Новости за 12.06.2021

د بجټ وړاندې کولو پر مهال د خزانې وزیر وویل چې د تیرو حکومتونو نه ورته یو شمېر اقتصادي ستونزې او قرضې پاتې شوې دي خو د دې باوجود یې هم یو "ولس دوسته" بجټ وړاندې کړی.

د مشال مرکه کې مو نن د بنو جانيخېلو یو قومي مشر ملک ماويز مېلمه دی. نوموړي په دا وروستيو کې په جانیخېلو کې د څلورو وژل شوو ماشومانو د مړیو تر موندل کېدو وروسته د احتجاجي پرلت مشري هم کړې وه. دی وايي تر هغې پېښې وروسته حکومت ورسره ژمنه کړې وه چې په سيمه کې به امن پرځای کوي خو تراوسه یې د ده په خبره نښې نښانې نه ښکاري. د مشال مرکې خپرونې کوربه ګل اياز دی

د چین حکومت له افغانستان سره د ۱۵ طبي وسایلو مرسته وکړه. په چین کې د افغانستان سفیر احمد جاوېد قایم ازادي راډیو ته وویل، ډېری دغه وسایل په اوسنیو شرایطو کې چې کرونا وبا اوج ته رسېدلې د عاجلو خدماتو لپاره په کارېږي: "په دغو وسایلو کې وینټلاتورونه، مانیټورونه، د زړه ماشینونه او نور وسایل شامل دي. دغه وسایل مو بېګا د اریانا افغان هوايي شرکت له لارې له شنجیانه کابل ته انتقال کړل چې تېره شپه ناوخته کابل ته ورسېدل." په چین کې د افغانستان سفیر وايي، له چینه د نورو طبي مرستو ترلاسه کولو لپاره هڅې روانې دي. Читать дальше...

حفیظ الله حقپرست د جون پر نهمه د لوګر مرکز اړوند د کلنګار په عرب خان کلا سیمه کې د طالب وسله والو او حکومتي عسکرو ترمینځ جګړه کې هغه مهال ووژل شو، چې په خپله کرونده کې په کار بوخت وو.

د خېبر پښتونخوا ایالاتي محکمې د راتلونکي لوی اختر لپاره افغانستان ته د څارویو پر لېږد بندیز لګولی دی. دغه محکمې ویلي، دا پرېکړه يې ځکه کړې چې د قربانۍ لپاره سیمه ییز خلک د څارویو له کمښت سره مخ نه شي. د پاکستاني رسنیو د خبر له مخې له دې وړاندې دغه محکمې افغانستان ته د زراعتي چرګانو پر صادراتو هم بندیز لګولی وو. دا په داسې حال کې ده چې هرکال د لویې اختر په ورځو کې له خېبر پښتونخوا نه زیات شمېر څاروي د پلور لپاره افغانستان ته راځي. که څه هم د افغانستان د کرنې او مالدارۍ وزارت هڅه کوي چې افغانستان... Читать дальше...

په لیبیا کې یو کس د شاتو موچیو په چیچلو د بېلا بېلو ناروغیو ښکار خلکو علاج کوي. محمد الزواوي ډاکتر نه دی خو وايي، د اېپي تېراپۍ په نوم د درملنې په دې طریقه د خلکو دردونه ختموي. عصري طب او طبي علوم دا ډول دودیز علاجونه نه مني او زیانمن یې بولي. د رویټرز اژانس ویډیويي رپورټ.

د ننګرهار ولایت د کرنې او مالدارۍ ریاست مسوولین وايي، په دې ولایت کې یې د کرېلو او تُرایانو د چېله یې سیسټم سل ننداريزې کروندې جوړې کړې. د کرنې ریاست د دغه پروژې ولایتي مسوول حمیدالله نظیر ویلي چې دغه کرنیزې ننداریزې قطعې د ننګرهار ولایت په کامې، کوز کونړ او بهسودو ولسوالیو کې جوړې شوي او تمه ده چې سیمه ییز بزګران ترې ښه ګټه ترلاسه کړي. نوموړي ویلي، د یادو کروندو لپاره یې د کیمیاوي سرو، اصلاح شوي تخمونو او کیمیاوي درملو ترڅنګ اړین توکي لکه د باڼس پایې، جالۍ، کېبل، بیلچه، لاسي کراچۍ او د درملو... Читать дальше...

وسله والو طالبانو د کندز پر خان اباد ولسوالۍ تېره شپه برید وکړ. یوې سرچېنې چې نه یې غوښتل نوم یې واخېستل شي، ازادي راډیو ته وویل چې د جګړې لمن د ښار تر کوڅو رسیدلې او لا هم روانه ده.  د کندز د والي ویاند عصمت اله مرادي راډیو ته وویل چې خان اباد ته تازه دمي ځواکونه رسیدلي دي او ډېر ژر به هلته په امنیتي وضعیت کې بدلون راشي.  د کندز امنیه قومانداني په خپره کړې خبرپانه کې لیکي، تر اوسه په جګړه کې د طالبانو د سرې قطعې د قوماندان سید جان مشهور په سجاد په ګډون د دوی پنځلس تنه وژل شوي دي او د افغان پوځیانو یو تن وژل شوی او درې تنه یې ټپیان شوې دي. Читать дальше...

