Новости за 19.10.2023

Кормандони Вазорати умури дохилии Қазоқистон беш аз 60 шаҳрванди Узбекистонро, ки дар корхонаҳои хиштбарорие дар шаҳри Чимкент ҳамчун ғулом истифода мешуданд, озод кардаанд.

Осорхонаи ҳунарманди машҳури тоҷик Ҳабибулло Абдураззоқовро рӯзи 19-уми октябр дар Душанбе ифтитоҳ карданд. Баъди бештар аз ду соли маргаш.

Ба ҳафт варзишгари тоҷик, ки дар Бозиҳои 19-уми осиёӣ дар Чин соҳиби медал шуданд, дар шаҳри Душанбе хона додаанд.

Гузоришгари вижаи Созмони Милал дар умури ақаллиятҳо ё камшуморон гуфт, ба Бадахшон рафта, бо намояндагони ҷомеаи шаҳрвандӣ суҳбат кард ва нигаронии онҳоро дар баъзе аз масъалаҳо шунид. Фернанд де Варен ёздаҳ рӯз дар Тоҷикистон истод.

Фернанд де Варен, гузоришгари Созмони Милал дар умури ақаллиятҳо, ба ҳукумати Тоҷикистон тавсия додааст, ки барои беҳбудии вазъи ҳуқуқи камшуморон чораҳои бештар андешад.

Марде, ки соли 2019 дар ноҳияи Қибрайи Узбекистон ба номуси як духтари 13-сола дастдарозӣ карда буд, 15 сол аз озодӣ маҳрум шудааст.

Президенти ИМА Ҷо Байден гуфт, барои кумаки башардӯстона ба сокинони Ғазза ва фаластиниҳо дар соҳили ғарбии руди Урдун 100 миллион доллари амрикоӣ ҷудо мекунад.

Баъд аз сездаҳ рӯзи ҷанг байни гуруҳи фаластинии "Ҳамос" ва Исроил, Телавив розӣ шудааст, ки ёриҳои башардӯстона тавассути Миср ба Навори Ғазза бирасанд. Мардум дар онҷо бо камбуди хӯрок ва обу нерӯи барқ дучор ҳастанд. Ҳамзамон баҳсҳо дар бораи таркиш дар бемористони Ғазза идома дорад.

Баъд аз сездаҳ рӯзи ҷанг байни гуруҳи фаластинии “Ҳамос” ва Исроил, Телавив розӣ шудааст, ки ёриҳои башардӯстона тавассути Миср ба Навори Ғазза бирасанд. Мардум дар онҷо бо камбуди хӯрок ва обу нерӯи барқ дучор ҳастанд. Ҳамзамон баҳсҳо дар бораи таркиш дар бемористони Ғазза ҳанӯз идома дорад.

Ахбори Тоҷикистон ва ҷаҳон

Як ҷуфти қирғизистонӣ, ки 15 соли ахир бедарак буданд, шаби 18 октябр аз Қазоқистон ба хонаашон баргаштанд.

Маъмурони пулиси ноҳияи Алатауи шаҳри Алмаато фаъоли маданӣ Марат Мусинро, ки ба хотири ҳамраъйӣ бо Нозим Табилдиеви муттаҳам ба "паҳн кардани маълумоти дурӯғ" ба назди додгоҳи ноҳиявӣ рафта буд, боздошт карданд.

Шодӣ Шабдолов, раиси пешини Ҳизби коммунист ва вакили собиқи порлумони Тоҷикистон, ки гоҳе аз рафтори мақомот сахт танқид мекард, дар 80-солагӣ даргузашт. Ӯ 25 сол роҳбари коммунистҳои Тоҷикистон ва чор карат вакили порлумон буд.

Мақомот дар ноҳияи Мастчоҳ нисбати ронандае, ки дар ҳамла ба пулиси роҳ гумонбар дониста мешавад, парвандаи ҷиноятӣ боз кардаанд.

Мақомоти Тотористон Алсу Курмашева, муҳаррири бахши тоторӣ-бошқирдии Радиои Озодӣ ва тарҳи "Идел.Реалити"-ро дар шаҳри Қазон дастгир карданд.

Луай Исса рӯзи 18-уми октябр дар нишасти хабарӣ гуфт, дар натиҷаи ин ҳамлаҳо бештар мардуми осоишта ҷон бохтанд. Ҳукумати Исроил мегӯяд, мушакборони Ғазза посух ба ҳамлаи гуруҳи фаластинии "Ҳамос" аст ва ҳадафаш ҷангӯёнанд, на мардуми осоишта.

