Новости за 17.12.2017

د کونړ په شلتن ولسوالۍ کې د ماین چاودنې له امله یو قومي مشر ووژل شو  د کونړ امنیه قوماندان پاسوال جمعه ګل همت نن یکشنبه ازادي راډیو ته وویل چې نن ماښام مهال د شلتن ولسوالۍ قومي مشر ګل پاچا د پرسونل ضد ماین چاودنې له امله وژل شوی دی.  قوماندان وایي، یاد قومي مشر د افغان دولت پلوي و.  تراوسه د افغان دولت کومې مخالفې ډلې یا چا د یادې چاودنې په اړه څه نه دي ویلي.

د هلمند چارواکي تائیدوي چې د لښکرګاه پر ۸ مې حوزې د وسله والو طالبانو په بریدونو کې لږترلږه ۱۱ پولیس وژل شوي دي. د هلمند والي حیات الله حیات له رسنیو سره په خبرو کې پولیسو ته د دغې مرګ ژوبلې خبره تائید کړې، خو دا یې هم ویلي چې پولیسو د طالبانو حمله په شا تمبولې ده. د هلمند امنيه قوماندان مل پاسوال عبدالغفار ساپی بیا وايي، په کلا سنګ سیمه کې پر دوو پوستو د طالبانو په بریدونو کې ۱۵ وسله وال طالبان وژل شوي دي.

د سرپل چارواکي وایي، د سانچارک ولسوالۍ د تبر کلی نن یکشنبه بېرته افغان امنیتي ځواکونو ونیو. د سرپل د والي ویاند ذبیح الله اماني نن ازادي راډیو ته وویل چې دغه کلی د افغان ځواکونو د هوایي او ځمکنیو ځواکونو د عملیاتو په نتیجه کې نن له غرمې وروسته له وسله والو طالبانو په بشپړه توګه پاک شو. د هغه په وینا، په دغو عملیاتو کې د سانچارک د ولسوالۍ لپاره د طالبانو د نومول شوی مرستیال قاري شېرمحمد چې په دلاور مشهور و، په ګډون نهه وسله وال طالبان وژل شوي او ۱۲ نور یې ټپیان شوي دي. وسله والو طالبانو تراوسه په دې اړه څه نه دي ویلي. Читать дальше...

که څه هم برېښنا شرکت په وار وار د خپلو پوروړو ادارو لېست خپور کړی، خو یو شمېر دغو ادارو لا هم خپل پور ...

د پولیو د ملي کمپاین د معلوماتو له مخې، په افغانستان کې د پولیو ۱۲ پېښې تائید شوي چې پنځه یې په کندهار ...

که څه هم د افغانستان د ولسي جرګې یوشمېر غړي د غیر قانوني وسلو او بې ‌اسنادو او تورو ښیښو لرونکو ...

که څه هم د پولیو په ضد د واکسین رضاکاران د واکسین د تطبیق پرمهال د عامو خلکو ترڅنګ د وسله والو د ممانعت ...

د ننګرهار په دره نور کې د ۷۰ زره امریکایي ډالرو په ارزښت د ګلابو دوه پروژې پیل شوي. د ننګرهار ولایت له مطبوعاتي دفتره په خپره شوې خبرپاڼه کې ویل شوي چې د نشه یي موادو پر وړاندې د مبارزې د ریاست له لوري په دغو پروژو کې د دره نور ولسوالۍ په سل جریبه ځمکه کې د ۲۵ زره ګلابو د کرلو او له ګلابو څخه د عطرو, درملو او اته ډوله نورو موادو د جوړولو یوه فابریکه شامله ده. دغه فابریکه چې نوې فعاله شوې په یوه ساعت کې له ګلابو څخه د ۲۰۰ لېتره تیلو د تولید ظرفیت لري. دغې پروژې د هغو هڅو یوه برخه ده چې هدف یې د کوکنارو پرځای د بدیل کښتونو دودول دي.

د افغانستان د عامې روغتیا وزارت چارواکي وایي، سبا دوشنبه «۱۳۹۶ کال د لیندۍ ۲۷» به د افغانستان په یو شمېر ولایتونو کې ماشومانو ته د پولیو یا د ګوزڼ ناروغۍ ضد د واکسین یو ځانګړی پنځه ورځنی کمپیان پیل شي. د پولیو د ملي پروګرام د عامه پوهاوي مسؤل میرجان راسخ ازادي راډیو ته وویل، دغه کمپاین د "UNICEF" او "WHO"په مرسته په هغو ولایتونو کې پر مخ وړل کېږي چې د پولیو د ویروس د خپرېدو خطر په کې زیات دی. دی وايي: "دغه کمپاین په جنوب، جنوب ختیځ، ختیځ او کابل کې پلي کېږي او په ترڅ کې به یې هغو ماشومانو ته... Читать дальше...

