Новости за 04.08.2022

Моңа кадәр Бөтендөнья татар конгрессының башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары булып эшләгән Марс Тукаев җитәкченең беренче урынбасары итеп билгеләнде.

Түбән Кама муниципаль районы Башкарма комитеты җитәкчесе Рамил Муллин Түбән Кама белем бирү учреждениеләрендә төзелеш-ремонт эшләренең барышы белән танышты.

Мөслим җирлегендә мавыктыргыч чара узды. Аны Татарстан Көрәш федерациясенең Мөслим бүлеге һәм «Азнакай-Аэро» хәрби-патриотик яшүсмерләр спорт аэроклубы оештырды. Бу турыда «Мөслим-информ» сайтында хәбәр ителә.

1 августтан башлап Яшел Үзән муниципаль районы Башкарма комитетының инвестиция проектларын алып бару буенча җитәкчесе вазифаларын башкаручы итеп Дамир Шакиров билгеләнде.

Россиянең төрле төбәкләреннән килгән сөт белән бәйле бизнес вәкилләре, тәҗрибә өйрәнү, бизнес-контактлар табу һәм сөт тармагындагы яңа үсеш юлларын билгеләү өчен ил төбәкләре буйлап автойөрешкә чыга. Быел чара Татарстанда уза һәм «Кызыл Шәрык» агрохолдингына нигез салучы Айрат Хәйруллин истәлегенә багышлана. Шуңа күрә 1 августта автоузышта катнашучылар «Левашево» терлекчелек комплексында булды.

Руандадагы геноцидны өйрәнгән галим пропаганда кеше үтерүләрне күбәйтә дигән нәтиҗә ясады. Азатлык 2014 елгы бу тикшеренүне өйрәнде һәм бу хакта Казан социологы белән сөйләште. Сугышка каршы чыгучыларның моны ачык итеп әйтүләре зур роль уйный, ди ул.