Новости за 20.12.2020

د بریتانیا صدراعظم سر له نن څخه په خپل هېواد کې د کرونا ویروس د خپرېدو د مخنیوي لپاره سخت بندیزونه اعلان کړل.  بورېس جانسون دا بندیزونه په داسې حال کې اعلان کړل چې په دغه هېواد کې د کرونا یوه نوي ډول چې ډېر ژر سرایت کوي، په اروپا کې د خطر زنګونه کړنګولي دي.  صدراعظم جانسون او بریتانیايي متخصصانو ویلي چې د کرونا دا نوی ډول تر لومړني هغه په سلو کې ۷۰ ډېر سرایت کوي.  دا ویروس لومړی پلا د سپټمبر په نیمايي کې د انګلستان یا انګلنډ په جنوب ختیځ کې څرګند شو او اوس په لندن کې ډېر دی.   د بریتانیا... Читать дальше...

د امریکا منتخب ولسمشر جو بایډن د انرژۍ او چاپېریال لپاره خپل ټیمونه څرګند کړل، ویې‌ویل چې دا ټیمونه به د اقلیم لپاره موجود ګواښ ته د ځواب ویلو لپاره د ده د حکومت د لوی پلان برخه وي.  بایډن د ډیلاوېر ایالت په مرکز ویلمینګټن کې یوې غونډې ته وویل، اقلیمي بدلون او چاپېریالي مسئلې به د ده په حکومت کې مرکزي ځای ولري.  ده خلکو ته په خطاب کې وویل، هماغه راز چې باید د کرونا په وړاندې ځواب ته یو موټی واوسي د اقلیمي بدلون په وړاندې ځواب ته هم یووالی په‌کار دی.  بایډن ویلي چې د امریکا متحده ایالات به بېرته د اقلیم په اړه د پاریس تړون ته وروګرځي.

د امریکا متحده ایالات غواړي چې په روسیه کې خپلې وروستۍ دوه پاتې قونسلګرۍ بندې کړي او یوازې په مسکو کې سفارت پرېږدي.  د متحده ایالاتو د بهرنیو چارو وزارت پرون (شنبه) دا پرېکړه په داسې حال کې تأیید کړه چې د امریکا او روسیې اړیکې په خرابېدو دي.  دغه وزارت وویل چې د روسیې د لیرې ختیځ په ویلادي واستوک او همداراز د دغه هېواد په څلورم ستر ښار یکاتیرین بورګ کې د خپلو قونسلګریو فعالیت دروي.  د بهرنیو چارو وزارت ویاند په یوه بیان کې ویلي چې د بهرنیو چارو وزیر مایک پومپیو په مسکو کې د سفیر جان سلیفان په مشوره پرېکړه وکړه چې دواړه قونسلګرۍ بندې کړي.

د امریکا ولسمشر په متحده ایالاتو کې وروستی سایبري برید او د هغه اغېز کم اهمیته وباله، خو په دې اړه‌یې شکونه پیدا کړل چې روسیه د دې برید تر شا ده او که نه.  ډونالد ټرمپ پرون پرخپله ټویټرپاڼه ولیکل "په جعلي رسنیو کې سایبري هک کول، تر ډېره له واقعیته لیرې وي".  هغه لیکلي، هره پېښه چې کېږي اول په‌کې د روسیې یادونه کېږي، خو په خبره‌یې دا احتمال هم شته چې د چین کار وي.  د ټرمپ دا خبرې چې ګواکې چین دې د دغه سایبري برید تر شا وي، د امریکا د بهرنیو چارو د وزیر مایک پومپیو او یو شمېر امریکایي قانون جوړوونکو له څرګندونو سره په مخالفت کې دي. Читать дальше...

بریتانیا کې د کرونا د مثبتو پېښو له زیاتېدو سره هم‌مهاله صدراعظم اعلان کړی چې د کرېسمس په تړاو راټولېدنې باید دوام ونه‌کړي.  بورېس جانسون پرون په یوه ټلوېزیوني وینا کې وویل، په لندن ښار او د دغه هېواد په یو شمېر نورو جنوبي سیمو کې باید هغه پلورنځي وتړل شي چې پرانیستل‌یې اړین نه‌دي.  ښاغلی جانسون زیاتوي: "موږ د دغې وبا پر مهال ویلي چې باید د پوهې په وسیله لارښوونه راته وشي، کله چې پوهه بدلون مومي، موږ باید خپل ځواب هم بدل کړو، کله چې ویروس د برید لاره بدلوي، موږ باید د دفاع لاره بدله کړو، زه ستاسو... Читать дальше...

