Новости за 02.04.2021

په هرات او پنجشير ولايتونو کې نژدې څلوېښت کيلوګرامه چرس د قاچاق کېدو پر مهال ونيول شول. د هرات د امنيې قوماندانۍ وياند عبدالاحد ولي زاده ازادي راډيو ته وويل، یو تن چې غوښتل يې ۳۰ کيلوګرامه چرس هرات ښار ته قاچاق کړي، پولیسو د موټرو د تلاشۍ پر مهال ونيو او تر لومړیو څېړنو وروسته يې عدلي او قضايي ادارو ته معرفي کړ. په دوهم ګام کې يو تن چې غوښتل يې ۱۷ کيلوګرامه چرس په يوه موټر کې له پنجشېر ولايت څخه کابل ته قاچاق کړي، پولیسو له نشه يي موادو سره یو ځای ونیو.

په کندهار کې په لومړي ځل د ملي لوبغاړو ترمنځ د کرکټ شل اوورېزه لوبه ترسره شوه چې نندارې ته یې په زرګونه کسان راغلې وو. دغه لوبه د پنجشنبې (د وري ۱۲مه) په ورځ د کمال خان بند د پرانېستې په ویاړ د ملي او ځوانو لوبغاړو څخه د جوړ شوېو دوو لوبډلو 'کمال خان بند جوړونکي او کمال خان بند ساتونکي' ترمنځ ترسره شوه. ددې راپور انځوریزه بڼه دلته کتلی شئ:

په کندهار کې په لومړي ځل د ملي لوبغاړو ترمنځ د کرکټ شل اوورېزه لوبه ترسره شوه چې نندارې ته یې په زرګونه کسان راغلې وو. دغه لوبه د پنجشنبې (د وري ۱۲مه) په ورځ د کمال خان بند د پرانېستې په ویاړ د ملي او ځوانو لوبغاړو څخه د جوړ شوېو دوو لوبډلو 'کمال خان بند جوړونکي او کمال خان بند ساتونکي' ترمنځ ترسره شوه. په دې اړه پام وکړئ یوه تفصیلي راپور ته، د اورېدو لپاره یې لاندې لېنک کېکاږئ:

په ننګرهار ولایت کې د نشه يي موادو يوه فابريکه ويجاړه شوه. له نشه يي توکو سره د مبارزې ځانګړو پولیسو د وري میاشتې پر ۱۱مه نېټه د هوايي ځواکونو په همکارۍ د ننګرهار ولايت په خوګياڼو ولسوالۍ کې عمليات وکړل چې په نتيجه کې يې د هيروئینو يوه کارخونه تخريب شوه. د کورنيو چارو وزارت وياند طارق ارین ازادي راډيو ته وويل چې له دې کارخونې ۲۵۷۵ کيلو ګرامه تارياک، ۲۴۰ لېټره مورفين، سل کيلو ګرامه کېمياوي مواد او نور هغه وسايل تر لاسه شول چې د هيروئينو په جوړولو کې کار ځینې اخېستل کېده.   دا نشه يي او کېمياوي... Читать дальше...

د پکتیا امنیتي چارواکي وايي، پولیسو د وسلو د یوې ډېپو د له منځه وړلو سربېره هغه چرس هم نیولي چې وسله والو طالبانو غوښتل له کرښې یې هغې غاړې ته د پلور لپاره واړوي او په پیسو یې وسلې راونیسي. د پکتیا د پولیسو ویاند محمد لعل امیري ازادي راډیو ته وویل چې ۲۰۵ کیلوګرامه دغه چرس یې د پنجشبې (د وري ۱۲مه) په ورځ د دې ولایت څمکنیو ولسوالۍ کې له یوه موټر سره یو ځای نیولي او په تړاو یې دوه شکمن کسان هم نیول شوي دي. امیري زیاتوي، د پکتیا څمکنیو ولسوالۍ کې د یو لړ عملیاتو په ترڅ کې یې د وسله والو طالبانو د... Читать дальше...

د غور د والي ۵ ساتونکي او په دغه ولایت کې د ملي ټلوېزیون یو کمره مین پرون پنجشنبه (د وري ۱۲مه) ماښام ناوخته په یوه برید کې ټپیان شول. د غور والي عبدالظاهر فیض زاده، ازادي راډیو ته وویل، پرون د امنیتي پوستو د څارلو لپاره د فېروزکوه ښار لویدیځ ته تللي و چې طالبانو پرې غلچکی برید وکړ او په نتیجه کې یې د ده ۵ ساتونکي او د غور د ملي ټلوېزیون کمره مین ژوبل شول. د غور د والي په وینا په دې برید کې ۱۵ طالبان وژل شوي او ۱۲ نور ژوبل شوي دي. د غور والي وايي چې دې نښته کې د ده موټر او یو رېنجر ویجاړ شوي دي. Читать дальше...

