Новости за 03.07.2018

د روسيې د بهرنیو چارو وزارت وايي، د یکشنبې په ورځ په جلال اباد ښار کې انتحاري حملې چې مسؤلیت یې داعش واخیست، بیا ثابته کړه چې د دې ډلې د بېخ ایستلو لپاره باید هڅې چټکې شي. د تاس خبري اژانس په حواله، د روسیې د بهرنیو چارو وزارت نن سې شنبه په یوه بیان کې ویلي: "ترورېستان هڅه کوي چې په افغانانو کې وېره خپره او دا هېواد د نړۍ سولې او ثبات ته په دایمي ګواښ بدل کړي." د روسیې د بهرنیو چارو وزارت په جلال اباد کې حمله غندلې او د افغانستان پر حکومت او په دې هېواد کې د ائتلافي ځواکونو پر قوماندانۍ یې... Читать дальше...

د افغانستان د ټرانسپورت او هوایي چلند وزیر وايي، د اصلاحاتو او له فساد سره د جدي مبارزې په پایله کې د دغه ...

ګل نبي هغه زیار کښ دی چې له دریو کلونو راهیسې دغه سخت کار کوي تر څو خپلو ماشومانو ته یوه مړۍ ډوډۍ وګټي او د تعلیم زمینه ورته برابره کړي. ابراهیم صافی په دغه ویډیویي راپور کې د ګل نبي ژوند ته لنډه کتنه کړې چې دلته یې لیدلی شئ.

پاکستاني چارواکي وايي چې په بلوچستان او شمالي وزیرستان کې دوو جلا حملو کې شپږ ملېشه او دوه پولیس وژل شوي دي. د بلوچستان د حکومت یوه چارواکي، اصیل خان ازادي راډیو ته وویل چې وسله والو کسانو پرون د ملېشه قواوو پر یوه کاروان حمله وکړه او شپږ ملېشه یې ووژل. د حملې مسئولیت چا نه دی اخیستی. دوهمه حمله په شمالي وزیرستان کې شوې چې دوه پولیس په کې وژل شوي دي. په سیمه کې یوه حکومتي مامور ازادي راډیو ته وویل چې په حمله کې یو پولیس او یو ملکی مامور زخمیان شوي دي.

د کابل ډېری اوسیدونکي چې د امنیتي ستونزو او پېښو څخه په وېره کې ژوند کوي، په دې ورځو کې فرصت مومي چې د څو ساعتونو لپاره په کورونو او یا هم په ځینو نورو ځانګړو ځایونو کې د خوښۍ شېبې تجربه کړي او د فوټبال نړیوالې لوبې وګوري. نصرت پارسا په دې اړه دا ویډیويي راپور جوړ کړی دی.

مسکو وايي چې د روسیې او د متحدو ایالاتو ولسمشران ښايي روانه میاشت د فنلنډ په پلازمېنه هلسنکي کې په خصوصي ډول دوه په دوه سره وګوري. د کرملين ویاند ديميتري پېسکوف نن سې شنبه خبریالانو ته وویل چې ډونالد ټرمپ او ولادیمیر پوتین ښايي د جولای په شپاړسمه، په هلسنکي کې د رسمي کتنې تر پېل مخکې، په خصوصي ډول سره کېني او حتی د هغوی همکاران هم ښايي په دې کتنه کې نه وي. پېسکوف وویل چې پوتین په هر ډول چې د ډونالد ټرمپ لپاره مناسبه وي، تیار دی چې له هغه سره وګوري.  کرملين وویل چې د دواړو ولسمشرانو ترمنځ د دوه په دوه کتنې امکان نه ردوي. Читать дальше...

د ایران او د نړۍ د پنځو سترو قدرتونو چې په ۲۰۱۵ میلادي کال کې یې اټمي موافقه لاسلیک کړې وه، د بهرنیو چارو وزیران د جمعې په ورځ په ویانا کې سره ګوري. هغوی به پر دې بحث کوي چې له دې موافقې د امریکا د متحدو ایالاتو تر وتلو وروسته، څرنګه دا پرمختګ خوندي ساتلائ شي. د بریتانيا، چین، فرانسې، جرمني او روسیې د بهرنیو چارو وزیران به د اتریش په پلازمېنه ویانا کې د ایران د بهرنیو چارو له وزیر سره وګوري او پر هغو وړاندیزونو چې اروپايي اتحادیې د موافقې د خوندي ساتلو لپاره کړي، خبرې وکړي. دا په داسې حال کې... Читать дальше...

د افغانستان د مشرانو جرګې یو شمېر غړي وايي، په جلال اباد ښار کې د یکشنبې د ورځې انتحاري حمله د...

د خبريالانو د خونديتوب کمېټې يا «CPJ» د پاکستان له حکومته غوښتي چې خبریالانو ته داسې فضا رامنځته کړي چې هغوی پرته له بېرې خپل کار وکړي...

