Новости за 07.07.2019

د کرکټ د نړېوالې شورا په نوې درجه بندۍ کې راشد خان له لومړي مقامه اتم ته ښکته شوی دی. وړاندې د افغان لوبډلې سلو توپ اچوونکی راشد خان د یو ورځينو لوبو په درجه بندۍ کې لومړی مقام درلود، خو د ۲۰۱۹ کال د نړیوال جام په سیالیو کې ترې دا مقام د هندوستان بومرا ونیو. خو بل افغان لوبغاړي مجیب الرحمن بیا په دې درجه بندۍ کې شپږم ځای خپل کړی دی. راشد خان د ۲۰۱۹ کال نړیوال جام په سیالیو کې څومره چې ترې تمه کېده، ښه ونه شو لوبېدای ان له انګلنډ سره په لوبه کې پرې نړیوال ریکارډ هم جوړ شو. په دغې لوبه کې دده په نهو اورونو کې له ۱۱۰ ډېرې منډې وشوې. Читать дальше...

په کندهار کې د مارانو یو روزنکی د مارانو د زهرو د ټولولو د فارمونو د جوړېدو غوښتنه کوي. د مارانو دغه روزونکی وایي، له کلونو راهیسې د مارانو په روزنه بوخت دی، خو تر اوسه ورته دولت هېڅ راز پاملرنه نه ده کړې. نور د صادق رښتینی په ویډیویی راپور کي. اډیټ: تمیم اخګر

د امريکا د بهرنيو چارو وزير په قطر کې د بين الافغاني ډيالوګ په نوم د غونډې هرکلى وکړ. مايک پامپيو نن په ټوېټر کې ليکلي، ښه خبره ده چې د حکومت، مدني ټولنې، ښځو او طالبانو استازي پر يوه مېز سره راټول شوي دي. ښاغلي پامپيو ليکلي، ټول امريکايان بايد خوشحاله وي چې ګوري افغانان د خپل هېواد د شخړې د حل لپاره له خپلو افغانانو سره کېني. په دوحه کې د قطر او جرمني په کوربه توب بين الافغاني غونډه نن پيل شوه چې د طالبانو مرکچيان هم په کې شامل دي. له کابله په دې غونډه کې لسګونو سياستوالو، مدني فعالانو، پخوانیو جهادي څېرو او ښځو ګډون کړی دی. Читать дальше...

د غزني ځایي چارواکي وایي چې په دغه پېښه کې ۶ تنه وژل شوي او ۱۷۷ نور ټپیان شوي دي. د دغې پېښې ډېری قربانیان ماشومان او ملکي خلک دي. په دې اړه نور جزیات د حبیب تاثیر په ویډیویي راپور کې لیدلی شئ.

د پلچرخي زندان د افغانستان یو له لویو زندانونو بلل کېږي چې نږدې ۱۰ زره زاندانیان په کې ساتل کېږي. شفیع کریمي په نشه یي موادو له اخته زندانیانو سره خبرې کړې دي. ویډیو او اېډېټ: شفیع کریمي

د افغانستان ملي امنیت د کابل پوهنتون درېیم استاد هم له داعش سره د همکارۍ او سلفیت ته د ځوانانو د جذبولو په تور ونیو.

اروپايي ټولنې يو وار بيا په منځنۍ اسيا کې د ډموکراتيکو بدلونونو غوښتنه وکړه. د اروپايي ټولنې د بهرنۍ پالېسۍ مشرې فيدريکا موګريني وويل، په سيمه کې د اصلاحاتو عملي کېدل يوه اوږده او کله نا کله دردوونکې پروسه ده. موګريني دا خبره ترکمنستان او قرغزستان ته د خپل دوه ورځني سفر په پاى کې له ازادي راډيو سره نن په يوه ځانګړې مرکه کې وکړه. هغې ويلي، اروپايي ټولنه له دغو هېوادونو سره د اصلاحاتو او بدلونونو په برخه کې همکاري کوي.

د حزب اسلامي ډلې مشر وايي، د جمهوري رياست په راروانو انتخاباتو کې بايد افغان کډوالو ته هم د رأيې ورکولو زمينه برابره شي. ګلبدين حکمتيار نن په کابل کې يوه کنفرانس ته وويل، د ولسمشرۍ په ټاکنو کې د درغليو د مخنيوي لپاره بايد له بايومټريک سېستمه کار واخيستل شي. ده وویل: په دغو ټاکنو کې د ولسي جرګې د ټاکنو په څېر بايد درغلي ونه شي، د انتخاباتو خپلواک کمېسيون دې د دغه بهير تضمين وکړي، له بايومټريک سېستمه دې استفاده وشي، هېڅ افغان دې د رأيې له حقه نه محرومېږي، دوى نه غواړي چې کډوال د خپلې خوښې شخصيت... Читать дальше...

د افغانستان د کرکټ الف لوبډله د بنګله دېش د الف لوبډلې په وړاندې د پیل شوې څلور ورځنۍ روانې سیالۍ په لومړۍ پاڼۍ کې تر بنګله دېشه ۴ منډې مخکې دی. د کرکټ بورډ وياند فريد هوتک نن ازادي راډيو ته وویل، دا سیالي د بنګله دېش د خولنا ښار په یو ځايي کرکټ لوبغالي کې روانه ده. ده وویل: افغانستان په خپله لومړۍ پاڼۍ کې د ټولو لوبغاړو په سوځېدو سره ۲۵۷ منډې جوړې کړې چې بنګله دېش بیا ۲۵۳ منډې جوړې کړې وې، په افغان توپوهونکو کې قیس احمد ۴۶ ناسوځېدلې، افسر ځاځي ۴۵ او عثمان غني ۳۹ زیاتې منډې کړې وې. افغان لوبډله... Читать дальше...

د امريکا د متحدو ايالاتونو يو لوړ رتبه چارواکى وايي، واشنګټن له جرمني غوښتنه کړې چې د سوريې د ډموکراتيکو ځواکونو د همکارۍ لپاره د سوريې شمال ته پلي ځواکونه ولېږي. د سوريې ډموکراتيک ځواکونه چې کُردان يې رهبري کوي، د سوريې په شمال کې دېره دي. د سوريې او د اسلامي دولت ډلې پر خلاف د تشکيل شوي ائتلاف لپاره د امريکا ځانګړي استازي جېمز جيفري «James Jeffrey» په هغه مرکه کې چې نن خپره شوې ويلي: واشنګټن د جرمني له پوځه غواړي چې روزنيز ځواکونه، لوژستيکي متخصصان او تخنيکي کارکوونکي ولېږي. جېفري په‌دې اړه... Читать дальше...

د جمهوري رياست دوهم مرستیال د فوټسال د شل کلنو لوبډلې لوبغاړي وستايل. د بدني روزنې د ریاست ویاند عارف پیمان نن ازادي راډيو ته وویل چې په دې اړه په جوړه شوې غونډه کې د ولسمشر دوهم مرستیال سرور دانش د لوبغاړو هڅې او ویاړونه وستایل او د ملاتړ ډاډ يې ورکړ. ښاغلي دانش وويل، حکومت د ورزش د ودې او پرمختګ لپاره ژمن دی او له ښه مرغه په وروستيو کې د دولت او د بدني روزنې د رهبرۍ د پاملرنې له کبله ورزش په ښه ډول پرمختګ کړی.

د کرکټ د ٢٠١٩میلادي کال نړيوال جام د سياليو په لړ کې پرون شنبه دوه مسابقې وشوې. لومړۍ مسابقه د افغانستان پر وخت د ماسپښين پر دوو بجو د هندوستان او سريلانکا ترمنځ پيل شوه. لوبه سريلانکا پيل کړه چې د ٧ لوبغاړو په سوځېدو سره يې ٢ سوه څلورشپېته منډې وکړې. هندوستان د ٢سوه پنځه شپېتو منډو هدف په اسانۍ، د ٣ لوبغاړو په سوځېدو سره پوره کړ. بله مسابقه پرون شنبه مازيګر د جنوبي افريقا او اسټراليا ترمنځ وشوه چې ډېره په زړه پورې وه. لوبه جنوبي افريقا پيل کړه چې د ٦ لوبغاړو په سوځېدو سره يې ٣ سوه پنځه ويشت منډې وکړې. Читать дальше...

