د بوسنیا مسلمانان اکثر له کورونو بهر روژه ماتی خوښوي. د هغه هېواد په زېنیچا وړوکي ښار کې د روژه ماتي پر وخت د توپ ډز کېږي. هغه سیمه د غرونو او غونډیو په منځ کې پرته ده او اوسېدونکي یې د اوونۍ د چوټۍ پر ورځ غونډۍ ته ورخېژي او په ګډه روژه ماتی کوي. پر دې مهال ښځې او سړي په ګډه د مازیګر او ماښام لمونځونه هم کوي. نور د رویټرز اژانس له ویډیو په جوړ رپورټ کې.
د کابل پوهنتون د علمي شورا د وړاندیز په اساس د لوړو زدهکړو وزارت رهبرۍ شورا پرېکړه کړې، چې له دې وروسته به د کابل او کابل پولیتخنیک پوهنتونونو درسي بهیر به اونۍ کې درې ورځې وي. د شوې پرېکړې پر اساس درې ورځې د نارینه او درې ورځې بیا د ښځینه زدهکړیالانو لپاره ځانګړې شوي دي.
ټاکل شوې چې د هندوستان د کرکټ د غوره لیګ ای پی ایل سیالیو په لړ کې نن دوه لوبې ترسره شي. په لومړۍ لوبه کې ګجرات او کلکتې لوبډلې سره مخامخ دي او دوهمه اوبه بیا د دبنګلور او حیدراباد لوبډلو ترمنځ ترسره کیږي. د دې سیالیو د تېرې شپې په لوبه کې بیا راجستان ډیلي لوبډلې ته ماتې ورکړه. په دې لوبه چې په ممبي کې ترسره شوه راجستان لومړی توپ وهنه وکړه او په ټاکلو شلو اورونو کې يې مقابلې لوبډلې ته د ۲۲۲ منډو هدف ورکړو خو د سیالۍ په دوهمه پاڼۍ کې ډيلي لوبډله ونه توانېده چې یاد هدف پوره کړي او دا لوبه يې د پنځلس منډو په توپیر وبایلله.
د افغانستان د بدني روزنې او ورزش ریاست په خپل فیسبوک پاڼه لیکلي چې یادې سیالۍ د پلنځو ولسوالیو څخه د غوره شويو لوبډلو ترمنځ پیلیږي. د یاد ریاست په وینا، ددغو سیالیو هدف په مرکز کې د ولایت د منتخبې لوبډلې لپاره د غوره لوبغاړو پیژندل دي. په همدې حال کې په تخار ولایت کې د والیبال رمضان جام سیالۍ تېرهورځ پای ته ورسېدې. په یادو سیالیو کې چې ۶ لوبډلو د دوه اونیو لپاره ګډون کړی و تیره ورځ د یادو سیالیو اتلولي دوطنپال لوبډلې وګټله. ددې لوبو هدف وزرش ته د ځوانانو هڅول ښودل شوي.
د افغانستان کرکټ بورډ وايي ډېر ژر به په خوست کې د کرکټ د ملي لوبغاړو په ګډون د سمسور افغانستان په نوم د پنځوس اوریزه سیالۍ پیل شي. کرکټ بورډ په دې اړه پر خپل رسمي فیسبوک لیکلي دي دا سیالۍ د دریو لوبډلو ترمنځ ترسره کیږي. د کرکټ بورډ ویاند فرید هوتک ازادي راډیو ته که څه هم ددې لوبو کره نیټه په ډاکه نه کړه خو وویل چې په دې لوبو کې به د ملي لوبغاړو ترڅنګ یو شمیر نور کورنۍ غوره لوبغاړي هم ولوبیږي. د ښاغلي هوتک په وینا، د یادو سیالیو په ترسره کېدو سره به لوبغاړي راتلونکو نړیوالو پنځوس اوریزو ODI Super League) ) سیالیو لپاره بشپړ چمتو شي.
