Новости за 13.10.2019

د یکشنبې په شپه درې سړي تښتونکي چې اوونۍ وړاندې يې یو کس د خلبیسات له بازاره تښتولی و، د ځاځي میدان په ولسوالۍ کې د ملي امنیت د ځواکونو له خوا ونیول شول او تښتول شوی کس یې له منګولو خلاص شو. یاد کسان نن د یکشنبې د ورځې ماسپښین د خوست د ملي امنیت ریاست په انګړ کې خبریالانو ته وښودل شول. د خوست مرستیال والي عبدالواحد پټان ازادي راډیو ته وویل چې د سړي تښتوونکو له منګولو ژغورل شوی کس د وچې مېوې کاروباري و او یوه اوونۍ مخکې د صبریو او یعقوبینو ولسوالۍ اړوند د خلبیسات له بازاره د پنځو سړي تښتوونکو له خوا اختطاف شوی و. Читать дальше...

ځایي چارواکي په پکتیا کې د نهو وسله والو طالبانو د وژلو خبر ورکوي. د ۲۰۳ تندر قول اردو له رسنیز دفتره ازادي راډیو ته په رالېږل شوې خبرپاڼه کې ویل شوي چې امنیتي او دفاعي ځواکونو د پکتیا ولایت د زرمت ولسوالۍ د مقرب خېلو او باتورخېلو په سیمو کې له وسله والو طالبانو سره د نښتې پر مهال ۹ وسله وال طالبان وژلي دي.  په اعلامیه کې راغلي چې په دې عملیاتو کې ۲ عرادې موټرسایکلونه او ۲ پایې د ایکم مخابرې د امنیتي او دفاعي ځواکونو لاس ته ورغلي.  د وسله والو طالبانو ویاند ذبیح الله مجاهد بیا په ټویټر لیکلي چې وژل شوي کسان ټول ملکيان دي.

د افغانستان د انتخاباتو د خپلواک کمېسیون یو کمیشنر وايي، د ولسمشرۍ انتخاباتو لومړنۍ پایلې به په خپل وخت اعلان نه شي.

د ملي شورا له یو شمېر غړو سره د کابل پولیسو له سخت چلند وروسته، اوس مشرانو جرګه وايي، پولیسو یو سناتور هم د پنځو ساعتونو لپاره نیولی و.

کابل ښاریان د ځان وژونکو حملو او چاودنو ترڅنګ جنايي جرمونو، وسله والو غلاوو، وژنو او داسې نورو پېښو اندېښمن کړي دي.

د ننګرهار امنیه قومانداني وایي، په خوګیاڼو ولسوالۍ کې د هوايي او توپچې بریدونو په نتیجه کې د وسله والو طالبانو د سرې قطعې ۱۲ غړي وژل شوي دي. د ننګرهار د امنیې قوماندانۍ ویاند مبارز اتل د یکشنبې په ورځ ازادي راډیو ته وویل، تېره شپه او تېره ورځ د خوګیاڼو ولسوالۍ اړوند د وزیرو په تنګي سیمه کې د افغان ځواکونو د توپچې بریدونو او د نړیوالو ځواکونو په هوايي بمبار کې د وسله والو طالبانو د سرې قطعې ۱۲ غړي وژل شوي او درې عرادې موټرې يې له منځه وړل شوي دي. خوګیاڼی وايي، په یادو بریدونو کې ولسي وګړو ته کوم زیان نه دی اوښتی. Читать дальше...

د میدان وردګ ولایت سیمه ییز چارواکي خبر ورکوي چې د دغه ولایت د جغتو ولسوالۍ ولسوال په یوه برید کې وژل شوی دی. د ولایت مقام ویاند محب الله شریف زوی نن ازادي راډيو ته وویل چې د جغتو ولسوالۍ ولسوال راز محمد وزیري تېره ورځ ناوخته د کابل ښار په کوټه سنګي سیمه کې نامعلومو وسله والو وژلی دی. شریف زوی وايي، غلچي برید کوونکي له سیمي په تېښته بریالي شوي، خو د نیولو هڅې یې پیل شوي دي. دی وايي، ولسوال په کابل د ولایتي او مرکزې ادارې له لوري یوه لس ورځني ورکشاف ته معرفي شوی و. د یادې پېښې مسؤلیت وسله والو طالبانو پر غاړه اخیستی دی. Читать дальше...