86 вакили порлумон аз ҳизби "Орзуи гурҷӣ" ва ҳампаймони онҳо аз ҳизби "Сотсиалистҳои аврупоӣ" рӯзи 18-уми октябр ба ҷонибдорӣ аз барканории президент Саломе Зурабишвилӣ раъй доданд. Вале ин теъдоди овозҳо барои эъломи нобоварӣ ба президент кофӣ набуд.

Ба навиштаи хабаргузории "Ройтерс", Миср розӣ шудааст, ки барои интиқоли кӯмакҳои башардӯстона ба сокинони Навори Ғазза аз тариқи гузаргоҳи Рафаҳ иҷозат диҳад. Ҷойе, ки ҳазорҳо нафар дар пайи ҷанги “Ҳамос” ва Исроил ба камбуди ғизо ва об дучор шудаанд.

Солҳои охир ҳавои гарм ва хокбориши пайдарҳам дар Тоҷикистон сабаби афзоиши бемориҳои роҳҳои нафас шудааст. Хабарнигорони “Франс Пресс” дар бораи ҳавои ғуборолуди Душанбе бо чанд нафар ҳамсуҳбат шудаанд.

Солҳои охир ҳавои гарм ва хокбориши пайдарҳам дар Тоҷикистон сабаби афзоиши бемориҳои роҳҳои нафас шудааст. Хабарнигорони “Франс Пресс” дар бораи ҳавои ғуборолуди Душанбе бо чанд нафар ҳамсуҳбат шудаанд.

Дар Додгоҳи ноҳияи Якуми майи шаҳри Бишкеки Қирғизистон рӯзи 18-уми октябр баррасии парвандаи вакили порлумони он кишвар Адахон Мадумаров барпо шуд.

Си Ҷинпин, раиси ҷумҳури Чин рӯзи чаҳоршанбе дар суханронӣ дар маҷмаи "Як камарбанд - як роҳ" дар Пекин дар бораи сиёсате, ки ба "дур шудан аз Чин" шӯҳрат ёфтааст ва талошҳои Ғарб барои костан аз вобастагӣ ба иқтисоди Чин, ҳушдор дод.

Афроди номаълум дар шаҳри Бишкеки Қирғизистон фаъоли созмони русиягии "Қаноти чап" Лев Скорякинро рабудаанд. Дар ин бора нашрияи "Новая газета Европа" бо такя ба манобеи худ хабар додааст. Ба иттилои нашрия, шаби 16 ба 17 октябр ба назди манзили муваққати Скорякин дар ду мошин даҳ одам омадааст. Онҳо худро кормандони пулиси Қирғизистон муаррифӣ карда, фаъоли русиягиро ба самти номаълум бурдаанд. Скорякин ва фаъоли дигари русиягӣ Руслан Абосовро мақомоти Русия барои барпо кардани иқдоми "Рӯзи Чкист"... Читать дальше...

Вазорати корҳои хориҷии Узбекистон дар робита ба зарба ба беморхонаи "Ал-Аҳлӣ" дар навори Ғазза изҳорот нашр кард. "Хабарҳо дар бораи қурбониёни зиёдро дар натиҷаи зарбаи ҳавоӣ бо андуҳи фаровон қабул кардем. Ин иқдоми хушунатборро қатъиян маҳкум мекунем ва онро ҳамчун ҳолати бадтарини поймолсозии ҳуқуқи байналхалқии башарӣ баҳо медиҳем", - омадааст дар изҳорот. Рӯзи 17-уми октябр дар натиҷаи зарба ба ин бемористони Навори Ғазза, минтақаи зери итоати гуруҳи "Ҳамос", садҳо кас кушта ва захмӣ шудаанд. Читать дальше...

Нерӯҳои артиши Исроил субҳи панҷшанбеи 19-уми октябр дар баёнияе эълон кард, ки ба мавзеъҳои "Ҳизбуллоҳ" дар Лубнон ҳамла кардааст. Шабакаи телевизиоинии CNN ба нақл аз яке аз хабарнигорони худ дар ҷануби Лубнон гузориш додааст, ки дар соатҳои аввали бомдоди панҷшанбе садоҳои чанд таркиш шунида шудааст.  "Ҳизбуллоҳ" рӯзи чаҳоршанбе гуфт, ки чандин постгоҳи Исроил дар марзи Лубнонро ҳадафи ҳамла қарор додааст. Нерӯҳои дифоии Исроил мегӯянд, ки ҷузъиёти бештаре дар бораи ҳамлаи панҷшанбе ироа хоҳанд кард.