په کندهار کې د ملت غږ راډیو مشر او خبریال بسم الله وطن دوست له تېرو څلورو ورځو را پدېخوا تري تم دی. د ښاغلي وطن دوست اوښي مجیب الله په دې اړه ازادي راډیو ته وویل: “د تېرې اونۍ د چهارشنبې ورځ له غرمې وروسته ۳ بجې د استخباراتو ریاست لخوا ورته پیغام راغی چې د خبرو لپاره د دوی دفتر ته ورشي، له هغه وخته چې هلته تللی ټلیفونونه یې بند دي او نن یې ۴ مه ورځ ده چې هېڅ تر احوال نه لرو.” د ښاغلي وطن دوست یوې بلې خپلوانې چې د امنیتي ستونزو له امله یې ونه غوښتل په راپور کې نوم ولیکل شي له طالبانو یې غوښتنه وکړه چې هغه خوشې کړي. Читать дальше...
د پاکستان پوځ وايي چې د افغانستان له خاورې په شوي برید کې درې پاکستاني پوځيان وژل شوي دي. په هغه بیان کې چې پوځ خپاره کړی راغلي دي چې وسله والو یاغیانو تېره شپه د درنو وسله په کارولو سره په شمالي وزیرستان کې د پوځ پر پوسته برید وکړ. پوځ د طالبانو له حکومته غوښتي دي چې په راتلونکې کې د دې ډول حملو مخه ونیسي. که څه هم پاکستان بيا بيا ادعا کړې ده چې د افغانستان له خاورې د دوی پر پوځيانو بريدونه تنظميږي، خو د افغانستان د پخواني حکومت لخوا دا ادعاوې رد شوي دي. سملاسي د طالبانو حکومت د پاکستان يادې ادعا ته کوم غبرګون نه دی ښودلی.
د سویډن د بهرنیوچارو وزیرې اَن لېندې په افغانستان کې پر هزاره ګانو د حملو په اړه ژوره اندېښنه ښودلې. په مزارشریف کې وړمه ورځ په یوه برید کې چې پړه یې د داعش ډلې خراسان څانګې ومنله لږ تر لږه ۲۵ کسان مړه او لسګونه نور ټپیان شول او له دې مخکې د کابل په دشت برچي سیمه کې په دوو چاودنو کې یو شمېر کسان مړه او ټپیان شول. مېرمن لېندې پرون پر ټویټر ولیکل چې په افغانستان کې له بشري حقونو سیستماتیکې سرغړونې او پر اقلیتونو حملې باید بندې شي.
د طالبانو د بهرنیوچارو وزارت، د افغانستان لپاره د برتانیا د سفیر هوګو شارتر له قوله خبر ورکړی چې نوموړی وايي، د ده د هېواد پالیسي دا ده چې د طالبانو د حکومت پرضد د وسله وال مخالفت ملاتړ نه کوي. د بهرنیوچارو وزارت له خوا په خپاره شوي بیان کې ویل شوي چې ښاغلي شارټر دا څرګندونې د طالبانو د حکومت د بهرنیوچارو له سرپرست وزیر امیرخان متقي سره په دوحه کې د کتنې پرمهال کړي. په بیان کې د برتانیا د سفیر له قوله همداراز ویل شوي دي چې برتانیا له نړیوال بانک سره په ګډه پر یوه طرح کار کوي څو افغان کروندګرو ته د بدیل معیشت په رامنځ ته کولو کې همکاري وکړي.
پاکستاني رسنۍ د چارواکو له قوله وايي په وروستیو دریو میاشتو کې د تورخم له لارې له افغانستان سره سوداګري دوه ځلې زیاته شوې ده. د افغانستان او پاکستان ترمنځ راکړه ورکړه، په تېره افغانستان ته د پاکستان صادرات د طالبانو له واکمنېدو وروسته کم شوي وو. پاکستاني چارواکي اوس وايي چې د تورخم له لارې افغانستان ته صادرات که څه هم زیات شوي خو هغه حد ته نه دي رسېدلي چې د اګست له ۱۵مې مخکې وو.