امریکايي سناتور ټیډ کروز وايي، د هانګ کانګ مشرې ورسره کتنه په دې خاطر لغوه کړه چې ده د خپلو خبرو د نه افشا کولو په اړه د هغې غوښتنه رد کړه. د جمهوریپال ګوند د ټکساس سناتور ټیډ کروز پرون (شنبه) وویل، د هانګ کانګ مشرې کري لم (Carrie Lam) ورڅخه غوښتي و چې د دې کړکېچن ښار په اړه دې د دوی خبرې محرمانه وي او په دې اړه رسنیو ته څه ونه وايي. سناتور کروز، چې د چین یو منتقد دی، د هانګ کانګ پر مشرې د انتقاد په ترڅ کې وویل«داسې ښکاري چې دا د بیان له ازادۍ او د مطبوعاتو له ازادۍ سره بلده نه ده.» ده دا څرګندونې هانګ کانګ ته د سفر په مهال وکړې. Читать дальше...

د غزني چارواکي وايي، د دغه ولایت په ده یک ولسوالۍ کې ۷ تنه وسله وال طالبان وژل شوي دي. د ولایت ویاند محمد عارف نوري د یکشنبې په ورځ په دې اړه رسنیو ته په لېږلي پیغام کې ویلي، تېره شپه ځانګړو افغان ځواکونو د یادې ولسوالۍ اړوند په تاسنګ، بالای او ولنګیر سیمو کې عملیات ترسره کړي چې په ترڅ یې ۷ تنه وسله وال وژل شوي. د نوري په خبره، ۱۵ کړۍ ماینونه او دوه عرادې موټرسایکلونه هم د افغان ځواکونو لاس ته ورغلي دي. وسله والو طالبانو تر اوسه پورې په دې اړه څه نه دي ویلي.

کابل چاپ ورځپاڼو په خپلو نننیو ګڼو کې تر ډېره د ولسي جرګې د یو شمېر غړو او امنیتي ځواکونو ترمنځ د وروستۍ شخړې او د میزان د شپږمې نېټې د ولسمشریزو انتخاباتو په اړه لیکنې او تبصرې خپرې کړي دي.

د اترا یا د افغانستان د مخابراتي خدماتو د تنظیم اداره وايي، د دولت وسله والو مخالفانو په وروستیو کې د مخابراتي کمپنیو ۴۹ سایټونه ویجاړ کړي چې له کبله یې دغو کمپنیو ته د ملیونونو ډالرو تاوان اوښتی دی. د اترا ادارې تخنیکي سلاکار عطامحمد یاري پرون (شنبه) ازادي رادیو ته وویل: «۴۹ سایټونه د انتخاباتو نه وروسته او د هغو ورځو په شمول په مختلفو ولایتونو کې له منځه تللي، ۱۷ یې یوازې د افغان ټیلي کام سایټونه دي...» ښاغلی یاري وايي چې د مخابراتي شبکو پر ستنو او سایټونو د دولت د وسله والو مخالفانو حملې... Читать дальше...

د امریکا مخکینی دفاع وزیر جیمز متیس، چې له ولسمشر ټرمپ سره د اختلاف له کبله یې استعفا ورکړه، خبرداری ورکوي چې که ولسمشر ټرمپ د سوریې له شمال ختیځ څخه د امریکايي پوځیانو د ایستلو پرېکړه وکړي، اسلامي دولت یا داعش سختدریځه ډله به بیا فعاله شي. متیس این بي سي نیوز تلویزیون ته وویل، باید پر اسلامي دولت سختدریځې ډلې فشار جاري وساتل شي څو بېرته سر راپورته نه کړي. د ښاغلي متیس بشپړه مرکه به نن خپره شي.

