Новости за 11.08.2019

"Ояндасоз" барномаи вижаи ҷавонон, ки муҳимтарин масоили сиёсӣ, иқтисодӣ, иҷтимоӣ ва фарҳангии Тоҷикистону ҷаҳонро аз дидгоҳи худи онҳо ва коршиносон таҳлил ва баррасӣ мекунад. Бар илова, дар ин гуфтор таронаҳои ҷаззоб ва мусоҳибаҳои ҳунармандон тақдим мешавад.

Додгоҳи олии Тоҷикистон бори дувум баҳси 13-солаи хона миёни Умаралӣ Саидов, як сокини Душанберо бо ҳамсари бародари марҳумаш ба фоидаи ӯ ҳал кард. Наботой Расулова аз мурофиа бо хашм берун шуд ва гуфт, аз баҳс даст кашиданӣ нест ва қасди холӣ кардани хонаро надорад. Мурофиа 7 август сурат гирифт.

Дар Тоҷикистон тарҳеро омода кардаанд, ки ҷазо барои барангехтани кинаву адовати миллӣ ва мазҳабиро "сабуктар" мекунад. Ин тарҳ аз сӯи Додситонии кул пешниҳод шуда, дар ҳоли баррасӣ аст, вале Радиои Озодӣ баъзе ҷузъиёти онро ба даст овард.

Раиси ширкати "Фаровон-2016" дар ноҳияи Бобоҷон Ғафуров барои тасарруфи беш аз 600 ҳазор сомонӣ пуле, ки барои хариди маҳсулот ба нерӯгоҳи "Роғун" пешбинӣ шуда буд, ба 10 соли ҳабс маҳкум шудааст. Додгоҳи ноҳияи Бобоҷон Ғафуров Қосим Яҳёевро барои "азонихудкунӣ ё исрофкорӣ ба миқдори махсусан калон" ва "сохтакории аснод" гунаҳкор донистааст. Дар ҳоли ҳозир назари вакили мудофеъ ва ё наздикони Яҳёев дастрас нест. Баррасии парвандаро раёсати Оҷонси назорати давлатии молиявӣ ва мубориза бо фасод дар вилояти Суғд анҷом додааст. Читать дальше...

Пулиси Ҳонгконг барои пароканда кардани эътирозгарон аз гази ашковар истифода намудааст. Тазоҳуроти норозиён дар Ҳонгконг даҳ рӯз боз идома дорад. Бо вуҷуди мамнуъ шудани тазоҳурот ва роҳпаймоиҳо дар ин шаҳр, рӯзи 11-уми август ҳазорон нафар ба хиёбонҳо баромада, роҳи марказӣ ба сӯи ҳукуматро бастанд. Дар назар аст, ин эътирозҳо дар чанд минтақаи Ҳонгконг баргузор шавад. Эътирозгарон қонуни истирдоди гунаҳкорон ба Чинро намепазиранд ва онро рад мекунанд. Ҳукумати Чин аз ин қонун пуштибонӣ кардааст. Читать дальше...

Интизор меравад, таътил ё рухсатии меҳнатии раиси ҷумҳури Туркманистон Қурбонгулӣ Бердимуҳаммадов рӯзи 15-уми августи имсол ба охир расад. Вале зоҳиран то он замон баҳси дар чӣ вазъ қарор доштан ва ё дар куҷо будани ӯ хомӯш нахоҳад шуд.

Генерали тоҷик Шараф Файзуллозода муовини дабири Шӯрои амнияти Тоҷикистон таъйин шудааст. Дар ин бора рӯзи 10-уми август амри раиси ҷумҳур содир шуд. Файзуллозода то ин дам сардори раёсати дифоъ ва тартиботи ҳуқуқии дастгоҳи иҷроияи президент буд. Вай дар гузашта дар мақоми сардори cитоди нерӯҳои марзбонии Кумитаи давлатии амнияти миллии Тоҷикистон кор кардааст. Номи Шараф Файзуллозода бори охир моҳи январи соли 2014 дар пайи даргирии нерӯҳои марзбонии Қирғизистону Тоҷикистон, ки чанд кушта ва захмӣ бар ҷой гузошт, расонаӣ шуда буд. Читать дальше...

