هند کې د کويډ- ۱۹ ناروغۍ د مړو شمېر له دوه سوه زره تنو پورته شو. هند يوازې د چارشنبې په ورځ په دې ناروغۍ د درې زرو کسانو د مړينې خبر ورکړ. دا هېواد د اکسيجن، درملو او نورو صحي امکاناتو له جدي کمي سره مخ دی. نور په دې راپور کې وګورئ.
د افغانستان بانک وايي، صنعت کارانو، سوداګرو، بزګرانو، هټیوالو او کسبګرو لپاره د پورونو د ورکړې په پروسه کې اسانتیاوې رامنځته کوي. د دې بانک له لوري په خپره شوې اعلامیه کې راغلي، په همدې موخه د افغانستان بانک چارواکو او د صنایعو او کانونو خونو، د کرنیزو او مالدارۍ محصولاتو، د افغانستان د خونو فډراسیون، د کسبګرو او هټیوالو ټولنې او د افغانستان د بانکونو ټولنې ترمنځ بېلابېل هوکړهلیکونه لاسلیک شول. د تړونونو د لاسلیک پرمهال، د افغانستان بانک سرپرست ښاغلي اجمل احمدي له سوداګریزو بانکونو وغوښتل... Читать дальше...
د افغانستان د صنعت او سوداګرۍ وزارت وايي، ننګرهار ولایت کې د مرمرو پر پروسس او د دې سکټور په نورو برخو پانګونه زیاته شوې. د دې وزارت له قوله، د پانګونې په زیاتېدو سره د یو شمېر خلکو کار روزګار هم ورسره غوړېدلای. د دې وزارت ویاند فوادا احمدي نن پنجشنبه (د غويي ۹مه) ازادي راډیو ته وویل، د ننګرهار په شیخ مصري صنعتي ښار ګوټي کې د مرمرو برخه کې ۱۶ فابریکې فعالیت کوي او پانګوالو پهدې برخه کې تر ۵۰ میلیونه ډالرو ډېره پانګونه کړې ده. د ښاغلي احمدي په خبره، دا فابریکې په کال کې له درې زره ټنو... Читать дальше...
د امریکا ولسمشر جو بایډن د امریکا د کانګرس دواړو جرګو ته په لومړنۍ مهمه وینا کې د هیلې او اقتصادي رغونې پیغام ورکړ. بایډن دا خبره داسې مهال کوي چې متحده ایالات له هغو ناخوالو د وتلو په حال کې دی چې د کرونا خپرې شوې وبا رامنځته کړي. بایډن په دغه وینا کې د کرونا ویروس پر وړاندې چې له نیم میلیون زیات امریکایان یې وژلي، د مبارزې برخه کې د واکسینونو تولید د خپلې ادارې د لاسته راوړنې په توګه یاد کړ او له لوژستیکي پلوه یې هغه د امریکا په تاریخ یوه ستره لاس ته راوړنه وبلله. بایډن دغه راز وویل چې حکومت... Читать дальше...
د امریکا یو جګ پوړی پوځي چارواکی وایي، ګرانه ده چې له افغانستانه د امریکایي ځواکونو له وتلو وروسته د افغانستان د راتلونکي برخلیک وړاندوینه وشي. دا خبره د امریکا د وسله والو ځواکونو لوی درستیز جنرال مارک میلي پرون چهارشنبې(د غويي ۸مه) په واشنګټن کې یوې غونډې ته وکړه او ویې ویل چې له دې هېواده د ځواکونو د ایستلو تر ټولو بده نتیجه به دا وي چې حکومت د طالبانو له خوا نسکور شي. جنرال میلي دغه راز وویل چې پنټاګون به له افغانستانه پاتې دوه نیم زره سرتیري د بایډن له اعلان سره سم د سېپټمبر تر ۱۱مې له... Читать дальше...
د جرمني د پولیسو وروستی افسر چې د افغان پولیسو د روزنې په ماموریت کې ښکېل و، پرون چهارشنبې (د غويي ۸مه) له افغانستانه ووت. د جرمني د کورنیو چارو وزیر هورست زیهوفیر Horst Seehofer په یوه بیان کې وویل چې د افغان پولیسو روزنه یوه عادي ګزمه نه، بلکې پر شخصي باور ولاړ یو زړور خدمت دی. د جرمني د 'ډي.پي.اې' خبري اژانس د راپور له مخې د جرمني د پولیسو د روزونکو دغه ماموریت رسماً د اپریل په دېرشمه چې سبا ده پای ته رسېده. د جرمني د کورنیو چارو وزارت ویلي، دغه ماموریت کې په تېرو نژدې شلو کلونو کې له... Читать дальше...
