Новости за 01.04.2021

له افغانستانه د ټولو امریکایي سرتېرو د وتلو هغه ضرب الاجل ته په ور نژدې کېدو چې د امریکا او طالبانو ترمنځ د تېر کال د دوحې د تړون له مخې د مې لومړۍ نېټه ټاکل شوی، طالبانو یو ځل بیا له واشنګټنه غوښتي چې دغه تړون بشپړ عملي کړي.   دا خبره په دوحه کې د طالبانو د سیاسي دفتر ویاند محمد نعیم تېره شپه ازادي راډیو ته وکړه او ویې ویل: "په هغه کتنه چې د سې شنبې په ورځ زموږ د دفتر مشر ملا عبدالغني برادر د افغانستان د سولې لپاره د امریکا له ځانګړي استازي زلمي خلیلزاد سره درلوده، زموږ لوري پر دې ټینګار وکړ چې... Читать дальше...

د هرات چارواکي تېره شپه پر شینډنډ ولسوالۍ د طالبانو په یوه برید کې د دوو سرتیرو د وژلو او یو شمېر نورو د ټپي کېدو خبر ورکوي.  د هرات والي عبدالوحید قتالي تیره شپه ناوخته خبریالانو ته وویل، دوه سرتیري په هغه موټر بم چاودنه کې وژل شوي او یو شمېر نور ټپیان شوي چې د دې ولسوالۍ د امنیې قوماندانۍ او د ملي امنیت د ودانیو ترمنځ وشوه. د هرات والي وویل، سیمې ته د نویو ځانګړو ځواکونو په رسېدو سره برید کوونکي په شا وتمبول شول او د ولسوالۍ بشپړ امنیت خوندي شوی دی. خو یوې بلې امنیتي سرچینې د خپل نوم نه ښودلو... Читать дальше...

د ننګرهار ولایت مرکز جلال اباد ښار کې ناپېژاندو وسله والو یوه ښځه په ډزو وژلې ده. د ننګرهار د امنیه قوماندانۍ ویاند فرید ازادي راډیو ته تایید کړه چې نن پنجشنبه (د وري ۱۲مه) سهار شااوخوا ۷ بجې ناپېژاندو وسله والو د جلال اباد ښار څلورمې حوزې مربوطاتو کې يوه ښځه په ډزو وژلې ده. فرید خان که څه هم د وژل شوې ښځې د هویت په اړه څه ونه ویل خو وایي، د پېښې په تړاو یې دوه مشکوک کسان نیولي او تر څېړنو لاندې دي. دا په روانه اوونۍ کې پر ښخو دوهم برید دی چې په جلال اباد کې ترسره کېږي. وړمه ورځ هم په دوو... Читать дальше...

د کمال خان بند د پرانېستې په ویاړ نن پنجشنبه (د وري ۱۲مه) په کندهار کې د کرکټ ۲۰ اووره مسابقه کېږي.  د کرکټ بورډ په خبره په دې مسابقه کې د افغانستان د کرکټ تکړه لوبغاړي په دوو لوبډلو کې سره مخامخېږي.  د دې بورډ ویاند فرید هوتک نن پنجشنبه ازادي راډیو ته وویل: "د کرکټ د اتلانو له لوري په لوی کندهار کې نن د کمال خان بند د پرانېستې په ویاړ یوه شل اووریزه لوبه کېږي. د ویلو ده چې د لوبو دغه لړۍ له کابله پیل شوه او تر کندهاره راورسېده."  د کرکټ بورډ په خبره په راتلونکي کې به دغه لوبې په نورو ولایتونو کې هم وشي.

د ملي اردو تندر قول اردو د خپل یوه درستیزوال د قاتلانو د مجازاتو خبرداری ورکړ.  د ۲۰۳ تندر قول اردو د دوهمې سرحدي لوا درستیزوال، ډګروال فریدون فیاض چې پرون چهارشنبې (د وري ۱۱مه) له کابله پکتیا ته پر لار و په لوګر کې د وسله وال برید له کبله ووژل شو.  د تندر قل اردو ویاند ایمل خان مهمند تېره شپه ازادي راډيو ته وویل چې د دوی ځواکونه به د پېښې غچ واخلي: "ډاډ ورکوو او ژمنه کوو چې د خپل همسنګري شهید ورور د وژنې عاملین به د خپلو اعمالو په سزا ورسوو، زموږ ځواکونه به عاملینو ته سخته سزا ورکړي او د دې... Читать дальше...

د افغانستان دفاع وزارت وایي چې یوې هليکوپټرې یې د هلمند په نهر سراج ولسوالۍ کې بیړنۍ ناسته کړې ده.  دغه وزارت په یوه خبرپاڼه کې ویلي چې د پوځ (بلک هاک) څرخي الوتکه پرون چهارشنه (د وري ۱۱مه) ماښام د تخنیکي ستونزو له کبله بېړنۍ ناستې ته اړه شوه  چې چاته په کې زیان نه دی رسیدلی.  د هلمند د ولایتي شورا مشر عطاالله افغان بیا ازادي راډیو ته وویل چې پېښه کې لږ تر لږه درې تنه سرتیري وژل شوي دي: "زموږ د معلوماتو پر اساس د هلمند په شوراب نظامي اډه کې هليکوپټرې سقوط کړی چې په نتیجه کې يې درې تنه سربازان... Читать дальше...