Мақомоти соҳаи беҳдошт ва ҳифзи муҳити зисти Тоҷикистон чанде аз моликони истироҳатгоҳҳо ва сокинонро дар канори рӯди Варзоб ҷарима кардаанд.

Антонио Гуттереш, дабири кулли Созмони Милали Муттаҳид, таркиши маргбореро, ки боис ба кушта шудани се узви ин созмон дар Либия шуд, маҳкум кардааст. Рӯзи 10-уми август дар Бенғозӣ, шарқи Либия, як мошини бомбгузоришуда мунфаҷир шуд. Хабаргузории “Рейтерс” ба нақл аз мақомҳои тандурустии Либия гузориш дод, ки яке аз кормандони Созмони Милал хориҷӣ будааст. Пеш аз ин, гузориш шуда буд, ки ҳукумати Троблус (Триполи) ва нерӯи худхондаи Артиши миллии Либия зери раҳбарии генерал Халифа Ҳафтар оташбаси... Читать дальше...

Вазорати дифои Иёлоти Муттаҳида гуфт, як мушовири низомии амрикоии нерӯҳои амниятии Ироқ дар амалиёте дар вилояти Найнаво кушта шудааст. Фармондеҳии марказии Амрико рӯзи 10-уми август дар баёнияе гуфт, “яке аз хидматгузорони Амрико ҳангоми иҷрои маъмурияти нерӯҳои амниятии Ироқ дар ин кишвар кушта шуд." Ҳувияти ин низомии амрикоӣ ҳанӯз эълон нашудааст. Нерӯҳои амниятии Ироқ чанде пеш алайҳи боқимондаҳои ҷангҷӯёни гурӯҳи тундрави “Давлати исломӣ” чанд амалиёти низомиро ба роҳ монд. Ҳукумати... Читать дальше...

Кумитаи миллии олимпии Тоҷикистон иттилоъ дод, ки 10 август ба муносибати Рӯзи варзишгарон дар Боғи Фирдавсии пойтахт таҳти унвони “Бо Пешвои варзишпарвари худ ифтихор дорем” роҳпаймоӣ баргузор гашт

Дастаи мунтахаби наврасони зери 16-солаи футболи Тоҷикистон бо раҳбарии сармураббӣ Аҳлиддин Турдиев бо тими наврасони Арабистони Саудӣ дар меҳмонӣ ду бозии дӯстона анҷом дод. Дар ин бора сомонаи расмии Федератсияи футболи Тоҷикистон (ФФТ) хабар додааст.

Субҳи 11-уми август дар масҷидҳои ҷомеи Тоҷикистон намози Иди Қурбон хонда шуд. Баъд аз он афроди тавоно қурбонӣ карданд, дигарон ба аёдати беморон ва ё зиёрати қабри гузаштагон рафтанд. Дастикам се сол боз масъалаи таҷлил аз идҳои мусалмонӣ, ки Иди Қурбон яке аз он аст, ба мушкил мувоҷеҳ шудааст. Соли 2017 мақомот бо вуҷуди он ки рӯзи Иди Қурбон расман истироҳат буд, хонандагону омӯзгоронро ба мактаб даъват карданд.  Соли гузашта ва имсол мақомот хостанд, ки маъракаи “идгардак”-и кӯдакон маҳдуд шавад ва дастархони идона бодабдаба набошад. Читать дальше...

Бино ба гузориши Радиои Осиёи Озод, Туркия чанде пеш камаш се шаҳрванди ӯйғуртабори Чинро бо шиносномаҳои тоҷикӣ ба Чин истирдод кардааст.