Новости за 18.12.2021

Русия рӯзи 18-уми декабр  ду ҳавопаймои тавони нигаҳдошти бомбаҳои атомиро барои назорат бар фазои марзҳои ғарбии Беларус сафарбар кард.

Мақомоти “Толибон” гуфтанд, ки кори хадамоти паспортдиҳӣ ба шаҳрвандони Афғонистонро аз сар мегиранд ва ин қарорро бархе ҳамчун умеди дастёбӣ ба санади расмӣ арзёбӣ мекунанд, ки барои сафар ваё тарки кишвар кардан зарур мебошад. Як мақоми раёсати вазорати дохилии “Толибон” рӯзи 18 декабр дар нишасти матбуотие дар Кобул хабар дод, ки аз фардо дар ин кишвар кори шиносномадиҳӣ шурӯъ мешавад. Баъди сари қудрат омадани “Толибон” дар таърихи 15-уми август даҳҳо ҳазор сокини Афғонистон дар фикри тарки ин кишвар шуданд... Читать дальше...

Масҷиди Сангин дар наздикии қалъаи Ҳисор ба гуфтаи донишмандон дар гузашта оташкадаи зардуштӣ будааст ва шакли меъмории ин далели ин гуфта аст. Хабарнигорони Радиои Озодӣ ба ин ибодатгоҳе рафтанд, ки замоне зардуштиён ва замоне мусулмонон дар он ниёиш мекарданд.

Вазорати дифои Русия гуфт, ки рӯзи 18-уми декабр се ҳавопаймои навбатии низомиаш, ки ба Кобул кӯмакҳои башарӣ интиқол дода буданд, бо тахминан 200 мусофир ба самти Маскав парвоз карданд.

Дар Покистон дар минтақаи шимолуғарбии Хайбар Пахтунхва як номзад ба интихоботи маҳаллӣ кушта шуд. Полис гуфт, ки Умар Хитоб Шеронӣ шаби 17 ба 18-уми декабр аз ҷониби ду марди мотосиклсавор дар ноҳияи Дараи Исмоилхон кушта шуд. Шеронӣ узви як ҳизби дунявии “Ҳизби миллии авом”  ва барои курсии раиси  ноҳияи Дараи Исмоилхон дар интихоботи 19 декабр номзад буд. Як узви ҳизби авом ба бахши покистонии Радиои Озодӣ гуфт, ки ҷасади Шеронӣ субҳи 18 декабр дар назди манзилаш ошкор шуд. То ҳол ҳеҷ гурӯҳ ё... Читать дальше...

Мақомоти садову симои Олмон гуфтанд, ки барои пахши барномаҳои бидуни иҷозаи телевизиони RT, ки аз ҷониби давлати Русия назорат мешавад, парванда боз кардаанд. RT DE, ки аз шабакаҳои олмонизабони телевизиони RT мебошад, рӯзи 16-уми декабр ногаҳон ба пахши барномаҳояш  тавассути маҳвора шурӯъ кард. Рӯзи 17-уми декабр танзимгари матбуоти Олмон – МАВВ гуфт, ки барномаҳои телевизиони русӣ ба забони олмонӣ бар пояи як  иҷозатнома ё лисензияи шубҳаноки Сербия ба роҳ монда шудааст.  Олмон ба расонаҳои хориҷӣ лисензия ё иҷозатномаи пахш намедиҳад. Читать дальше...

Русия рӯйхати хостаҳоеро нашр кард, ки бар асоси он  мехоҳад бо Иёлоти Муттаҳида дар заминаи ба куллӣ тағйир додани  сохтори вазъи амниятии пас аз ҷанги сард дар Аврупо музокира барпо кунад. Пешниҳодҳое, ки рӯзи 17 декабр аз ҷониби Вазорати корҳои хориҷии Русия ба миён гузошта шуд, хатми тавсеаи   НАТО ба самти шарқ ва маҳдуд шудани  фаъолияти низомии ин паймон дар Аврупои Шарқӣ, аз ҷумла дар Украина ва Гурҷистонро тақозо мекунад.  Ин пешниҳодҳо пешрафтҳои назаррарси то ҳол бадастомадаи НАТО дар... Читать дальше...

