Новости за 13.04.2021

Домулло Ҳикматуллоҳи Тоҷикободӣ, рӯҳонии шинохтаи тоҷик, ки итоат аз подшоҳро "воҷиб" ва ҷанги Сурияро "фитна" дониста буд, рӯзи 13-уми апрел дар 80-солагӣ даргузашт. Яке аз наздиконаш ба Радиои Озодӣ гуфт, "ӯ чанд вақти охир бемор буд".

Мақомоти Тоҷикистон дар мавриди Иззат Амон маълумоти нав нашр накардаанд, вале наздиконаш гуфтанд, сафи шикояткунандагон аз болои Иззат Амон дар ҳоли афзоиш аст.

Ба иттилои расмӣ, дар кӯҳҳои деҳаи Зартеғи шаҳри Леваканд (Хатлон) ҷасади як духтари 16-соларо пайдо кардаанд.

Раҳбари зиндонии мухолифини Русия гуфтааст, дар маҳбас ба ӯ бастаи китобҳо, аз ҷумла Қуръон, китоби муқаддаси мусулмононро надоданд ва ӯ ба зидди раҳбарияти муассиса ба додгоҳ шикоят кард.

Кишоварзони тоҷик мегӯянд, "ҳам рӯза мегирем ва ҳам кор мекунем".

Мақомоти Тоҷикистон дар мавриди Иззат Амон маълумоти нав нашр накардаанд, вале наздикони ӯ мегӯянд, сафи шикояткунандагон аз болои Иззат Амон дар ҳоли афзоиш аст. Онҳое низ даъво мекунанд ки Иззат Амон онҳоро намешиносад.

Беш аз бист сокини Хуҷанд рӯзи 13 апрел бо талаби бозпас гирифтани хонаҳояшон дар назди бинои ҳукумати шаҳр ҷамъ омаданд. Ширкати сохтмонии "Ҳусноро-1", ки моликонаш шаҳрвандони Чин ҳастанд, соли 2015 32 ҳавлиро вайрон кард, то силсилаи биноҳои бисёрошёна бисозад, аммо аз иҷрои тарҳ даст кашид.

Беш аз бист сокини Хуҷанд рӯзи 13-уми апрел бо талаби бозпас гирифтани хонаҳояшон дар назди бинои ҳукумати ин шаҳр таҷаммуъ карданд.

Баъди он ки мақомот як раҳбари ҳизби тундрави исломии ташаббускори эътирозҳои зидди фаронсавиро боздошт карданд, дар шаҳрҳои калонтарини Покистон эътирозҳо бархост. Полис гуфт, ки Саад Ризви, раҳбари ҳизби “Таҳрики лаббайки Покистон” 12-уми апрел дар шаҳри шарқии Лоҳур ба хотири “таъмини қонун ва тартибот” боздошт шуд. Ин ҳизб талаб кард, ки дар посух ба нашри карикатураҳои Муҳаммад Пайғамбар дар Фаронса, ҳукумати Покистон сафири ин кишвар дар Исломободро пеш кунад. Ҳабси Ризвӣ ҳамон замон боиси... Читать дальше...

Толибон гуфтанд, барои ширкат дар конфронси сулҳи Афғонистон, ки 16-уми апрел дар Туркия баргузор мешавад, ҳанӯз посухи рӯшан надоранд. Муҳаммад Наим, сухангӯи Толибон рӯзи 12 апрел дар сӯҳбат бо Радиои Аврупои Озод/Радиои Озодӣ гуфт, ин гурӯҳи ҷангӣ бояд дар идомаи рӯз дар ин замина қароре қабул кунад. Наим нагуфт, ки далели таъхир дар посух чӣ аст. ИМА, ки соли гузашта бо Толибон созиши сулҳ имзо кард, дар талоши ин аст, ки аз роҳи муколамаи ин гурӯҳ бо ҳукумати Афғонистон ба даҳсолаҳои ҷанг дар ин кишвар хотима гузошта шавад. Читать дальше...

Ҳештег ё шиори "Озодӣ ба донишҷӯёни тоҷик", ки дар мадрасаву донишгоҳҳои Эрон таҳсил кардаанд, тайи чанд рӯзи охир миёни корбарони форсизабони шабакаи Твиттер машҳур шудааст. Танҳо дар рӯзи 7-уми апрел ин навиштаро тақрибан ёздаҳ ҳазор бор паҳн карданд.

Теҳрон гуфт,  харобкории эҳтимолӣ дар таъсисоти ҳастаии Натанз, ки ба қавли Эрон кори дасти Исроил мебошад, “қимори баде аст”, ки дасти Теҳронро дар музокираҳои бозгашт ба қарордоди соли 2015-и ҳастаӣ қавитар мекунад. Мақомоти эронӣ гуфтанд, ки таркиши 11-уми апрел боиси аз кор мондани  барқи Натанз шуд ва ба сентрифугаҳои насли  аввали он осеб расонид. Эрон гуфт, ки посухи ин амалро хоҳад дод. Дар ҳоле, ки ҳеҷ ҷонибе дар бораи анҷоми ин ҳамла иддаое накардааст, бисёриҳо бовар доранд, ки ин кори Исроил  аст. Читать дальше...

Дар идомаи саркӯбҳои норозиёни интихоботи президентии августи соли 2020 дар Беларус, ки бо пирӯзии Александр Лукашенко анҷомид, полиси ин кишвар  раиси   ҳизби дигари оппозитсионӣ - Ҷабҳаи мардумии Беларус Григорий Костетсовро боздошт кард. Наздикони ӯ гуфтанд, ки ин сиёсатмадорро 12-уми апрел бо иттиҳоми номаълум дар шаҳри Шклов боздошт карда ба шаҳри Минск интиқол доданд. То ҳол мақомот дар бораи ин қазия шарҳе надодаанд. Натиҷаҳои интихоботи президентии порсолаи Беларус бо норизоияти шадиди мухолифону сокинони ин кишвар рӯбарӯ шуд... Читать дальше...

Парда Алимардонов, бародари Муродалӣ Алимардон, раиси пешини Бонки Миллӣ ва ҳоло роҳбари "Агроинвестбонк", аз боздошт раҳо шудааст.

Дар шаҳри Миннеаполиси ИМА бо сабаби куштори як ҷавони амрикоии африқоитабор шаби дуюми эътирозу беназмиҳо пуштисар шуд. Тим Геннон, раиси полиси шаҳри Бруклин Сентер рӯзи 12-уми апрел гуфт, ходими полис ба ҷои электрошокер тасодуфан силоҳро ба даст гирифта ба Даунте Райти 20-сола тир холӣ кард. Полис наворҳои видеоии ҳодисаи 11-уми апрелро нашр кард  ва дар он дида мешавад, ки баъди барои вайрон кардани қоидаи ҳаракат дар роҳ нигоҳ дошта шудани мошини Райт занозанӣ бархост ва вақте ходими полис... Читать дальше...

Ҳинд иҷоза дод, ки воксинаи русии Sputnik-V ба таври изтирорӣ барои эмкунӣ аз олудашавӣ ба COVID-19 иҷоза дода шавад. Дар ин кишвари иборат аз 1,3 миллиард ҷамъият камбуди воксина эҳсос мешавад, аз ин рӯ воксинаи русӣ сеюм дар навбати тасдиқ будааст. Ширкати дорусозии Dr Reddy's Laboratories рӯзи 13-уми апрел гуфт, ки иҷозаи иидораи назорати дорувории Ҳиндро ба даст овард ва акнун ба воридоти воксинаҳои русӣ мепардозад. Бунёди сармояҳои мустақими Русия, ки масъули таблиғи воксинаҳои русӣ дар ҷаҳон аст... Читать дальше...

Дар Тоҷикистон давраи навбатии  интихоби довталабони  таҳсил дар донишгоҳҳои Русия  ба поён расид. Тибқи иттилои Маркази илм ва фарҳанги Русия дар Хуҷанд, имсол беш аз 5000  хатмкунандагони мактабҳои миёна, литсей ва гимназияҳои панҷ шаҳри Тоҷикистон - Хуҷанд, Душанбе, Кӯлоб, Бохтар ва Хоруғ дар озмун иштирок кардаанд. Ба гуфтаи мақомоти рус, Тоҷикистон  аз рӯи талабгорони таҳсил дар макотиби олии Русия дар миёни дигар кишварҳо ҷойи аввалро ишғол мекунад ва соли ҷорӣ шумораи довталабон аз 15 то 20 фоийз афзудааст. Читать дальше...

Гуруҳе аз шаҳрвандони Тоҷикистон  бо ташаббуси рӯзноманигор Раҷаби Мирзо аз ҳукумати кишвар хостанд, ки  ба сарбозшикор ва ё облава  хотима дода шавад. Дар зери ин  номаи саркушода дар шабакаи  Фейсбук  садҳҳо нафар имзо гузоштаву  мубтакирон гуфтанд, онро ба сомонаи президент Эмомалӣ Раҳмон ирсол мекунанд. Дар ин мактуб, ки  ба раисҷумҳури Тоҷикистон ва шаҳрдори Душанбе нигаронида шудааст, омадааст, “бо ин шевае, ки ҳоло ҷавононро “ҷалб” мекунанд, на танҳо қонунмандӣ зери суол мераваду ҳуқуқу озодиҳои шаҳрвандонро поймол мекунанд... Читать дальше...

