د طالبانو حکومت: نظامي محکمې مو یو شمېر مجرمینو ته سزاګانې ورکړي
په هغه خبرپاڼه کې چې د طالبانو ویاند ذبیحالله مجاهد په خپله ټویټرپاڼه کې ایښې، ویل شوي چې "په هېواد کې د اسلامي حاکمیت د ټنګښت په هدف د اسلامي امارت د مجاهدینو له نوم څخه د ناوړه ګټې اخیستو د مخنیوي په لړ کې یو شمېر کسان چې اووه تنهیې انسان تښتوونکي، یو قاتل او نور غله او جعلکاران بلل شوي، په حبس او نورو سزاګانو محکوم شوي دي".
د خبرپاڼې له مخې نظامي محکمه د هغو کسانو دوسیې څېړي او په اړهیې پرېکړې کوي چې د "اسلامي امارت" د غړو له نوم څخه په استفادې جرمونه ترسره کوي.
تر دې مخکې هم طالب چارواکو په ځلونو په خپلو لیکو کې د هغو کسانو د تصفیې خبره کړې وه چې وایي، د طالبانو له نوم څخه په استفادې ناوړه کړنې ترسره کوي.