Новости за 15.12.2020

د روسیې د بهرنیو چارو وزیر سرګي لاوروف په پام کې لري نن د بوسنیا هرزګوېنا د درې اړخیزې ادارې له ټولو درېیو استازو سره وګوري. نن بوسنیا ته د لاوروف دوهمه او وروستۍ ورځ ده. نوموړی به د دغو لیدنو ترڅنګ له خپل بوسنیایي سیال بیسرا تورکویچ سره هم وګوري او بیا به په یوه خبري غونډه کې برخه واخلي. د روسیې د بهرنیو چارو وزیر د هغې موافقې د کلیزې په مناسبت بوسنیا ته سفر کړی چې د ۱۹۹۵ کال د ډسمبر پر ۱۴مه لاسلیک شو او ورسره د دې هېواد څلور کلنې جګړې ختمې شوې. لاوروف ویلي چې د «Dayton» ډې ټون په نوم دا موافقه باید په هېڅ ډول بدله نه‌شي. Читать дальше...

د امریکا متحده ایالاتو انتخاباتي کالجونو د دې هېواد په وروستیو ولسمشرۍ انتخاباتو کې د جو بایډن بری رسماً تایید کړ.   وروسته له دې چې د کالیفورنیا ایالت ۵۵ رایې ډیموکراتانو وګټلې، د جو بایډن د الکټرول کالج رایې څه باندې ۲۷۰ ته ورسېدلې او دا هغه شمېره ده چې د ولسمشرۍ انتخاباتو ګټلو لپاره ورته اړتیا ده.   د امریکا اوسني ولسمشر ډونالد ټرمپ د انتخاباتي کالجونو ۲۳۲ رایې ګټلې دي.   د انتخاباتي کالجونو رأی ګیري یو اجرایي ګام دی، خو سږ کال له دې کبله ډېر د پام وړ وګرځېد چې ولسمشر ټرمپ په انتخاباتو کې خپله ناکامي ونه‌منله.

د کابل د والي مرستیال محبوب‌الله محبي نن په یوه چاودنه کې ووژل شو.  د افغانستان د کورنیو چارو وزارت وايي، د سې شنبې سهار ۰۹:۴۰ دقیقې د څلورم مکروریانو په سیمه کې د کابل د مرستیال والي پر لنډکروزر موټر مقناطیسي ماین چاودنه کړې چې په پایله کې یې محبوب‌الله محبي له خپل سکرټر سره وژل شوی دی.  دې وزارت په یوه خپره کړې خبرپاڼه کې لیکلي، په دې پېښه کې د ښاغلي محبي دوه تنه ساتونکي ټپیان شوي دي.  د افغانستان د کورنیو چارو وزارت دا کار د ترهګرو ډلو بللی، خو ښکاره‌یې پر کومې ډلې مسؤلیت نه‌دی وراچولی.... Читать дальше...

د ترکیې چارواکي وايي ۱۱ کسان‌یې د جاسوسۍ او د یوه ایراني جلاوطنه د نیولو په شک نیولي دي. د ترکیې پولیسو پرون وویل، د استخباراتي ادارې اجنټانو دغه ترکي وګړي دوه اوونۍ مخکې وروسته تر دې ونیول چې د حبیب چعب په نوم ایرانی جلاوطنه په استانبول کې لادرکه شو. چعب چې د (حرکت النضال یا د الاحواز د ازادۍ بخښونکي عربي غورځنګ) په نوم د یوې بېلتون‌پالې ډلې پخوانی مشر و، په سویډن کې ژوند کاوه او په اکټوبر میاشت کې ترکیې ته په سفر تللی و. د ترکیې پولیس وايي مشکوکو کسانو چعب په استانبول کې برمته کړی او بیا... Читать дальше...

د اپوزېسیون د یوه ژورنالېست د اعدام له کبله پر ایران پرون هم په نړیواله سطحه انتقادونه وشول. د روح‌الله زم په نوم د دغه ۴۷ کلن ژورنالېست انلاین کارونو په ۲۰۱۷م کال کې د حکومت ضد مظاهرو د پارېدلو له انګېزې سره مرسته کړې وه. د امریکا متحده ایالاتو د بهرنیو چارو وزیر مایک پومپیو د ایران دغه اقدام "غیر عادلانه" او "وحشیانه" وباله. دغه ژورنالېست چې په فرانسه کې په جلاوطنۍ کې اوسېده، تېر کال عراق ته د سفر پر مهال ونیول شو او بیا ایران ته وسپارل شو چې تېره شنبه پر ځمکه "د فساد خپرولو" په تور په دار وځړول شو. Читать дальше...

په قبایلي سیمه شمالي وزیرستان کې په لسګونو اوسېدونکو او فعالانو پرلت پیل کړ. دوی د تالاشۍ د عملیاتو پر مهال د یوه کس د وژل کېدو په اړه د څېړنې غوښتنه لري. د خیبر پښتونخوا په ملي اسامبلۍ کې د شمالي وزیرستان استازي میر کلام وزیر ازادي راډیو ته وویل: "موږ په میر علي چوک کې احتجاج جوړ کړی دی. هغه مړی مو هم راوړی دی. قهرجنه مظاهره ده. په خلکو کې ډېر غم او غوسه ده. دا په سیمه کې لومړنۍ او وروستۍ پېښه نه‌ده." میر کلام وزیر وايي، د امان‌الله په نوم دغه کس د یکشنبې په ورځ هغه وخت د امنیتي ځواکونو په... Читать дальше...

په ننګرهار کې ۹ کسان، د نشه‌یي توکو او وسلو د قاچاق په تور له یوه څخه تر څلورو کلونو بند محکوم شول. د والي ویاند عطا الله خوګیاڼي ازادي راډیو ته وویل، په پرونۍ محاکمه کې د مؤظف څارنوال ترڅنګ، د تورنو مدافع وکیلان او عامو خلکو ګډون کړی و. ښاغلی خوګیاڼی زیاتوي: "۹ تنه د نشه‌يي توکو او وسلو د قاچاقو په قضیه کې له یوه څخه تر څلورو کلونو پورې د تنفیذي بند په سزا او نقدي جریمې محکوم شول." قضايي هیئت ویلي چې د تورنو کسانو په اړه دا پرېکړه نهايي نه‌ده او دوی کولای شي د تمیز غوښتنه وکړي.

د افغانستان لپاره د اروپايي ټولنې ځانګړي استازي هیله وښوده چې په دوحه کې د مذاکرو وقفه به، په افغانستان کې جګړې او هدفي وژنې بندې کړي. رولاند کوبیا پرون ناوخته په یوه ټویټ کې وویل، که دا کار ونه‌شي، جنګ او خبرې به نه‌وي، بلکې یوازې به جنګ دوام پیدا کوي. ښاغلي کوبیا زیاته کړې، د تاوتریخوالي دوام، د افغانستان د سولې نوې غوړېدلې پروسه لا ستونزمنوي. که څه هم له مذاکرو درې میاشتې اوښتي، خو په افغانستان کې د جګړو شدت  ورسره کم شوی نه‌دی. ملګرو ملتونو د اکټوبر میاشتې پر ۲۷مه په یوه راپور کې وویل... Читать дальше...

د افغانستان سولې لپاره د واشنګټن ځانګړی استازی وایي، هیله‌من دی چې د سولې مذاکرې د جنورۍ پر پنځمه بېرته پیل شي. د دولت او طالبانو د مذاکره کوونکو ترمنځ په مذاکره کې د ۲۰ ورځو لپاره وقفه راغلې ده. زلمي خلیلزاد پرون په یوه ټویټ کې ویلي، په‌کار ده، په مذاکرو کې ځنډ رانه‌شي او هغسې چې موافقه شوې د جنورۍ پر پنځمه له سره پیل شي. د دولت مذاکره کوونکي هیئت ویلي، نن کابل ته رسېږي چې له سیاسي قشر او حکومتي مشرانو سره به د اصلي مذاکرو په اړه سلا مشوره وکړي. په قطر کې دغه مذاکرې د سپټمبر له ۱۲مې روانې... Читать дальше...

د افغانستان د سولې لپاره د واشنګټن ځانګړي استازي په افغانستان کې د جګړې پر دوام خواشیني وښوده. زلمي خلیلزاد ویلي، دې ته اړتیا ده چې سیاسي جوړجاړی وشي، تاوتریخوالی کم شي او اوربند وشي. زلمي خلیلزاد پرون ناوخته په ټویټر کې ولیکل: "له بده مرغه جګړه روانه ده. د یوه سیاسي جوړجاړي، د تاوتریخوالي کمولو او فوري اوربند ته اړتیا پر ځای پاتې ده." په قطر کې د دولت او طالبانو مذاکرې چې د سپټمبر له ۱۲مې روانې وې، د ۲۰ ورځو لپاره وقفه په‌کې راغلې او د دولت هیئت د نورو سلا مشورو لپاره نن کابل ته ستنېږي.... Читать дальше...