د روغتیا نړیوال سازمان مشر: نړیوالو د افغانستان په څېر ځیني هېوادونه هېر کړي
د روغتیا نړیوال سازمان مشر له نړیوالو ګېله کړې ده چې د اوکراین پر جګړې دومره تمرکز کوي چې د افغانستان په څېر یې یو شمېر هېوادونه هېر کړي دي.
تدروس ادهانوم ګبریاسوس دا خبره پرون له جنوا څخه خبریالانو ته د وېډیو کنفرانس له لارې وکړه.
دا په داسې حال کې ده چې پرون په افغانستان کې د سره صلیب نړیوالې کمېټې په ټویټر کې ولیکل چې خپلو هڅو ته به په افغانستان کې دوام ورکړي.
سور صلیب په افغانستان کې له ۳۳ روغتونونو سره مرسته کوي او تر ۱۰ زره ډېرو روغتیايي کارکوونکو ته معاشونه ورکوي.