Новости за 18.05.2020

Нашрияи электронии Pamir Daily News рӯзи 18 май нақли як сокини Вилояти Мухтори Кӯҳистони Бадахшон (ВМКБ)-ро дар бораи вазъи бемористони марказии ин вилоят мунташир намуд.

Танаффус дар мусобиқаҳои футбол дар Тоҷикистон дастаҳоро дар ҳолати ногувор қарор додааст. Ҳоло бозиҳои қаҳрамонии кишвар баргузор намешаванд, мухлисон ба варзишгоҳҳо намеоянд ва шабакаҳои телевизионӣ рақобаташонро нишон намедиҳанд.

Танаффус дар мусобиқаҳои футбол дар Тоҷикистон дастаҳоро дар ҳолати ногувор қарор додааст. Ҳоло бозиҳои қаҳрамонии кишвар баргузор намешаванд, мухлисон ба варзишгоҳҳо намеоянд ва шабакаҳои телевизионӣ рақобаташонро нишон намедиҳанд.

Президенти Русия Владимир Путин гуфт, ки сабаби аслии зиёд будани шумори ҳолатҳои гирифтории сангин ба коронавирус дар Доғистон муроҷиати дери сокинон ба ёрии тиббӣ ва бо худмуолиҷа машғул шудани онҳо мебошад. Ӯ бо такя ба назари “коршиносон” гуфт, ки масъалаи риоя шудани меъёрҳои карантин ё инзивои хонагӣ ҳам бояд санҷида шавад.  Путин инчунин ба шикояти сокинони маҳаллии Доғистон ҳам муроҷиат кард  ва гуфт, ки дар ин ҷумҳурӣ ёрии тиббиро на дар ҳама ҷо ва на ҳамеша пурра дарёфт кардан мумкин аст. Читать дальше...

Мақомот дар Туркманистон, ки то ҳол ҳеҷ як ҳодисаи олудагӣ ба коронавирусро ба қайд нагирифтаанд, тадбирҳои ҷилавгирикунанда аз паҳншавии COVID-19-ро дар ин ҷумҳурии Осиёи Марказӣ ҷорӣ мекунанд.  Матбуоти давлатӣ рӯзи 15 май гуфт, ки президент Қурбонгулӣ Бердимуҳаммадов нақшаи ҳукумат дар заминаи “Омодагии Туркманистон барои муқовимат бо пандемия ва роҳҳои босуръати вокуниш ба он”-ро тасдиқ кард. Дар як иқдоми бесобиқа Бердимуҳаммадов нақшаи маҳдудиятҳо барои таҷаммӯъҳои ҷамъиятӣ ва манъи шиноварӣ дар баҳри Хазар... Читать дальше...

Дар чаҳорчӯби барномаи кумак ба Тоҷикистон барои муқобила бо COVID-19 бахше аз ёриҳои башардӯстонаи Иттиҳоди Аврупо ва Бунёди кӯдакони СММ (UNICEF) ба Душанбе ворид шуд. Ин созмонҳо мегӯянд, 13 тонна бор тахминан сӣ дарсади кулли кумакҳоеро ташкил медиҳад, ки қарор аст дар чаҳорчӯбаи барномаи вокуниши таъҷилии Тоҷикистон ба COVID-19 ба кишвар оварда шавад. Ин ёриҳо аз васоили муҳофизати шахсӣ -- 36,250 либоси муҳофизатӣ, 40,320 ниқоби тиббии N95 ва 720 ҳароратсанҷ иборатанд.  Дафтари UNICEF дар... Читать дальше...

Вакили порлумони Қирғизистон Умбеталӣ Қодиралиев дар ҷаласаи кумитаи порлумонӣ оид ба буҷа ва молия аз ҳукумати ин кишвар даъват кард, ки барои ба кор даровардани чархаи дувуми неругоҳи барқӣ-обии "Қамбарота-2" аз манобеи дохилӣ истифода кунад. Намояндагони мардумии қирғиз созишномаи қарзии Бунёди авруосиёии устуворӣ ва рушдро, ки соли 2017 барои сармоягузории чархаи дувуми неругоҳ имзо шуда буд, баррасӣ карданд. "Тарҳҳои неругоҳ барои Қирғизистон судоваранд, вале кишварҳои дигар ба иллати масоили геополитикӣ манфиатдор нестанд. Читать дальше...

