Новости за 23.03.2024

Бар пояи наворҳои видеоӣ, ки чандин канали русӣ дар Телеграм пахш кардаанд, рӯзи 23 март бо гумони даст доштан дар ҳамлаи террористӣ ба маҷмааи “Крокус Сити Ҳолл” ба камияш 4 хориҷӣ  боздошт шудаанд, ки эҳтимолан шаҳрванди Тоҷикистон ҳастанд ваё тоҷикони шаҳрванди Русия.

Сафорати Русия дар Тоҷикистон сокинони шаҳри Душанберо барои «ҳамраъйӣ бо раҳбарият ва мардуми Русия дар робита бо ҳамлаи террористӣ ба "Крокус сити ҳол" қадрдонӣ намуд.

Президенти Русия Владимир Путин 24-уми мартро рӯзи мотами миллӣ эълон кард.

Толибони Афғонистон ҳамлаи рӯзи 22 март ба толори консертии  Маскавро, ки бар асари он дастикам 115 нафар кушта ва беш аз 100 тани дигар захмӣ шудаанд, шадидан маҳкум карданд.

САҲА мегӯяд, барои 20 хонаводае дар водии Яғноб, ки ҳамарӯза бо камбуди энерживу маводи сӯхт рӯбарӯ ҳастанд, дастгоҳҳое насб каданд, ки бо нирӯи энержии табиӣ таъмин мекунад.

Дар изҳороти хабарии ВКД Тоҷикистон иттиҳоми матбуоти Русия нисбати се шаҳрванди Тоҷикистон, ки гӯё дар ҳамлаи террористии 22 март иштирок карданд, бепояву асос хонда шуд.

Масъулони сафорати Тоҷикистон дар Маскав аз шаҳрвандони кишвар дар Русия хостаанд, ки аз ширкат дар ҳамагуна “чорабинӣ ва ҷамъомадҳои оммавӣ” худдорӣ кунанд.

Кумитаи тафтишоти Русия хабар дод, ки дар ҳамла ба толори “Крокус Сити Ҳолл” 93 нафар ба ҳалокат расидаанд.

Раиси Хадамоти федеролии амнияти Русия (ФСБ), Александр Бортников, рӯзи 23 март гуфт, дар пайванд ба ҳамла 11 нафар, аз ҷумла 4 ҳамлавар боздошт шудаанд. Аммо ӯ тафсилоти бештар надод.

Афроди мусаллаҳ шоми 22 март онҳоеро ҳадафи тир қарор доданд, ки ба тамошои консерт дар толоре дар канораи Маскав омада буданд. Дар ин ҳамлаи ваҳшатафканона зиёда аз 80 нафар кушта ва беш аз 100 кас захмӣ шуданд. Грууҳи "Давлати Исломӣ" ҷавобгарии ин ҳамларо бар дӯш гирифт.

Мақомоти Тоҷикистон хабарҳоеро "дурӯғин" номид, ки гӯё дар ҳамлаи 22 март ба толори консертӣ дар Маскав шаҳрвандони Тоҷикистон даст доранд. Ин дар ҳолест, ки бархе аз Телеграм-каналҳои Русия ҳамлаваронро шаҳрванди Тоҷикистон номидаанд.

Ҳар рӯз дар шабакаҳои иҷтимоӣ аксу навори тифлонеро мебинем, ки аз дард азият мекашанд ва атрофиён баъзан дар муолиҷаи онҳо оҷизӣ мекашанд. Аксари ин кӯдакони ранҷур ҳанӯз аз батни модар бо нуқс ё беморӣ ба дунё омадаанд. Чаро?

Дар барномаи имрӯз аз муҳимтарин масъалаи оилаҳо дар Тоҷикистон суҳбат мекунем. Таваллуд, замони бордорӣ ва мушкилоте, ки баъдан сабаби таваллуди тифли норасид, бемор ва ё кундзеҳн мешавад. Табибон мегӯянд, чӣ бояд кард, то тифл солиму тандуруст ба дунё биёяд ва бузург шавад.

​Ба иттилои хабаргузории "Рейтерс", гурӯҳи тундрави "Давлати исломӣ" ё ДОИШ бо нашри баёнияе дар Телеграм масъулияти ҳамларо ба як толори консертӣ дар канори Маскав ба дӯш гирифтааст. Мақомоти Русия то ҳол дар ин бора ибрози назар накарданд.