د افغانستان د برېښنايي تذکرو اداره وايي، تر يوې بلې اوونۍ پورې به د برېښنايي تذکرو د ویش په برخه کې ...

د اسپانیا د لالیګا سیالیو په لړ کې نن یکشنبه بارسلونا له ديپورتیو سره لوبېږي. دغه لوبه د کابل پر وخت د شپې ۱۲ بجې او ۱۵ دقیقې د بارسلونا په کوربه توب په نیوکمپ په لوبغالي کې ترسره کېږي. دغه راز د نړۍ د فوټبال د کلپونو جام په پای لوبه کې تېره شپه ریال مادرید یو د صفر په وړاندې ګرمیو ته ماته ورکړه.

د افغانستان د تکواندو ملي لوبډلې د هند د نړیوالو سیالیو په پینځم پړوا کې دوهم مقام خپل کړ. د بدنې روزنې او ورزش ریاست ویاند عارف پیمان نن یکشنبه ازادي راډیو ته وویل چې په دغو سیالیو کې د تکواندو د لویانو او ځوانانو لوبډلې ترڅنګ، د تکواندو د هوايي ځواک لوبدلې هم ګډون کړی و. ښاغلی پیمان وایي چې د هېواد د تکواندو ۱۶ کسېزې لوبډلې ۱۲ د سرو زرو او څلور د سپینو زرو مډالونه واخيستل. دغه سیالۍ د هندوستان په کوربه توب پیل شوې وې.

د افغانستان د کرکټ د ۱۹ کلونو ملي لوبډله په نړیوال جام لوبو کې د ګډون په هدف نن یکشنبه نیوزیلنډ ته روانه شوه. د کرکټ بورد ویاند فرید هوتک نن ازادي راډیو ته وویل چې د کرکټ د ۱۹ کلونو لوبډله دغو سیالیو ته بشپړ چمتووالي لري. د کرکټ د ۱۹ کلونو لوبدله د کرکټ د نړیوال جام په لوبو کې لومړۍ سیالۍ د راتلونکې جنورۍ په ۱۳ مه له پاکستان، دوهمه د جنوري په ۱۷ له سریلانکا او دغه راز درېيمه لوبه د جنوري په ۲۰ مه له ایرلنډ سره لري

د افغانستان د فواید عامې وزارت وايي چې په لارو کې د غیرقانوني پیسو د اخېستنې د مخنیوي، د کارونو...

د امریکا، جاپان او روسیې ۳ فضانوردان نن یکشنبه د قزاقستان له فضایي سټېشن څخه فضا ته روان شول. دغه درې واړه فضانوردان چې د روسیې په سیوز فضایي راکټ کې د نړیوالې فضایي اډې پرلور لېږدول کېږي، شپږ میاشتې به په دغه فضایي اډه کې ماموریت سرته رسوي. د دوی فضایي راکټ به له دغې فضایي اډې سره چې د ځمکې د مدار له پاسه په ۴۰۰ کیلومترۍ کې راڅرخي، نن ونښلي. درې ورځې وړاندې یوې فضایي وسیلې له دغې اډې درې فضانوردان، روسی، امریکايی او ایټالوی ځمکې ته را ورسول.

د کندز د امام صاحب ولسوالۍ د ګنبد، جوي بېګم او قرغز سیمې له ۳ کلونو راهیسې د وسله والو مخالفينو تر واک لاندې وې چې یوه اوونۍ وړاندې دغه سیمې د افغان ګډو ځواکونو له خوا د دوی له حضوره پاکې شوي. په دې اړه نور حال د اجمل ارین په دغه ویډیویي راپور کې کتلی شئ:

د کندهار ښار د پنځمې امنیتي حوزې اړوند د ښور اندام په سیمه کې پر بهرنیو ځواکونو موټر بم انتحاري حمله شوې ده.

د افغانستان د ملي امنیت سلاکار له خپل امریکايي سیال سره د کابل او واشنګټن ترمنځ د شويو ژمنو د عملي ...

