Новости за 24.06.2021

ترکي رسنۍ خبر ورکوي چې نن پنجشنبه (د چنګاښ ۳مه) به یو امریکایي پلاوی ترکیې ته ورشي او د دغه هېواد له چارواکو سره به پر دې خبرې وکړي چې ترکي ځواکونه د حامد کرزي د هوایي ډګر د سمبالېدو لپاره پاتې شي. ترکیې وړاندیز کړی دی چې له افغانستانه د ټولو بهرنیو ځواکونو له وتلو وروسته به د کابل د هوایي ډګر چارې سمبالوي او امنیت به یې ساتي. د ترکیې دفاع وزیر هولوسي اکار پرون چهارشنبه (د چنګاښ ۲مه) وویل چې هېواد به یې افغانستان ته نور سرتېري په کابل کې د حامد کرزي د هوایي ډګر د ساتنې لپاره ونه لېږي. ترکیه... Читать дальше...

د ایټالیا صدراعظم ماریو دراګي له افغانستانه د کډوالو د احتمالي بهیر ورماتېدو ته اندېښنه ښکاره کړه او ویې ویل چې د بهرنیو ځواکونو له وتلو وروسته ښایي ګڼ شمېر افغانان اروپا ته مهاجر شي. ټاکل شوې ده چې ټول بهرني ځواکونه د سېپټمبر تر ۱۱مې له افغانستانه ووځي. ښاغلي دراګي د اروپایي هېوادونو د مشرانو تر غونډې یوه ورځ مخکې، د چهارشنبې په ورځ خبرداری ورکړ چې د دې ستونزې د مخنیوي لپاره باید ټول سره همکاري وکړو. ښاغلي دراګي انتقاد وکړ چې د اروپایي ټولنې مشرانو د کډوالو مساله له پامه غورځولې ده او په تېرو... Читать дальше...

دا اوونۍ په مشال راډیويي مجله کې د اسیر منګل سره د هغه پر ژوند او کار خبرې کوو. اسیر منګل د ادبیاتو استاد، خوږ ژبی شاعر، افسانه نګار او ژباړن دی، تر څنګ یې هغه په پېښور کې د منګل کتاب کور په نوم د کتابونو د خپرېدو او خرڅلاو مرکز هم لري.

د پښتونخوا ملي عوامي ګوند د صوبايي مشر او پخواني سېنېټر عثمان کاکړ مړی د جون پر ۲۳مه په خپل پلرني ټاټوبي مسلم باغ کې خاورو ته وسپارل شو. د نوموړي جنازې ته د یوشمېر ګوندونو مخکښو سیاستوالانو په ګډون ګڼ خلک ورغلي ول. عثمان کاکړ د جون پر ۲۱مه د کراچۍ په روغتون کې ومړ. نوموړی د جون پر ۱۷مه په خپل کور کې ژوبل او بېهوښه موندل شوی وو چې تر هغې وروسته یې په کوټه کې ډاکترانو د سر جراحي وکړه. د کاکړ کورنۍ وايي، پر هغه برید شوی وو. تر دې مخکې رپورټونه ول چې نوموړی په کور کې پرېوتی او ژوبل شوی وو. د بلوچستان... Читать дальше...

د ماشومانو لپاره د ملګروملتونو د ژغورنې ادارې په افغانستان کې د جګړې پر ښکېلو لوریو غږ کړی دی چې نړیوالو بشري حقونو ته درناوی وکړي او پرې نه ږدي چې ماشومانو او ښوونځیو ته زیان واوړي. د ماشومانو لپاره د ملګروملتونو د ژغورنې ادارې 'سېف دې چلډرن' پرون وروسته ترې دا غوښتنه په یوه بیان کې وکړه چې په ننګرهار کې د هاوان یوه مرمۍ وچاودېده او شپږ ماشومان یې ټپیان کړل. 'سېف دې چلډرن' تېره میاشت د کندهار په یوې ولسوالۍ کې ۲۵ وران ښوونځي وموندل چې له امله یې نژدې ۲۸ زره ماشومان له زده کړو بې برخې شوې دي... Читать дальше...

د اروپایي ټولنې مشران به په هغه دوه ورځنۍ سرمشریزه کې چې نن پنجشنبه (د چنګاښ ۳مه) یې پیلوي، له روسیې سره د اړیکو د پاللو په اړه پر نوې ستراتیژي او د هنګري د همجنسپالانو او نورو جنسیتي اقلیتونو د نوي لانجمن قانون په اړه چې د ښوونځي په درسي نصاب کې په دې اړه له موادو څخه پر استفادې بندیز لګوي، خبرې وکړې.   د اروپايي ټولنې مشران به پر دې مسالې چې ایا د نوې ستراتیژۍ په چوکاټ کې د روسیې له ولسمشر ولادمیر پوتین سره یوه غونډه را وبولي او که نه، هم خبرې وکړي.  دغه وړاندیز د فرانسې او جرمنې استازیو په... Читать дальше...

سپینه ماڼۍ وایي، سره له دې چې په افغانستان کې د وسله والو طالبانو له لوري تاوتریخوالی زیات شوی، خو په دې هېواد کې پر مېشتو امریکایي ځواکونو حملې نه دي زیاتې شوي.  د سپینې ماڼۍ ویاندې جین ساکي پرون چهارشنبه(د چنګاښ ۲مه) په واشنګټن کې په یوه خبري کنفرانس کې وویل، پر افغان ځواکونو او افغان حکومت د تېر کال په نسبت حملې زیاتې شوي، خو نه یې دي لیدلي چې د ۲۰۲۰ کال د فبرورۍ له میاشتې راهیسې دې پر امریکایي پوځیانو او نورو امریکایي اهدافو حملې زیاتې شوې وي.  په هغه تړون کې چې تېر کال د فبرورۍ په ۲۹ د طالبانو... Читать дальше...

د امریکا د پوځ لوی درستیز جنرال مارک میلي وایي، امریکایي ځواکونه په افغانستان کې د وسله والو طالبانو پرمختګونه او د دې هېواد امنیتي وضعیت له نژدې څاري.  نوموړي چې پرون چهارشنبه (د چنګاښ ۲مه) یې د امریکا د کانګرس یوې غونډې ته څرګندونې کولې وویل چې له ۴۱۹ ولسوالیو څخه د ۸۱ ولسوالیو مرکزونه طالبانو نیولي او زیاته یې کړه دا چې طالبان وایي، په وروستیو دوو میاشتو کې یې په لسګونو ولسوالۍ نیولي دا درسته نه ده ځکه د ده په وینا طالبانو تېر کال مخکې له دې چې امریکا له افغانستانه د ځواکونو د وتلو بهیرپیل کړي، په ۶۰ ولسوالیو کنټرول درلود. Читать дальше...

په افغانستان کې د ښځو د حقونو یو شمېر فعالینې امریکا ته د جمهور رییس محمد اشرف غني او د ملي مصالحي د عالي شورا د رییس عبدالله عبدالله په مشرۍ د افغان پلاوي سفر او د هغه هېواد له جمهور رییس او مشرانو سره یې لیدنه له اهمیته ډکه بولې. دوی د بېلابېلو موضوعاتو تر څنګ د سولې په خبرو او په سوله کې د ښځو د حقونو او د دوی د لاسته راوړنو په خوندیتوب ټینګار کوي. په ناروې کې د افغانستان مخکینۍ سفیره شکریه بارکزۍ وايي، باید د افغان ځواکونو د مدیریت په اړه خبرې وشي، مدیریت مشترک شي، څو بیا افغانستان د ترهګرو په پناه ځای بدل نه شي. Читать дальше...