په خوست کې د OHPM یا د روغتیا د ادارې او پرمختیا موسسې له خوا ۱۱ هغه فرعي روغتیايي مرکزونه له لمریزې برښنا برخمن شول چې دوه میاشتې مخکې په یو شمېر لېرې پرتو سیمو کې فعال شوي دي. د سې شنبې په ورځ یادو مرکزونو ته د لمریزې برښنا د سیستمونو د سپارلو په غونډه کې د عامې روغتیا چارواکو وویل چې په دې سره به په روغتیايي مرکزونو کې په ټاکلي حرارت د واکسینو، صحي وسایلو او دوا درملو د ساتلو او همدارنګه د رڼا او سړې هوا لپاره د برښنا اړتیا پوره شي. مسؤلینو زیاته کړه، د دې ۱۱ فرعي روغتیايي مرکزونو سربېره هغو... Читать дальше...

د سولې عالي شورا په سعودي عربستان کې د دیني عالمانو ناسته په افغانستان کې د جګړې د پای ته رسېدو لپاره په نیک فال نیسي....

د افغانستان دفاع وزارت وايي، د فاریاب ولایت قیصار ولسوالۍ د امنیه قوماندانۍ سرپرست نظام الدین قیصاري پر ده...

د ژورنالیستانو د مصئونیت کمېټې «Committee to Protect Journalists» د پاکستان پر حکومت غږ کړی چې د خبریالانو د امنیت د تامین لپاره کلک ګامونه پورته کړي او زمینه برابره کړي چې له وېرې، تهدید او فشار پرته کار وکړي. په نیویارک کې د دې ادارې مشر، جیول سېمون د پاکستان عبوري صدراعظم، نصیر الملک ته په لیک کې لیکلي چې د را روانو پارلماني ټاکنو شفافیت او عدالت ته پام وکړي. جیول سېمون لیکلي چې په وروستیو میاشتو کې د اندېښنې وړ رپوټونه خپرېږي او ورڅخه څرګندېږي چې په پاکستان کې د معلوماتو د تبادلې پر ازادۍ... Читать дальше...

د لوګر د پولیسو ویاند وايي، د ناټو د ځواکونو د موټرو پر کاروان په انتحاري حمله کې دوه ملکي وګړي وژل شوي دي. شاه پور احمدزي اسوشېټډپرېس خبري اژانس ته ویلي چې حمله پرون ماښام شوې او یوه ښځه او یو ماشوم په کې وژل شوي دي.  د احمدزي په وینا، په دې حمله کې درې تنه زخمیان شوي او د ناټو یو زغره وال موټر هم تخریب شوی دی. د وسله والو طالبانو ویاند، ذبیح الله مجاهد د حملې مسئولیت اخیستی دی. نړیوالو ځواکونو تر دامهاله پدې اړه څه نه دي ویلي.

د افغانستان د ملي دفاع وزارت تائید کړه چې د فاریاب، د قیصار ولسوالۍ د امنيه قوماندانۍ سرپرست ، نظام الدین قیصاري نیول شوی دی. نظام الدین قیصاري د افغانستان د ولسمشر د لومړي مرستیال، عبدالرشید دوستم له پېژندل شوو قوماندانانو وو. د ملي دفاع وزارت ویاند، جنرال محمد رادمنش، نن ازادي راډیو ته وویل چې نظام الدین قیصاري د هغو تورونو د سپیانوي لپاره چې پرې لګېدلي، کابل ته لېږدول شوی دی. د نظام الدین قیصاري له لوري په دې اړه کوم بیان نه دی خپور شوی.

د جرمني د کورنیو چارو وزير د دغه هېواد له صدراعظمې سره تر اوږدو مذاکراتو وروسته موافقه وکړه چې استعفا...

د کرنې او مالدارۍ وزارت د اته ولایتونو د کښت بدیل حاصلات او تازه میوې، د سې شنبې په ورځ په کابل کې نندارې ته وړاندې کړې.

د ننګرهار په مرکز جلال‌اباد ښار کې د یکشنبې په ورځ ولسي جرګې ته په انتحاري حمله کې د افغان سېهکانو د ...

په کابل کې د افغانستان د کرنې، اوبو لګولو او مالدارۍ وزارت په نوښت د کرنیزو محصولاتو او تولیداتو یو ورځنی نندارتون جوړ شو. د دغه وزارت ویاند اکبر رستمي نن ازادي راډیو ته وویل، په‎دغه نندارتون کې د هغو ولایتونو کرنیز محصولات او تولیدات نندارې ته اېښودل شوي چې پخوا به په‎کې کوکنار ډېر کرل کېدل. ښاغلي رستمي هیله ښيې چې د دا ډول نندارتونو په جوړېدو سره د کروندګرو کرنیزو محصولاتو ته بازرا موندونه وشي او په‎دې سره دوی وهڅول شي چې د کوکنارو د کښت پر ځای نور حلال فصل ته مخه کړي. افغان کروندګر د دوی... Читать дальше...