په کابل کې د امریکا د متحد ایالاتونو سفارت وایي، د کرونا وبا له امله سر له سبا د ویزې د ورکړې چارې ځنډوي.  د سفارت په خبرپاڼه کې راغلي دي، له هغو کسانو سره به چې وار له مخه د مرکو وخت ټاکل شوی دی په مستقیم ډول تماس ونیول شي.  په خبرپاڼه کې له هغو خلکو چې د امریکا د ویزې غوښتنه لري، هیله شوې ده چې سفارت ته ورنه شي او له سفارت سره په ارتباط کې نه شي.  سفارت ویلي دي چې هدف یې د ویزو د ورکړې له ځنډېدو د خپلو کارکوونکو او درخواست ورکوونکو روغتیا ده.

په لغمان او جوزجان ولایتونو کې پنځوس کیلوګرامه چرس او هیرویین ونیول شول. په لومړۍ پېښه کې د جوزجان پولیسو دوه کسان هغه مهال ونیول چې غوښتل یې یو کیلو ګرام ښيښه او نږدې یو کیلو ګرام هیرویین په شبرغان ښار کې د نشه يي موادو پر پرچون پلورونکو وپلوري. هاخوا د لغمان د والي ویاند اسدالله دولتزي رسنیو ته ویلي چې د دوی پولیسو دوه کسان له ۴۸ کیلوګرامو چرسو سره نیولي او تر لومړنیو څېړنو وروسته یې عدلي او قضايي مرکز ته معرفي کړي دي.

د کابل چاپ ورځپاڼو د افغانستان په ګڼ شمېر مسایلو تبصرې او مقالې خپرې کړي چې دا په یوه راپور کې رانغاړل شوي. ويسا  ویسا ورځپاڼې په کابل کې د ناامنیو زیاتېدو ته اشاره کړې ده او لیکلي یې دي چې له څو ورځو راهیسې د کابل په قوای مرکز او میرویس میدان سیمه کې هټیوالو د سیمه ییزو باج غوښتونکو له امله د اعتراض په ډول خپل دوکانونه تړلي دي.  ورځپاڼې لیکلي یاد دوکانداران ادعا کوي چې په یادو سیمو کې ترې نامسوول وسله وال او بدماشان د باج په ډول زرګونه ډالر غواړي.  د ویسا ورځپاڼې په سرمقاله کې ادعا شوې... Читать дальше...

د افغانستان مشهور لرغونپوه، د پوهنتون استاد او د دغه هېواد د اطلاعاتو او فرهنګ وزارت مخکینی مرستیال پوهاند محمد رسول باوري د ۶۴ کلنی په عمر ومړ. د افغانستان د اطلاعاتو او فرهنګ وزارت د نوموړي مړینه تاییدوي او وايي چې ښاغلی باوري په کوویډ- ۱۹ ناروغۍ اخته و. د دغه وزارت ویاند محمد صابر مومند ازادي راډیو ته وویل: "په ډېرې خواشینۍ سره مو خبر ترلاسه کړ چې د هېواد وتلی لرغونپوه، د کابل پوهنتون استاد او د اطلاعاتو او فرهنګ وزارت پخوانی فرهنګي معین پوهاند محمد رسول باوري له دې نړۍ څخه سترګې پټې کړي دي. Читать дальше...

دي هیل دي هیل ورځپاڼې د امریکا د دفاع وزیر په قول لیکلي چې هوايي ځواک یې له بهره په افغانستان کې عملیات پیل کړي دي.  لوېډ اسټن دا خبره د پنجشنبې په ورځ د خپل هېواد د سنا جرګې د وسله والو خدماتو کمېټې ته وکړه، خو په دې اړه یې څه ونه ویل چې له افغانستانه د ټولو ځواکونو له ایستلو وروسته به د کابل او نورو لویو ښارونو د ساتنې لپاره د طالبانو پر وړاندې د افغانستان د حکومت هوايي ملاتړ له بهره وکړي.  تر دې وړاندې په دې اړه نیویارک ټایمز ورځپاڼې راپور ورکړی و.  نیویارک ټایمز د چهارشنبې د ورځې په ګڼه... Читать дальше...

د جون ۱۲مه د ماشومانو د کار د مخنیوي نړیواله ورځ ده. افغانستان په سویلي اسیا کې یو له هغو هېوادونو څخه دی چې له یو میلیون زیات ماشومان یې درانه کارونه کوي. جګړه، خراب اقتصادي وضعیت او بې‌وزلي، هغه لاملونه دي چې ماشومان یې کار کولو ته اړ ایستلي. که څه هم د ماشومانو له‌خوا د درنو کارونو د مخنیوي لپاره په دولتي او غیر دولتي کچه یو شمېر کارونه شوي، خو ښکاري چې هغه ډول اړینه ده، پایله یې نه ده ورکړې. ۱۲ کلن نورالله د کندهار ښار په کابل دروازه کې د لویو موټرو د جوړونې په یوه کارخونه کې کار کوي، چېرې... Читать дальше...

د افغانستان پولې ته نژدې په جنوبي وزیرستان کې د پاکستان پوځ او امنیتي ادارې د پولې او سیمې د څارنې لپاره ډرون کمرې کاروي، خو دې کارخلک په تنګ کړي دي.  د جنوبي وزیرستان د سرې راغي یو شمېر قومي مشران او ولسي استازي وایي، دې کمرو د دوی شخصي حریم نقض کړی او که بندې نه شي، په اعتراض به لاس پورې کړي.  یوه ځایي اوسیدونکي عثمان مسید په وزیرستان کې د مشال راډیو خبریال ته وویل چې ولس د حکومت له دې کاره ډېر په تنګ شوی دی.  مسید زیاته کړه: "د ګرمۍ په موسم کې چې څومره خلک دي په کمرو کې دننه څملي، یوازې... Читать дальше...