د امریکا د متحدو ایالاتونو دفاع وزیر لوېډ اسټن د پاکستان د پوځ له لوی درستیز جنرال قمر جاوېد باجوه سره د افغان سولې او له افغانستانه د امریکایي ځواکونو د وتلو په اړه خبرې وکړې. د پنټاګون له خوا په خپره شوې خبرپاڼه کې ویل شوي چې پرون چهارشنبه (د غويي ۸مه) په دغو ټیلیفونو خبرو کې دواړو مشرانو د سیمې د امنیت او ثبات په اړه خبرې وکړې. د خبرپاڼې له مخې ښاغلي اسټڼ یو ځل بیا د امریکا او پاکستان د دوه اړخیزو اړیکو پر اهمیت ټینګار وکړ او د افغانستان د سولې له پروسې یې د پاکستان د ملاتړ ستاینه وکړه. ... Читать дальше...
د امریکا ولسمشر جو بایډن وایي، په افغانستان کې د ترهګرۍ پر وړاندې د جګړې هدف ترلاسه شوی، ځکه یې له دې هېواده د ټولو ځواکونو د ایستلو پرېکړه وکړه. بایډن تېره شپه د امریکا د کانګرس دواړو جرګو ته په وینا کې وویل چې د القاعده مشر اوسامه بن لادن په خپلې سزا ورسېد او د القاعه ګواښ له افغانستانه کمزوری شوی دی. بایډن زیاته کړه: "موږ بن لادن ته سزا ورکړه. موږ په افغانستان کې د القاعده ګواښ کمزوری کړ. له شلو کلونو میړانې او قربانۍ وروسته اوس یې وخت دی چې دغه ځواکونه بېرته وطن ته ستانه کړو." بایډن د اپریل... Читать дальше...
واشنګټن اګزمېنر واشنګټن اګزمېنر ورځپاڼه تر دې سرلیک لاندې لیکنه لري، متحده ایالات په کابل کې له خپل سفارت څخه کارکوونکي باسي او دفاع وزارت د طالبانو د بریدونو د احتمالي زیاتېدو خبرداری ورکوي. تر دې عنوان لاندې، ورځپاڼه لیکي، د امریکا د بهرنیو چارو وزارت د څلورمې درجې خبرداری ورکړی چې افغانستان ته دې امریکایان سفر نهکوي او په کابل کې یې د امریکا سفارت له اساسي خلکو پرته د نورو د وتلو غوښتنه کړې ده، همداراز یې له هغو امریکایانو چې لاهم په افغانستان کې دي دا غوښتي چې له دغه هېواده ژر تر ژره پر وتلو فکر وکړي. Читать дальше...
لغمان ولایت کې یوې مېرمنې د تندر د لوړ غږ له کبله سا ورکړې ده. د لغمان د والي ویاند اسدالله دولتزي ازادي راډیو ته وویل، دا تندر تېر مازدیګر د قرغیو ولسوالۍ بر کشمنډ سیمه کې لویدلی. د نوموړي په خبره، د تندر د هیبت ناک غږ له کبله د دغې ښځې زړه دریدلی او مړه شوې ده.
د کونړ چارواکي وايي، تېر ماښام يو ځانمرګي بریدګر چې غوښتل یې د دې ولایت په اسمارو ولسوالۍ کې د ملي اردو پر یوه پوسته برید وکړي، موخې ته له رسېدو وړاندې وژل شوی. په کونړ کې د ۲۰۱ سيلاب قل اردو د دوهمې لوا وياند شاهدالله ساپي ازادي راډيو ته وويل: "تېر ماښام شااوخو نهه بجې یوه ځانمرګي بریدګر چې د چاودیدونکو توک ډک واسکټ یې پر غاړه وه غوښتل یې د اسمار ولسوالۍ د پلوڅو ناو پر پوسته برید وکړي چې خپل واسکټ پرې وچاودېد او ووژل شو." ښاغلي ساپي ونه ویل چې دې پېښه کې بل چاته هم زیان اوښتی او که نه. تر... Читать дальше...
د افغانستان جمهوري ریاست هغه راپورونه رد کړل چې ګواکې ولسمشر محمد اشرف غني دې پاکستان ته څو پټ غیر رسمي سفرونه کړي وي. د ارګ د ویاند مرستیال محمد امیري ازادي راډیو ته وویل، پاکستان ته د ولسمشر محمد اشرف غني وروستی رسمي سفر ۲۰۱۹ کال کې و: "پاکستان ته د افغانستان د ولسمشر وروستی سفر د ۲۰۱۹ کال په جون میاشته کې و، له همدې نېټې وروسته تر اوسه پورې نوموړي پاکستان ته هېڅ کوم رسمي یا نارسمي سفر نه دی کړی." له دې وړاندې یوې پاکستانۍ ورځپاڼې ویلي و چې ښاغلي غني د اړیکو د ښه والي لپاره اسلام اباد ته څو پټ سفرونه کړي دي.
