Новости за 17.09.2019

Бонки миллии Тоҷикистон рӯзи 16-уми сентябр ба "Тавҳидбонк" – нахустин бонки исломии Тоҷикистон – иҷозаи кор дод. Коршиносон мегӯянд, Тоҷикистон ният дорад, аз як сӯ бовари аздастрафтаи муштариёнро дубора соҳиб шавад ва аз тарафи дигар нияти ҷалби сармояҳои бештари кишварҳои исломиро дорад. Бонки нахустини исломӣ дар Тоҷикистон дар заминаи "Соҳибкорбонк" таъсис ёфтааст. Саҳмдорони "Соҳибкорбонк" моҳи июни имсол барои гузаштан ба низоми бонкдории исломӣ ва ҳамин тавр тағйири ном қарор қабул карда буданд. Читать дальше...

Соҳибкорони тоҷик аз низоми андоз шикоят доранд.

Сарвазирони Тоҷикистон ва Қирғизистон -Қоҳир Расулзода ва Муҳаммадқулӣ Абилғозиев баъд аз як муноқишаи хунин дар марзи ду кишвар бо ҳам мулоқот карданд. Дар низоъи марзӣ, ки бегоҳи 6-уми сентябр рух дод чаҳор марзбон аз ҳарду тараф кушта ва чандин нафар захмӣ шуданд.

Вокуниши Тоҷикистону Қирғизистон ба муноқишаи хунин дар марз.

Қаҳрамонии Ассосиатсияи футболи Осиёи Марказӣ миёни мунтахаби духтарони то 15 - сола дар шаҳри Тошканд ба анҷом расид

Вазорати корҳои хориҷии Тоҷикистон дар робита ба муноқишаи ахир дар марз ба кордори сафорати Қирғизистон дар Душанбе нотаи эътирозӣ супурд. Пеш аз ин Вазорати корҳои хориҷии Қирғизистон ба сафири Тоҷикистон нота дода буд. Дафтари матбуоти Вазорати корҳои хориҷии Тоҷикистон шоми 17-уми сентябр хабар дод, ки кордори сафорати Қирғизистон ба вазорат даъват шуда, вобаста ба амали ҷониби Қирғизистон, "ки бори дигар бархилофи созишҳои қаблӣ дар қаламравҳои аломатгузоринашуда корҳои сохтмониро оғоз кард" эътироз баён карданд. Читать дальше...

Азим Иброҳим, муовини нахуствазири Тоҷикистон ва масъули гуфтушуниди баҳсҳои марзӣ бо Қирғизистон, мегӯяд, таҳқиқи тирандозии маргбор дар сарҳад оғоз шудааст. Дар ин муноқишаи шаби 16-уи сентябр дар байни ҷамоати Овчӣ-Қалъачаи ноҳияи Бобоҷон Ғафуров ва ноҳияи Лайлаки Қирғизистон аз ду тараф чаҳор нафар кушта ва чандин тани дигар захмӣ шуданд. Ҳоло як ҳайати расмии Тоҷикистон дар ҷойи ҳодиса аст. Азим Иброҳим рӯзи 17-уми сентябр ба чанд суоли хабарнигори Радиои Озодӣ дар бораи баҳсҳои марзӣ ва решаҳои муноқишаи мусаллаҳона посух дод. Читать дальше...

Азим Иброҳим, муовини нахуствазири Тоҷикистон ва масъули гуфтушуниди баҳсҳои марзӣ бо Қирғизистон, мегӯяд, таҳқиқи тирандозии маргбор дар сарҳад оғоз шудааст. Дар ин муноқиша дар байни ҷамоати Овчӣ-Қалъачаи ноҳияи Бобоҷон Ғафуров ва ноҳияи Лайлаки Қирғизистон аз ду тараф чаҳор нафар кушта ва чандин тани дигар захмӣ шуданд. Ҳоло ҳайати расмии Тоҷикистон дар ҷойи ҳодиса аст. Азим Иброҳим яке аз онҳост. Вай рӯзи 17-уми сентябр ба чанд суоли хабарнигори Радиои Озодӣ дар бораи баҳсҳои марзӣ ва решаҳои муноқишаи мусаллаҳона посух дод.

Вазири пешини савдо ва равобити иқтисоди хориҷии Туркманистон Амондурдӣ Эшонов бо ҷурми фасодкорӣ ба муҳлати номуайян зиндонӣ шудааст. Телевизионҳои давлатии Туркманистон 13-уми сентябри соли равон дар як гузориши вижа чандин мард, аз ҷумла Эшоновро нишон доданд, ки завлона ба даст ба фасодкор будани худ иқрор мекунанд. Ин навор ҳамчунин дар як қатор ҷаласаҳои ҳукумати Туркманистон ҳамчун натиҷаи маъракаи мубориза зидди коррупсия бо ташаббуси президент Қурбонгулӣ Бердимуҳаммадов намоиш дода шуд. Читать дальше...

Ҳабиб Нурмуҳаммедов, размикори шинохтаи доғистонӣ рӯзи 8 сентябр дар Абу-Дабӣ бо истифода аз усули буғикунанда рақиби амрикоияш Дастин Пуареро шикаст дод

Кумитаи ҳимоят аз рӯзноманигорон (Committee to Protect Journalists, CPJ) рӯзи 16-уми сентябр аз он "изҳори нигаронии амиқ" кард, ки мумкин аст, ҷазои қотили рӯзноманигори украин Георгий Гонгадзе - генерали милисаи Украина Алексей Пукачро сабук карда, ҳукми ҳабси якумриро бекор созанд. Алексей Пукач, ки замоне мақомдори яке аз ниҳодҳои Вазорати корҳои дохилии Украина буд, моҳи январи соли 2013 дар қатли рӯзноманигор Георгий Гонгадзе айбдор шуд. Рӯзноманигор 16-уми сентябри соли 2000-ум нопадид шуд. Читать дальше...

Мақомоти Афғонистон гуфтанд, дар таркише, ки  рӯзи 17-уми сенятбр дар наздикии як гирдиҳамоии интихоботӣ бо иштироки президенти Афғонистон Ашраф Ғанӣ  рӯй дод, 24 кас кушта ва 31 нафари дигар маҷрӯҳ шуданд. Ёвари Ғанӣ гуфт, ба ӯ зарар нарасидааст. Ҳамлаи мусаллаҳона вақте рӯй дод, ки Ғанӣ мебоист дар вохӯрии интихоботӣ дар Ҷангалбоғ, маркази ноҳияи Парвон, дар шимоли Кобул суханронӣ кунад. Абдулқосим Сангин, сардори бемористони вилоятӣ гуфт, дар миёни нобудшудагон занон ва кӯдакон мебошанд ва чунин менамояд... Читать дальше...

Дар марзи Тоҷикистон бо Қирғизистон ба ҷуз аз гузаргоҳи "Кулунду-автодорожний" ҳамаи гузаргоҳҳои боқимонда фаъолият доранд. Хадамоти давлатии марзбонии Қирғизистон мегӯяд, ҷониби Тоҷикистон яктарафа убуру мурур аз гузаргоҳи мазкурро манъ кардааст. Ҷониби Тоҷикистон то ҳол қазияро шарҳ надодааст. Мақомоти Қирғизистон мегӯянд, гузаргоҳи "Кулунду" барои фаъолияти шабонарӯзӣ пешбинӣ шуда, дар деҳаи Кулундуи ноҳияи Лайлаки вилояти Бодканд ҷойгир аст. Шоми 16-уми сентябр дар қитъаи баҳсии марзи ду кишвар тирандозӣ рух дод. Читать дальше...

Тоҷикистонро дар Қаҳрамонии ҷаҳон-2019 оид ба варзиши сабук ду варзишгар Дилшод Назаров ва Гулсунбӣ Шарифова муарифӣ мекунанд

Рӯзи 16-уми сентябр дар шаҳри Самарқанди Узбекистон чанд тан аз меҳмонони тӯйе аз ғизо заҳролуд шуданд. "Рӯзи 16-уми сентябр аз соати 16:10 то 18:30 дақиқа ба беморхонаи вилоятии бемориҳои сироятӣ ҳафт шаҳрванд муроҷиат карданд. Ҳамаи беморон як нишонаи беморӣ доштанд", - хабар доданд расонаҳои маҳаллӣ аз қавли раёсати тандурустии вилояти Самарқанд. Баъдтар хабар расид, ки ҳамаи заҳролудшудагон меҳмони тӯйе буданд, ки рӯзи 14-уми сентбяр дар тарабхонаи "Муъҷиза" таҷлил шуд. Меҳмонон аз тӯйхона миқдоре гӯшти хом гирифта... Читать дальше...

Дар рӯзи дуввуми ҷаласаи арзёбиҳои ҳуқуқи башар дар кишварҳои узви Созмони Амният ва Ҳамкории Аврупо дар шаҳри Варшава яке аз масоили калидии мавриди баррасӣ  озодии баён ва фаъолияти матбуоти озод буд.

Маросими дафни марзбони тоҷик дар ноҳияи Ҳисор ва таҳқиқи тирпарронӣ дар марз бо Қирғизистон, нишасти САҲА дар Варшава, дилсардии соҳибкорон ва бекории маҳбусони собиқ дар Кӯлоб.

Ҷасади подполковник Рустам Убайдуллоевро, ки шаби 16-уми сентябр дар тирандозӣ дар марз бо Қирғизистон кушта шуд, рӯзи 17-уми сентябр дар зодгоҳаш ҷамоати Мирзо Турсунзодаи ноҳияи Ҳисор дафн карданд. Убайдуллоев 35-сола ва соҳиби ду фарзанд аст.

