Новости за 12.03.2024

Мақомот дар вилояти Хатлон низ рӯзноманигоронро ба Иди матбуот табрик гуфтаанд. Дар ин рӯз мақомот ва рӯзноманигорон атрофи мушкили иқтисодии нашрияҳо суҳбат карданд, вале ҳарфе аз дастраси ба озодии баён ва фишор ба рӯзноманигорон садо надодааст.

Намояндагони "Гурӯҳи 24" рӯзи 12-уми март гуфтанд, ки барои пайдо кардани Сӯҳроб Зафар, раҳбари ин созмони мухолифи ҳукумати Тоҷикистон, ба мақомоти Туркия ва созмонҳои ҳомии ҳуқуқи башар муроҷиат кардаанд.

Намояндагони "Гурӯҳи 24" мегӯянд, барои пайдо кардани Суҳроб Зафар, раҳбари ин созмон ба мақомоти Туркия муроҷиат кардаанд. Суҳроб Зафар рӯзи 10-уми март дар Туркия нопадид шуд.

Пайвандонаш гуфтанд, ҷасади Сафияхон Раҳматоваи 9-сола аз Хуҷанд, ки ба бовари онҳо дар дарёи Сир ғарқ шуда буд, дар ҳудуди Узбекистон ёфт шудааст. Дар Идораи ҳолатҳои фавқулода дар вилояти Суғд хабарро тасдиқ карда, аммо ҷузъиёт надоданд.

Хабарҳои рӯз

Дар натиҷаи ҳамлаҳои Исроил ба Ғазза дар оғози моҳи Рамазон даҳҳо нафар кушта шудаанд.

Як низомиро дар ноҳияи Ашти вилояти Суғд барои қаллобӣ ҷазо доданд. Сардори мизи ҳарбии ҷамоати Ориён ба гирифтани 15 ҳазор сомонӣ дар ивази таҳияи билет ва аз хидмат озод кардани як сокини ноҳия гунаҳкор шудааст.

Як созмони ҳомии ҳуқуқ дар Белгия гуфт, ҳукумати Тоҷикистон бо вуҷуди қабули барномаҳои зиёд натавонистааст, пеши бадрафториву зулму ситамро ба занон бигирад.

Як созмони ҳомии ҳуқуқ рӯзи 8-уми март дар гузорише роҷеъ ба хушунат ва ҷабру зулм ба занон дар Тоҷикистон гуфт, ки ҳукумат бо вуҷуди қабули барномаҳои зиёд натавонистааст, пеши бадрафториву зулму ситам ба занонро бигирад.

Томок Аканэ раиси Додгоҳи Байнулмилалии Ҷиноӣ ва Розарио Салваторе ва Рейн Алапини-Гансу муовинони вай интихоб шуданд.

Шветсия, ки рӯзи 7-уми март ба узвияти НАТО пазируфта шуд, дар машқҳои ин созмони низомӣ ин ҳафта ширкат мекунад. Тамринҳои НАТО дар Аврупо бо ҳадафи ҷилавгирӣ аз ҳамлаҳои эҳтимолии Русия сурат мегиранд.

Дар Фархор ягона кинотеатрро дар ин ноҳия вайрон карданд. Мақомот ваъда додаанд, ки толори нави синамо бунёд мешавад, аммо маълум нест, ки кай. Дар 15 соли охир ҷойи толорҳои синаморо дар гӯшаҳои кишвар мағозаву маконҳои дигар гирифтанд.

Манбаъҳои Радиои Озодӣ мегӯянд, додситон барои гумонбарон дар парвандаи қатли Шӯҳрат Исматуллоев, муовини пешини раиси "Ориёнбонк", солҳои дарози зиндон талаб кардааст. Аз ҷумла, ҳабси якумрӣ барои Дилшод Саидмуродов, машҳур бо лақаби "Дилшоди СБ" ва соҳибкор Қамарруззамон Азизов.

Ширкати "Gazli Gas Storage" дар посух ба таҳқиқоти рӯзноманигории Бахши узбекии Радиои Озодӣ дар бораи баҳрабардорони эҳтимолӣ ва пинҳонии ширкат изҳорот нашр кард.

Ҷасади ду шаҳрванди Қирғизистонро, ки дар натиҷаи тасодуф ё садамаи нақлиётӣ дар Амрико ҷон бохта буданд, ба зодгоҳашон овардаанд.

Дастаи мунтахаби футболи Тоҷикистон дар доираи омодагӣ ба бозиҳои интихобии Ҷоми ҷаҳон-2026 муқобили тими миллии Арабистони Саудӣ ба ҷамъомади таълимию тамринӣ дар пойтахти Қатар шаҳри Доҳа шуруъ кард.

Президенти Тоҷикистон Эмомалӣ Раҳмон 11 март бо ҳайати ҳукумати Узбекистон ба раҳбарии сарвазир Абдулло Орипов дар Душанбе мулоқот кард.

Президенти Қазоқистон Қосимҷомарт Тоқаев 11-уми март бо сафари давлатӣ ба Озарбойҷон рафт.

Баҳодур Усмонов, варзишгарони маъруфи тоҷик, дар аввалин мусобиқаи ҷаҳонии интихобии олимпӣ дар риштаи бокс, ки рӯзҳои 3-11-уми март дар шаҳри Бусто-Арсизиои Италия баргузор шуд, соҳиби роҳхат ба Олимпиадаи Порис-2024 гардид.