د خوړو نړیوال پروګرام وایي، هغه راپور اندېښمن کړي چې په کې ویل شوي، هرو درېیو افغانانو کې یو د خوړو خوندیتوب نه لري. د خوړو د خوندیتوب د هر اړخیزې ډلبندۍ ( آی.پي.سي) په دې راپور کې چې تازه خپور شوی راغلی، له لوږې سره د مخامخ ۱۴ میلیونه افغانانو له ډلې پنځه میلیونه یې بېړنیو مرستو ته اړتیا لري. د خوړو نړیوال پروګرام د کابل د دفتر ویاند وحیدالله اماني وایي، دوی د وضعیت کابو کولو ته پروګرامونه لري، خو عملي کول یې د نړیوالو مالي سرچینو ته اړتیا لري. دی وايي: "د ( آی.پي. سي) یا د خوړو د خوندیتوب... Читать дальше...
طالبان وايي، د لوګر ولایت د برکي برک ولسوالۍ د وړمې شپې په عملیاتو کې عبدالحمید حماسي نه، بلکې د هغه ورور وژل شوی دی. پرون چهارشنبه (د غويي ۸مه) د لوګر پولیسو او تندر قل اردو وویل چې په دغو عملیاتو کې عبدالحمید حماسي چې د دوی په خبره د طالبانو د سرې قطعې یو قوماندان و، وژل شوی دی. د طالبانو ویاند ذبیح الله مجاهد وایي، حماسي ژوندی دی او ورور یې عبدالمجیب د افغان ځواکونو عملیاتو کې وژل شوی دی. ټولنیزو رسنیو ته د طالبانو د دغه وژل شوي غړي د جنازې انځورونه او ویډیوګانې هم راوتلي چې ښيي ګڼ شمېر... Читать дальше...
د غور چارواکي وایي چې طالبانو د ولایتي روغتون یو ساتونکی وژلی دی. د غور امنیه قوماندان رحم خدا مخلص ازادي راډیو ته ویلي چې پېښه تېر ماخوستن شوې او وسله وال دغه ساتونکی په ډزو وژلی دی. تراوسه د پېښې انګېزه نه ده معلومه، خو د ښاغلي مخلص په خبره دوی د پېښې پلټنې پېل کړي دي. طالبانو هم تراوسه په دې اړه څه نه دي ویلي.
د بلغاریا د بهرنیو چارو وزارت دغه هېواد کې د روسیې سفیر احضار کړی دی. دا په داسې حال کې ده چې اروپایي ټولنه او ناټو د هغو ادعاوو په اړه څېړنه کوي چې ویل کېږي شپږ روسي اتباع بلغاریا کې د ۲۰۱۱ او ۲۰۲۰ کال چاودنو کې لاس لري. دا چاودنې د وسلو په زېرمتونونو کې شوي دي. د بلغاریا د لویې څارنوالۍ مطبوعاتي دفتر پرون چهارشنبه (د غويي ۸مه) وویل، له شواهدو داسې ښکاري چې دا چاودنې ګرجستان او اوکراین ته د خاصو تولیداتو د اکمالاتو د مخنیوي په هدف شوي دي. دغه دفتر ویلي، یوه "معقوله فرضیه" شته چې ښيي... Читать дальше...
اروپایي ټولنه وایي، چین او روسیه د کرونا ضد لویدیځو واکسینونو په اړه ناسم معلومات خپروي او دولت په ملاتړ د خپل وکسین دودولو ته هڅه کوي. د اروپایي ټولنې یوه راپور کې چې پرون چهارشنبه (د غويي ۸مه) خپور شو راغلي، د " واکسین دا ډيپلوماسي" د دغې ټولنې موسسو او لویدیځو واکسینونو ته زیان اړوي. د اروپایي ټولنې په راپور کې راغلي، روسي رسنۍ، چارواکي او شرکتونه د سپوټنیک وي واکسین لپاره تبلیغات کوي او ورته وخت کې له دښمنۍ ډک پيغامونه ورکوي چې لویدیځ د دوی د دغه واکسین د تخریبولو هڅه کوي. په راپور کې... Читать дальше...
چارواکو د ترکمنستان په ختیځ کې پراته ترکمن اباد ښار کې خلکو ته لارښونه کړې چې له څلورو کسانو زیات د پلورنځیو مخته ونه درېږي. د ازادي راډيو د خبر مرکزي څانګې د راپور له مخې چارواکو ویلي، که د دغو دولتي پلورنځیو مخته څوک له لګول شوي بندیزه سرغړونه وکړي، له کتاره ایستل کېږي او ممکن بندي هم شي. دغه ګام بیا مخالفان هم لري. د حکومت منتقدانو او د بشري حقونو ملاتړو ویلي، د ترکمنستان ولسمشر قربان قلي بردي محمدوف خپل مخالفان ځپي او په پټه یې د حکومتوالۍ په بڼه کې بدلونونه هم راوستلي دي. محمدوف هم... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости