Новости за 12.07.2018

د کندز د والي ویاند، نعمت الله تېموري پرون پنجشنبه ازادي راډیو ته وویل چې په چهاردره ولسوالۍ کې په پوځي عملیاتوکې  د وسله والو طالبانو دوه مرکزونه ویجاړ شوي دي. نعمت الله  تېموري: "دوې مهمې پوستې چې یوه د قوماندان شیرعلم او بله یې د طالبانو د سرې قطعې وه ، له منځه ولاړې، همداراز څوکلي کله خرکاران او نهر صوفي هم د وسله والو طالبانو له شتونه پاک شوي دي. " ښاغلي تېموري زیاته کړه چې په چهاردره ولسوالۍ کې په پوځي عملیاتوکې اولس وسله وال طالبان وژل شوي دي.

د پنجشیر دوالي مرستیال، محمد امین صدیقي وايي چې په خنج ولسوالۍ کې د غره د ښويدو او سیل له امله زیات مالي تاوان رسېدلی خو د مړو او ورکو شوو کسانو دقیق شمېر لا نه دی څرګند . ښاغلي صدیقي پرون پنجشنبه ازادي راډیو ته وویل چې تراوسه ، یوازې د  شپږو کسانو د مړینې خبر تائیدولائ شي. محمدامین صدیقي: "واقعاً، ډېره هَولناکه پېښه وه، متاسفانه، نه یو توانیدلي چې دتلفاتو دقیق شمېر معلوم کړو. درې سوه کورونه په بشپړ ډول ویجاړ شوي او دوه سوه کورونه تخریب شوي، سل ګونه جریبه کروندې يې ویجاړې کړې او سل ګونه د مېوې او بې مېوې ونې یې هم له بېخه ایستلې دي. Читать дальше...

د لوګر امنیتي چارواکي وايي، وسله والو طالبانو په دې ولایت کې پر ښوونځيو حملې زیاتې  کړې څو حکومتي ځواکونه د پوځي عملیاتو بندولو ته اړ کړي. د لوګر دامنیه قوماندانۍ ویاند، شاه پوراحمدزي بېګا پنجشنبه ازادي راډیو ته وویل: "په تېره یوه اونۍ کې په لوګر ولایت کې زموږ خاصو ځواکونو ځانګړي شپني عملیات ترسره کړل چې تقریباً اویا یا اتیا وسله وال مخالفین په کې وژل شوي، طالبانو د دې عملیاتو د درولو لپاره د لوګر پر ښوونځیو حملې پېل کړې دي. " وسله والو طالبانودپنجشنبې په شپه، د لوګر په مرکز ،  پُل علم کې د نجونو او هلکانو يوې لېسې ته اور واچاوه. Читать дальше...

د امریکا دمتحدو ایالاتو ولسمشر، دونالد ټرمپ په لومړي رسمي سفر پرون پنجشنبه دجولاي دوولسمه لندن ته ورسېد. له دونالد ټرمپ سره د هغه مېرمن، ملانیا ټرمپ هم ملګرې وه.

د دغه حرکت غړي وايي تر ډېره پاکستان د افغانستان په نا امنیو کې لاس لري نو ځکه یې دلته د پاتې کیدو وخت نا څرګند دی. له دې وړاندې د سولې د ولسي حرکت غړي د امریکا،روسي سفارتونو او همدا راز د ملګرو ملتونو د دفتر له مخې سره هم د تحصن په هدف تم شوي وو. ویډیو او ایډیټ ابراهیم صافی

لاریون کوونکو نن د سمنګان او مزار لويه لاره تړلې او سلګونو موټر او مسافر منتظر پاته دي چې لاره پرانيستل شي. د عبدالصمد په نوم يوه لاريون کوونکي ازادي راډيو ته وويل چې دوی د جنبش ګوند د لوړپوړي غړي نظام الدين قيصاري د راخوشي کېدو په خاطر مظاهره کړې ده. نظام الدين قيصاري د ولسمشر د لومړي مرستيال جنرال عبدالرشید دوستم ځانګړی استازی دی چې لس ورځې مخکې په فارياب ولایت کې د زورواکي او قانون ماتونې په تور ونيول شو.

رويټرز خبري اژانس راپور ورکړی چې د کندز په دشت ارچي ولسوالۍ کې د وسله والو طالبانو په حملو کې ۲۹ سرتېري وژل شوي دي. دا په داسې حال کې ده چې د افغانستان په نورو برخو کې لسګونو سخت دريځي په هوايي حملو کې وژل شوي دي. د کندز ځايي چارواکو له ازادي راډيو سره په خبرو کې ومنله چې د حکومت وسله والو مخالفینو تېر ماښام د دشت ارچي ولسوالۍ پر پل مومن او قرليق کلیو ډله ییزې حملې پيل کړې او نښتې تر نن سهاره روانې وې. د کندز د والي وياند نعمت الله تيموري نن ازادي راډیو ته وويل، نوي افغان امنيتي ځواکونه سيمې ته رسېدلي دي. Читать дальше...

د امريکا ولسمشر ډونالډ ټرمپ وايي، د ناټو د سرمشريزې پر مهال د ده تر انتقادونو وروسته د دې اييتلاف غړو هېوادونو د دفاعي لګښتونو د زياتولو غوښتنه منلې ده. ده نن د بلجيم په پلازمېنه بروکسل کې د ناټو متحدانو سره تر نه پلان شوي بېړنۍ غونډې وروسته وويل چې د دې ائتلاف غړو منلې چې له خپل وخت مخکې به د کورنيو ناخالصو عوايدو دوه فېصده په دفاعي برخه کې مصرفوي.  ناټو په ۲۰۱۴ کال کې ويلي وو چې تر ۲۰۲۴ پورې به د خپلو کورنیو ناخالصو عوايدو دوه فيصده پر دفاعي برخه مصرفوي. ټرمپ زياته کړه چې ناټو به اضافي درې ديرش میليارده ډالر د دفاع لپاره ځانګړي کړي. Читать дальше...

د پاکستان مسلم لېګ «ن» ګوند وايي د پنجاب حکومت یې سلګونو کارکوونکي نيولي دي او په دې کار سره يې د دوی انتخاباتي کمپاين ته خنډونه جوړ کړي دي. د دې ګوند يوه مشر مشاهد حسین نن د ازادي راډيو مشال څانګې ته وويل چې سبا ماښام د نوازشریف او د هغه لور مريم نوازشريف له لندنه لاهور ته ستنېږي او حکومت کوښښ کوي چې غړي يې هرکلی ونه کړي. په داسې حال کې چې د جولای په پنځه ويشتمه انتخابات کېږي، محکمې پخواني صدراعظم نوازشريف د درغليوو په قضيو کې په لسو کلونو او د ده لور مريم نواز په اوو کلونو بند محکومه کړه. ... Читать дальше...

په کابل کې د امریکا سفیر وايي، د افغانستان مېوې او لاسي صنایع په نړۍ کې ښه شهرت لري او دوی به له افغانانو سره د سوداګرۍ...

له جرمني ایستل شوي افغان کډوال په کابل کې ځان وژنه کړې. جمال ناصر کابل ته له راستنېدو وروسته په یوه هوټل کې ژوند کاوه. عیني شاهدان وايي، د جمال ناصر بې روحه تن د هغه له ځان وژنې څو ورځې وروسته د ده په کوټه کې پیدا شوی. د ازادي راډيو خبریال د جمال ناصر د هستوګنې هوټل ته تللی وو او دا ویډیویي راپور یي چمتو کړی.

نن د پنجشنبې ورځې مازدیګر د پکتیا د والي ویاند عبدالله حسرت ازادي راډیو ته وویل چې یاد عملیات تېره شپه او نن ورځ ترسره شوي او په زرمت کې د افغان ځانګړو ځواکونو عملیات اوس هم روان دي. ښاغلي حسرت زیاته کړه چې د احمدابا په ولسوالۍ کې ۵۵ وسله وال وژل شوي چې په دې کې د طالبانو د سرې قطعې جنګیالي او د دوی یو شمېر قوماندانان هم شامل دي. ده وویل، په زرمت کې د افغان ځانګړو ځواکونو عملیات چې اوس هم روان دی، د دوی د معلوماتو پر بنسټ په کې ۴۶ وسله وال وژل شوي دي. ده د عملیاتو سیمې د زرمت شموزي، پاټک، هیبت خېل او یمني خېل یادې کړې. Читать дальше...

