړي پر خپل ټویټر لیکلي چې د نن ورځې تر پایه به د دواړو هېوادونو د تطبیق کمیټو ناستې تر سره او په ۲۲ به عملاً پاکستان ته د افغانستان صادرات پيل شي. دا په داسې حال کې ده چې د کرونا ویروس خپرېدو سره سم پاکستان خپلې پولې د افغانستان پر وړاندې وتړلې خو دوه میاشتي وړاندې د افغان حکومت هڅو پر بنسټ پاکستان افغانستان ته واردات پيل کړل خو لا هم صادرات په ټپه ولاړ و. Читать дальше...

وکیل محمد عمر اڅک او داکتر عبدالکریم ازادي راډیوته وویل دوی ته باک نه کوي، خو نور ډېر کسان خپلې لوڼې د ښځینه ښوونکو او د نجونو لپاره د جلا ودانۍ دنه موجودیت په خاطر ښوونځیو ته نه استوي.

د افغانستان دفاع وزارت وایي، طالبانو بېګا نیمه شپه د کندهار په میانشین ولسوالۍ کې د ملي اردو پر پوستو بریدونه وکړل. د دغه وزارت مطبوعاتي دفتر ویلي، د طالبانو برید له شدید مقاومت سره مخ شو او په ځوابي ډزو کې ۱۳ طالبان ووژل شول. دفاع وزارت دغې جګړه کې دولتي سرتېرو ته د اوښتې مرګ‌ژوبلې په اړه څه نه‌دي ویلي، خو یوې باوري سرچینې په کندهار کې د ازادي راډیو خبریال ته ویلي، برید کې د ملي اردو ۳ سرتېري وژل شوي او شااوخوا لس نور ژوبل شوي دي. طالبانو تر اوسه د دغې پېښې په اړه څه نه‌دي ویلي.

د هرات سیمه‌ییز چارواکي وایي، د دغه ښار له مرکزي زندانه ۱۱ طالبان خوشې شول. د هرات د والي دفتر په یوه خبرپاڼه کې ویلي، له دغو کسانو ژمنه اخیستل شوې چې بیا به د جګړو لیکو ته نه ځي. له دې وړاندې هم د هرات له زندانه ۴۰ طالبان ازاد شوي وو. افغان حکومت او طالبانو د زندانیانو د ازادېدو لړۍ چټکه کړې او تېره ورځ ناوخته افغان دولت څه باندې ۴۰۰ طالب زندانیان ازاد کړل او طالبانو لسګونه. له دې سره د خوشې شویو طالب زندانیانو شمېر نږدې ۳۵۰۰ شو او د ملي امنیت شورا له دې وړاندې ویلي و، پاته ۱۵۰۰طالب زندانیان به هم خلاص شي.

ریلیف وېب په کندهار کې د میرویس روغتون یادونه کړې چې د افغانستان په جنوب لوېدیځو ولایتونو کې تر ټولو ستر حوزوي روغتون دی او له تېرو ۲۰ کلونو راهیسې د سره صلیب کمېټه ورسره مرسته کوي.

د افغانستان کورنیو چارو وزارت وایي، پکتیا کې د ماین چاودنې درې ملکیان وژلي او یو بل‎یې ټپي کړی دی. دغه وزارت په یوه خبرپاڼه کې ویلي چې دغه ماین تېره ورځ د زرمت ولسوالۍ په سورکۍ سیمه کې وچاودېد چې یوه ښځه او دوه نجونې یې ووژلې او یو ووړ ماشوم‎یې ټپی کړ. د وزارت په خبرپاڼه کې ویل شوي چې دا ماین د طالبانو له‎خوا ځای پر ځای شوی و او د دغې کورنۍ غړي هغه مهال پرې وربرابر شول چې له یوه واده کور ته ستنېدل. طالبانو تر اوسه په دې اړه څه نه‎دي ویلي.