د افغانستان د فوټبال د اتلانو لیګ د دوهم پړاو د سیالیو په دوام کې نن جمعه (د وري ۱۳مه) د فاریاب خراسان او د تخار د ساحل څپه لوبډلې مخامخ کېږي.  د دې سیالۍ په اړه چې په مزارشریف ښار کې کېږي، د فوټبال د فدراسیون ویاند فیروز مشعوف ازادي راډیو ته وویل: "​نن په بلخ کې مسابقه کېږي او په دې لسمه مسابقه کې د فاریاب خراسان او د تخار د ساحل څپه لوبډلې مخامخ کېږي."  د دې سیالیو درېیم پړاو به په هرات کې وي.

نړیوال بانک د افغان نجونو د زده کړو لپاره ۲۵ میلیونه ډالره مرسته اعلان کړه.  نړیوال بانک دا مرسته پرون پنجشنبه(د وري ۱۲مه) په داسې حال کې اعلان کړه چې په افغانستان کې د ناامنیو له کبله د نجونو ګڼ شمېر ښوونځی بند شوي دي.  نړیوال بانک په یوه بیان کې ویلي، دا پیسې یې د نجونو د لومړنیو او ابتداییه زده کړو لپاره تصویب کړي دي.  په دغو پیسو به ۱۰۰ ښوونځیو ته ودانۍ جوړې او دغه راز به د نجونو لپاره د زده کړو شرایط چمتو شي.  په افغانستان کې شااوخوا درې نیم میلیونه ماشومان له زده کړو بې برخې دي چې لویه برخه یې د نجونو ده.

افغانستان او پاکستان پرون پنجشنبه (د وري ۱۲مه) د دوو هېوادونو د ۲۰۱۰ میلادي کال ټرانزیټي موافقه د درېيو میاشتو لپاره تمدید کړه.  د افغانستان د سوداګرۍ وزیر نثاراحمد غوریاني په کابل کې او د پاکستان د صدراعظم د سوداګرۍ او پانګونې د چارو سلاکار عبدالرزاق داوود په اسلام اباد کې دا موافقه په انلاین غونډو کې لاسلیک کړه.  د دواړو هېوادونو د سفارتونو استازي هم په دې مراسمو کې حاضر وو.  افغانستان او پاکستان د یو بل ټرانزیټي لارو ته سخته اړتیا لري.  پاکستان د افغانستان له لارې منځنۍ اسیا ته او افغانستان... Читать дальше...

د افغانستان د حج او اوقاف وزارت وايي، تر اوسه پورې د حج د مراسمو په اړه پرېکړه نه ده شوې.  د دې وزارت ویاند او د نشریاتو رئیس فضل محمد حسیني ازادي راډیو وویل، د دې لپاره چې سعودي عربستان خپله پرېکړه نه ده اعلان کړې، دا وزارت هم تردې دمه په دې باب چې زیارتوال به ولیږي او که ونه لېږي؟ څه نه شي ویلی.  ښاغلي حسیني وویل، د حج د پروسې د ښه تنظیم لپاره د سعودي عربستان له لوري هر کال له ټولو هېوادونو رسمي پلاوي غوښتل کېږي چې د سعودي د حج له وزارت سره ځینې موافقې لاسلیک کړي خو تر اوسه سعودي په دې تړاو هېڅ راز اړیکه نه ده نیولې. Читать дальше...

د چک جمهوریت د برنو سیمه ییزې محکمې یو سړی په دې خاطر په ۶ کاله بند محکوم کړ چې په نیوزیلنډ کې یې پر جوماتونو د ۲۰۱۹ کال حمله ستایلې وه.  محکمې ویلي چې دغه کس په یوه انلاین بحث کې په نیوزیلنډ کې د مسلمانانو پر دوو جوماتونو د حملې دفاع کړې وه او په دې توګه یې د ترورېزم د ترویج هڅه کړې ده.  د ۲۰۱۹ په مارچ کې یوه ښي اړخي اسټرالیايي سختدریځي د نیوزیلنډ په کریست چرچ ښار کې پر دوو جوماتونو حمله وکړه او ۵۰ تنه ماشومان، ښځې او سړي یې ووژل.

