Новости за 04.12.2021

Дар давоми тақрибан се даҳсолае, ки Нурсултон Назарбоев дар курсии президенти Қазоқистон буд, бисёре аз хешовандонаш ба шахсони сарватманди ин кишвар табдил шудаанд. Бародари хурдии ӯ, Болат, низ истисно нест.

Чаро баҳси кӯчондани хона-музейи Айнӣ бархост? Тоҷикистон ба хати форсӣ гузарад, чӣ хоҳад шуд? Гуноҳи муаллифи “Гузашти айём” чӣ буд? Ҳоло нависандаи хуб нест ё асари хонданӣ? Посухи ин ва суолҳои дигарро аз адабиётшиноси тоҷик, Абдухолиқ Набавӣ, пурсидем.

Имрон Хон, сарвазири Покистон, онро дар Твиттер "ҳамлаи даҳшатноки мутаассибон" ва "як рӯзи шармовар барои Покистон" номид. Ӯ ваъда дод, ки гунаҳкорон ҷазо хоҳанд гирифт.

Қонуни баҳсбарангези "агенти хориҷӣ" дар Русия соли 2012 қабул шуда, бештар барои бастани расонаҳо истифода мешавад.

Созмони Дидбони Ҳуқуқи Башар (Human Rights Watch) аз Озарбойҷон хостааст, қазияи бо хушунат пароканда кардани тазоҳуроти осоишта дар Боку ва латукӯби "ваҳшатнок"-и як сиёсатмадор ва овозхони мухолифи давлатро "беғаразона ва ҳамаҷониба" таҳқиқ кунад.

Ин навъи вирус бори аввал ҳафтаи гузашта дар Африқои Ҷанубӣ кашф шуда, дар чиҳил кишвари дунё паҳн гардидааст.

Президенти Амрико гуфт, бар сари тарҳе кор мекунад, ки бино бар он ҳаракати низомии Русия алайҳи ҳамсояаш, Украина, бисёр душвор хоҳад шуд.

Ба қавли муовини ваколатдори президенти Қирғизистон дар вилояти Бодканд, Маъруфхон Туллаев, ҷониби Тоҷикистон пешниҳод кардааст, тартибот дар минтақаҳои наздимарзӣ “тавассути нерӯҳои пулис таъмин карда шавад”.

Оё ҳукумати марказӣ мехоҳад, дар ин ҷо тартиботи сахттаре ҷорӣ кунад ё мардуми Бадахшон озодтаранду ҳақталошӣ ва додхоҳӣ мекунанд? Мақоми мухтори минтақа ё собиқаи замони ҷанги дохилӣ то куҷо ба ин вазъият таъсир доранд? Дурнамои вазъ, агар ислоҳ карда нашавад, чӣ буда метавонад?

Нашрияи “Ҳуррият” аз ӯ Малоҳат Раҳимоваи 31-сола ном бурд, вале маълумоти дигаре надод. Чанде аз корбарони тоҷики шабакаҳои иҷтимоӣ бо нашри акси зан аз пайвандонаш хостаанд, ҷасади ӯро бигиранд.

Оҷонси мубориза бо коррупсияи Узбекистон тарҳи қонунеро ба палатаи қонунгузори ин кишвар пешниҳод кардааст, ки сахттар кардани ҷазоро барои фасодкорӣ пешбинӣ мекунад.

Президенти Қирғизистон, Содир Ҷабборов (Жапаров) дар суҳбат бо расонаи "Aryba.kg" ҳамла ба раҳбари Ҳизби мухолифи "Ота-Макон"-и ин кишвар Омурбек Текебоевро баъди напазируфтани натиҷаҳои интихоботи порлумонӣ шарҳ додааст.

Алексей Резников, вазири мудофиаи Украина, мақомоти Русияро муттаҳам кард, ки бо ҷо ба ҷо кардани беш аз 94 ҳазор сарбоз дар наздикии марзи ин кишвар ба амалиёти низомии густардаи эҳтимолӣ омода мешаванд.

Эътироз дар Хоруғ бори аввал нест, ки рӯй медиҳад. Қатъи назар аз сабаби чунин эътирозҳо, пас аз амалиёти ҳарбӣ дар соли 2012 Вилояти Бадахшон ба минтақаи беқарор ва нооромшаванда табдил ёфтааст. Чаро чунин аст? Сайфулло Сафаров ва Додоҷон Атовуллоев дар ин бора баҳс мекунанд.

Як узви хатарноки ДОИШ, гуруҳи тундрави "Давлати исломӣ", аз Тоҷикистон, ки соле пеш аз зиндони шаҳраки Африни Сурия (зери назорати Туркия) "ғайб" зада буд, дар урдугоҳи паноҳҷӯён дида шудааст.