Новости за 24.12.2021

Ҳуринисо Ализода барои як  соли оянда раиси Шӯрои воситаҳои ахбори оммаи Тоҷикистон интихоб шуд.

Дастаи мунтахаби миллии футболи Тоҷикистон дар рейтинги FIFA   дар ҷойи 116-ум қарор гирифтааст.

Сафири Афғонистон дар Тоҷикистон ба сару садоҳо дар мавриди интиқоли ҳудуди 800 ҳазор доллар ба ҳисоби бонкии ин сафорат вокуниш кард. Масъулини Толибон иддао карданд, ки дар рӯзҳои ахири ҳукумати пешин, 786 ҳазор доллар "саҳван" ба ҳисоби бонкии сафорати Афғонистон дар Тоҷикистон интиқол ёфтааст.

Ҳуринисо Ализода раиси Шӯрои Воситаҳои ахбори оммаи Тоҷикистон интихоб шуд. Интихоби ӯ ба ин мақом дар ҷаласаи солонаи ин Шӯро, ки рузи 24-уми декабр баргузор шуд, сурат гирифт. Ӯ дар ин мақом ҷойгузини Бахтиёр Ҳамдам шуд, ки тайи ду соли ахир раҳбарии ин созмони журналистиро ба ӯҳда дошт.

Дар Эрон қонунеро бо номи Ҳимоят аз хонавода ва ҷавонии ҷамъият қабул карданд, ки бар асоси он дигар истифодаи лавозимоти пешгирӣ аз ҳомиладории нохоста ба мисли рифола манъ аст. Ҳоло бисёриҳо метарсанд, ки ин қонун оқибатҳои баде барои сиҳатии аҳолӣ хоҳад дошт.

Рӯзи 24 уми декабр мақомоти шаҳри Исфара аз тахриби дурбинҳо ё худ камераҳои назоратӣ дар минтақаи марзии ҷамоати Чоркӯҳ хабар доданд. Онҳо бо нашри чанд аксу навор дар ин кор сокинони деҳаи қирғизнишинро айбдор карданд.

Дар Тоҷикистон беш аз 60 иттиҳодияи динии ғайриисломӣ сабт шудааст ва тахминан сад нафари онҳо пайрави мазҳаби католикӣ мебошанд.

Рӯзи 24 декабр дар додгоҳи марказии вилояти Кемеровои Русия барои сӯхтори мудҳиш ва пурқурбонӣ дар маркази тиҷоратии “Зимняя вишня”, ки дар наҷоти ҷони одамон  шаҳрвандони Тоҷикистон ҳам ширкат кардаанд,  ҳукми ниҳоии гурӯҳи навбатии муттаҳамон содир шуд. Ҳукмро давоми панҷ рӯз қироат карда, дар ниҳоят, ба маълумоти хабарнигори Сибирь.Реалии, айбдоршудаҳо ба мӯҳлати аз 7 то 18 соли зиндон маҳкум шуданд. Додгоҳ гуфт, ки ҳагоми сохтмон қонуншиканиҳои зиёде роҳ ёфтааст, ки сабаби асосии зуд паҳн шудани оташ гардид. Читать дальше...

Ҳуринисо Ализода раиси Шӯрои Воситаҳои ахбори оммаи Тоҷикистон интихоб шуд. Интихоби ӯ ба ин мақом дар ҷаласаи солонаи ин Шӯро, ки рузи 24-уми декабр баргузор шуд, сурат гирифт. Ӯ дар ин мақом ҷойгузини Бахтиёр Ҳамдам шуд, ки тайи ду соли ахир раҳбарии ин созмони журналистиро ба ӯҳда дошт. Дар ин ҷаласа Илҳоми Ҷамолиён, Раҷаби Мирзо ва Носирҷон Маъмурзода аъзои нави раёсати Шӯрои ВАО интихоб шуданд. Дар умум ин Шӯро 9 узви раёсат дорад. Шӯрои ВАО як созмони мустақили журналистист, ки соли 2009 ташкил шуда... Читать дальше...

Оҷонсии омори Тоҷикистон сатҳи таваррум дар бахши истеъмолии кишварро дар 11 моҳи соли ҷорӣ 7,5% нишон додааст. Дар гузориш гуфта мешавад, ки дар ин муддат нархи маҳсулоти хӯрокворӣ 6,6 фоиз боло рафтааст. Аз ҷумла, маҳсулоти нонӣ 4 дарсад, гуштӣ беш аз 16 фойиз, сабзавот зиёда 14 ва равған 21,4 дарсад гарон шудааст. Соли ҷорӣ арзиши як халта орди 50-килоӣ аз 240 сомонӣ ба 300 сомонӣ ва бештар аз он расид. Нархи як литр равғани офтобпараст аз 13-14 сомонӣ ба 25 сомонӣ боло рафт. Бар иловаи маҳсулоти хӯрокворӣ... Читать дальше...

Як мутахассиси руси умури муҳоҷирати байналмилалӣ мегӯяд, муҷозоти  муҳоҷирон барои содир кардани ҷиноят дар хоки Русия бояд сахттар шавад. Раиси бахши русии Анҷумани  байналмилалии пулис Юрий Жданов рӯзи 22 декабр дар сӯҳбат бо РИА Новости гуфт, барои ҷиноят дар бахши  муҳоҷират "ҷавобгарии ҷиноӣ кофӣ нест". Жданов таъкид кардааст, ки бояд муҷозот барои содир кардани ҷиноятҳои вазнини марбут ба муҳоҷирати ғайриқонунӣ пурзӯр карда шаванд. Ба гуфтаи вай,  шумори  муҳоҷирони ғайриқонунӣ дар Русия аз 2,5 то 10 миллион нафарро ташкил медиҳад. Читать дальше...

Бонки Ҷаҳонӣ барои марҳилаи дуввуми тарҳи бозсозии нерӯгоҳи Норак 65 миллион доллар гранти иловагӣ медиҳад. Ин созмони молӣ дар вебсайти худ рӯзи 21 декабр навишт, тарҳи мазкур ба беҳбуди таъмини нерӯи барқ ва тавсеаи содироти нерӯи сабз аз Тоҷикистон мусоидат хоҳад кард. Марҳилаи аввали азнавсозии нерӯгоҳ моҳи марти соли 2019 оғоз гардида буд. Нерӯгоҳи "Норак" ҳудуди 50 дарсади ниёзи солонаи кишварро ба нерӯи барқ бароварда мекунад. Пас аз анҷом ёфтани корҳои барқарорсозӣ, интизор меравад, ки истеҳсоли... Читать дальше...

Соли нави милодии 2022 ҳафтаи оянда фаро мерасад ва мақомот огоҳ карданд, ки ин ид бидуни барномаи бошукӯҳи фарҳангию фароғатӣ таҷлил хоҳад шуд. Ҳамчунин дар шаби соли нав дар шаҳри Душанбе истифода аз  мушак ва маводи пиротехникӣ манъ аст. Чунин тасмим аз ҷониби Ситоди ҷумҳуриявӣ бо ҳадафи ҷилавгирӣ аз бемории COVID-19 гирифта шудааст. Тибқи қарори ситод, барномаҳои фарҳангию фароғатӣ дар ноҳияҳои Душанбе танҳо дар  кӯдакистонҳо  баргузор мешаванд. Ҳамзамон, ба гуфтаи Вазорати маорифи Тоҷикистон... Читать дальше...

Масъулини Шӯрои Васоити Ахбори Оммаи (ВАО) Тоҷикистон мегӯянд, ки дар давраи пандемияи COVID-19 ба ҳукумат дархости кӯмак ба расонаҳои хусусиро карданд, вале посухе нагирифтанд. Бахтиёр Ҳамдам, раиси Шӯрои ВАО ин нуктаро рӯзи 24-уми декабр дар ҷаласаи солонаи Шӯрои ВАО иброз дошт. Оқои Ҳамдам гуфт, ба Абдуҷаббор Раҳмонзода, собиқ мушовири президент муроҷиат карда буданд, ки дар давраи бемории ҳамагир, ки таъсири худро ба кори расонаҳо гузошт, 600 ҳазор сомонӣ дар шакли грант ҷудо кунанд. "Мутассифона то ҳол бепосух мондааст",-афзуд ӯ.

Ҷо Байден, раиси ҷумҳури Амрико рӯзи 23-уми декабр як қонунеро имзо кард, ки бар асоси он воридот аз вилояти Шинҷони Чин ба Иёлоти Муттаҳида мамнуъ аст. Ин як танбеҳи дигари Чин ба ҳисоб меравад, чун Иёлоти Муттаҳида онро ба бадрафторӣ бо уйғурҳо ва дигар аққалиятҳои мусулмон дар вилоят муттаҳам мекунад. Бар асоси санад, воридоти тамоми молу маҳсулот аз Шинҷон ба Амрико манъ аст, чун, ба гуфтаи мақомоти амрикоӣ, мумкин аст, онҳоро, касоне истеҳсол карда бошанд, ки дар урдугоҳҳо нигаҳ дошта мешаванд. Читать дальше...

Дар ҷаласаи Шӯрои Васоити Ахбори Оммаи Тоҷикистон, ки рӯзи 24-уми декабр дар Душанбе сурат гирифт, масъалаи қатъи интернет дар Бадахшон баҳс шуд. Қурбон Аламшоев, яке аз аъзоёни фаъоли Шӯрои ВАО аз вилояти Бадахшон ин масъаларо дар миён гузошт. Ӯ аз Бахтиёр Ҳамдам, раиси Шӯро пурсид, ки оё маҳдудияти интернет дар вилоят кори журналистонро дар ин минтақа мушкил накардааст ва ин нақзи ҳуқуқи ҷомеа нест? Раиси Шӯро посух дод, ки вай зидди чунин маҳдудиятҳо мебошад. "Ҳар қадар маҳдудиятҳо бештар шуд... Читать дальше...

Амрико ва Украина иддаои Владимир Путин, раиси ҷумҳури Русияро рад карданд, ки гуфт, Украина барои ҳамла ба вилоятҳои шарқӣ ва ҷудоиталаби худ омодагӣ мегирад. Владимир Путин дар ин бора рӯзи 23-уми декабр ҳангоми нишасти хабарии солонааш дар Маскав сухан гуфт. Ҷен Псаки, сухангӯи Кохи Сафед гуфт, “воқеият ин аст, ки ягона таҷовузгарӣ дар марзи Русия ва Украина сафарбарии нерӯҳои Русия ва баёнияҳои ҷангҷӯёнаи раҳбари Русия аст.” Владимир Путин ҳамчунин гуфт, нигаронии Ғарб аз сафарбар кардани неруҳо... Читать дальше...

Ҷониби Тоҷикистон марзбонон ва шаҳрвандони Қирғизистони ҳамсояро дар “амалҳои иғвоангезона” муттаҳам кардааст. Ҳанӯз вокуниши ҷониби Қирғизистон ба ин изҳорот маълум нест.

Имрӯз, 24-уми декабр, дар маҷмааи «Кохи Суруш»-и шаҳри Душанбе маросими супоридани ҷоизаҳои Лигаи футболи Тоҷикистон доир гардид. Бар асоси натиҷаҳои мавсими соли 2021 ғолибон аз рӯи сездаҳ номгӯ бо ҷоизаҳо сарфароз гаштанд.   Барандагони ҷоизаҳои инфиродии Лигаи футболи Тоҷикистон дар соли 2021: Беҳтарин бозигари Лигаи аввал: Далер Шарипов («Пахтакор») Беҳтарин нишонзани Лигаи аввал: Абдуфаттоҳ Худойдодзода («Локомотив-Помир»). Беҳтарин мураббии Лигаи аввал: Ҳикмат Фузайлов («Регар-ТадАЗ»)... Читать дальше...