Садҳо муҳоҷири Узбекистон, ки аз рӯзи 11-уми май дар марзи Русия бо Қазоқистон дармонда буданд, иҷозати баргашт ба ватанро тариқи роҳи транзитӣ дарёфт карданд. Дар ин бора консули Узбекистон дар Тотористон Фариддин Насриев иттилоъ дод. "Барои интиқоли шаҳрвандони худ ба Узбекистон мо автобусҳои махсусро ташкил мекунем. Сафорати Қазоқистон дар Узбекистон низ барои интиқоли шаҳрвандони мо ба ватан нақлиёт ҷудо мекунад", - изҳор дошт дипломати узбек. Ба гуфтаи Насриев, дар ин замина дар ҷараёни... Читать дальше...

Бейсен Куранбек, рӯзноманигори 49-солаи Қазоқистон субҳи 18-уми май, баъди бемории вазнин вафот кард. Дар ин бора расонаҳои маҳалли Қазоқистон хабар доданд. Куранбек 9-уми декабри соли 1971 дар вилояти Алматои Қазоқистон таваллуд шудааст. Вай Донишгоҳи миллии Қазоқистон бо номи Ал-Форобиро хатм карда, дар нашрияи "Спорт", телевизионҳои "Рахат", "Шабакаи 31", "Хабар"-и Қазоқистон кор кардааст. Солҳои 2013-2017 барномаи тафреҳиеро дар телевизиони "Қазоқистон" мудирият мекард. Дар барномаҳои вай мушкилоти иҷтимоии сокинон баррасӣ мешуд.

Эрон ба ИМА ҳушдор дод, ки ғасби киштиҳои ҳомили нафти дар роҳ ба сӯи Венесуэла бе посух нахоҳад монд. Пештар аз ин як мақоми баландпояи ИМА ба хабаргузориҳо гуфт, Амрико дар робита ба интиқоли нафти Эрон ба Венесуэлаи аз буҳрон зиёндида чораҷӯӣ хоҳад кард. Дар номаи вазири корҳои хориҷии Эрон Муҳаммадҷавод Зариф унвонии дабири кулли СММ Антонио Гутерриш рӯзи 17-уми май ба ИМА ҳушдор дода шудааст. ИМА ахиран тасмим гирифт, "бо ҳадафи эҷоди монеа ба интиқоли нафти Эрон ба Венесуэла ба баҳри Қариб артиш ирсол кунад". Читать дальше...

Баъд аз як рӯзи эътирози сокинони аз сел зарардидаи ноҳияи Хуросон мақомот ваъда додаанд, ки барояшон замину хӯрокворӣ медиҳанд, вале ҳамзамон ҳушдор додаанд, ки нисбат ба шахсони, ба гуфтаи онҳо, "иғвоангез" чора меандешанд.

Арзёбии паёмади сел ва эътироз дар ноҳияи Хуросон. Гузориши хабарингори Радиои Озодӣ аз макони ҳодиса.

Абдураҳмон Азимов, фармондеҳи пешини нирӯҳои марзбонӣ даргузашт.

Дар Кӯлоб гӯшаи хайр барои ниёзмандон ташкил шудааст.

Рамзан Қодиров, роҳбари Чеченистон талаб кард, кормандоне аз кор ронда шаванд, ки дар бемористони Гудермес аз камбуди васоили муҳофизатӣ шикоят карда буданд. Қодиров ин талабро дар ҷаласаи ҳукумати кишвараш баён кард. "Иғвогаронро бояд аз кор ронд. Мо ҳама чиз дорем - дастгоҳ, хилъатҳо, ниқоб, кислород, дору. Мо баракс, метавонем, ба дигарон кӯмак кунем", - гуфт Қодиров. Пештар аз ин дар шабакаҳои иҷтимоӣ наворҳое нашр шуд, ки табибон дар беморхонаҳои Чеченистон аз камбуди васоили муҳофизатӣ шикоят мекарданд. Читать дальше...

Дар шаҳри Қаршии вилояти Қашқадарёи Узбекистон баъди ҷанҷоли маишӣ як мард худ ва падари 80-солаашро оташ зад. Ҳар ду дар ҷои ҳодиса ҳалок карданд. Додситонии кулли Узбекистон хабар дод, ки соати 14:30 дақиқаи рӯзи 17-уми май марди соли таваллудаш 1974 бо падари 80-солааш баҳс кардааст. "Дар натиҷаи баҳс вай ба сару рӯи худ ва падараш бензин пошида, оташ задааст. Падару писар аз ҷароҳатҳои бардоштаашон дар ҷои ҳодиса ҳалок шуданд", - хабар медиҳад додситонӣ. Додситонии шаҳрии Қаршӣ дар робита... Читать дальше...

