Новости за 20.08.2019

Мақомоти Узбекистон соли 2016 гуфта буданд, ки ба афроди бе шаҳрвандӣ, аз ҷумла даҳҳо зодаи Тоҷикистон, ки дар вақти ҷанг ба он ҷо кӯчидаанд, шиноснома хоҳанд дод. Вале бо гузашти се сол мушкил ҳал нашудааст.

Дар садамаи мусофирбаре дар ҳудуди вилояти Бухоро нӯҳ муҳоҷири тоҷик маҷруҳ шудаанд. Ин мусофирбари хурди навъи «Мерседес» 18 нафарро аз Русия меовард. Садама рӯзи 19-уми август дар ҳудуди ноҳияи Ҷондори Узбекистон рух додааст. Мақомот мегӯянд, чархи мусофирбар кафида, «мошин аз роҳ ба берун баромад». Бино ба хабари расонаҳои Узбекистон, нӯҳ муҳоҷири тоҷикро бо захмҳои гуногун ба бемористон бурдаанд. Ба шаш нафари онҳо ҷавоб шудааст, се тани дигар дар шифохона ҳастанд. Дар робита ба ин ҳодиса парванда боз гардидааст. Читать дальше...

Анҷумани расонаҳои мустақили Тоҷикистон ё НАНСМИТ бар пояи як пажӯҳиши худ ба натиҷае расид, ки танҳо як дарсади хабарнигорони тоҷик аз посухҳои мақомот ба дархостҳояшон барои гирифтани иттилоъ қаноатманданд.

Мухлисони футбол аз шаҳри Истаравшан бо пахши як муроҷиатнома аз ноиби Президенти Федератсияи футболи Тоҷикистон хоҳиш намудаанд, то амалҳои беадолатонаи доварон дар вақти бозии футбол, ислоҳ шавад

Видеои мазкурро корбаре барои озмуни "Деҳи ман як пораи хоки ватан" фиристод. Шумо ҳам агар видеое доред, бифристед ва аз ҷоиза бенасиб намонед. Шарти озмун инҷост: https://www.ozodi.org/p/7249.html

Доллари ИМА расман ба 9 сомониву 70 дирам баробар шудааст.

Як сарбози собиқи қушунҳои дохилаи Вазорати корҳои дохилии Тоҷикистон иддао дорад, ки меҳтарсолорӣ дар аскарӣ ӯро маъюб кард.

Пас аз чанд рӯзи таркиши шубҳабарангез дар як озмоишгоҳи мушакҳои баллистикӣ дар Русия ин нигаронӣ ба вуҷуд омадааст, ки Маскав миқёси зарарро пинҳон медорад. Бино ба иттилои расмӣ, дар таркиши рӯзи 8-уми август панҷ нафар кушта шуданд. Созмони паймони манъи фарогири озмоишҳои ҳастаӣ дар Вена гуфт, ҳангоми таркиш чаҳор дастгоҳи ташхиси радиатсия дар Русия ба таври асроромез аз кор мондаанд. Лассина Зербо, масъули созмон, рӯзи 19-уми август дар Твиттер навишт, дар ду истгоҳи ташхиси радиатсия гуфтаанд, ки “мушкили техникӣ” доранд. Читать дальше...

Низоъ дар Яман ки чор сол инҷониб идома дорад, ин кишвари Ховари Миёнаро бо гуруснагӣ рӯ ба рӯ кардааст. Ҳазорҳо тифли сиҳату саломат аз камбуди шадиди ғизо азият мекашанд ва талоши ҷомеаи ҷаҳонӣ ҳам барои хатми низоъ дар ин кишвар то ба ҳол ягон натиҷае чашмрасе надоштааст.

Сомонаҳои хабаргузории "Азия-Плюс" (news.tj ва asiaplus.tj) аз рӯзи 19-уми август боз пурра дастнорас аст. Хонандагони ин хабаргузорӣ шикоят мекунанд, ки ҳатто ба воситаи VPN ё филтршиканҳо наметавонанд ба сомона ворид гарданд.

Бонки миллии Тоҷикистон қурби доллари амрикоиро боло бурд, дар Тоҷикистон низоми нави интиқоли пул таъсис дода мешавад, Яман бо қаҳтӣ мувоҷеҳ шудааст ва сарбози собиқ муолиҷа мехоҳад.