د هلمند امنیتي چارواکي د لښکرګاه پر ۸ مې حوزې د وسله والو د پراخ برید خبر ورکوي. د هلمند امنيه قوماندان مل پاسوال عبدالغفار ساپی وايي، تېره شپه د لښکرګاه د ۸ مې حوزې په کلاسنګ سیمه کې پر دوو پوستو بريد شوی چې دواړو غاړو ته تلفات اوښتي دي. قوماندان يې شمېر ياد نه کړ، خو د پوليسو يوې سرچينې د نوم نه ښودلو په شرط ازادي راډیو ته وویل چې په پېښه کې ۱۱ پوليس وژل شوي او ۷ نور ټپيان دي.  د دغه برید مسؤلیت تراوسه چا په غاړه نه دی اخیستی، خو په دې ولایت کې چې د طالبانو فعالیتونه پکې زیات دي، د مخکنیو اکثره بریدونو مسؤلیت طالبانو په غاړه اخیستی دی.

"نۍ" همدا راز وايي، په روانه میاشت کې د حکومتي ادارو له‎خوا د خبریالانو د ازادي سلبولو پنځه موارد رامنځته شوي دي.

پاکستاني چاواکي وایي، په کوټه کې پر یوې کلیسا د ځانوژونکې حملې په نتیجه کې لږترلږه ۷ تنه وژل شوي او شاوخوا ۳۰ نور ټپیان دي. د دغې حملې مسؤلیت د اسلامي دولت ډلې یا داعش په غاړه اخیستی.​ د بلوچستان ایالت د کورنیو چارو وزیر سرفراز بوګتي وویل، په دغه برید کې چې نن یکشنبه د بیتل میموریال متدویست پرکلیسا وشوه، لږترلږه دوو وسله والو پکې لاس درلود. بوګتي وویل، یوه حمله کوونکي د کلیسا له دروازې سره چې په انګړ کې یې د ښځو او ماشومانو په ګډون شااوخوا ۴۰۰ کسان د کرسمس له جشن مخکې د یکشنبې د ورځې د مراسمو لپاره راټول شوي وو، ځان ته چاودنه ورکړه. Читать дальше...

د یکشنبې په ورځ په خوست کې د پولیو یا ګوزڼ د ناروغی پر ضد د ماشومانو د واکسینو د کمپاین پرانېسته وشوه. د خوست د عامې روغتیا چارواکي وايي، په دې کمپاین کې به د وزیرستانیو کډوالو د ماشومانو په ګډون، د یاد ولایت څه د پاسه ۳ لکه او ۱۳ زره ماشومانو ته و اکسین ورکړل شي. د خوست د عامې روغتیا رئيس ډاکټر حبیب شاه انصاري وايي چې د افغانستان د نورو سیمو په شان په یاد ولایت کې هم درې لکه ۱۳ زره ۶۵۰ ماشومانو ته چې عمرونه يې له پنځو کلونو ټيټ دي، د پولیو یا ګوزڼ پر ضد واکسین ورکول کېږي. نوموړی زیاتوي، د... Читать дальше...

په پکتیا کې څه باندې سلو ښځینه بزګرو ته شنې خونې ورکړل شوې. د پکتیا د کرنې او مالدارۍ رئیس ولید احمد تسل نن یکشنبه ازادي راډیو ته وویل چې له دغو شنو خونو ۵۲ یې په مرکز ګرديز، ۱۵ په احمداباد، ۱۵ په سيدکرم او ۱۸ نورې په څمکنۍ ولسوالۍ کې پر کورنیو وویشل شوې. د سرچینې په وینا، د سږکال په لومړیو کى ۱۴۰۰ کيلو د ترکاریو بېلابېل تخمونه هم په يادو ولسوالىو کى پر ښځو وېشل شوي دي . د معلوماتو له مخې، دا سړې خونې هر یوه څلور متره بر او ۱۰ متره اوږدوالی لري.

فتح غورځنګ له فلسطینیانو غوښتنه کړې چې بیت المقدس ته د متحد ایالاتو د مرستیال ولسمشر مایک پنس د سفر پر ضد پراخې مظاهرې وکړي.

د افغانستان د اوبو او برېښنا وزارت وایي، تر راتلونکو ۱۰ ورځو پورې به د پکتیا د مچلغو د اوبو بند د جوړېدو چارې یوه روسي شرکت ته وسپارل شي. د دغه وزارت د مطبوعاتو د برخې مسؤل اصف غفوري د یکشنبې په ورځ ازادي راډیو ته وویل چې د دغه بند د جوړولو تړون چمتو شوی او ډېر ژر به یې د جوړېدو عملي کار د څه باندې ۲۲ میلیونه ډالرو په ارزښت، یوه روسي شرکت ته ورکړل شي. ښاغلی غفوري وایي، د مچلغو د اوبو بند د جوړولو چارې تر راتلونکو درېو کلونو بشپړېږي چې ورسره به په پکتیا کې د کرنې برخه وده وکړي. د مچلغو د اوبو بند د پکتیا په احمد اباد ولسوالۍ کې جوړېږي. Читать дальше...