Шумораи қурбониёни ҳамлаҳо дар Шри-Ланка ба 290 нафар расид
Шумораи қурбониёни ҳамлаҳо дар Шри-Ланка ба 290 нафар расидааст. Пулиси Шри-Ланка рӯзи 22-юми апрел гуфт, ҳудуди 500 нафари дигар захмӣ шуданд. Инфиҷорҳо рӯзи 21-уми апрел дар чанд минтақа, бо шумули меҳмонхона ва калисоҳо дар шаҳри Коломбо рух дод. То ба ҳол сездаҳ нафар дар робита ба ин инфиҷорҳо дастгир шудаанд. Масъулияти таркишҳоро дар пойтахти Шри-Ланка ҳанӯз касе ё гурӯҳе ба уҳда нагирифтааст. Вазири мудофиаи Шри-Ланка ин бомбагузориро ҳамлаи террористӣ номид ва гуфт, аз сӯи тундравони мазҳабӣ анҷом шудааст.