Иёлоти Муттаҳида рӯзи 19-уми август ба Юнон ва ҳамаи бандарҳои баҳри Миёназамин барои расондани ёрӣ ба киштии нафткаши эронӣ огоҳӣ додааст. Дар ин бора хабаргузории "Рейтерз" ба нақл аз як намояндаи расмии Департаменти давлатии Амрико гузориш дод.   Вашингтон гумон мезанад, ин киштии нафткаши эронӣ, ки ба Сурия нафт мебурд, ба як созмони таҳримшуда пайванд дорад. Ҳаргуна ёрӣ чун дастгирии моддӣ ба Сипоҳи посдорони инқилоби исломии Эрон ба шумор меравад, ки Вашингтон онро як созмони террористии хориҷӣ медонад. Читать дальше...

Дар мусобиқаи мазкур иштироки варзишгарон аз ҷумҳуриҳои Афғонистон, Белорус, Канада, Қирғизистон, Покистон, Туркманистон, Тоҷикистон, Узбакистон, Русия ва Амрико дар назар аст

Дастаи «Локомотив-Помир»-и Душанбе, ки дар даври чордаҳуми лигаи аввали футболи Тоҷикистон дар майдони худ «Исфара»-и шаҳри Исфараро бо ҳисоби бузурги 6:0 шикаст дод, бо 32 имтиёз дар ҷадвали мусобиқот ба зинаи аввал баромад.

Дэвид Хейл, муовини котиби давлатии ИМА дар умури масоили сиёсӣ рӯзҳои 20 то 23 август ба Осиёи Марказӣ меояд. Ҳадафи асосии сафари вай ширкат дар саммити панҷ кишвари Осиёи Марказӣ дар шаҳри Нурсултони Қазоқистон дар рӯзи 21 август аст. Дар доираи саммити маъруф ба С5+1 Хейл бо намояндагони вазоратҳои корҳои хориҷии Тоҷикистон, Қазоқистон, Қирғизистон, Узбекистон ва Туркманистон гуфтугӯ мекунад. "Онҳо талошҳои муштараки барқарории равобити густарда, шукуфоӣ ва амнияти Осиёи Марказиро баррасӣ... Читать дальше...

Муҳлати ҳабси пешакии президенти собиқи Қирғизистон Алмосбек Отамбоев то 26 октбяр тамдид шуд. Дар ин бора додгоҳи ноҳияи Якуми майи шаҳри Бишкек қарор қабул кард. Бар асоси қарори пешин, Отамбоев то 26 август ба ҳабс гирифта шуда буд. Замир Жоошев, вакили мудофеи Отамбоев гуфт, ки ин қарор "поймолсозии навбатии қонун аст". "Додгоҳ дархости додситонро қонеъ кард. Чунин муҳокимаҳо бояд дар бинои додгоҳ ва ошкоро баргузор шаванд. Вале ин бор ҳам баррасии додгоҳӣ дар бинои КДАМ барпо шуд. Ин хилофи қонун аст",-гуфт вакили мудофеъ. Читать дальше...

Дар мактабҳои миёнаи вилояти Марии Туркманистон аз хонандагон талаб мекунанд, ки барои харидани парчам, аксҳои президент ва дигар эҳтиёҷҳо маблағ ҷамъ оранд. Аммо волидони кӯдакон мегӯянд, эҳтимол дорад, омӯзгорон барои эҳтиёҷҳои худ ин маблағро ҷамъоварӣ мекунанд. "Як омӯзгор аз мактаби шаҳри Байрамалии вилояти Марӣ аз хонандагони синфи 11 бештар аз 100-долларӣ талаб дорад. Вай мегӯяд, ин маблағро барои харидани парчам, акси президент, ҳуҷҷатҳо ва дигар лавозимот сарф мекунад",-гуфт як сокини маҳаллӣ. Читать дальше...

Теҳрон Вашингтонро ҳушдор дод, ба боздошти киштии нафткаши эроние талош накунад, ки шаби якшанбе ҳудуди обии Гибралтарро тарк карда, бино ба баъзе маълумот, озими бандари Каламатаи Юнон шудааст. Киштии Grace 1 ҳомили 2 миллион бушка нафти хом буда, дар говсандуқи утоқи капитани он ҳудуди як миллион доллар нақдина мавҷуд аст. "Grace 1"-ро мақомоти Бритониё 4 июли соли равон бо гумони нақзи таҳримҳо ва интиқоли нафт ба Сурия боздошт карданд. Сипоҳи посдорони инқилоби исломии Эрон дар посух ду ҳафта... Читать дальше...

Туркманҳои муқими Тоҷикистон, ки асосан дар ноҳияи Дӯстии вилояти Хатлон зиндагӣ мекунанд, баъзе аз одатҳои қадимии худро тағйир додаанд.