راپورونه وایي چې کرملېن له کرونا ویروس څخه د ولسمشر ولادیمیر پوتین د خوندیتوب لپاره د ضد عفوني یو ځانګړی تونل جوړ کړی دی. ریا نووستي دولتي اژانس د سې شنبې په ورځ خبر ورکړ، هغه وسایل چې په پینزا ښار کې د یوه شرکت له لوري جوړ شوي له مسکوه بهر د پوتین د استوګنې په ځای کې نصب شوي دي. په ورته وخت کې اسوشیټډ پرس اژانس د ولسمشر پوتین د ویاند دمیتري پسکوف په وینا خبر ورکړ چې له دغو وسایلو څخه یو د پوتین په کور کې او دوه په کرملېن کې ځای پر ځای شوي دي. روسي چارواکو د چهارشنبې په ورځ د کرونا ویروس د... Читать дальше...

د ناټو سرمنشي وایي، متحده ایالات د ناټو له غړو سره په جرمني کې د خپلو پوځیانو د شمېر پر کمېدو خبرې کوي. له جرمني څخه د امریکایي ځواکونو د ایستلو پلان د ناټو یو شمېر غړي اندېښمن کړي دي. ینس سټولټنبرګ د چهارشنبې په ورځ د ناټو د دفاع وزیرانو تر غونډې وروسته خبریالانو ته وویل چې په جرمني کې د امریکايي ځواکونو د شمېر د کمېدو پر مسئله بحث روان دی. ښاغلی سټولټنبرګ زیاتوي: "د امریکا دفاع وزیر مارک اسپر په ټول قوت دا خبره تصرېح کړه چې پرته له څه شکه، متحده ایالات د اروپا امنیت ته ژمن دی او متحده ایالات... Читать дальше...

د افغانستان د ملي اردو د مرګ قطعې ۷۳ کسیزه ډله له ځانګړو زده‌کړو فارغه شوه. په دې مناسبت پرون د کابل د پلچرخي په سیمه کې د ملي لوا په ګارنېزیون کې ځانګړي مراسم ترسره شول. د ځانګړو ځواکونو د چارواکو په وینا له شااوخوا زر تنه کمانډو ځواکونو دا کسان انتخاب شوي وو چې پنځه میاشتې یې زده‌کړې وکړې او تمرینات‌یې ترسره کړل. د مرګ قطعې تر دې مخکې ۲۰۰ سرتېري لرل.

په کاپیسا کې امنیتي چارواکي وایي چې تر ځمکې لاندې یې د طالبانو یو پناهځای له‌منځه وړی دی. د کاپیسا د امنیه قوماندانۍ ویاند شایق شورش ازادي راډیو ته وویل چې دا پټنځای په نجراب ولسوالۍ کې پرون ونړول شو، د عملیاتو پر مهال درې طالبان ووژل شول او درې تنه‌یې ټپيان شول. طالبانو تر اوسه په دې اړه څه نه‌دې ویلي.

د افغانستان یوه خصوصي شرکت د لومړي ځل لپاره تاجکستان ته زراعتي ماشین الات صادر کړل. په ننګرهار کې جاوېد افغان شرکت وایي، ۱۲ ترېشر ماشینونه‌یې چې غنم له پروړې بېلوي، تاجکستان ته استولي دي. د دې شرکت رئیس او څښتن تور ملنګ شګیوال ازادي راډیو ته د چهارشنبې په ورځ وویل، هر ماشین ۲۰۰ زره افغانۍ پلورل شوی دی چې د سې شنبې په ورځ تاجکستان ته ورسېدل. ښاغلی شګیوال زیاتوي: "د دې ماشین الاتو ۷۵ په سلو کې خام مواد د افغانستان د داخل دي. موږ د اوسپنې د ویلي کېدو فابریکه لرو چې د دې ماشین الاتو پرزې جوړوي... Читать дальше...

د جورج فلوید ورور فیلونیس فلوید له ملګرو ملتونو وغوښتل چې د امریکا په متحده ایالاتو کې دې د پولیسو له لوري د تور پوستو د وژلو د پېښو او د سوله‌ییزو مظاهرو پر ضد د تشدد، بې‌پرې تحقیقات پيل کړي.

د ناټو عمومي منشي ینس سټولټنبرګ پرون د بلجیم له پلازمېنې بروکسل څخه د وېډيو کنفرانس له لارې وویل چې په افغانستان کې یې د پوځیانو شمېر له شااوخوا ۱۶ زرو نږدې ۱۲ زرو ته راکم کړی دی او دا بهیر به ادامه پيدا کړي.