د افغانستان سوداګرۍ او پانګونې خونې او د چین نړیوال سوداګریز مرکز د صادراتو او وارداتو په برخه کې نړیوالو نندارتونونو د جوړولو په هدف هوکړه کړې ده. د افغانستان د سوداګرۍ او پانګونې خونې په یوه خبرپاڼه کې ویلي دي، چې دا هوکړه د دواړو لوریو ترمنځ د یوې انلاين غونډې په ترڅ کې وشوه. د خبر پاڼې په حواله، په دغه غونډه کې دغه شان چين ته د افغان سوداګرو د سفرونو د اسانتياوو په اړه هم خبرې شوي. دا هوکړه ليک داسې مهال لاسليک کېږي څه موده وړاندې د چين د بهرنيو چارو وزير کابل ته د سفر پر مهال د طالبانو... Читать дальше...
یو شمېر افغانان وايي، د طالبانو له بیا ځلي واکمنۍ وروسته، نه امنیت ښه شو او نه هم د خلکو په اقتصادي وضعیت بدلون راغی، بلکې سربېره پردې نجونې له زدهکړو هم محرومې شوې. په افغانستان کې د انساني او اقتصادي ناورین په ګډون، په کابل، مزار شریف او کندز کې وروستیو چاودنو د خلکو اندېښنې لا پسې زیاتې کړي دي. یو شمېر افغانان وايي، له دې وېرېږي چې امنیتي وضعیت له دې خراب او ان مدیریت یې د طالبانو له ولکې ووځي. جمیله بهادري د کابل په لویدیځ کې د دشت برچي اوسېدونکې ده. هغه سیمه چېرته چې تېره اوونۍ د عبدالرحیم... Читать дальше...
په افغانستان کې د طالبانو حکومت هغه ادعاوې ردوي چې ګوندې په بګرام هوایي اډه کې پاکستاني او چینايي ځواکونه ځای پر ځای شوي دي. د افغانستان په بګرام هوایي اډه کې د بهرنیو ځواکونو د موجودیت په اړه ادعاوې. د تېر جمهوري حکومت د ولسمشر لومړي مرستیال امرالله صالح په خپله ټویټر پاڼه لیکلي چې دغه بهرني ځواکونه د بګرام هوایي اډې په ځینو داخلي برخو کې میشت شوي او د حقاني ډلې غړو ته پوځي روزنه ورکوي. ښاغلي صالح لیکلي، چې دا موضوع به ډېره وخته پټه پاتې نه شي. که څه هم نوموړي د دغو ځواکونو د هویت په اړه... Читать дальше...
د طالبانو یو لوړ پوړی پلاوی د قطر پلازمېنې دوحې ته رسېدلی، څو د افغانستان د ۵ هوايي ډګرونو د تخنیکي برخو د تړون په اړه خبرې اترې وکړي. طالبان هیله ښيي چې قطر ته د تللي پلاوي د سفر په پایله کې به یې هغه ستونزې پای ته ورسېږي چې د کابل حامد کرزي او ۵ نورو هوايي ډګرونو د تخنیکي چارو مدیریت یو نړیوال شرکت ته سپاري. قطر ته د کابل د هوايي ډګر د مدیریتي چارو د قرارداد د سپارلو په اړه د طالبانو د رییس الوزرا د لومړي مرستیال عبدالغني برادر له امر وروسته، یاد پلاوی دوحې ته رسېدلی. د دې پلاوي مشري د طالبانو... Читать дальше...
