د ژغورنې اداره ریسکیو ۱۱۲۲ وايي چې د روان کال په لومړیو ۶ میاشتو کې په خیبر پښتونخوا کې ۴۴۸ کسان ډوب شوي دي. چارواکي زیاتوي چې په دې کې د مقامي خلکو په ګډون سیلګري، ماشومان او ښځې شاملې دي. دا اکثره هغه خلک دي چې د ګرمۍ په موسم کې په خوړونو او سیندونو کې لامبي. د دومره ډېرو کسانو د وژل کېدو وجوهات څه دي او مخنیوی یې څنګه کېدلی شي؟ په دې اړه د کرښې پر غاړه خپرونه د شاهين بونیري په کوربه توب واورئ.
د ازادې اروپا راډیو خبریالې السو کورماشېوا، د اګست پر لومړۍ نېټه د زندانیانو په تبادله کې د روسیې له بنده ازاده شوه. نوموړې وايي چې تر خوشې کېدو وروسته ورته محسوسېږي چې اوس خوندي ده. د روسیې یو عدالت تېره میاشت کورماشېوا ته د هغه هېواد د پوځ پرضد د ناسمو خبرونو خپرولو په تور د شپږ نیمو کلونو د بند سزا اورولې وه. کورماشېوا، د ازادې اروپا راډيو او د امریکا حکومت دا تورونه رد کړي ول او عدالتي پرېکړه یې سیاسي بللې وه. کورماشېوا د چيک جمهوریت په مرکز پراګ کې د ازادې اروپا راډيو د خبریالې په توګه کار کوي او د امريکا او روسیې غبرګ تابعيت لري. Читать дальше...
دوشنبې په ورځ د خوست میخانیکي انسټیټوټ له څلورو څانګو سل تنه نوي فارغ شوي فني او مسلکي ځوانان ټولنې ته وړاندې کړل. یاد انسټیټوټ، چې ۶۷ کاله وړاندې د جرمنیانو په مالي او تخنیکي همکارۍ جوړ شوی، دا مهال يې په ۷ بېلابېلو برخو کې شاوخوا یو نیم زر ځوانان د کسبونو پر زدهکړو بوخت دي.
د تحريک انصاف (پي ټيای) او ملګرو ګوندونو غړيو د خیبر پښتونخوا په صوابۍ کې جلسه کړې ده. په جلسه کې د پښتونخوا ملي عوامي ګوند مشر محمود خان اڅکزي هم خبرې وکړي. د اګست پر پينځمه شوې دې جلسه کې ګډونوالو غوښتنه وکړه چې حکومت دې د پي ټي ای ګرفتار مشران او غړيخوشې کړي او نور دې نه نیسي. د تحريک انصاف مشرانو د ويناوو په وخت ګواښ وکړ چې که د ملګرو د نیولو سلسله یې ونه درېدله نو احتجاجونه به پراخه کړي. حکومت تر اوسه په دې اړه تازه څه نه دي ويلي خو مخکې یې ويلي وو چې د تحريک انصاف مشران د درغليوو په قضيو... Читать дальше...
د مرکزي اسیا هېواد قرغیزستان په تېرو لسیزو کې پرمختګ کړی دی خو شپانه یې وايي چې اوس یې هم ژوند د پلرونو او نیکونو په څېر تېرېږي. هغوی وايي چې د پېړیو پخواني دود له مخې، خپل مالونه هر کال په اوړي کې په غرونو کې ورشوګانو یا څړځایونو ته بیايي او بیا په مني کې د واورې ورېدو په پیلېدو کلیو ته ستنېږي. شپانه خپلې کورنۍ هم غرونو ته بیايي او ښځې یې هم په مال ساتنه کې مرسته کوي. هغوی وايي چې کار یې ډېر ستړی کوونکی دی او په باران کې یې مشکلات لا زیاتېږي. د مشال راډیو د خبرونو مرکزي څانګې له ویډیو جوړ رپورټ.
دغه ونه سل کاله پخوانۍ ده او تېر کال وهل شوې وه، خو اوس یې د تنې او کوندې په شاوخوا کې تېغونه پرې شوي دي. د ونې په قصدي وهلو دوه کسان تورن شوي او په ډسمبر کې محاکمه کېږي.
پرون دوشنبې په دوغارون کې د افغانستان او ایران د ځانګړي اقتصادي زون د تېلو په ټانکونو کې پراخ اور ولګېد. د ایران دولتی رسنیو راپور ورکړی چې په اور کې څلور کسان ټپیان شوي دي. د ایران تسنیم خبري اژانس ویلي چې د اور وژلو په عملیاتو کې د افغانستان د اسلام کلا بندر اطفائیې هم برخه واخیسته.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости