Новости за 30.10.2023

29 октябрь кичендә Тель-Авивтан очкыч төшеп утырыр алдыннан Махачкала һава аланына йөзләгән кеше җыелды. Җыелучылар һава аланына бәреп кереп, очыш кырына кадәр үтте, алар Израилдән юлчыларны эзләде. Аңарчы җирле пабликларда җирле халыкны Тель-Авивтан килгән очкычларны "каршы алырга" чакырдылар.

3 ноябрьдә «Казан Экспо»да Халыклар бердәмлеге көнен үткәрү кысаларында Милли мәдәниятләр һәм гореф-гадәтләр елын ябу тантанасы узачак. Кунаклар берьюлы барлык халык бәйрәмнәрен тамаша кыла һәм декоратив-гамәли сәнгать осталарының эшләнмәләре урын алган зур күргәзмә белән таныша алачак. Төрки, славян һәм фин-угор халыклары бәйрәмнәренә багышланган интерактив күргәзмә төп композиция булачак.

В первые дни осенних каникул ребята из школы №3 посетили мастер-класс «Пуговичная фантазия», который прошел в центральной библиотеке города.

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Ульяновск өлкәсендә. Биредә Ульяновск өлкәсе мөселманнары Диния нәзарәте оешу уңаеннан тантаналы чара һәм нәзарәт эшчәнлегенә нәтиҗә ясау булды.

Дагыстан сәламәтлек саклау министрлыгы Махачкала аэропортындагы тәртипсезлекләр аркасында 20дән артык кеше яраланган дип хәбәр итә.

30 октябрь — Сәяси репрессияләр корбаннарын искә алу көне. Илебез тарихында булган фаҗигале еллар, шул чор халкы һәм вакыйгалар турында кайгылы хәтер көне. Татарстан премьер-министры урынбасары Ләйлә Фазлыева республика халкына мөрәҗәгатендә шулай дип җиткерде.

2024 елда «больничный» буенча максималь түләүләр хәзерге иң күп түләнә торган суммадан 1,5 тапкыр артачак, ә 2025 елда алар хәзергедән ике тапкыр күбрәк булачак, дип сөйләде «Прайм» агентлыгына биргән интервьюсында Россиянең атказанган юристы Иван Соловьев. Бу хакта РИА Новости яза.

Бүген Татарстанда болытлы һава торышы фаразлана. Гидрометүзәктә республика халкын юлларда бозлавык турында кисәттеләр.

4 ноябрьдә Чирмешәндә якташыбыз, дөнья чемпионы, җиде тапкыр Россия чемпионы Ильяс Галимов истәлегенә көрәш беренчелеге узачак. Бу хакта «Безнең Чирмешән» газетасы яза.

Лениногорскиның «Исток-Башлангыч» үзәгенең социаль педагогы Зилә Мөдәрисова 7нче социаль участокта «Татарстанның милли ризыклары» дигән чара оештырды. Бу хакта «Заман сулышы» газетасы яза.

Марий Эл башкаласы Йошкар-Ола шәһәренең Татар мәдәнияте үзәгендә «Милләтләр хәзинәсе» Бөтенроссия милләтара фольклор фестиваль-бәйгесе узды. Фестивальдә Арча район Мәдәният йортының «Хәзинә» фольклор коллективы да катнашты. Бу хакта «Арча хәбәрләре» газетасы яза.

Түбән Кама хоккей мәктәбе тәрбияләнүчеләре өчен тренажер залы ачылды. Бу хакта «Татар LIFE» газетасы яза.

30 октябрь — Сәяси репрессия корбаннарын искә алу көне. Чита төбәгендә яшәгән ярымтатар Валентина (Фагыйлә) Шадринцева Азатлыкка үз әбисе кичергәннәрне сөйләде.