Новости за 11.10.2023

11-уми октябр дар ҷаҳон ҳамчун рӯзи байналмилалии духтарон ёд мешавад. Дар ҷомеаи суннатии Тоҷикистон то ҳанӯз аксарият духтарро “моли мардум” медонанд,ва бартариро ба писарон медиҳанд, чун саробони хона ва нерӯи асосии корӣ ҳисоб мешаванд.

Даргирии Исроил ва “Ҳамос” дар Навори Ғазза рӯзи панҷум аст, ки идома дорад. Партоби чанд мушак ва ракетаҳои зиддитонкӣ аз сӯйи Лубнон ба шимоли Исроил нигарониҳо аз вуҷуди ҷабҳаи дуввумро дар ин кишвар ба миён овардааст.

​Созмони Freedom House ё Хонаи Озодӣ дар гузорише гуфт, ки сатҳи озодии Интернет дар ҷаҳон сездаҳ сол боз пайдарҳам пойин меравад.

Ахбори Тоҷикистону ҷаҳон

Президент Эмомалӣ Раҳмон рӯзи 13-уми октябр барои ширкат дар нишасти сарони кишварҳои узви ИДМ, ба Бишкек меравад. Дар ин бора Абдуфаттоҳ Шарифзода, сухангӯи президент ба Радиои Озодӣ хабар дод.

Кумитаи давлатии амнияти миллии Қирғизистон (КДАМ) рӯзи 11 октябр хабар дод, ки ноиб-президенти Федератсияи куштии тарзи юнониву римиро боздошт кардааст.

Нархи гази моеъ, ки қариб 60 дарсади ронандагон дар Тоҷикистон аз он истифода мебаранд, боло рафтааст. Агар ду рӯз пеш як литр гази моеъ 6,5 сомонӣ буд, пас рӯзи 11-уми октябр аз нархи он аз 7 сомонӣ гузашт.

Роҳбарони Туркия ва Русия 10-уми октябр дар бораи ҷанги нав миёни "Ҳамос" ва Исроил телефонӣ гуфтугӯ кардаанд. Ба навиштаи Кремл, "оташбас ва оғози гуфтушунидҳо" мавзӯи меҳварии суҳбати Владимир Путин ва Раҷаб Тайиб Эрдуғон буд.

Шаби 10 ба 11-уми октябр ҳавопаймо бо 166 мусофир аз шаҳри Тел-Авиви Исроил ба шаҳри Алмаатои Қазоқистон расидааст. Аз ин теъдод 124 тан шаҳрванди Қазоқистон ва 42 каси дигар шаҳрвандони хориҷӣ будаанд.

Мумкин аст, дар Қирғизистон баъди чанд ҳафта камбуди маводи сӯхт ба миён ояд. Дар ин бора Анҷумани воридкунандагони нафти Қирғизистон хабар додааст. Ба таъкиди масъулини ин анҷуман, мушкил баъди он пайдо шуд, ки Қазоқистон барои интиқоли сӯзишвории мавриди ниёзи Қирғизистон монеагӣ эҷод кард.

Ҳамлаи ғофилгиронаи гуруҳи "Ҳамос" ва бомбборони артиши Исроил болои Навори Ғазза, сокинони мулкиро дар ду тараф ваҳшатзада кардааст. Аз ҷумла Барчиной Истамқулова, тоҷике аз Самарқандро, ки дар Исроил кор мекунад.

Мақомоти Узбекистон, Қазоқистон ва Қирғизистон аз шаҳрвандони худ дар Исроил хостанд, дар рӯзҳои низоъ ба ҷойҳои амн паноҳ баранд. Мақомоти Тоҷикистон дар ин замина расман чизе нагуфтаанд. Маълум нест, чӣ қадар аз шаҳрвандони Тоҷикистон дар Исроил кору зиндагӣ мекунанд.

Пулиси шаҳри Алмаатои Қазоқистон навозанда ва фаъоли маданӣ аз Ёқутистон Айхал Аммосовро бо дархости мақомоти Русия дастгир кардааст.

Танҳо чанд рӯз баъд аз зилзилаи пурталафоти рӯзи шанбе, бори дигар заминларзаи 6,3-дараҷаӣ субҳи чаҳоршанбеи 11-уми октябр ғарби Афғонистонро такон дод.

Дастаи мунтахаби футболи Тоҷикистон дар бозии ниҳоии «Ҷоми Мердека-2023», ки 17-уми октябр дар шаҳри Куала-Лумпури Малайзия баргузор мешавад, иштирок хоҳад кард.

Қазоқистон барои мусоидат дар бартарафсозии оқибатҳои заминларза, ки 7 октябр рух дод, ба Афғонистон 45 корманди наҷот ва табиб фиристодааст. Дар хадамоти матбуотии Вазорати ҳолатҳои фавқулодаи Қазоқистон гуфтанд, бархе аз ин кормандони наҷот ва табибон дар бартарафсозии оқибатҳои заминларзаи Туркия дар соли равон иштирок карда буданд. Заминларза рӯзи 7-уми октябр дар вилояти Ҳирот рӯй дод. Бар асари он зиёда аз ду ҳазор кас ҷон бохта, ҳазорҳо нафари дигар маҷруҳ шудаанд. Садҳо хона аз байн рафтааст. Читать дальше...

Фаъоли маданӣ ва блогери қирғизистонӣ Адилет Алӣ Миктибек, маъруф ба Адилет Болтабой боздошт шудааст. Ҳамсари блогер Гулкайир Жапарова, гуфт, шавҳарашро маъмурони Кумитаи амнияти Қирғизистон дастгир карданд. "Ман наметавонам фаҳмам, ки ӯро ба куҷо бурданд. Телефонаш хомӯш аст", - изҳор дошт Жапарова 10 октябр дар сӯҳбат бо бахши қирғизии Радиои Озодӣ. Кумитаи амнияти миллии Қирғизистон то ҳол ин хабарро шарҳ надодааст. Адилет Болтабой охирҳои моҳи июни соли 2022 дастгир шуда буд. Додгоҳи... Читать дальше...

Узбекистон 10 октябр ба шаҳрвандони зарардидаи Афғонистон аз заминларза ҳудуди 100 тонна кумаки башардӯстона фиристодааст. Вазорати нақлиёти Узбекистон хабар дода, ки кумак таҳти раҳбарии фиристодаи махсуси президенти Узбекистон дар Афғонистон ирсол гаштааст. Он аз орд, донагӣ, равған, маҳсулоти гуштӣ, биринҷ, шакар иборат аст. Ҳамчунин хайма, болопӯш ва лавозимот барои ёрии аввалияи тиббӣ ҳам фиристода шудааст. Кумакҳоро ҳавопаймои борбари "Boeing-747"-и ширкати ҳавопаймоии "My Freighter" ба Афғонистон расондааст. Читать дальше...