Мақомот дар вилояти Суғд расман тасдиқ карданд, ки дар муноқишаи ахир дар марзи Тоҷикистону Қирғизистон cе марзбони тоҷик кушта шудааст. Пеш аз ин Қирғизистон аз марги як сарбозаш хабар дода буд. Музаффар Юнусов, сухангӯи раиси вилояти Суғд, рӯзи 17-уми сентябр аз ҷамоати Овчӣ-Қалъачаи ноҳияи Бобоҷон Ғафуров ба Радиои Озодӣ гуфт, феълан сарҳад ором аст ва зери назорати марзбонон мебошад. Сухангӯи раиси вилояти Суғд афзуд, гуфтушуниди ҳайатҳои Тоҷикистон Қирғизистон бояд ба зудӣ шуруъ шавад.​ ... Читать дальше...

Президенти ИМА Доналд Трамп рӯзи 16 сентябр гуфт, ки ҳарчи бештар “ба назар мерасад”, ки дар пушти ҳамлаи ахир ба муассисаҳои нафтии Арабистони Саудӣ Эрон қарор дорад. Айни замон ӯ гуфт, ки ҳанӯз хулоса кардан дар ин замина барвақт аст. Ӯ инчунин гуфт, ки ИМА хостори ҷанг нест, вале омода аст, ки ба кишвари муттафиқи калидиаш дар Халиҷ баъди мушаххас шудани шахсияти масъули ин ҳамла мусоидат кунад. “Ман бо касе ҷанг карданӣ нестам, вале мо омода ҳастем”, гуфт Трамп ба хабарнигорон дар Вашингтон. Читать дальше...

Футболбозони русе, ки соли гузашта баъди як муноқиша дар тарабхона зиндонӣ шуданд, пеш аз мӯҳлат ба озодӣ баромаданд. Вакили дифои ӯ Юрий Падалко гуфт, футболбоз Александр Кокорин як рӯз пеш аз озод шуданаш аз зиндон бо клуби “Зенит” созишномаи нави ҳамкорӣ имзо кард, хабар дод. “Футболбозон дар озодӣ ҳастанд. Мамаев корашро бар асоси созишномаи амалкунандаи “Краснодар” идома медиҳад, Кокорин бо “Зенит” созишномаи нав имзо кард”, гуфт вакили дифоъ. Футболбозон Павел Мамев, Александр Кокорин ва... Читать дальше...

Дастаи мунтахаби наврасони Тоҷикистон оид ба футбол марҳилаи интихобии Қаҳрамонии Осиё - 2020 - ро бо ғалаба оғоз намуд

Вазорати корҳои хориҷии Қирғизистон дар робита ба низои ахир дар марз ба сафири Тоҷикистон дар Бишкек нота супоридааст. Дафтари матбуоти Вазорати умури хориҷии Қирғизистон рӯзи 17-уми сентябр гуфт, ҳангоми тақдими нота ба Суҳроб Олимзода "эътирози қатъӣ"-и Бишкек "аз амалкарди ғайриқонунии марзбонони тоҷик" изҳор дошта шуд. Ҷониби Тоҷикистон дар бораи ин нота то ҳол изҳори назар накардааст. Муноқиша дар марзи Тоҷикистону Қирғизистон шаби 16-уми сентябр рух дод ва аз ҳарду ҷониб чандин куштаву захмӣ барҷой гузошт. Читать дальше...

Дастаи мунтахаби духтарони зери 15-солаи Тоҷикистон дар мусобиқоти қаҳрамонии Ассотсиатсияи футболи Осиёи Марказӣ (CAFA) барандаи медалҳои биринҷӣ гардид. Дар ин мусобиқот, ки аз аз 13 то 16-уми сентябр дар шаҳри Тошканд баргузор шуд, дастаҳои мунтахаби духтарони зери 15-солаи Қирғизистон, Тоҷикистон, Узбекистон ва Эрон ширкат доштанд. Ба иттилои дафтари матбуоти Федератсияи футболи Тоҷикистон, футболбоздухтарони тоҷик аз се бозӣ дар яктоаш бар дастаи мизбон – Узбекистон – бо ҳисоби 2:0 пирӯз шуда... Читать дальше...

Дар Узбекистон сар аз 1-уми январи соли 2020 қарори порлумон "Дар бораи танзими тӯй, маросимҳои хонаводагӣ, ҷашнҳо, маросимҳои азодорӣ" ба иҷро медарояд. Ин қарор рӯзи 14-уми сентябр қабул шуд. Бар асоси ин қарор, маросимҳои хонаводагӣ танҳо як рӯз - аз соати 6-и субҳ то 11-и шом иҷозат дода мешавад. Ин тартибот ба маросимҳои гуру чӯб дахл надорад. Ба ҷуз ин, шӯрои ноҳиявӣ ва шаҳрии вакилони халқӣ метавонанд, муҳлати баргузории маросимҳоро танзим кунанд. Дар ҳуҷҷат омадааст, ки дар маросимҳои хонаводагӣ ширкати то 200 одам иҷозат аст. Читать дальше...