Ҳалокати мармузи як сарбози тоҷик ҳангоми хидмат дар артиш
Як сарбози Вазорати мудофиаи Тоҷикистон аз захми тир ба ҳалокат расидааст.
Мақомот шоми 21-уми август ҷасади Ҳадиятулло Тағоев, сарбози Вазорати дифоъро ба волидонаш дар деҳаи Чоркӯҳи Исфара супурданд.
Тағоев моҳи октябри соли 2017 довталабона ба артиш пайваст ва то анҷоми муҳлати хизмати сарбозиаш ҳамагӣ 40 рӯзи дигар монда буд.
Наздикони Тағоев ба Радиои Озодӣ гуфтанд, ки тир ба миёнаи ду абрӯяш задааст ва онҳо то ҳанӯз дақиқ намедонанд фарзандашон дар кадом шароит ҷон бохтааст.
Мақомот гуфтаанд, ӯ худкушӣ кардааст, вале наздикон ба ин фарзия бовар надоранд.