د فوټسال تر ۱۹ کلنو کم عمره افغان لوبډلې تاجکستان ته ماتې ورکړه
د افغانستان د فوټسال تر نولس کلنو کم عمره ټیم نن تاجکستان ته ماته ورکړه.
دا لوبه د منځنۍ اسیا د اتلولۍ جام په لړ کې ترسره شوه چې قرغیزستان یې کوربه دی.
د افغانستان ټيم په نننۍ لوبه کې تاجکستان ته پنځه پر یو ماته ورکړه.
افغان لوبډلې تر دې مخکې هم کوربه قرغیزستان ته پنځه درې ماته ورکړې وه، خو په اوله لوبه کې یې له ایرانه لس پر درې ماته خوړلې وه.
تمه ده افغانستان په ګروپي دور کې یوه بله لوبه له ازبیکستان سره وکړي.
د افغانستان د فوټبال فدراسیون وايي، هیله من دي چې افغان لوبډلې اتلولۍ یا نایب اتلولۍ ته ورسیږي.