نن د امريکا ولسمشر ډونالد ټرمپ د بلجيم په پلازمېنه بروکسل کې د ناټو په سرمشريزه کې د دې ايتلاف پر غړو هېوادونو یو ځل بیا انتقادونه وکړل. رويټرز خبري اژانس د دوو سرچينو له خولې چې نومونه يې نه دې اخيستي، ويلي چې ټرمپ د اروپا د سوداګرۍ او د ناټو غړو هېوادونو د دفاعي لګښتونو پر څرنګوالي انتقاد کړی. ټرمپ د جولای مياشتې په دولسمه نېټه وويل چې ناټو بايد د ۲۰۲۵ کال پر ځای سمدستي د خپلو کورنيو ناخالصو عوایدو دوه فیصده د دفاعي لګښت لپاره مصرف کړي. ټرمپ تر دې مخکې ويلي وو چې ناټو دې په ۲۰۱۴ کال کې کړې... Читать дальше...

د پنجشېر ولایت په جينج ولسوالي کې د مځکې ښويېدو په پېښه کې لږ تر لږه لس کسان مړه شوي او شا او خوا درې سوه کورونه له منځه تللي دي. د بېړنیو مرستو او ژغورونکو ټيم د هليکوپټرو له طريقه دغې سيمې ته لېږل شوی. د طبيعي پېښو د ملي ادارې وياند عمر محمدي نن ويلي چې ژغورونکي ټيمونه په سيمه کې ورک او په خټو کې بند کسان لټوي. د ولسمشر محمد اشرف غني د دفتر د اعلاميې له مخې، ولسمشر چې اوسمهال په بروکسل کې دی، له هغه ځايه امر کړی چې د پېښې قربانيانو ته بايد مرسته ورسول شي.

د هلمند د سولې ولسي حرکت په کابل کې د روسیې سفارت مخې ته خپل اعتراض پای ته ورسوه او تر نا معلومې نېټې به ...

د افغان حکومت اجرائیه ریاست د افغانستان او جنوبي اسیا لپاره د امریکا په ستراتیژۍ احتمالي بیا کتنه د هغه هېواد ....

د روسیې سفارت مخ ته له یوې اوونۍ تحصن وروسته کله چې دوی د پاکستان د سفارت پر لور د خوځېدو په وخت کې زیات شمېر عام خلک نور هم ورسره یو ځای شول. د سولې د حرکت دغه غړي وايي، تر نامعلوم وخته به د پاکستان سفارت ترمخ پاتې شي. ویډیو او ایډیټ ابراهیم صافی

د جرمني يو وزير چې د پناه غوښتونکو پر وړاندي سخت دريځ لري، وروسته له هغه تر فشار لاندي شوی چې یوه رد شوي افغان پناه غوښتونکي وروسته له هغه ځان وواژه چې افغانستان ته په زوره ستون کړای شو. د جرمني د حکومت مخالف ګوندونو د کورنیو چارو له وزير هورست سي هوفر Horst Seehofer څخه غوښتي چې له دې پېښې وروسته له خپلې دندې استعفا وکړي. ۲۳ کلن افغان چې په جرمني کې يې د پناه غوښتنه رد شوې وه، د سې شنبې په ورځ په کابل کې ځان وواژه. ده په جرمني کې اته کاله تېر کړي وو، خو د پناه غوښتنه يې رد شوې وه. دا پېښه... Читать дальше...

د افغانستان د خلکو د ملي اجماع بنسټ او یو شمېر دیني عالمانو په افغانستان کې د جګړې د ناروا بللو په تړاو د نړۍ د عالمانو له فتوا ملاتړ اعلان کړ...

د فوټبال د نړیوال جام د وروستۍ سیالۍ څخه مخکې بلجیم او انګلستان د درېیم مقام لپاره سیالۍ ترسره کوي. دوی چې د نیمې پایلوبې سیالۍ يې بایللي، ټاکل شوې د دغه مقام لپاره د شنبې په ورځ له یو بل سره مخ شي. په نیمه پایلوبه کې انګلستان له کروېشیا او بلجیم له فرانسې لوبه بایللې وه. له دې سیالۍ وروسته د یکشنبې په ورځ د کرویشیا او فرانسې تر منځ د ۲۰۱۸ فوټبال د نړیوال جام پایلوبه تر سره کېږي.