د امریکا د کانګرس څلور غړیو له ګوګل، ټویټر او فیسبوک څخه غوښتي چې د ماشومانو پر ذهني روغتیا د دغو ټولنیزو شبکو د اغېزو په اړه څېړنه وکړي.  د کانګرس دغو څلور جمهوریپال غړیو وروسته له دې دا غوښتنه وکړه چې تردې څو ورځې وړاندې د کانګرس د انرژۍ او سوداګرۍ کمېټو د فیسبوک، ګوګل او ټویټر له اجرايي رئیسانو څخه په یوه استماعیه غونډه کې پوښتنې وکړې.  د کانګرس غړیو د نړۍ له دغو سترو شرکتونو وغوښتل چې د روان اپریل تر ۱۶مې نېټې پورې د ماشومانو پر روحي او ذهني روغتیا د اغېز په اړه دوی ته ځواب ووايي.

'د ماشومانو د ژغورنې' مرستندویه ډله وايي، په میانمار یا برما کې د فبرورۍ د میاشتې له کودتا راپه دې خوا پوځ لږ تر لږه ۴۳ ماشومان وژلي دي.  دې ډلې همدا راز ویلي، د میانمار حالات وحشتناکه دی.  د بشري حقونو د موسسو په وینا په میانمار کې د ناکراریو له پیله تراوسه پورې ۵۳۶ تنه وژل شوي دي.  له بلې خوا د میانمار لېرې کړای شوې مشره انګ سان سوچي او د هغې د کابینې درې وزیران د میانمار د دولتي اسرارو د قانون په سرغړونې تورن شوي دي.

د روغتیا نړیوال سازمان د روژې په میاشت کې په منځني ختیځ کې د کرونا ویروس په خپرېدو کې د زیاتوالي پر وړاندې خبرداری ورکړ.  د روغتیا د نړیوالې ادارې د ختیځې مدیترانې د سیمې مسوول احمد المَنزاري خبردای ورکړ چې د دې سیمې په ۱۴ هېوادونو کې حاضر دمه د کرونا پېښې او ورڅخه مړینې په زیاتېدو دي.  ده پرون په یوه خبري غونډه کې همدا راز وویل، حالات ښه شوي نه دي او په ډېرو هېوادونو کې وضعیت د خرابېدو لور ته روان دی.  مصر او په متحده عربي اماراتو کې دُبۍ اعلان کړی چې د روژې په میاشت کې به د ثواب لپاره مېلمستیاوې منع وي. Читать дальше...

د افغانستان د بشري حقونو خپلواک کمېسیون په هېواد کې پر هدفي وژنو اندېښنه ښيي. د دغه کمېسیون د نشریاتو او ارتباطاتو د برخې رئيس ذبیح الله فرهنګ ازادي راډیو ته وویل، په کار ده چې نړیواله ټولنه اقدام وکړي. ښاغلي فرهنګ زیاته کړه: "د ۲۰۲۱ میلادي کال له پیله تر اوسه افغانستان کې ۱۴ ښځې په هدفي بریدونو کې وژل شوي او ۲۲ نورې ژوبلې شوي دي. دې نهیلوونکي حالت ته په کتو موږ له نړیوالو همکارانو په تېره بیا له ملګرو ملتونو غواړو چې د تاوتریخوالي د کمېدو او د اوربند لپاره پر طالبانو او حکومت له خپل نفوذه کار... Читать дальше...

د روغتیا نړیوال سازمان په اروپايي هېوادونو کې د کرونا ضد واکسیناسیون پر ورو والي انتقاد وکړ او په دې لویه وچه کې یې د کرونا د پېښو پر زیاتوالي اندېښنه ښکاره کړه.  په اروپا کې د روغتیا د نړیوال سازمان رئیس هانس ګلوکې پرون پنجشنبه(د وري ۱۲مه) وویل چې په اوسني ډول د کرونا واکسین د ورکولو ټکنۍ پروسه د نه منلو ده.  ده په عین حال کې د کرونا ضد واکسین په تولید کې د زیاتوالي او په اروپا کې د واکسیناسیون پر وړاندې د خنډونو د لېرې کېدو غوښتنه وکړه.  د روغتیا د نړیوال سازمان له اټکل سره سم، راتلونکې میاشتې... Читать дальше...