Навъи “Омикрон”-и коронавирус дар саросари ҷаҳон то рафт бештар паҳн мешавад. Дар ИМА мақомоти маҳаллӣ гуфтанд, ки шумори олудашудаҳо ба ин навъи вирус дар беморхонаҳои ин кишвар бештар мешаванд. Дар Олмону Фаронса мақомот рӯзи 17-уми декабр гуфтанд, ки “Омикрон” базудӣ сабаби хуруҷи мавҷи панҷуми пандемия мешавад ва низоми беҳдоштии ин кишварҳо, ки бо навъи “Делта” дастбагиребон мебошанд, базудӣ таҳти фишори “Омикрон” мемонанд. Ҳамоно бисёр ҷузъиёти ин навъи коронавирус то охир шинохта нашудааст... Читать дальше...

Анҷумани саратоншиносии Амрико мегӯяд, саратони шуш яке аз кушандатарин бемориҳост, вале барои таҳқиқи он назар ба  дигар навъҳои саратон, мисли  саратони сина ва ғадуди простата камтар пул ҷудо мешавад.

Анҷумани Саратоншиносии Амрико мегӯяд, саратони шуш яке аз кушандатарин бемориҳост, вале барои таҳқиқи он назар ба таҳқиқи бемориҳои саратони сина ва ғадуди простата камтар пул ҷудо мешавад.

Узбекистон гурӯҳи мутахассисонашро ба шаҳри Мазори Шарифи Афғонистон фиристод, то дар барқарор кардани фурудгоҳи ин шаҳри ҳаммарзи Узбекистон ва ҳам азсаргирии парвозҳо  мусоидат кунанд. Исматулло Эргашев, фиристодаи вижаи президенти Узбекистон дар Афғонистон рӯзи 17-уми декабр гуфт, ки кори таъмири фурудгоҳ дар аввалҳои соли оянда ба итмом мерасанд. Ёрии Тошканд баёнгари омодагии Узбекистон ба ҳамкорӣ бо маъмурияти Толибон аст, ки августи соли ҷорӣ баъди тарки Афғонистон кардани нирӯҳои ғарбии таҳти... Читать дальше...

Собиқ раиси як маркази фарҳанги Ҳинд дар Тоҷикистон ба нишони сипос аз мардум ва фарҳанги тоҷикистониён китоберо нашр кардааст, ки онро “Ташаккур, Тоҷикистон” ном гузоштааст. Ниранҷана Ванали профессор ва муовини раиси Донишгоҳи Бангалори шимолӣ буда, солҳои 2018-19 давоми 15 моҳ дар Тоҷикистон раҳбарии маркази фарҳангии Ҳиндро ба ӯҳда доштааст. Пеш аз маросими муаррифии китобаш ӯ ба вебсайти thehindu.com гуфтааст, ки тавассути ин китоб ба мардум ва фарҳанги тоҷикистониён изҳори сипос кардааст... Читать дальше...

Дар шаҳри Деҳлӣ ҷаласаи сеюми “Муколамаи кишварҳои Осиёи Марказӣ ва Ҳинд” баргузор мешавад, ки дар кори он вазири корҳои хориҷии (ВКХ) Тоҷикистон ҳам ширкат мекунад. Ба навиштаи вебсайти ВКХ, Сироҷиддин Муҳриддин рӯзи 17-уми декабр вориди Деҳлӣ шуд ва қарор аст ин сафари расмии дипломати тоҷик то 20-уми декабр идома кунад. Ба навиштаи хабаргузориҳои ҳиндӣ, ҷаласаи асосии муколамаи минтақавӣ рӯзи 19-уми декабр бо ширкати  вазирони корҳои хориҷии кишварҳои Қазоқистону Қирғизистон ва Туркманистону Узбекистон баргузор мешавад. Читать дальше...

Ҳамасола 18-уми декабр бо пешниҳоди Маҷмааи умумии СММ рӯзи ҷаҳонии муҳоҷирон гиромӣ дошта мешавад. Соли 1990 дар ин рӯз Паймони байналмилалии ҳифзи ҳуқуқи муҳоҷирони корӣ ва аъзои хонаводаи онҳо қабул шудааст.

Ҳафтаи оянда, раиси ҷумҳур Эмомалӣ Раҳмон аз минбари порлумон хоҳад гуфт, ки соли гузашта ҳукумат чӣ корҳое хубе дар ҳаққи мардум кард ва соли оянда чӣ кор бояд кунад, ки зиндагии сокинон беҳтар шавад, нерӯи барқ бошаду, нархи хӯрокаву бензин боло наравад.

Муроҷиатҳо ба Эмомалӣ Раҳмон барои баррасии мавзуъҳои муҳим ва гуфтани дарди дили мардум дар паёми солонааш ба Маҷлиси миллӣ баҳси барномаи Озодионлайни имрӯз аст.