د زونونو ترمنځ د غازي امان الله خان د پنځوس اوورېزو کرکټ سیالیو په دوهمه ورځ سپین‎غر بُست او بند امیر امو ته ماتې ورکړه. دا په پیل شوېو کرکټ سیالیو کې د سپین‎غر لوبډلې دوهمه پرله‎پسې بریا وه او له دې وړنداې دغې لوبدلې له مس عینک هم لوبه ګټلې وه. د شپږو زونونو ترمنځ یو ورځنۍ دا سیالۍ د جولای د میاشتې په لسمه نیټه پیل شوي دي. د دغو سیالیو په لړ کې نن هېڅ کومه سیالي نه ترسره کېږي، خو ټاکل شوې چې سبا په کابل نړیوال لوبغالي کې د کابل او بند امیر او په خوست کې د بُست او مس عینک تر منځ سیالۍ تر سره شي.

په افغانستان کې سږ کال د غوره‎لیګ سیالیو تر څنګ د کلپونو د اتلولیو فوټبال سیالۍ هم ترسره کېږي. د فوټبال فدراسیون د ویاند مرستیال شمس امیني نن پنجشنبې ازادي راډيو ته وویل، د کلپونو د اتلولیو لپاره دا وخت د هېواد په ټولو زونونو کې د کلپونو تر منځ د مقدماتي سیالیو لړۍ پیل شوې ده. دی وايي، له دغو سیالیو به د زون په کچه غوره کلپونه مشخص چې بیا به په کابل کې د یو پر وړاندې د اتلولیو سیالۍ ترسره کړي. د دغو سیالیو مهالوېش او د ترسره کېدو نېټه لا نه‎ده معلومه.

د روسیې ولسمشر ولاديمير پوتین د ايران د ستر مذهبي مشر ايت الله علي خامنه اي له لوړ پوړي سلاکار علي اکبر ولايتي سره وکتل. د روسي رسنيو د راپور له مخې ولايتي له پوتين سره د پنجشنبې په ورځ په مسکو کې وکتل. دا کتنه په داسې حال کې ده چې ولايتي له روسيې سره د ايران د ستراتيژيکو اړيکو هرکلی کړی. د روسیې انترفکس خبري اژانس راپور ورکړی چې په دغه غونډه کې د روسيې د بهرنیو چارو وزیر سرګي لاوروف او د خامنه اي د سلاکارانو د بورد رئیس علي اصغر فتحي سربنګولي او روسیې ته د ايران سفير مهدي سنايي هم ګډون وکړ. Читать дальше...

د قزاقستان ولسمشر نورسلطان نظربا یف تر عمره د خپل هېواد د ملي امنیت شورا رئیس شو. دولتي رسنیو نن په دې اړه ولسمشريز فرمان خپور کړ چې له مخې يې نوی قانون رامنځته شو. د قزاقستان ولسي جرګې په دې اړه لايحه په مې مياشت کې تصويب کړه او د دغه هیواد د اساسي قانون محکمې په جون مياشت کې تائيد کړه. نظربایف دا لايحه د جولای په پنځمه توشيح کړه او دا یوه ورځ مخکې له هغه چې دی ۷۸ کلن شو. د ده کليزه د قزاقستان د پلازمينې استانه له ملي ورځې سره سمه په ډېره شاهانه توګه ولمانځل شوه. نوی قانون د پنجشنبې په... Читать дальше...

د بلجیم په پلازمینه بروکسل کې د افغانستان په اړه غونډه پیل شوه. د افغانستان ولسمشر اشرف غني، اجرائیه رئیس عبدالله عبدالله، د کورنیو چارو وزیر ویس احمد برمک او د ملي امنیت سلاکار محمد حنیف اتمر په دې غونډه کې د افغانستان په استازیتوب برخه اخېستې ده. د ناټو د ۲۹ غړیو هېوادونو او د هغو هېوادو مشران چې د غوڅ ملاتړ د ماموریت په چوکاټ کې په افغانستان کې ځواکونه لري، نن د افغانستان پر سولې، ثبات او د افغان ځواکونو د حمایت په اړه خبرې کوي. تردې دمه د پوځیانو د زیاتېدو په اړه اوکراین اعلان وکړ چې افغانستان... Читать дальше...