Новости за 16.10.2023

Вазири дифои Эрон Муҳаммадризо Оштиёнӣ дар сафаре ба Тоҷикистон ҳамкориҳои низомии ду кишварро бо мақомти тоҷик баррасӣ хоҳад кард. Ба гуфтаи хабаргузории "Меҳр", Оштиёнӣ дар садри як ҳайат рӯзи сешанбеи 17-уми октябр вориди Душанбе, пойтахти Тоҷикистон мешавад.

Баъди ду ҳафтаи манъ шудани вуруди мошинҳои бароришашон то соли 2013 ба Тоҷикистон, сокинон аз болоравии нарх дар бозори нақлиёт шикоят доранд. Тоҷирон мегӯянд, мардум тавони харидани мошинҳои навро надоранд ва барои ҳамин талабот ба мошинҳои куҳна зиёд шудааст.

Додгоҳи конститутсонии Гурҷистон тасдиқ кард, ки раиси ҷумҳури ин кишвар Саломе Зурабишвилӣ қонуни асосиро поймол кардааст ва барои ҳамин раванди барканорӣ ё импичменти ӯ оғоз мешавад.

Варзишгарони тоҷик дар мусобиқоти қаҳрамонии ҷаҳон дар риштаи куштии камарбандӣ миёни ҷавонон, ки рӯзҳои 12-15-уми октябр дар Қасри варзиши шаҳри Хуҷанд баргузор шуд, 12 медал (як нишони тилло, шаш нуқра ва панҷ биринҷӣ) гирифтанд

Кумитаи давлатии амнияти миллии Қирғизистон 16-уми октябр хабар дод, ки дар вилояти Ӯш миқдори зиёди маводи мухаддир дарёфт ва мусодира шудааст.

Ахбори Озодӣ

Мақомоти тафтишотии вилояти Фарғона парвандаи блогери узбекистонӣ Олимҷон Ҳайдаровро 10-уми октябр ба додгоҳ фиристодаанд.

Намояндагони Тоҷикистону Қирғизистон вохӯрда, масъалаи ҷанҷолии марзро баррасӣ кардаанд. Дидори Саймумин Ятимов ва Қамчибек Тошиев, раисони КДАМ-и Тоҷикистон ва Қирғизистон 16-уми октябр дар шаҳри Бӯстони вилояти Суғд баргузор шуд.

Ҳукумати Қазоқистон барои расонидани кумаки фаврии ҳуқуқӣ, равонӣ ва машваратӣ ба қурбониёни зӯроварию хушунати хонаводагӣ маркази ягонаи давлатии тамос ташкил кардааст.

Президенти Қирғизистон Содир Ҷабборов амалиёти Кумитаи давлатии амнияи миллии ин кишварро, ки дар натиҷаи он соҳибнуфузи олами ҷиноӣ Қамчӣ Колбоев кушта шуд, шарҳ дод.

Дар таркиши як автобус дар ноҳияи Мубораки вилояти Қашқадарёи Узбекистон чор кас осеб дидааст. Вазорати ҳолатҳои фавқулодаи Узбекистон хабар дод, ки ҳодиса 15-уми октябр дар шоҳроҳи "Қаршӣ-Бухоро", дар ҳудуди ноҳияи Муборак рух додааст.

Фаластиниҳо дар шаҳри муҳосирашудаи Ғазза рӯзи 16-уми октябр дар ҷустуҷӯи сарпаноҳ ва обу ғизо ба беморхонаву мактабҳо шитофтанд.

Варзишгарони тоҷик Бозиҳои 19-уми осиёиро бо ҳафт медал (ду тило, як нуқра ва чаҳор биринҷӣ) ба поён расонданд. Бозиҳо аз 23-юми сентябри имсол то 8-уми октябр дар Чин гузашт. Иддае ҳунарнамоии варзишгарони тоҷикро хубу кофӣ медонанд, вале бархе бовар доранд, ки аз зарфияту тавоноии онҳо пурра истифода нашуд. Шореҳи варзиши Радиои Озодӣ Нарзуллоҳи Латиф ин масъаларо бо мутахассисони соҳа дар як мизи гирд дар миён гузошт. Суҳбату хулосаи онҳоро дар навор бинед.

Раиси ҷумҳури Амрико дар мусоҳиба бо телевизиони CBS гуфтааст, гуруҳи "Ҳамос" бояд нобуд карда шавад. Дар айни замон Ҷо Байден ишғоли комили Навори Ғазза аз сӯи Исроилро "иштибоҳи калон" хонд, аммо гуфт, нобудсозии "Ҳамос" ва "Ҳизбуллоҳ" "талаботи зарурӣ" аст.

Президенти Озарбойҷон Илҳом Алиев рӯзи якшанбе парчами Озарбойҷонро дар шаҳри Ханкендӣ (Степанакерт - пойтахти пешини давлати худхондаи Қаробоғи Куҳӣ) барафрохт.

Истеҳсоли бесарнишинҳои туркии "Anka" соли оянда дар Қазоқистон ба роҳ монда хоҳад шуд. Дар ин бора расонаҳои қазоқистонӣ бо такя ба Эррол Оғуз, як намояндаи ширкати туркии Turkish Aerospace Industries (TAI) хабар медиҳанд. "Мо ҳадаф гузоштаем, ки на танҳо истеҳсолро ба роҳ монем, балки таҷриба ва технологияро ҳам дар ихтиёри Қазоқистон гузорем, то ин ки ин кишвар дар оянда мустақилона дастгоҳҳои бесарнишин истеҳсол кунад", - гуфтааст Оғуз. Шартномаи истеҳсоли дастгоҳҳои бесарнишини туркӣ... Читать дальше...

Кумитаи давлатии амнияти миллии Қирғизистон (КДАМ) хабар дод, ки дар шаҳри Бишкек се шаҳрванди Узбекистонро боздошт кардааст. Ба иттилои КДАМ, онҳо бо ҳадафи қасосгирӣ аз марги соҳибнуфузи ҷиноӣ Қамчӣ Колбоев ба Қирғизистон рафтаанд. КДАМ мегӯяд, "се қотили зархарид марзи Қирғизистонро бо Узбекистон ғайриқонунӣ убур кардаанд". "Ҳангоми боздошт маълум гардид, ки онҳо дар куштори чанд шаҳрванд гумонбар ҳастанд ва дар ҷустуҷӯ қарор доранд" - омадааст дар хабари КДАМ. Инҳо: Каримбердиев Ойбек Аббас уулу... Читать дальше...

Интиқоли об аз обанбори Киров, ки дар вилояти Таласси Қирғизистон ҷойгир аст, ба вилояти Ҷамбили Қазоқистон шуруъ шудааст. Дар ин бора расонаҳои Қазоқистон бо такя ба вазири захираҳои об ва обрасонии он кишвар Нуржан Нуржигитов хабар додаанд. "Замоне, ки дастрасии Қазоқистон ба об маҳдуд буд, дар обанбор ба миқдори кофӣ об ҷамъ шудааст, ки акнун ба Қазоқистон интиқол дода мешавад", - гуфтааст Нуржигитов. Мақомоти Қирғизистон гуфтанд, ба далели камобии соли ҷорӣ дар обанбори Киров дар сӣ соли охир миқдори ниҳоят ками об захира шудааст. Читать дальше...