Новости за 13.03.2024

Баъд аз 34 рӯз пайкари Сафияхон Раҳматоваи 9-соларо аз ҳудуди Узбекистон ёфтанд ва 13-уми март дар яке аз қабристонҳои Хуҷанд дафн карданд. Хонаводааш бар асоси як навори дурбини назоратӣ бовар доштанд, ки ӯ дар дарёи Сир ғарқ шуда буд ва ҷустуҷӯяш беш аз як моҳ идома дошт.

Вазири корҳои хориҷии Узбекистон Бахтиёр Саидов рӯзи 12-уми март ба шаҳри Кобули Афғонистон рафт ва бо намояндагони "Толибон" гуфтугӯ кард.

Моҳи Рамазон имсол дар Тоҷикистон дар шароите оғоз шуд, ки сокинони аксар шаҳру деҳаҳо бо маҳдудият нерӯи барқ мегиранд. Мардум мегӯянд, чунин “лимит”-ро чанд соли охир надида буданд. Нархи баъзе аз маҳсулоти ғизоӣ ҳам боло рафтааст.

Моҳи Рамазон дар Тоҷикистон дар шароите оғоз шуд, ки сокинони аксар шаҳру деҳоти кишвар бо маҳудият барқ дастрас мекунанд. Сокинон мегӯянд, чунин лимит ё реҷаи интиқоли маҳдуди нерӯи барқро чанд соли ахир надида буданд. Нархи бархе аз маҳсулоти ғизоӣ низ боло рафтааст.

Бо дастури президенти Қирғизистон Содир Ҷабборов тарҳи қонун "Дар бораи ВАО" бозхонд шудааст. Пештар аз ин Ҷабборов бо роҳбарони расонаҳои Қирғизистон мулоқот ва аз ҷумла тарҳи қонун "Дар бораи ВАО"-ро баррасӣ кард. Ин тарҳи қонун дар баррасии порлумони он кишвар буд.

Вазорати рушди рақамии Қазоқистон гуфт, маълумоти шахсии бештар аз 2 миллион қазоқистонӣ дастраси умум шудааст.

Давлат Худоназаров, аз симоҳои дурахшони синамо, фаъоли иҷтимоӣ ва муддаии курсии президенти Тоҷикистон дар соли 1991, ба синни 80 расид. Ӯ рӯзи 13-уми марти соли 1944 дар шаҳри Хоруғи Вилояти Мухтори Кӯҳистони Бадахшон зода шудааст. Солҳо боз дар Русия кору зиндагӣ мекунад.

Ахбори Тоҷикистону ҷаҳон

Ба Леонид Волков, яке аз ёрони сиёсатмадори мухолифи Русия Алексей Навалний (моҳи феврал дар шароити мармуз дар зиндон фавтид) дар Вилнюс, пойтахти Литва, ҳамла шудааст.

Владимир Путин, президенти Русия, гуфтааст, кишвараш ба ҷанги ҳастаӣ омода аст.

Ҷасади Сафияхон Раҳматоваи 9-соларо, ки дар ҳудуди Узбекистон пайдо шуд, рӯзи 13-уми март дар Хуҷанд дафн карданд.

Идибек Нусратов, сокини шаҳри Душанбе, даъво дорад, ки аз тарафи ду ҳамсояи ҷавонаш латукӯб ва шиканҷа шуд, аммо маъмурони милиса шикояти ӯро нодида мегиранд. Ҳодиса ҳафт моҳ пеш рӯй додааст. Нозири маҳаллӣ шикоятро беасос донист. "Агар ҷиддӣ таҳқиқ мешуд, ҳама чиз ошкор мешуд," -- гуфт Идибек.

Як сокини шаҳри Душанбе иддао дорад, ки дар натиҷаи латукӯби ҳамсоягонаш аъзои таносулиаш сахт осеб дид, вале мақомоти интизомӣ шикоятҳои ӯро ба эътибор намегиранд. Айни замон, онҳое, ки Идибек Нусратов ба ҷиноят муттаҳам мекунад, мегӯянд, ӯ бемории равонӣ дорад ва иттиҳомаш дурӯғу беасос аст.

Мақомоти Тоҷикистон тасдиқ карданд, ки ҷасади Сафияхон Раҳматоваи 9-сола аз шаҳри Хуҷанд дар ҳудуди Узбекистон пайдо шудааст. Як рӯз пеш наздиконаш дар ин бора ба Радиои Озодӣ хабар доданд.

Ба навиштаи сомонаи Eurasianet.org, ҳайати ҳукумати Узбекистон ба роҳбарии сарвазир Абдулло Орипов, ки аз 29-уми феврал то 1-уми март дар Чин буд, ба ҷалби сармояи нави чинӣ муваффақ нашудааст.

Як ҳавопаймои низомии борбари Русия дар наздикии пойгоҳи Шимолӣ дар шаҳри Ивановои ин кишвар афтодааст.

Бунёди Нурсултон Назарбоев, президенти пешини Қазоқистон, барои таҳияи филми мустанади ситоишӣ дар бораи худаш 5 миллион доллар додааст.

Варзишгарони тоҷик дар мусобиқаи силсилаи ҷаҳонии ҷудо “Tbilisi Grand Slam 2024”, ки рӯзҳои 22-24-уми март дар шаҳри Тифлиси Гурҷистон баргузор мешавад, иштирок хоҳанд кард.

Сокинони Ғазза, минтақае, ки аз ҷониби Исроил муҳосира шудааст, аз норасоии ғизо азият мекашанд. Созмонҳои байналмилалӣ вазъи сокинони Ғаззаро даҳшатнок тасвир мекунанд.

Сокинони Ғазза, минтақае, ки аз ҷониби Исроил муҳосира шудааст, аз норасоии ғизо ранҷ мекашанд. Дар ҳамин шабу рӯз як кишти бузурги амрикоӣ бо маҳсулоти сохтмонӣ ба сӯи соҳили Ғазза ҳаракат дорад. Амрико мехоҳад, дар ин ҷо бандаре созад, ки ба воситаи он ба мардуми Ғазза кӯмак расонда шавад.

Додгоҳи ноҳияи Якуми майи шаҳри Бишкек ҳукми ҳабси кормандони тарҳи "Temirov LIVE" Оқил Орозбеков, Айк Бейшекеева ва Мақсад Тоҷибек уулуро тағйир надод.

Як ҳавопаймои низомии борбари Русия дар наздикии пойгоҳи Шимолӣ дар шаҳри Ивановои ин кишвар суқут кардааст.