Табибони тоҷик бо zoom роҳҳои пешгирӣ аз сирояти вируси навро тавсия медиҳанд
Як созмони ғайриҳукуматӣ дар Тоҷикистон гуфт, барои кӯмаку машварат ҷиҳати пешгирӣ аз густариши бемориҳои сироятӣ, бо ширкати табибони тоҷик аз дохил ва хориҷ гуфтӯгуи онлайн баргузор мекунад. Хоҳишмандон метавонанд, аз қабл суолҳои худро ба табибон бифристанд.
Созмони ғайриҳукуматии «Пешрафт» рӯзи 15-уми май гуфт, гуфтугӯи онлайн рӯзи 16-уми май бо ширкати табибони бемориҳои сироятӣ, табибони роҳҳои нафас ва дигар мутахассисон аз тариқи вебсайти zoom сурат мегирад, ки василаи роиҷе барои гуфтугӯ ва ҷаласаҳо дар аҳди пандемияи коронавирус шудааст.
Дар ин гуфтугӯ мутахассисон дар бораи аломатҳои COVID-19, усулҳои пешгирӣ ва роҳҳои табобати он мутахасисон машварат медиҳанд. Ба гуфтаи масъулони “Пешрафт”, дар гуфтугӯ ҷарроҳи тоҷик Умар Азизов аз Сербия, Зафар Ҳоҷиев аз Бритониё, Ҳаёт Алиев аз Душанбе, Ҳакима Ҳошимова мутахассиси вазорати тандурустӣ ва чанд табиби дигар ширкат меварзанд.
Гуфтугӯи онлайн соати 16:00 ба вақти Душанбе дар саҳифаи “Пешрафт” дар нишонии Facebook.com/peshraft ва ё шабакаи ZOOM зери ин нишонӣ https://zoom.us/j/96202728425 доир мешавад ва бинандагон метавонанд, саволҳои худро дар миён гузоранд.