Новости за 20.10.2023

Фернан де Варен, гузоришгари вижаи Созмони Милал дар умури ақаллиятҳо ё камшуморон, ёздаҳ рӯз дар Тоҷикистон буд. Ӯ бо намояндагони ҳукумат ва ақаллиятҳои гуногун суҳбат дошт. Радиои Озодӣ дар мусоҳибае рӯзи 19-уми октябр аз Фернан де Варен хулосаи сафар ва мулоқоташро пурсид.

Фернанд де Варен, гузоришгари вижаи Созмони Милал дар умури ақаллиятҳо ё камшуморон, ёздаҳ рӯз дар Тоҷикистон буд. Ӯ бо намояндагони ҳукумат ва ақаллиятҳои гуногун суҳбат дошт. Радиои Озодӣ дар мусоҳибае рӯзи 19-уми октябр аз Фернанд де Варен хулосаи сафар ва мулоқоташро пурсид.

Ҷанги байни Исроил ва гуруҳи фаластинии "Ҳамос" ду ҳафта боз идома дорад. Ҳамлаҳои пайдарҳам ба Навори Ғазза боис ба тахриби мактабу бемористонҳо ва овора шудани садҳо ҳазор кас гардидааст. Созмонҳои имдодрасон аз камбуди дору ва сӯзишворӣ ҳушдор медиҳанд.

Сӯзаниву ҷома, фаранҷиҳои қадимиву ороишоти занонаи миллӣ, аксу нигораҳо бахше аз осорхонаи хусусии ҳунарпешаи маъруфи тоҷик, зиндаёд Ҳабибулло Абдураззоқовро ташкил додаанд. Дар Душанбе бо талоши пайвандони ин ҳунарпешаи театру синамо маросими ифтитоҳи осорхонаи хусусии ӯ баргузор шуд.

Идораи ҳамоҳангсози кумакҳои башарии СММ имрӯз гуфт, ки бо тамоми ҷонибҳои даргири байни Исроил ва Ҳамос дар муколама аст, то амалиёти имдод ба минтақаи Ғаззаро ҳарчи зудтар оғоз кунанд. Айни замон, вазъи беморхонаҳои Ғазза фалокатбор боқӣ мемонад.

Дар ноҳияи Ҳамадонӣ ду маъмури милисаро латукӯби як сокини ноҳия боздошт кардаанд. Ҳодиса моҳи август рӯй дода, боздошти капитан Шамсиддин Саидзода ва майор Фахриддин Ҳакимзода ҳафтае пеш сурат гирифт. Додситонӣ ба зидди онҳо ба иттиҳоми “баромадан аз ҳадди ваколати мансабӣ” парванда кушодааст.

Додгоҳе дар Русия рӯзи 20-уми октябр муҳлати ҳабси хабарнигори Радиои Озодӣ Алсу Курмашеваро то 23-юми октябр дароз кард.

Хабарҳои Тоҷикистон ва ҷаҳон

Сокинони аз зилзила осебдида дар вилояти Ҳироти Афғонистон мегӯянд, шабҳои сарду тоқатфарсоро сипарӣ мекунанд ва ба ёриҳои фаврӣ ниёз доранд. Баъзе аз ниҳодҳои байнулмилалӣ ёриҳоро ба зилзилазадаҳо фароҳам кардаанд, аммо ин кумакҳо дар пеши зарари расида андак аст. Мақомоти Тоҷикистон ҳам гуфтанд, ба мардуми осебдидаи Ҳирот ёрии башардӯстона фиристоданд.

Ду маъмури милисаро дар ноҳияи Ҳамадонии вилояти Хатлон ба гумони латукӯби сокини ноҳия Нурмуҳаммад Абдурасулов дастгир кардаанд.

Боз шудани долон барои интиқоли ёриҳои башардӯстона аз Миср ба Навори Ғазза ба таъхир афтодааст. Дар ин бора телевизиони CNN бо такя ба чанд манбаъ хабар додааст.

Мақомоти Туркия рӯзи 19-уми октябр ба рӯзноманигори узбек Қудрат Бобоҷонов иҷоза надодаанд, ки вориди ин кишвар шавад. Ӯ дар Шветсия зиндагӣ мекунад.

Созмони байнулмилалии Human Rights Watch аз ҳукумати Узбекистон хостааст, ки шикоятҳоро дар бораи шиканҷа шудани блогерҳои зиндонӣ, аз ҷумла Абдуқодир Муъминов таҳқиқ кунад.

Вазорати корҳои хориҷии Қирғизистон рӯзи 19-уми октябр гуфт, тартиби будубоши бидуни виза барои хориҷиён дар ин кишвар сахттар шудааст.

Баъзе аз низомиёни пешини Афғонистон бо ҳадафи “раҳоӣ, берун рондани гуруҳҳои ифротӣ ва рифоҳи мардум” бар зидди ҳукумати “Толибон” гурӯҳи нав таъсис додаанд. “Ҷабҳаи муттаҳиди Афғонистон” рӯзи 19-уми октябр дар Вашингтон муаррифӣ шуд.

Вазорати фарҳанг, иттилоъ, варзиш ва сиёсати ҷавонони Қирғизистон сомонаи хабарии Nazarnews.org-ро барои ду моҳ баст. Дар ин бора рӯзи 19-уми октябр хабар доданд.

Мақомоти Қазоқистон фурӯши 106 номгӯи молро ба Русия манъ кардаанд. Дар ин номгӯ молҳое дохил шудаанд, ки мумкин аст, барои ҳадафҳои низомӣ истифода шаванд.

Ширкати "Узбекгидроэнерго" ва ширкати China Southern Power Grid International барои бунёди муштараки нерӯгоҳи барқи обии "Юкори Пскем" шартнома бастанд.

Дар шаҳри Ваҳдат Шаҳбози Шарифбек ҷавонеро боздошт карданд, ки бо нашри наворе дар шабакаҳои иҷтимоӣ мегуфт, бибии 82-солаашро милисаҳо латтукӯб кардаанд. Мақомот мушахассоти айбномаро нагуфтанд, вале пеш аз боздошт ӯ дар наворе аз амалкарди сохторҳои интизомӣ шикоят кард.

Як ҷавонро, ки бо нашри видео дар шабакаҳои иҷтимоӣ аз рафтори мақомот, тарзи ба артиш бурдани бародараш ва латукӯби бибиву модараш шикоят дошт, дастгир кардаанд.