په کاپيسا کې د وسله والو طالبانو یو پېژندل شوی مشر قاري ربیع الله وژل شوی دی. د کاپیسا د امنیه قوماندانۍ ویاند، عبدالشایق شورش د ازادي راډیو خبریال ته وویل چې د اله ساي په ولسوالۍ کې څلور نور وسله وال هم له قاري ربیع الله سره یوځای وژل شوي دي. شورش څرګنده کړه چې دا وسله وال د شنبې په شپه د کوماندو ځواکونو په عملیاتوکې وژل شوي دي.   هغه همدا راز ویلي چې کوماندو ځواکونو په اله سای کې دوه وسله وال طالبان ژوندي نیولي دي. وسله والوطالبانوپه دې اړه څه نه دي ویلي. اله سای د کاپيسا له ناکرارو ولسوالیو څخه ده.

د راډيويي مجلې دا ګڼه مو په یو شمېر هنري او فرهنګي مسایلو راښکلې کړې ده.

د فرانسې حکومت او د عربي ټولنې [عرب لیګ] غړو هېوادونو پر ترکیې ږغ کړی چې په سوریه کې پوځي عملیات بند کړي. د فرانسې ولسمشر اېمانوئل مکرون پرون، شنبه ویلي چې دا عملیات د اسلامي دولت په نوم وسله والې ډلې داعش ته زمینه برابرولائ شي چې له سره فعالیت پېل کړي. د فرانسې د ولسمشر دفتر وویل چې مکرون د امریکا له ولسمشر دونالد ټرمپ سره دا خبرې په ټېلفوني مکالمه کې کړې دي. د عرب لیګ مشر  احمد ابوالغیط هم پر ترکیې ږغ کړی چې پوځي عملیات بند کړي او خپل عسکر له سوریې وباسي. د عرب لیګ مشر پرون ویلي چې د ترکیې... Читать дальше...

په بورکینافاسو کې پر یوه جومات د حملې د قربانیانو شمېر ۱۵ ته لوړ شوی دی. رویټرز خبري اژانس د بورکینا فاسو د پولیسو په قول وویل چې پر لمونځ کونکو د جمعې د لمانځه په وخت ډزې شوې وې. په بورکینا فاسو کې پر جومات د حملې په اړه معلومات پرون خپاره شول. د افریقا په لویدیځ کې دا پروت هېواد نولس ملیونه نفوس لري. په وروستیو میاشتو کې په دې هېواد کې د توکمیزو لانجو او د اسلامپالو ډلو د فعالیت د پراختیا راپورونه خپرېږي. رويټرز خبري اژانس وايي چې پر لمونځ کوونکو د حملې هدف نه دی معلوم. خو دا اژانس... Читать дальше...

په کاپيسا کې د وسله والو طالبانو یو پېژندل شوی مشر قاري ربیع الله وژل شوی دی. د کاپیسا د امنیې قوماندانۍ ویاند عبدالشایق شورش پرون د اکټوبر په دولسمه د ازادي راډیو خبریال ته وویل چې د اله سای په ولسوالۍ کې څلور نور وسله وال هم له قاري ربیع الله سره یو ځای وژل شوي دي. شورش څرګنده کړه چې دا وسله وال د شنبې په شپه د کومانډو ځواکونو په عملیاتو کې وژل شوي دي.  هغه همدا راز ویلي چې کومانډو ځواکونو په اله سای کې دوه وسله وال طالبان ژوندي نیولي دي. وسله والو طالبانو په دې اړه څه نه دي ویلي. اله سای د کاپيسا له ناکرارو ولسوالیو ګڼل کېږي.