Шӯрои уламои Маркази исломӣ, ягона ниҳоди содиркунандаи фатво дар Тоҷикистон, эълон кард, ки имсол намози Иди Фитр баргузор намешавад.

Таркиши мошини бомбгузоришуда аз тарафи Толибон, ки пойгоҳи истихборотӣ дар шарқи Афғонистонро ҳадаф қарор дод, ба камияш 7 нафарро кушта ва даҳҳо каси дигарро маҷруҳ кард. Ҳодиса 18-уми май рух дод. Ориф Нурӣ, сухангӯи волии Ғазнӣ, гуфт, шахси маргталаб дар ин ҳамла аз мошини ҳарбии Humvee истифода кардааст. Ба қавли ӯ, ҷангҷӯён мошинро қаблан дуздида ва дохилашро бо маводи тарканда пур карда буданд. Мошин дар даромадгоҳи пойгоҳи истихборотӣ мунфаҷир шудааст. Толибон масъулияти ҳамларо ба дӯш гирифта... Читать дальше...

Сандуқи Байналмилалии Пул дар ивази 189,5 миллион доллар қарзи боимтиёз аз Тоҷикистон тақозо кардааст, ки қисмати даромади буҷаро беш аз 2 миллиард сомонӣ ва хароҷотро беш аз 1 миллиард сомонӣ кам кунад.

Густариши пандемияи короновирус дар Тоҷикистон, ки боиси баста  шудани бозору мағозаҳо ва қатъ шудани корҳои муваққатӣ гашт, эҳтиёҷи шахсони ниёзмандро ба кӯмак бештар кардааст.

Намояндаи қаҳрамони UFC Ҳабиб Нурмуҳаммадов гуфт, варзишкор пас аз хотимаи ҳар рақобат аз итмоми фаъолияти варзишӣ мегӯяд

Ашраф Ғанӣ, раиси ҷумҳур ва Абдуллоҳ Абдуллоҳ, раиси пешини иҷроияи ҳукумати Афғонистон, рӯзи 17-уми май қарордоди сиёсиеро имзо карданд

Раиси Маркази "стратегияи рушд"-и Узбекистон Элдор Туляков шарҳи намояндаи расмии Вазорати умури хориҷии Русия Мария Захарова дар бораи лоиҳаи қонуни коргузорӣ бо забони давлатӣ (узбекӣ) дар кишварашро дахолат ба умури дохилӣ номид. "Дахолати масъули ниҳоди умури хориҷии як кишвар ба ин мавзуъ хилофи ахлоқи ҳам сиёсӣ ва ҳам дипломатӣ аст. Қабули қонун кори дохилии кишварҳост. Узбекистон ҳақ дорад сиёсати дохилии худро дар асоси меъёрҳои байналмилалӣ мустақилона муайян кунад", - навиштааст Элдор Туляков дар Facebook. Читать дальше...

Рӯзи 17-уми май 379 шаҳрванди Қирғизистон аз Маскав ба Бишкек оварда шуданд. Сафорати Қирғизистон дар Русия гуфт, бо як парвози чартерӣ 116 бемори вазнин, 27 тан аз наздикони беморон, 8 маъюб, 38 нафақахӯр, 78 зани ҳомила, 77 шаҳрванд бо фарзандони ноболиғ ва 35 каси дигар, ки дар ҳостел ё хобгоҳҳои умумӣ қарор доштанд, ба Бишкек бурда шуданд. Сафорати Қирғизистон гуфт, бештар аз 1000 каси дигар дар навбати баргаштан ба Бишкек ҳастанд. Ин афрод низ аз беморон, занони ҳомила, кӯдакони ноболиғ ва пиронсолон иборатанд. Читать дальше...

Дар деҳкадаи Ботакари вилояти Қарағандаи Қазоқистон даҳ ҳолати мубталошавӣ ба вируси корона сабт шудааст. Мақомоти маҳаллӣ гуфтанд, ки вазъи беҳдоштиву эпидемиологии деҳкада вазнин шуда, ба ин далел, сар аз рӯзи 18-уми май Ботакар баста мешавад. "Гашту гузори сокинон бидуни зарурат манъ мешавад. Дар роҳҳои вурудии деҳкада постгоҳҳо гузошта, ҳаракати ҳамагуна нақлиёт, ба ҷуз аз нақлиёти хадамоти махсус ва созмонҳо, қатъ мешавад. Нақлиёти ҷамъиятӣ аз гардиш мемонад", - гуфт Канат Аскаров, пизишки беҳдоштии вилояти Қарағандаи Қазоқистон. Читать дальше...