د ارمنستان خلکو پرون د هغو کسانو لپاره درې ورځې ماتم اعلان کړ چې د نګورنو قره‌باغ پر سر د شپږو اوونیو اوږدې جګړه کې وژل شوي دي.  پرون د ارمنستان صدراعظم نیکول پاشینیان چې ماسک‌یې تړلی و، د هغو زرګونه کسانو په منځ کې ولیدل شو چې پلازمېنه ایروان کې راټول شوي وو.  پولیسو مظاهره‌چیان تیت او پرک کړل او له دې سره‌یې پاشنیان ته د ګډون لاره هواره کړه.  مظاهره‌چیانو هڅه کوله چې پاشینیان په هګیو وولي، خو امنیتي ځواکونه د هغه سپر شوي وو.  تېره ورځ ناوخته د ارمنستان د اپوزېسیون شاوخوا ۲۰ زرو پلویانو... Читать дальше...

د افغانستان د سولې لپاره د امریکا ځانګړي استازي یو ځل بیا د جګړې له ښکېلو خواو د تاوتریخوالي د کمولو او ژر تر ژره اوربند غوښتنه کړې ده.  زلمي خلیلزاد تېر ماخوستن په څو ټویټونو کې وویل، افغانان باید له نړیوالو سره په ګډه د ناچاودو مهماتو په وړاندې مبارزه وکړي چې د ماشومانو او لویانو ژوند وژغورل شي.  نوموړي د غزني په ګیلان ولسوالۍ کې د وړمې ورځې برید غندلی او ترهګریز عمل‌یې یاد کړی دی.  په افغانستان کې د ناټو مأموریت هم پرون په غزني کې شوې پېښه غندلې ده.  د بشري حقونو خپلواک کمېسیون ویلي، په... Читать дальше...

د بلخ ولایت په بلخ ولسوالۍ کې ۴ ملکیان د ماین په چاودنه کې وژل شوي دي.  د کورنیو چارو وزارت ویاند طارق ارین وایي، چاودنه پرون ماښام د بلخ ولسوالۍ پر لویه لاره د یوه خښ شوي ماین له کبله شوې.  ارین وایي، ماین هغه مهال وچاودېد چې د ملکیانو کرولا موټر پرې وخوت.  په یوه بل امنیتي خبر کې په ګردېز کې د نامعلومه کسانو په ډزو کې یوه مېرمن او دوه نارینه وژل شوي دي.  د پکتیا د پولیسو ویاند حیات‌الله نظامي وایي، وسله‌والو تېر ماښام لومړی د وژل شویو کسانو له موټر سره خپل موټر جنګولی او بیا یې ډزې پرې کړې دي. Читать дальше...

د افغانستان د پوهنې وزارت وایي، دوی د څلور زره ټولګیو د جوړولو په برخه کې د یونېسف او طالبانو په نوې هوکړه کې شامل نه‌دي.  د دغې هوکړې خبره په کابل کې د یونېسف چارواکو ازادي راډیو ته وکړه او ویې‌ویل په دې هدف‌یې دوه کاله له طالبانو سره خبرې کړې دي.  د ملګرو ملتونو د ماشومانو د ملاتړ اداره یا یونېسف وایي، دا څلور زره ټولګي (چې ښوونځي نه‌دي) هغو سیمو کې جوړېږي چې ماشومان په‌کې له زده‌کړو بې‌برخې دي.  د افغانستان د پوهنې وزارت ویانده نجیبه ارین وایي، دوی تړون کې شامل نه‌دي، خو په خبره‌یې له یونېسف سره د یوې جلا برنامې له مخې دغه ټولګي څاري. Читать дальше...

ملګري ملتونه وایي، راتلونکي ۲۰۲۱ کال کې به د هغو افغانانو شمېر زیات شي چې خوراکي توکو او نورو بشري مرستو ته اړتیا لري. دا سازمان د افغانستان اوسنی نفوس شااوخوا ۴۰ ملیونه ښيي او وایي، دې ډله کې نږدې نیمایي بشري مرستو او لاسنیوي ته اړتیا لري.  د دغه سازمان دبشري مرستو همغږې کوونکې اداره (اوچا) وایي، افغانستان د نړۍ په کچه دوهم هېواد دی چې ډېر وګړي یې د خوړو د نه‌خوندیتوب له ګواښ سره مخامخ دي.  اوچا د ۲۰۲۱ کال په ارزونه کې ویلي، اوس‌مهال څه باندې ۱۶ ملیونه افغانان بشري مرستو ته اړتیا لري او... Читать дальше...

د پاکستان په کراچۍ ښار کې د ترهګرۍ ضد محکمې پرون د ډسمبر په ۱۹مه د پارلمان د غړي او د پښتون ژغورنې غورځنګ د یوه مشر علي وزیر د توقیف موده ۱۱ نورو ورځو ته وغځوله.  علي وزیر چې د پارلمان غړی هم دی د مظاهرو په پارونه او د دولت پر ضد څرګندونو باندې تورن شوی دی.  نوموړی پرون شنبه په الوتکه کې د پاکستان له پېښور ښاره کراچۍ ته ولېږدول شو.  د نوموړي پر ضد له وړاندې په کراچۍ کې دوسیه پرانيستل شوې وه او د ډسمبر په ۱۶مه پېښور کې ونیول شو.  په دغې دوسیه کې ادعا شوې چې علي وزیر ۱۰ ورځې وړاندې د پاکستان... Читать дальше...