Новости за 11.04.2021

له درې میلیونو ډېر افغان ماشومان له ګوزڼ ضد واکسین بې برخې دي افغانستان تېره اوونۍ د پولیو ضد واکسین د کمپاین شاهد و، خو د عامې روغتیا وزارت وايي چې ښایي له درې میلیونو څخه ډېر ماشومان د بېلابېلو دلایلو په ځانګړي ډول ناامنۍ له واکسین کولو پاتې شي. طالبانو ویلي چې دوی به اجازه ورنه کړي چې واکسین د دوی تر کنټرول لاندې سیمو کې ورکړل شي. د پولیو واکسین کمپاین پرمهال په ننګرهار کې د ښځینه کمپاین درې کار کوونکې ووژل شوې، خو طالبانو د دې وژنې مسؤلیت نه دی منلی. بشپړ ویډیويي راپور دلته د دې لېنک له لارې وګورئ... Читать дальше...

د کندز امنیتي چارواکي وايي، تېر کال يې دغه ولایت کې ۵۶۹ تنه د بېلابېلو جرمونو په تړاو نیولي او عدلي او قضايي ارګانونو ته یې سپارلي دي. دا خبر په داسې حال کې ورکړل شوی چې له څو کلونو راهیسې دغه ولایت د انسان تښتونو، هدفي وژنو، وسله والو غلاوو او د نورو جنايي جرمونو شاهد دی او دې مسئلې د خلکو انديښنې ډېرې کړي. د کندز اوسېدونکي د پولیسو د دې اقدام هرکلی کوي او ټېنګار کوي چې پر نیول شوېو مجرمانو باید قانون عملي شي چې بیا جرمونو ته مخه نه کړي. ۴۰ کلن رحمت الله ازادي راډیو وویل: "دا د خوشحالی ځای دی چې دولت فعاله شوی، څو دغه کسان ونیسي. Читать дальше...

د پکتیا اوسېدونکي او د ښځو د برخې فعالانې له افغان حکومت غوښتنه کوي چې د خلکو د اسانتیاوو په خاطر دې، د دې ولایت په ولسوالیو کې هم د برېښنايي پېژندپاڼو د وېش مرکزونه فعال کړي. دوی د پېژندپاڼو د ارزښت په اړه د خلکو په ځانګړي ډول د ښځو د پوهاوي ټیټه کچه هم یوه ستونزه ګڼي او وايي، اړوندې ادارې دې دې برخه کې خلکو ته هر اړخېز پوهاوی ورکړي. بل لوري ته د پکتیا چارواکي په ولسوالیو کې د برېښنايي پېژندپاڼو د مرکزونو د نشتون ستونزه مني او وايي، نږدې راتلونکې کې به د دې ولایت په یو شمېر لېرو پرتو ولسوالیو کې د برېښنايي تذکرو مرکزونه جوړ شي. Читать дальше...

د غزني ولایت چارواکي په دغه ولایت کې د اتلس جامع جوماتونو د جوړولو خبر ورکوي.  د غزني د والي ویاند واحدالله جمعه زاده ازادي راډیو ته وویل، تېره ورځ له مرکز کابله په دې موخه یو پلاوی راغلی وو، څو د دغه جوماتونو د جوړولو لپاره زمینه برابره کړي.   نوموړي وویل، راغلي پلاوي په غزني کې له سیمه ییزو چارواکو سره د جمهوري ریاست د ملي پراختیا عملیاتي ادارې له روانو پروژو، په ځانګړي ډول په ښار او ۱۸ ولسوالیو کې د جوړېدونکو جوماتونو په اړه بحث او خبرې وکړې.  د ښاغلي جمعه زاده په خبره، د ليدنې پر مهال... Читать дальше...

کابل چاپ نننیو ورځپانو له افغان چارواکو سره د زلمي خلیلزاد د کتنې، استانبول ناستې او د سولې د بهیر په وروستیو هڅو او پرمختګونو  لیکنې او تبصرې  خپرې کړي دي. مسیر مسیر ورځپاڼې لیکلي، واک ته د جوبایډن له رسېدو وروسته د خلیلزاد تر ټولو مهم ماموریت دا دی چې افغان اړخونه په لویه غونډه کې را ټول او توافق ته یې ورسوي.  د لیکوال په باور امریکا هڅه کوله د استانبول ناسته ژر وشي چې وروستۍ نېټه د اپرېل په ۱۶مه وټاکل شوه، خو اوس داسې ښکاري چې په همدې نېټه ناسته نه کېږي، خو خلیلزاد هڅه کوي چې په چټکۍ سره... Читать дальше...

بېزنس سټنډرډ بېزنس سټنډرډ ورځپاڼې د سپيې ماڼۍ په قول لیکلي چې ولسمشر جو بایډن غواړي د افغانستان جګړه په مسؤلانه ډول پای ته ورسوي.  د دې ورځپاڼې له مخې بایډن غواړي چې دا یقیني شي چې افغانستان به بیا هېڅکله د ترورېستانو پر ځالې نه بدلېږي او له دې هېواده به پر امریکا او متحدانو یې د تروریستي حملو لپاره کار نه اخېستل کېږي.  ورځپاڼې د سپینې ماڼۍ د ویاند جین ساکي په قول لیکلي چې ولسمشر بایډن په دې اړه پرېکړه په نړۍ کې د خپلو شریکانو په مشوره او د خپل ملي امنیت د ټیم په سپارښتنه په داسې ډول کوي چې د دوی ملي ګټې په کې خوندي شي. Читать дальше...

په هرات ولایت کې دوه مهمې لارې د هرات- اسلام کلا او هرات- تورغونډۍ لارې پرون بېرته پرانېستل شوې. دغه لارې له یوې اوونۍ راهیسې د هغو کسانو د تحصن له کبله تړل شوې وې چې د اسلام کلا ګمرک په وروستۍ اورلګېدنه کې زیانمن شوي دي. د هرات والي ویاند، جېلاني فرهاد پرون شنبه (د وري ۲۱مه) ازادي راډیو ته وویل: "د هرات- اسلام کلا او هرات- کندهار ترمنځ د لویو لارو فعالیت له سره پیل شو. د پارلمان او مالیې وزارت د پلاوي تر سفر او د هرات ولایت چارواکو تر خبرو وروسته دغه اعتصاب او تحصن پای ته ورسېد." د والي ویاند... Читать дальше...

سر له سبا دوشنبه)د وري ۲۳مه) د تورخم ښارګوټي له لارې په قاچاقي ډول د پنډو یا وړو بارونو وړل راوړل منع کېږي. د ننګرهار د والي ویاند عطا الله خوږیاڼي پرون شنبه (د وري ۲۱مه) ازادي راډیو ته وویل، دغه پرېکړه مسافرو ته د اسانتیا برابرولو په هدف شوې ده: "ننګرهار  والي د تورخم ښار ګوټي له ځینو مسوولانو او سوداګرو سره د غونډې پر مهال پرېکړه وکړه چې له دوشنبې به د تورخم ښارګوټي له لارې هېڅ ډول ګنډې وړونکي تګ راتګ ونه کړي. هغه کسان چې سرغونه کوي، توکي یې ضبطېږي او قانوني چلند ورسره کېږي." د ننګرهار والي... Читать дальше...

د افغانستان د عامې روغتیا وزارت وايي، د ملګرو ملتونو په مرسته له طالبانو سره خبرې روانې دي چې کور پر کور د ګوزڼ ضد واکسین لګولو کمپاین ته اجازه ورکړي. دغه وزارت کې د ګوزڼ د له منځه وړلو پروګرام د عامه اړیکو مشر میرجان راسخ ازادي راډیو ته وویل:"له وسله والو طالبانو سره زموږ د خبرو لړۍ جاري ده. څو هغوی په دې قانع کړو چې تر خپلې ولکې لاندې سیمو کې کور پر کور د واکسین کمپاین ته اجازه ورکړي. البته دغه لړۍ د ملګرو ملتونو ادارو او په سیمو کې زموږ د ټولنې د مخورو، مشرانو او دیني عالمانو له خوا روانه ده."... Читать дальше...

د ایران ولسمشر پرون شنبه (د وري ۲۱مه) یو وار بیا د اټمي وسلو د نه پراختیا په برخه کې د تهران پر ژمنو ټینګار وکړ. حسن روحاني د اټمي ټکنالوژۍ ملي ورځې په مناسبت د نطنز په نوم اټمي تأسیساتو کې د پرمختللو سنټرفیوژونو د فعالیت د پیل پر مهال دا خبره وکړه. په هغه راپور کې چې د ایران له دولتي ټلوېزیون څخه په ژوندۍ بڼه خپرېده لیدل کېدل چې ولسمشر حسن روحاني دغو پرمختللو سنټرفیوژونو ته د یورانیم ګازو د پېچکارۍ او د IR-9 دستګاوو د تخنیکي ازموینې امر ورکوي. د ایران دولتي ټلوېزیون اعلان وکړ چې دغو مراسمو... Читать дальше...

د چین یو چارواکی وايي، دغه هېواد کې به د روان ۲۰۲۱میلادي کال تر پایه د کرونا ضد واکسین د تولید شوېو ډوزو شمېر له ۳ میلیارده واوړي. د چین د روغتیا ملي کمېسیون یوه چارواکي ژینګ ژونګوۍ چې د کرونا ضد واکسین د پرمختیايي پروژو مشري هم کوي، پرون شنبه (د وري ۲۱مه) د چین په سیچوان ولایت کې د یوې غونډې پرمهال وکړې. د پاکستان په ګډون د نړۍ په ځینو هېوادونو کې په چین کې د کرونا ضد د جوړ شوي واکسین لګولو ته اجازه ورکړل شوې ده.

شهزاده چارلز وايي، شاهي کورنۍ د شهزاده فیلیپ تر مړینې وروسته د نړۍ په بېلابېلو برخو کې د خلکو د ملاتړ له کبله منندویه ده. شهزاده چارلز چې د بریتانیا د تخت او تاج وارث ګڼل کېږي، پرون شنبه )د وري ۲۱مه) په یوه اعلامیه کې وویل، پلار یې یو ځانګړی شخصیت و. ده  د فیلیپ د مړینې په تړاو د خلکو د خواخوږۍ مننه وکړه. شهزاده فیلیپ چې د دویمې الیزابت خاوند دی، د ۹۹ کلونو په عمر تېره جمعه له دې نړۍ سترګې پټې کړې. بکینګهم ماڼۍ ویلي، خاورو ته د شهزاده فیلیپ د سپارلو مراسم به را روانه شنبه په خصوصي ډول ترسره شي.

د جرمني د پارلمان غړو د روسیې د حکومت له سیاسي مخالف الکسي ناوالنۍ سره د مسکو چلند هدفمنه شکنجه وبلله. دغه پارلمان د شکنجې د مخنیوي لپاره د اروپا له ځانګړي شوي کمېسیونه غوښتنه وکړه چې په زندان کې له ناوالنۍ سره شوی چلند وڅېړي. د جرمني د پارلمان غړو په یوه لیک کې چې پرون شنبه(د وري ۲۱مه) په فېسبوک کې خپور شو، له الکسي ناوالنۍ سره چلند د شکنجې د مخنیوي لپاره اروپايي کمېسیون له کنوانسیون سره په ټکر کې وبلل شو. په لیک کې راغلي چې روسیه هم د اروپايي شورا د غړي په توګه د دغه کنوانسیون یوه غړې ده. Читать дальше...

د سولې لپاره د ځوانانو د اړیکو ګروپ وايي، دوی غوښتنه لري چې د استانبول غونډې په ګډون د افغانستان په اړه په جوړېدونکو مهمو کنفرانسونو کې د ځوانانو ونډه یقیني شي. د دغه ګروپ غړو پرون شنبه(د وري ۲۱مه) په انلاین غونډه کې د افغانستان لپاره د واشنګټن له ځانګړي استازي زلمي خلیلزاد سره د سولې پر موضوع بحث وکړ. د سولې لپاره د ځوانانو د اړیکو ګروپ غړي، احسان الله حکمت ازادي راډیو ته وویل، دوی په پرونۍ غونډه کې د استانبول غونډې تر څنګ په مهمو کنفرانسونو کې د ځوانانو د رول پر زیاتېدو ټینګار وکړ. نوموړي وویل... Читать дальше...

هندوستان د سټراټیژیک او سيمه يیز ملګري په توګه د افغانستان په بیارغونې، د وسله والو ځواکونو په روزنې، د اوبو او برېښنا بندونو په جوړونې او د ښوونې او روزنې برخو کې په تېره یوه نیمه لسیزه کې لږ تر لږه د ۴ میلیارده ډالرو څخه زیاته مرسته او پانګونه کړې ده. اوس چې افغانستان کې سیاسي حالات په ځانګړي ډول د سولې خبرې له بل هر وخت څخه زیات د بحث وړ دي، پوښتنه دا ده چې: ایا هندوستان په رښتیا هم له افغانستان سره په سیاسي ډګر کې په ځانګړي ډول د سولې پروسه کې یو ښه دوست پاتې شوی؟ او دې برخه کې څه رول... Читать дальше...