Новости за 01.03.2024

Марги Музаффар Давлатов, ҳамсар ва чор кӯдакаш дар ноҳияи Фирдавсии шаҳри Душанбе наздиконро дар мотам нишонд. Бахусус писари хонадонро, ки зинда мондааст. Мақомот гуфтанд, шаш нафар аз дуди ангишт заҳролуд шуданд. Баъзе аз ҳамсояҳо ва наздикон тафсилоти ҳодисаро нақл карданд.

Марги Музаффар Давлатов, ҳамсар ва чор кӯдакаш дар ноҳияи Фирдавсии шаҳри Душанбе наздиконро дар мотам нишонд. Бахусус писари хонадонро, ки зинда мондааст. Мақомот гуфтанд, шаш нафар аз дуди ангишт заҳролуд шуданд. Баъзе аз ҳамсояҳо ва наздикон тафсилоти ҳодисаро нақл карданд.

Эмомалӣ Нуралӣ, паҳлавони маъруфи тоҷик, дар мусобиқаи силсилаи ҷаҳонии ҷудо “Tashkent Grand Slam 2024”, ки дар шаҳри Тошканди Узбекистон ҷараён дорад, медали тило ба даст овард.

Хабарҳои Тоҷикистон ва ҷаҳон

Мавридҳои аз Русия рондани муҳоҷирон барои дидани мавъизаи рӯҳониён ё пайравӣ аз ҷараёнҳои гуногуни мазҳабӣ афзудааст. Муҳоҷирон мегӯянд, маъмурони амниятӣ бештар телефони коргаронро аз Осиёи Марказӣ тафтиш карда, дар он навори рӯҳониёнро меҷӯянд. Ҳамчунин мепурсанд, ки пайрави кадом мазҳаб ҳастанд.

Пулис дар шаҳри Алматои Қазоқистон фаъоли шаҳрвандӣ Абзал Достияровро дастгир кардааст.

Дар Русия мавридҳои рондани муҳоҷирони корӣ барои гӯш кардани мавъиази рӯҳониён ё паравӣ аз ҷараёнҳои гуногуни мазҳабӣ афзудааст. Муҳоҷирон мегӯянд, маъмурони амниятӣ телефони коргарон аз Осиёи Марказиро тафтиш карда, навори рӯҳониёнро меҷӯянд.

​Маросими видоъ бо раҳбари мухолифони Русия Алексей Навалний дар шаҳри Маскав ҷараён дорад. Бо вуҷуди чораҳои бисёр сахти амниятӣ ва ҳузури зиёди нерӯҳои полис, ҳазорон нафар ба маросим рафтанд. Дар миёни онҳо хешовандону наздикон ва тарафдорону мухлисони Навалний ҳастанд.

Баробари аз кор мондани низоми "Контакт", муҳоҷирони тоҷик дар Русия ва гӯшаҳои дигар дар ҷустуҷӯйи роҳҳои нави пулфиристӣ ба пайвандон шудаанд. Бонки Миллӣ гуфт, Русия иҷозаномаи "Киви Бонк", молики системаи "Контакт"-ро бозпас гирифт ва интиқоли пул тариқи ин система ба Тоҷикистон номумкин гардид.

Додгоҳе дар Эрон Шервин Ҳоҷипур, муаллифи таронаи эътирозии "Зан, зиндагӣ, озодӣ"-ро ба се солу ҳашт моҳ ҳабс маҳкум кард.

Марги шаш узви як оила аз заҳри дуди ангишт дар пойтахти Тоҷикистон дар шабакаҳои иҷтимоӣ сару садои зиёд ба по кард ва баҳси бебарқиро дар кишвар доғтар намуд. Бисёриҳо дар сар задани ин фоҷеа масъулони соҳаи барқрасониро гунаҳкор карда, хоҳони муҷозоти онҳо шуданд.

Чанде пеш дар Душанбе 20-солагии таъсиси Википедияи тоҷикиро ҷашн гирифтанд. Дар он олими тоҷик Иброҳим Рустамовро яке аз бунёдгузорон ва муҳаррири нахустини Википедияи тоҷикӣ номида, афсӯс хӯрданд, ки натавонист дар ҷашн ширкат кунад. Иброҳим Рустамов дар Иёлоти Муттаҳидаи Амрико зиндагӣ мекунад.

Чанде пеш дар шаҳри Душанбе 20-солагии таъсиси Википедияи тоҷикиро ҷашн гирифтанд. Дар он олими тоҷик Иброҳим Рустамовро яке аз бунёдгузорон ва муҳаррири нахустини Википедияи тоҷикӣ номида, афсӯс хӯрданд, ки натавонист дар ҷашн ширкат кунад.

Антонио Гутерриш, дабири кулли Созмони Милали Муттаҳид, гуфт, куштори беш аз 100 нафар дар Навори Ғазза бояд мустақилона ва мӯшикофона таҳқиқ шавад.

Сомонаи Kaktus.media дар Қирғизистон эълом кард, ки барои пардохтани ҷарима аз рӯйи шикояти нашрияи "Вечерний Бишкек" ба ёрии хонандагон ниёз дорад.

Рӯзи 1-уми март дар Эрон интихоботи аъзои Маҷлис шуруъ шуд. Ҳамроҳи вакилони нави порлумон ҳайати Шӯрои хубрагонро низ интихоб мекунад.

Фаъоли иҷтимоии қарақалпоқистониҳо, шаҳрванди Узбекистон Қошқорбой Торемуродов, 29-уми феврал дар шабакаҳои иҷтимоӣ навишт, ки "пулиси Австрия ӯро дар қатор (поезд) шинонда, ба Варшава фиристоданд".

Маросими видоъ бо сиёсатмадори мухолиф Алексей Навалний рӯзи якуми март дар ибодатгоҳи назди қабристони "Борисовское" дар Маскав ба нақша гирифта шудааст. Бахши русии Радиои Озодӣ навишт, ки даромадгоҳи қабристон "аз маъмурони полис пур аст".

Порлумони Тоҷикистон чанде пеш тарҳи ислоҳшудаи қонунро "Дар бораи боҷи давлатӣ" қабул кард. Тибқи он, боҷи давлатӣ барои беэътибор кардани ақди никоҳ афзудааст ва зан ё шавҳаре, ки талоқ мехоҳад, бояд ба давлат 500 сомонӣ супорад. Ҳадаф коҳиши талоқҳо гуфта шудааст. Оё мусоидат мекунад?

Freedom House ё Хонаи Озодӣ, созмони байнулмилалии ҳомии ҳуқуқи инсон, Тоҷикистонро яке аз кишварҳои "бисёр саркӯбгар" дар ҷаҳон дар соли 2023 номидааст.

Ҷамъомади таълимию тамринии дастаи мунтахаби футзали Тоҷикистон таҳти роҳбарии Пайрав Воҳидов, ки дар доираи омодагӣ ба қисми ниҳоии Ҷоми Осиё-2024 дар шаҳри Ҷиддаи Арабистони Саудӣ ҷараён дорад, 2-юми март ба поён мерасад.

Беш аз сад нафар дар Ғазза дар ҳоли гирифтани маводи хӯрокворӣ кушта шуданд. Вазорати тандурустии Ғазза, ки дар ихтиёри гурӯҳи "Ҳамос" аст, омори ҷонбохтагонро 112 нафар ва маҷрӯҳонро беш аз 760 нафар эълон кардааст.