د اپریل پر ۲۲مه، د کوهاټ په لاچۍ کې خلکو د هغې پېښې پر ضد مظاهره وکړه چې درې ورځې وړاندې په شمالي وزیرستان کې مخې ته راغله او په ترڅ کې یې د لاچۍ دوه ځوانان، په هدفي برید کې ووژل شول. مظاهره کوونکو غوښتنه کوله چې د شفیع الله او عدنان په نومونو د وژلو شویو دغو ځوانانو له کورنیو سره دې انصاف وشي. د لاچۍ ځوانان په اېف سي کې د کارموندلو لپاره وزیرستان ته ورغلي وو. نور تفصیل په دې ویډیويی راپور کې وګورئ.
په بلوچستان کې به له کوټې او لسبېلې پرته په نورو ضلعو کې بلدیاتي ټاکنې د راتلونکې مې میاشتې پر ۲۹مه ترسره کېږي.
د بخښنې نړیوال سازمان د سویلي اسیا کمپاینره وايي، افغانستان کې ملکي وګړي د ترهګرۍ له لوړ ګواښ سره مخ دي، خو طالبانو دا ګواښ بابیزه ګڼلی. په افغانستان کې د تېرې اوونۍ درې ورځې؛ هغه ورځې چې په کې ۶۴ ملکیان ووژل شول او ۱۶۴ نور ټپیان شول. دې نا امنۍ او د ملکي وګړو لوړ شمېر مرګژوبلې د طالبانو هغه ادعا وننګوله چې ویلي یې و، دوی توانېدلي د خلکو ټولیز امنیت خوندي کړي. ځینو رسنیو بیا په کابل، مزارشریف او کندز کې د وروستیو چاودنو تلفات د دې پرتله لوړ ښودلی. په دې چاودنو کې ښوونیزې ادارې او جوماتونه... Читать дальше...
طالبانو نن هغه ماشوم خپلې کورنۍ ته وسپاره چې څه باندې یو نیم کال مخکې په بلخ کې تښتول شوی و. د لاسونو د پړکا او د الله اکبر د شعارونو په منځ کې عبدالرووف خپل پلار محمد نبي ته وسپارل شو. عبدالرووف د ۱۳۹۹ کال په لړم کې له بلخ تښتول شوی وو. د طالبانو د رییس الوزرا مرستیال مولوي عبدالسلام حنفي په بلخ کې یوې غونډې ته وویل، عبدالرووف د هغو جرمي شبکو له خوا تښتول شوی و چې د ده په خبره له تېرې ادارې سره یې اړیکې درلودې. حنفي له دې پرته چې د اختطافګرو په اړه ډېر جزییات ورکړي ویې ویل، چې د عبدالرووف د تښتوونکې شبکې اصلي عاملین بهر تښتېدلي دي. Читать дальше...
د اوکرایین د جګړې په لومړیو کرښو کې د روسي ځواکونو د پرمختګ د مخنیوي راپورونه ورکړل شوي. د اوکرایین په خاوره د روسیې د یرغل اتمه اوونۍ کېږي خو د اوکرایین د مقاومت او د یو شمېر هېوادونو د پوځي مرستو له امله د روسي ځواکونو مخه ډب شوې ده. د برتانیا پوځي استخباراتو نن وختي په یوه بیان کې ویلي، داسې ښکاري چې روسي یرغلګرو ځواکونو په تېرو ۲۴ ساعتونو کې کومه لویه لاسته راوړنه نه ده کړې. د بریتانیا استخباراتو دا هم ویلي چې د روسیې هوايي او سمندري ځواکونو لا هم د اوکرایین د مقاومت په مقابل کې د اوکرایین د فضا او اوبو کنټرول نه دی ترلاسه کړی. Читать дальше...
د قرغزستان د بهرنیو چارو وزیر روسلان کازاک بایوف استعفا وکړه. د قرغزستان د جمهوري ریاست ویاند ایربول سلطانبایوف پرون آزادي راډیو ته وویل چې کازاک بایف دنده پریښې خو په دې اړه یې نور جزییات ورنه کړل. کازاک بایوف یوځل له ۲۰۱۰ کال څخه تر ۲۰۱۲ کاله او بل ځل د ۲۰۲۰ کال له اکتوبر راهیسې د قرغزستان د بهرنیوچارو د وزیر په توګه کار وکړ.