ايران اعلان کړى چې د ٢٠١٥میلادي کال په اټمي تړون کې له ټاکل شوي حد څخه يې د خپلو يورانيمو غني کول اړولي دي. دا اعلان په داسې حال کې کېږي چې د امريکا د متحدو ايالاتونو ولسمشر ډونالډ ټرمپ تېرکال په يو اړخېز ډول له دغه تړونه د واشنګټن د وتلو او پر ايران د سختو بنديزونو د بيا لګولو اعلان وکړ. د ايران د دولت وياند علي ربيعي نن په تهران کې خبريالانو ته وويل، نن به موږ د يورانيمو غني کولو له ٣ اعشاريه اووه شپېته فيصده له حده واوړو او د غلظت اندازه به يې هم زموږ د اړتيا پر اساس وي. بل‌خوا د ايران د... Читать дальше...

د کندهار چارواکي وايي، په ميوند او پنجوايي ولسواليو کې په وسله‌واله جګړه کې تر ٢٠ زيات وسله‌وال طالبان وژل شوي دي. جګړه هغه وخت پيل شوه چې لومړى وسله‌والو طالبانو تېره شپه د ملي پوليسو پر پوستو بريدونه وکړل. د کندهار د پوليسو ویاند جمال ناصر بارکزي نن ازادي راډيو ته وويل:"د پنجوايي ولسوالۍ په دواب او موشان کې د امنيتي ځواکونو پر پوستو حملې شوي چې په نتيجه کې يې د دښمن ٥ کسان وژل شوي او ٢ ټپيان دي. يو پوليس هم شهيد او ٤ ټپيان دي. د ميوند ولسوالۍ په کلاى ښامير کې هم پر پوستو حملې شوي چې په نتيجه... Читать дальше...

د قطر په پلازمېنه دوحه کې د جرمني او قطر حکومت په کوربه توب بین الافغاني ناسته پیل شوه.

په دوحه کې د قطر او جرمني په کوربه توب «بين الافغاني» غونډه پيل شوې ده. له کابله په‌دې غونډه کې د ګډون لپاره په لسګونو سياستوال، مدني فعالان، پخوانۍ جهادي څېرې او ښځې ورغلي دي. د امريکا د متحدو ايالاتونو او طالبانو استازو ويلي چې په قطر کې يې د سولې اووم پړاو خبرې د بين الافغاني خبرو له کبله ځنډول شوي دي. د قطر او جرمني په کوربه‌توب دغه خبرې د جرمني د يوه بنسټ له‌خوا تنظيمې شوې دي. د دغو خبرو يو برخه‌وال په پاکستان کې د افغانستان پخوانى سفير عمر زاخېلوال دى. نوموړي دا خبرې مهمې وبللې دي.... Читать дальше...

د کابل ښار اوسېدونکې انیسه وايي، د زړه تکلیف لري او هر کله یې چې درمل مصرف کړي، پر روغتیا یې اثر نه دی شوی.

غزني ښار کې د نن سهار موټر بمب حملې ۱۲ تنه وژلي او ۱۷۹ کسان ټپیان کړي دي. ویل کېږي چې د دغې حملې هدف د غزني ښار په لومړۍ حوزه کې د ملي امنیت ځواکونو یو کنډک و. بشپړ جزئیات وروسته ...

د افغانستان د کانونو او پټرولیم وزارت د وسپنې یو شمېر کانونه داوطلبۍ ته سپاري. د دغه وزارت ویاند عبدالقدیر مطفي نن ازادي راډيو ته وویل چې په دې تړاو په پنجشېر ولایت کې سروې پیل شوې ده. ده وویل: د دې سروې هدف دا دی څو هغه کمپنۍ او فابریکې ته چې دننه په هېواد کې د وسپنې ویلې کولو په برخه کې کار کوي، خام مواد برابر شي. د نوموړي په خبره، په ‌دغه ولایت کې به د کانونو په برخه کې پانګونه زرګونو کسانو ته د کار زمینه برابره او د هېواد اقتصاد به پیاوړی کړي.