Бахши узбекии Радиои Озодӣ навори садоиеро дастрас кард, ки 14 августи соли равон дар бинои шаҳрдории Фарғона сабт шудааст. Дар ин навор садои марде шунида мешавад, ки зертобеони худро дашном медиҳад. Муаллифони навори сидақиқаӣ мегӯянд, он мард раиси шаҳри Фарғона Ҳомид Ҳабибиддинов аст. Тавре дар навор шунида мешавад, шаҳрдори Фарғона бештар аз ҳама раҳбари Идораи манзил ва хоҷагии коммуналӣ Алишер Муминовро дашном медиҳад. Ҳабибиддинов ҳамчунин Муминови 35-сола ва зертобеонашро барои иҷро... Читать дальше...

Додситонии кулли Узбекистон зидди Гулнора Каримова, духтари калонии президенти пешини ин кишвар Ислом Каримов бо бандҳои "дуздии амволи давлатӣ", "созиш алайҳи манфиатҳои давлат" ва "азхудкунии моли дигарон" парвандаи ҷиноӣ боз кард. Ба огаҳии додситонӣ, ба боз шудани парванда шикояти сокинон ва маълумоти ирокардаи ширкати ҳуқуқии байналмилалӣ сабаб шуданд. "Тавре маълум гашт, Каримова бо шахсони дигар созиш карда, саҳмияҳои "Кувасайсемент" ва "Бекободсемент"-ро, ки ба давлат тааллуқ доштанд, бо нархи арзонтар соҳиб шудааст. Читать дальше...

Бобоҷон Раҳимов, сарбози пешини нерӯҳои дохилии Вазорати корҳои дохилии Тоҷикистон, иддао дорад, ки ҳангоми хидмат дар артиш маъюбу дастнигар шудааст. Мақомот мегӯянд, Бобоҷон Раҳимов ҳангоми дарс дар қисми низомӣ якбора ба сактаи ҳароммағз гирифтор шуд.

Хадамоти давлатии мубориза бо ҷиноятҳои иқтисодии Қирғизистон сиёсатмадори мухолиф ва номзади пешин ба мақоми президентии ин кишвар Омурбек Бабановро, ки ахиран аз хориҷ ба ватан баргашт, бозпурсӣ кард. Бабанов дар суҳбат бо рӯзноманигорон гуфт, ӯро дар доираи парвандаи марбут ба Бонки "Қирғизистон" бозпурсӣ карданд. Вале аз ҷузъиёти он худдорӣ кард. Ҳамчунин маълум гашт, ки ӯ 20 августи соли равон барои бозпурсӣ ба Кумитаи амнияти миллии Қирғизистон даъват шудааст. Раиси ҳизби "Республика"-и... Читать дальше...

Дар натиҷаи як задухӯрди гуруҳӣ дар ноҳияи Фрунзенскийи Санкт-Петербург се шаҳрванди Узбекистон захмӣ шуданд. Дар ин бора Вазорати умури хориҷии Узбекистон 18 август хабар дод. Ба огаҳии Консулгарии Узбекистон, 16 август дар занозании гуруҳӣ дар Санкт-Петербург се шаҳрванди ин кишвар аз тири силоҳи травматикӣ захмӣ шуданд. Вазъи онҳо вазнини миёна арзёбӣ мешавад. "Мақомоти ҳифзи ҳуқуқ ҳодисаро тафтиш доранд. Консулгарӣ бо ниҳодҳои дахлдор дар тамос буда, вазъро зери назорат аст",-омадааст дар иттилоияи Вазорати умури хориҷии Узбекистон. Читать дальше...

Дастаи мунтахаби наврасони зери 16-солаи футболи Тоҷикистон бо раҳбарии сармураббӣ Аҳлиддин Турдиев дар доираи омодагӣ ба марҳилаи интихобии қаҳрамонии Осиё-2020 дар мусобиқаи байналмилалӣ барои Ҷоми президенти Қазоқистон, ки рӯзҳои 24-28-уми август дар шаҳри Нурсултон баргузор мешавад, ширкат меварзад.   Дар мусобиқаи имсола барои Ҷоми президенти Қазоқистон, ки бори дувоздаҳум доир мегардад, дастаҳои мунтахаби наврасони Арманистон, Қирғизистон, Литва, Тоҷикистон ва ду дастаи мунтахаби нарасони Қазоқистон дар ду гурӯҳ ширкат меварзанд. Читать дальше...