په کندهار کې امنیتي چارواکو دوه ښځې او دوه نارینه د کوچنیانو د تښتولو په تور نیولي دي. د کندهار د ملي امنیت ادارې پرون د اکټوبر په دولسمه یو ۸ کلن ماشوم د هغه کورنۍ ته وسپاره. امنیتي مسؤلانو وویل چې سړو تښتونکو هغه ماشوم څلور ورځې مخکې د هلمند له ګرشک ولسوالۍ تښتولی او کندهار ته یې وړی و چې څلورو تښتونکو خپل جرم منلی هم دی. د کندهار د والي ویاند احمد بهیر احمدي د ازادي راډیو خبریال ته ویلي چې په هغه ولایت کې د انسان تښتونې پېښې د پخوا په پرتله ډېرې کمې شوي دي.

په بورکینا فاسو کې پر یوه جومات د حملې د قربانیانو شمېر ۱۵ ته لوړ شوی دی. روېټرز خبري اژانس پرون د اکټوبر په دولسمه د بورکینا فاسو د پولیسو په حواله وویل چې پر لمونځ کوونکو د جمعې د لمانځه په وخت کې ډزې شوې وې. په بورکینا فاسو کې پر جومات د حملې په اړه معلومات پرون خپاره شول. د افریقا په لوېدیځ کې دا پروت هېواد یوازې نولس ميلیونه وګړي لري. په وروستیو میاشتو کې په دې هېواد کې د توکمییزو لانجو او د اسلامپالو ډلو د فعالیت د پراختیا رپوټونه خپرېږي. روېټرز خبري اژانس وايي چې پر لمونځ کوونکو د حملې هدف نه دی معلوم. Читать дальше...

د امریکا د متحدو ایالاتو ولسمشر  دونالد ټرمپ پرون شنبه پر ټوېټر د خپل شخصي وکیل، رودولف جیلیاني   دفاع وکړه. تر دې مخکې په راپورونو کې ویل شوي ول چې رودولف جیلیاني په اوکراین کې د خپلو هغو کارونو په اړه، چې ویلي يې دي د ولسمشر ټرمپ په استازیتوب یې کړي، تر فدرالي تحقیقاتو لاندې دی. نیویارک ټایمز په یوه راپور کې ویلي چې په نیویارک کې فدرال څېړونکي په دې اړه تحقیق کوي چې جیلیاني له اوکراین سره په معاملو کې د لابي کولو قوانین ترپښو لاندي کړي دي که یه. د راپورونو پر اساس، په دې کې د امریکا د پخواني... Читать дальше...

د پاکستان صدراعظم عمران خان ایران او بیا سعودي عربستان ته ځي او ویل کېږي چې د دغو دوو شیعه او سُني سیالو هیوادونو ترمنځ د اوږدې شخړې د حل کولو لپاره د منځګړتوب هڅه کوي. د پاکستان د بهرنیو چارو وزارت پرون (شنبه) وویل، ټاکل شوې ده چې عمران خان به نن (یکشنبه) تهران ته ورسېږي او بیا به له هغه ځایه سعودي عربستان ته لاړ شي. د سپټمبر په ۱۴ مه د سعودي عربستان د تېلو پر تاسیساتو له حملو وروسته د امریکا ولسمشر دانالد ټرمپ له عمران خان څخه وغوښتل چې د دوو مسلمانو هیوادونو یعني سعودي او ایران ترمنځ د کړکېچ د کمېدو لپاره رول ولوبوي. Читать дальше...

په افغانستان کې د ایران سفیر محمد رضا بهرامي د پنجشنبې په ورځ د افغانستان د ټاکنو خپلواک کمېسون ته ورغلی و.

د ترکیې دفاع وزارت د اکټوبر په دولسمه خبر ورکړ چې د ترکیې پوځيانو تېره شپه د سوریې سرحدي ښار راس العین ونیو.

د بریتانیا کوفینټري ابزرور نشریې په دې هیواد کې د یوه مېشت افغان په اړه لیکنه خپره کړې چې هڅه کوي د افغان کروندګرو زعفرانو ته بازار پیدا کړي.

د افغانستان د وینې مرکزي بانک په ورځني ډول د هېواد ګوټ ګوټ ته ۹۰ زره سیسي وینه ویشي.