د افغانستان د سوداګرۍ او صنایعو خونه وايي، د تورخم دروازې مامورینو کار بندیز اعلان کړی دی. د دې خونې ویاند جان اقا نويد نن ازادي راډيو ته وویل چې دغه کار بندیز وروسته له هغه کېږي چې پاکستان د تورخم له لارې پر سوداګریزو موادو تعرفه لوړه کړه. ده وویل: د دواړو لوریو سوداګرو له دې امله کار بندیز کړی چې خدمات ډېر کمزوري دي، همدارنګه د تعرفو لوړېدل بله ستونزه ده. نوموړي وویل، که چېرې دا کار بندیز دوام وکړي، سوداګرو ته به ډېر اقتصادي زیانونه واوړي.

د افغانستان د سولې لپاره د واشنګټن ځانګړي استازي زلمي خلیل‌زاد پرون شنبه ماښام دوحه کې یو شمېر افغان مېرمنو ته د طالبانو سره د خپلو خبرو په اړه معلومات ورکړي. دا مېرمنې له کابل څخه د دوحې په بین‌الافغاني خبرو کې د ګډون لپاره د تللي پلاوي کې شاملې دي. ښاغلي خلیلزاد پر خپل ټویټر له دې افغان مېرمنو سره خپله لیدنه ستایلې او ویلي یې دي، د دوی لید لوری د افغانستان د سولې لپاره چې نوموړې له خپل ځان سره سوله بللې او داسې یو حکومت ته د لارې د هوارولو په برخه کې چې توکه‌میز او جنسي توپیر ته له پام پرته د افغانانو حقونو وساتي مهم دی. Читать дальше...

د غزني ښار په مرکز کې د لومړني حوزه په مربوطاتو د ملي امنیت په یوه کنډک نن یکشنبه سهار څه باندې ۸ بجې د موټر بم چاودنه شوې.

کابل چاپ نننیو ورځپاڼو د بېلابېلو مسایلو ترڅنګ تر ډېره د افغان سولې پروسې په اړه لیکنې او تبصرې کړي دي.

نن د یکشنبې په ورځ په دوحه کې د قطر او جرمني په کوربه‌توب د بین‌الافغاني خبرو لومړنۍ غونډه جوړېږي. طالبانو د افغانستان د سولې لپاره د متحدایالاتو د بهرنیوچارو وزارت د ځانګړي استازي زلمي خلیل‌زاد په مشرۍ له امریکايي چارواکو سره د خبرو لړۍ وځنډوله، څو د افغان سیاستوالو او چارواکو په ګډون په‌دې دوو ورځنۍ غونډه کې ګډون وکړي. په پاکستان کې د افغانستان پخوانی سفیر حضرت عمر زاخېلوال چې د دې غونډې یو ګډونوال دی ازادي راډیو ته وویل، دی دې خبرو ته ډېر هیله مند دی: "بین‌الافغاني خبرې چې د حکومت په ګډون... Читать дальше...

افغان چارواکي وايي چې په بلخ ولایت کې د طالبانو یو سرګروپ له خپلو شپږو ملګرو سره د یوه ماین د ځای پرځای کولو پرمهال وژل شوی دی. په شمال کې د ۲۰۹ شاهین قول اردو ویاند محمد حنیف رضايي پرون شنبې ازادي راډیو ته وویل، دا پېښه د چاربولک ولسوالۍ په ارزنکار کلي کې شوې ده. دی وايي: "پر تروریستو طالبانو خپل ماین چاوېدلی چې په نتیجه کې د ملا متوکل په نوم د طالبانو یو سرګروپ له خپلو شپږو کسانو سره د چاربولک ولسوالۍ په ارزنکار کلي کې وژل شوی دی. " ښاغلی رضايي وايي، طالبانو غوښتل دا ماین د افغان ځواکونو د تګ راتګ پر لاره ښخ کړي. Читать дальше...