د افغانستان د فواید عامې وزارت او خصوصي شرکتونو ترمنځ د ۴۲ میلیونو افغانیو په ارزښت د سړک جوړونې د څلورو پروژو تړونونه لاسلیک شول. د دغه وزارت ویاند مهدي روحاني نن سې شنبه ازادي راډيو ته وویل، دغه پروژې په ننګرهار، غزني او غور ولایتونو کې پلي کېږي. ښاغلی روحاني زیاتوي، د دغو پروژو په پلي کېدو سره به لېرې پرتې ولسوالۍ د ولایتونو له مرکزونو سره وصل کړي او باغ لرونکي او بزګران به وکولای شي چې خپل کرنیز محصولات په خپل وخت او په کم مصرف بازارونو ته ورسوي.

د امريکا د کانګرس د جمهوريت غوښتونکي ګوند ځيني غړي مسکو ته ورسېدل. دوى وايي، په هغه مأموريت وتلي چې هدف‌يې د مسکو او واشنګټن ترمنځ د اړيکو ښه کول او دا ارزول دي چې څلور کاله مخکې د لوېديځ تر لګول شويو بنديزونو وروسته، د روسيې اقتصاد په څه حالت کې دى. د کانګرس دغه غړي پرون مخکې تر دې چې مسکو ته ورسېږي، په سن پټرزبرګ کې د هغه ښار له والي ګيورګي پولتاف-چينکو سره وکتل او د اړيکو د ښه کېدو هيله‌يې څرګنده کړه. پولتاف-چينکو دغه هيئت ته وويل، د راتلونکي په اړه خوشبين او په ټولو برخو کې همکارۍ ته چمتو دى. Читать дальше...

د کډوالۍ نړيوال سازمان وايي، په روان مېلادي کال کې تر زرو زيات پناه غوښتونکي چې غوښتل يې له لیبيا څخه اروپا ته ځانونه ورسوي، د مديترانې په سمندرګي کې ډوب شوي دي.  دغه سازمان پرون وويل، شااوخوا ٢٠۴ کسان يوازې په تېرو څو ورځو کې مړه شوي چې قاچاقوونکو په ناخوندي کښتيو کې سپاره کړي وو. د کډوالۍ نړيوال سازمان يوه غړي عثماني بلبيسي وويل، د لیبيا په سواحلو کې د مړينو پېښې خورا زياتې شوې دي. د ده په خبره قاچاقوونکي د پناه غوښتونکو له هيجان څخه په استفاده دوى ته وايي چې د مديترانې پر لارو د اروپا له‌خوا د شرايطو تر سختېدو مخکې بايد ځانونه وباسي. Читать дальше...

د سپينې ماڼۍ يوه ويانده وايي، د امريکا متحد ايالتونه لا هم د روسيې له خاورې سره د کريميا سيمې له الحاق سره خپل مخالفت ته ادامه ورکوي. دا په داسې حال کې ده چې د امريکا ولسمشر ډونالد ټرمپ څو ورځې مخکې د امريکا د دغه دريځ په اړه شکونه ولاړ کړي وو. د سپينې ماڼۍ وياندې سارا ساندرز پرون وويل، تر هغو چې مسکو د کريميا سيمې د الحاق په اړه له خپلې پرېکړې شا ته شوې نه وي، د امريکا هغه بنديزونه به پر خپل حال پاتې وي چې په ٢٠١۴مېلادي کال کې د دې سيمې تر الحاق وروسته پر مسکو لګول شوي دي. خو د سارا ساندرز... Читать дальше...

د امريکا د کانګرس د جمهوريت غوښتونکي ګوند ځينې غړي مسکو ته تللي؛ دوى وايي، هغه ماموريت پرمخ وړي ...

د ننګرهار والي وايي، په جلال اباد کې د يکشنبې ورځې د چاودنې د څېړنې په هدف يو هيئت ټاکل شوى دى. حيات الله حيات پرون په جلال اباد کې د تېرې پېښې د وژل شويو د کورنيو له خپلوانو سره په کتنه کې دا خبره وکړه: "ډاډ درکوم چې دا پېښه موږ څېړو، د دې لپاره مو پلاوى ټاکلى دى، که زموږ له خوا کومه نيمګړتيا وه له تاسو سره يې شريکوو، که له چا ناغېړي شوې وي، جزا به ورکول کېږي." د يکشنبې په ورځ مازیګر مهال د جلال اباد مخابراتو څلورلار ته څېرمه په چاودنه کې نږدې ٢٠ کسان ووژل شول او ٢١ نور ټپيان شول. ډېرى وژل... Читать дальше...