Як сокини Душанбе мегӯяд, ӯро "заданд" ва "ахта" карданд. Баҳси қарз ё осеби равонӣ?
Идибек Нусратов, сокини шаҳри Душанбе, даъво дорад, ки аз тарафи ду ҳамсояи ҷавонаш латукӯб ва шиканҷа шуд, аммо маъмурони милиса шикояти ӯро нодида мегиранд. Ҳодиса ҳафт моҳ пеш рӯй додааст. Нозири маҳаллӣ шикоятро беасос донист. "Агар ҷиддӣ таҳқиқ мешуд, ҳама чиз ошкор мешуд," -- гуфт Идибек.