Ширкати "Барқи тоҷик" мегӯяд, бо дарназардошти фарорасии моҳи Рамазон шиддати маҳдудияти истифода аз нерӯи барқ дар манотиқи рустоии Тоҷикистонро камтар мекунад. Нозирҷон Ёдгорӣ, сухангӯи ширкати "Барқи тоҷик" мегӯяд, ба ин хотир тасмим шудааст вақти ифтор ва рӯзабандӣ ба манзили сокинон нерӯи барқ интиқол дода мешавад. Тақвими Рамазон соати ифрот ва рӯзабандиро дар Тоҷикистон аз тахминан соатҳои ҳафти шом то чори  субҳ муқаррар кардааст.  Ёдгорӣ афзуд, ҳамзамон мутахассисони "Барқи тоҷик" мавзӯи... Читать дальше...

Пайвандони Иззат Амон, ҳомии ҳуқуқи муҳоҷирон мегӯянд, ӯ ҳамчунон дар боздоштгоҳи муваққатӣ нигаҳдорӣ мешаванд ва рӯшан нест, ки қазияи ӯ бо чӣ меанҷомад. Ба қавли онҳо, ҳамарӯза чандин нафари наве бо даъвоҳои худ дар нисбати Иззат Амон аз худ дарак медиҳанд. Мақомот то ҳол дар бораи вазъи саломатии Иззат Амон, ки рӯзи 25-уми март дар Маскав нопадид шуд ва чанд рӯз баъд аз боздошти ӯ дар Душанбе хабар доданд, маълумоти расмие нашр накардаанд. Наздиконаш гуфтанд, рӯзи 12-уми апрел бо ӯ дар боздоштгоҳ мулоқот кардаанд . Читать дальше...

Президенти Узбекистон бо сафари расмӣ ба Тоҷикистон меояд. Хабаргузории «Азия-Плюс» аз қавли манбааш дар ҳукумати кишвар менависад, ки сафари Шавкат Мирзиёев бо даъвати Эмомаль Раҳмон, аз 10 то 12 -уми июн дар назар гирифта шудааст. Ба ҳамин тартиб дар давраи раёсатҷумҳурияш ин бори чаҳорум мешавад, ки президенти Узбекистон аз Тоҷикистон дидан мекунад. Интизор меравад, раҳбарони ду кишвар дурнамои ҳамкориҳои тарафайнро дар ҳама бахшҳо баррасӣ намоянд. Ҳамчунин қарор аст, миёни Душанбе ва Тошканд... Читать дальше...

Омбудсмени Русия  пешниҳод кардааст, барои муҳоҷироне,  ки  ба таври қонунӣ  ба ин кишвар ворид шудаву бинобар пандемия беш аз як сол ин ҷо мондаанд, ҳаққи иқомати муввақатӣ ва ё “Вид на  жительство“ дода шавад.  Хабаргузории ТАСС менависад, Татяна Москалкова  ин пешниҳоди худро зимни пуштибонӣ аз таҳияи лоиҳаи қонуне, ки ба муҳоҷирон имкон медиҳад, сарфи назар аз қонуншиканиҳои мавҷуда, иқомати худро дар  Русия  қонунӣ кунанд, ироа доштааст.  Тарҳи қонун бо ташаббуси   вазири корҳои дохилии Русия Владимир Колоколтсев таҳия мегардад. Читать дальше...

Сарфи назар аз идомаёбии пандемия ва нигарониҳо аз афзоиши мизони гирифторӣ бо бемории COVID-19, сар аз 13-уми апрел мусулмонони саросари олам фарорасии моҳи шарифи Рамазонро ҷашн мегиранд. Соли дуюм аст, ки Рамазон ба даврони пандемия рост меояд ва мусумлонони рӯзадор бояд дар баробари худдорӣ аз тановули ғизо, нӯшидани об ва дигар аъмоли дунявӣ маҳдудиятҳои марбут бо ҷилавгирӣ аз сирояти саросарии коронавирусро иҷро кунанд. Дар моҳи Рамазон мусулмонон барои кушодани рӯза ва намозгузорӣ дар ҷойҳои ҷамъиятӣ... Читать дальше...

Неъмат Шоев, сокини 60-солаи ҷамоати Фароби Панҷакент, минтақаи ҳаммарз бо Узбекистон, 17 сол боз бо дасту пойи маъюб ва оҳанрезаи мина дар бадан муҳтоҷи кумак аст, вале мегӯяд, мақомоти масъул ҳанӯз ба додаш нарасиданд.

Неъмат Шоев, сокини 60-солаи ҷамоати Фароби Панҷакент, минтақаи ҳаммарз бо Узбекистон, 17 сол боз бо дасту пойи маъюб ва осори мина дар бадан муҳтоҷи кумак аст, вале мегӯяд, мақомоти масъул ҳанӯз ба додаш нарасиданд.