Конфедератсияи футболи Осиё (AFC) ҳайати пурраи сабадҳоро барои қуръакашии марҳилаи ниҳоии Ҷоми Осиё (U-23) муаррифӣ кард. Қуръакашии ин мусобиқа 17-уми феврал баргузор мешавад. Дастаи мунтахаби ҷавонони Тоҷикистон (U-23), ки бори аввал дар Ҷоми Осиё иштирок мекунад, дар сабади чаҳорум бо Малайзия, Кувайт ва Туркманистон қарор гирифт ва рӯшан аст дар марҳилаи ниҳоии мусобиқот бо ин дастаҳо дар як гурӯҳ бозӣ намекунад. Аз рӯи натиҷаи қуръакашӣ чаҳор гурӯҳи иборат аз чаҳордастаӣ ташкил мешавад. Читать дальше...

Ширкати зертобеи "Роҳи оҳани Узбекистон" -- "Согдиена Транс" соли равон 32 410 тонна (564 вагон) маҳсулотро аз Афғонистон ба Узбекистон, Қазоқистон ва Русия интиқол додааст. Бино ба иттилои расмӣ, аз Афғонистон ба Узбекистон 15 969 тонна, ба Қазоқистон 13 869 тонна ба Русия 2572 тонна бор интиқол дода шудааст. Ба ин кишварҳо асосан меваи хушк ва сабзавот интиқол ёфтааст. Дар иттилоияи "Роҳи оҳани Узбекистон" омадааст, ки "Согдиена Транс" аллакай 10 сол мешавад, бо содироти маҳсулоти гуногун аз Афғонистон ба кишварҳои пасошӯравӣ машғул аст. Читать дальше...

Президенти Русия Владимир Путин 23-юми декабр дар нишасти хабарии худ Қазоқистонро "кишвари русзабон" номид. Ӯ Қазоқистонро яке аз "ҳампаймонони наздиктарин"-и Москва хонда, ба мақомоти қазоқ барои дасгирии забони русӣ миннатдорӣ баён кард. "Мо робитаҳои амиқи башардӯстона дорем. Ман ба раҳбарияти Қазоқистон барои дастгирии рушди забони русӣ миннатдорӣ баён мекунам. Шумо худ медонед, ки дар Қазоқистон чи қадар одам забони русиро меомӯзанд. Он кишвари русзабон ба тамоми маънояш аст. Дар ин кишвар теъдоди мактабҳое низ... Читать дальше...

Гуруҳи Толибон дар вилояти Ғазнии Афғонистон ба табибон дастур додаанд, ки ба бонувон танҳо дар ҳузури марди маҳрамашон ёрии тиббӣ расонанд. Пештар занон дар Афғонистон ҳақ доштанд, ки ҳамроҳи яке аз наздиконашон ба беморхона раванд. Вале комиссияи дахлдори Толибон рафтани бонувон ба беморхонаро бидуни марди маҳрам "ғайриқонунӣ ва бадахлоқӣ" номида, ба табибон дастур додаанд, ки занонро танҳо дар ҳузури марди маҳрамашон муойина кунанд. Расонаи "Etilaatroz" бо истинод ба манбаи худ дар Вазорати тандурустии Афғонистон иттилоъ додааст... Читать дальше...

Мақомоти вилояти Балкани Туркманистон маҳдудиятҳои марбут ба пешгирӣ аз паҳншавии коронавирусро сахттар карданд. Яке аз табибони вилоят ба шарти ифшо нашудани номаш гуфт, маҳдудиятҳо баъди ошкоршавии намуди нави коронавирус - "омикрон" дар туркманистониҳое, ки аз Қазоқистон омадаанд, сахттар шудааст. "Дар чаҳор шаҳрванди Туркманистон, ки аз Қазоқистон омадаанд ва дар минтақаи карантини Бекдаш нигаҳдорӣ мешаванд, "омикрон" ошкор шудааст", - изҳор дошт ҳамсуҳбати мо. Ба гуфтаи табиб, як гузаргоҳи... Читать дальше...