د پاکستان صدر اعظم عمران خان پرون چهارشنبه (د وري ۱۱مه) د سراسري ټولبند یا قرنطین لګول رد کړل، خو وې منله چې هېواد یې دا مهال د کرونا له درېیمې څپې سره لاس او ګریوان دی.  خان د همږغۍ ملي کمېټې ته وویل، دوی باید د کرونا ویروس د مخنیوي او د پاکستان اقتصاد او دغه راز بې وزلو خلکو ته ته د زیان نه رسېدو ترمنځ یو متوازن چلند خپل کړي.    د پاکستان حکومت په پام کې لري، هغه څه ته چې ځیرک محدودیتونه بلل شوي مخه کړي او له مخې به یې د کرونا ویروس د کابو کولو لپاره پر وړو سیمو د لنډې مودې لپاره محدودیتونه ولګول شي. Читать дальше...

له افغانستانه د امریکایي ځواکونو د وتلو مهلت ته ټېک یوه میاشت پاتې ده، خو د امریکایي مشرانو له څرګندونو ښکاري چې دې وخته پورې وتل ورته امکان نه لري. تازه طالبانو د امریکا له ځانګړي استازي زلمي خلیلزاد سره د کتنو پر مهال یو ځل بیا ټینګار کړی چې واشنګټن باید د ځواکونو د وتلو په برخه کې د دوحې د تړون دا ژمنه عملي کړي. د طالبانو د سیاسي دفتر د مشر ملا عبدالغني برادر په ګډون د طالب استازو او زلمي خلیلزاد دا لیده کاتې د سې شنبې (د وري ۱۰) په ماښام شوي، خو جزئیات پرون ناوخته خپاره شول. د طالبانو... Читать дальше...

د اندونیزیا پولیس وايي، یو مشکوک کس یې وژلی چې د اسلامي دولت ډلې یا داعش نظریات یې لرل.  د پولیسو په خبره دغه مشکوک کس پرون چهارشنبه (د وري ۱۱مه) د پلازمېنې جاکارتا د پولیس په ملي مرکز کې د ډزو په تبادله کې ووژل شو.  د پولیسو مشر لیستیون سیګیت پرابوو وايي، دغه ۲۵ کلن حمله کوونکي، تر دې پېښې مخکې په خپله ټولنیزه شبکه کې د داعش د بیرغ عکس خپور کړی و.  په دې پېښه کې د نورې احتمالي مرګ ژوبلې جزئیات ښايي وروسته خپاره شي. پولیسو له وړاندې په اندونیزیا کې چې د نړۍ په سطحه د مسلمانانو لوی اکثریت په کې دی، د ترورېزم ضد خبرداری خپور کړی دی. Читать дальше...

د اوکراین چارواکي وايي، دوی به په پلازمېنه کییف کې له را روانې دوشنبې ښوونځي او وړکتونونه وتړي او پر عامه ټرانسپورټ به محدودیتونه وضع کړي.  دا اقدامات په داسې حال کې کېږي چې په کییف کې د کرونا ویروس مثبتې پېښې او په دې ویروس د مړینو شمېر په ډراماتیکه توګه په زیاتېدو دی.   د کییف ښاروال ویتالي کلیچکو پرون چهارشنبه(د وري ۱۱مه)  وویل، موږ به انتخاب نه لرو. که نه هره ورځ به په سلګونو کسان ومري.  د ښاروال په خبره هغه روغتونونه چې په کووېډ-۱۹ ناروغۍ د اخته ناروغانو لپاره ځانګړي شوي ۹۰ فیصده په ناروغانو ډک دي. Читать дальше...

د کرملین زنداني شوی منتقد الکسي ناوالنۍ پرون چهارشنبه (د وري ۱۱مه) د نه خوړلو اعتصاب پیل کړ.   ده ویلي، تر هغو چې د ملا د درد او د پښو د بې سده کېدلو مناسبه روغتیايي درملنه یې نه وي شوې، دغه اعتصاب به یې دوام لري.  ناوالنۍ د انسټاګرام په یوه پوست کې چې د ده مدافع وکیل خپور کړی، ویلي: "ما د لوږې اعتصاب اعلان وکړ، غواړم د قانون له مخې یو ډاکټر ولرم چې زما د کتنې زمینه ورته برابره شي." ۴۴ کلن ناوالنۍ د مسکو د سل کیلومترۍ کې په دوهم نمبر اصلاحي مرکز کې شپې ورځې سبا کوي.   دا په روسیه کې یو له هغو زندانونو دی چې ډېر سخت قوانینن یې دي. Читать дальше...