په هلمند ولایت کې د طالبانو د حکومت د ټرانسپورټ رياست په تېرو شپږو مياشتو نږدې ۶ ميلیونه افغانۍ عوايد راټول کړي. د طالبانو د حکومت د ټرانسپورټ وزارت په خپل فېسبوک پانه ليکلي، چې په هملند کې ياد عوايد يې د ځمکني ټرانسپورت او په اداري چارو کې د اسانتياو له امله راټول شوي دي. د وزارت په حواله، راټول شوي عوايد د تېر کال په پرتله دوه برابره زیات شوي دي. دا په داسې حال کې ده چې د هلمند ټرانسپورټ رياست تېر کال په همدومره موده کې شاوخوا درې ميلیونه افغانۍ عوايد راټول کړي وو.
د هالنډ یوې محکمې پرون اعلان وکړ چې د امستردام سوداګریز بانک په نوم د روسیې ملکیت یو بانک دیوالیه شوی دی. محکمې ویلي، دا بانک پر اوکراین د روسیې د یرغل په تړاو د بندیزونو په نتیجه کې دیوالیه شو.
د طالبانو حکومت وايي چې د کندز ولایت په امام صاحب ولسوالۍ په پرونۍ چاودنه کې ۳۳ کسان وژل شوي دي. د طالبانو د حکومت ویاند ذبیح الله مجاهد پرون ماښام پر ټویټر ولیکل، چې په دې چاودنه کې همداراز ۴۳ تنه نور ټپیان شوي دي. د ښاغلي مجاهد په وینا د دې پېښې په قربانیانو کې ماشومان هم شامل دي. د دې برید مسوولیت تردې دمه کومې ډلې نه دی منلی. په تېرو دریو ورځو کې په مزارشریف کې د شیعه مسلمانانو یو جوکات او د کابل په دشت برچي کې یو ښوونځی او د زده کړو یو کورس هم په نښه شول چې په نتیجه کې لسګونه کسان مړه او ټپیان شول. Читать дальше...
د طالبانو حکومت وايي چې له ایران سره د اوبو پرسر لانجه د خبرو له لارې حل کېدای شي. د طالبانو د حکومت مرستیال ویاند انعام الله سمنګاني په یوه ویډیويي پیغام کې چې پرون خپور شو په دې اړه وویل: "افغانستان ټولو هغه تعهداتو ته چې پخوا یې لرل او لري یې، ژمن دی. البته په دې وروستیو کې چې د وچکالیو له کبله افغانستان هم د اوبو له کمښت سره مخامخ دی ښايي د ایران اوبه خور هم زیانمن شوی وي خو دا د بحث وړ ده. اسلامي امارت چمتو دی چې د ایران اندېښنې د خبرو له لارې حل کړي." له دې څرګندونو یوه ورځ مخکې د ایران... Читать дальше...
د هند صدراعظم نریندرا مودي یوځل بیا په افغانستان کې د یوه ټولشموله حکومت د جوړېدو غوښتنه کړې. د تېرکال د زمري په ۲۴مه نېټه د طالبانو له واکمنېدو وروسته نړیوالې ټولنې او د سیمې هېوادونو په پرله پسې ډول په افغانستان کې د ټولشموله حکومت د جوړېدو پر اړتیا ټینګار کړی خو طالبان وايي، چې حکومت یې ټولشموله دی. ښاغلي مودي پرون پر خپل ټویټر ولیکل، چې هېواد یې په افغانستان کې د یوه ټولشموله حکومت ملاتړ کوي. د مودي په ټویټ کې د اوکراین د کړکېچ د حل لپاره هم د ډیالوګ او ډيپلوماسۍ پر اړتیا ټینګار شوی.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости