ازادي ستوډيو- د نړۍ مهم خبرونه
د ناټو غړي هیوادونه وايي د افغان امنیتي ځواکونو ملاتړ ته به دوام ورکړي. په سوریه کې د ترکيې په عملياتو کې تر یو لک او اتیا زره زیات کسان بې ځایه شوي دي. دا او نور مهم خبرونه له ازادي ستوډيو څخه.
د ناټو غړي هیوادونه وايي د افغان امنیتي ځواکونو ملاتړ ته به دوام ورکړي. په سوریه کې د ترکيې په عملياتو کې تر یو لک او اتیا زره زیات کسان بې ځایه شوي دي. دا او نور مهم خبرونه له ازادي ستوډيو څخه.
د ننګرهار د مرکز جلال اباد ښار د څلورمې حوزې اړوند په چهل متره سړک چاودنه وشوه چې له امله یې د عامه امن دوه پولیس ووژل شول او د دوه پولیس او ۴ ملکي وګړي ټپیان شول. د ننګرهار د والي ویاند عطاالله خوګیانی وایي چې پېښه نن ماښام نږدې شپږ بجې د سړک پرغاړه د ځای پرځای شوي ماین د چاودنې له امله د پولیسو د تلاشۍ په ځای کې شوې ده. ښاغلی خوګیاڼی وایي چې د پېښې ټپیان خوزوي روغتون ته لېږدول شوي او وضعیت یې د ډاډ وړ دی. دا په داسې حال کې ده چې همدا نن له غرمې وروسته شااوخوا دوه بجې د دغه ښار په اکملاتي... Читать дальше...
د افغانستان ولسمشر وايي، وسلوال طالبان د بېګناه ملکيانو په وړاندې خپلو حملو ته دوام ورکړى دى. محمد اشرف غني دا خبره نن د اذرباييجان په پلازمېنه باکو کې د ناپېيلي غورځنګ د غړو هېوادونو په غونډه کې وکړه. ولسمشر غني په خپلو خبرو کې وويل: ”له بده مرغه طالبان چې د دوى له پناه ځاى، مخدره موادو او نړيوالو تروريستي ارتباطاتو يې فعاليتونه ممکن شوي، د بېګناه ملکيانو په وړاندې پراخې حملې کوي. د ويجاړۍ په نيت د تاوتريخوالي او ويجاړۍ پر زياتولو يې تمرکز کړى دى.“ وسلوالو طالبانو په وروستيو... Читать дальше...
د ننګرهار په مرکز جلال اباد کې د نن ماسپښين په ځانمرګي بريد کې د مرګ ژوبلې شمېر زيات شوى دى. چارواکي وايي حمله د صفر دوه قطعې پر کاروان شوې ده. د والي وياند عطا الله خوګياڼي يې د مرګ ژوبلې په اړه رسنيو ته په يوه لېږلي ويډيويي پيغام کې وويل: ”له بده مرغه په دې پېښه کې د صفر دوه قطعې ٣ پوځيان شهيدان شوي، ٢ تنه ملکيان هم په شهادت رسېدلي. په دې پېښه کې ١٥ ملکي وګړي ټپيان شوي او ٦ د صفردوه قطعې منسوبين ټپيان شوي دي.“ تر دې مخکې په دې پېښه کې د ٥ کسانو د وژل کېدو او ١٧ نورو د ټپي کېدو خبر ورکړل شوى و. Читать дальше...
د روسيې په يوه پوځي قطعه کې يوه سرتېري په ډزو اته پوځيان وژلي او دوه نور ټپيان کړي دي. د روسيې دفاع وزارت نن وويل، دغه سرتېري د شفت د بدلولو پر مهال د سايبريا د زابايکاليه په يوه قطعه کې پر خپلو همکارانو ډزې پيل کړې. د وزارت په حواله دغه سرتېري ښايي د ډزو په وخت کې ذهني ستونزه درلوده. د روسيې د دفاع وزارت د معين اندري کارتاپولوف په مشرۍ يو کميسيون د پېښې ځاى ته روان شوى دى.
په پاکستان کې يوه قاضي په توقيف کې د بشري حقونو د تبعيد شوې فعالې ګلالۍ اسماعيل د پلار د ساتلو امر وکړ. محمد اسماعيل د پښتون ژغورنې د غورځنګ د پلوي له کبله محاکمې ته انتظار دى. دغه غورځنګ په پاکستان کې د پښتنو د مدني حقونو لپاره مبارزه کوي. د محمد اسماعيل مدافع وکيل شهاب الدين خټک نن ازادۍ راډيو ته وويل، چې موکل يې د پېښور عالي محکمې ته راوستل شو. په دې محکمه کې قاضي امر وکړ، چې محمد اسماعيل دې تر محاکمې پورې دوې اوونۍ په توقيف کې وساتل شي. خټک وويل، دى به د خپل موکل لپاره د ضمانت غوښتنه وکړي. Читать дальше...
په سرپل ولايت کې د ملي اردو يو قوماندان د يوه بل سرتېري په ډزو وژل شوى دى. د ٢٠٩ شاهين قول اردو وياند محمد حنيف رضايي نن ازادۍ راډيو ته وويل، د ملي اردو د درېيم کنډک د ثقليې ټولي پر قوماندان تورن حشمت اله دغه حمله تېره شپه شوې ده: ”له بده مرغه د درېيم کنډک د ثقليې ټولي قوماندان تورن حشمت اله تېره شپه د سيد موسى په نوم د خپل يوه بريدمل په ډزو شهيد شوى دى. زما د معلوماتو له مخې دا کومه سياسي يا نفوذي قضيه نه وه. يوازې دغه بريدمل رواني تعادل نه درلود.“ ښاغلى رضايي وايي حمله کوونکى نيول... Читать дальше...
د ننګرهار د مرکز ﺟﻼﻝ ﺍﺑﺎﺩ ښار ﺍړﻭﻧﺪ ۴مې ﻧﺎحیې د اکمالاتي بېز سیمه ﮐﯥ د ﺻﻔﺮ ﺩﻭه ﻗﻄﻌﯥ پر ځوﺍﮐﻮﻧﻮ ځاﻧﻤﺮګی ﺑﺮﻳﺪ ﺷﻮﯼ. د ننګرهار د والي ویاند عطا الله خوګیاڼي ازادي راډيو ته وویل چې په دغه برید کې د صفر دوه قطعې ۳ منسوبین او ۲ ملکي وکړي وژل شوي دي. ښاغلي خوګیاڼي همدا شان وویل چې په دغه پېښه کې چې نن له غرمې وروسته شااوخوا دوه بجې وشوه، ۶ د صفر دوه قطعې غړي او د ۶ ماشومانو په ګډون ۱۵ ملکي وګړي ټپیان شوي دي. ذبيح الله مجاهد چې ځان د وسله والو طالبانو وياند معرفي کوي، د دې حملې مسؤليت منلى دى.
د بخښنې نړيوال سازمان له ايرانه غوښتنه کړې چې د جزا په قانون کې اصلاحات راولي. دغې ادارې په عين حال کې له تهرانه غوښتي چې د بدن د غړو د پرې کولو په ګډون د جسمي مجازاتو هره بڼه لغوه کړي. په لندن کې دېره د بشري حقونو دغې څارونکې ډلې پرون پنجشنبه په يوه اعلاميه کې دا غوښتنه مطرح کړې ده. تر دې يوه ورځ مخکې د ايران چارواکو اعلان کړى و چې د غلا په تور يې د يوه زنداني لاس غوڅ کړى دى. د منځني ختيځ او شمالي افريقا لپاره د بخښنې نړيوال سازمان مرستيال مشر صالح حجازي ويلي: "د دغسې وحشيانه مجازاتو په... Читать дальше...
که څه هم وړاندې د افغانستان حکومت په ځلونو ویلي چې داعش ډله یو لوی خطر نه دی، خو ښکاري چې دې ډلې وروستیو کې له نورو هېوادونو د وسلهوالو د جلب او جذب لپاره ځان ته لار پرانیستې ده.
د لومړي ځل لپاره د افغانستان د بایسکل ځغلونې د ټيم غړي د کابل په غرونو کې لوبه کوي.
نیویارک ټایمز ورځپاڼې په هلمند ولایت کې د لږترلږه پنځو امریکايي سرتېرو په ټپي کېدو یو مطلب لیکلی دی.
د تخار د درقد ولسوالۍ افغان ځواکونو له وسله والو طالبانو څخه بېرته ونېوله. د تخار ولایت سیمه ییز چارواکي وايي چې له یوې اوونۍ راهیسې د افغان ګډو ځواکونو د درقد ولسوالۍ د بېرته نېولو په هدف تصفیوي عملیات پیل کړي وو او په پایله کې وتوانېدل چې نن سهار ۵ بجې نوموړې ولسوالۍ بېرته له وسله والو طالبانو ونیسې. د تخار د والی ویاند محمد جواد هجري ازادي راډیو ته وویل چې په دې عملیاتو کې ۴۰ تنه وسله وال طالبان وژل شوي او تصفیوي عملیات لاهم په سیمه کې دوام لري. د درقد ولسوالۍ د ۸۰ کیلومتره واټن په درلودو... Читать дальше...
په داسې حال کې چې افغانان په خپل هېواد کې د ولسمشرۍ د ترسره شویو انتخاباتو د ځنډېدلو پایلو د اعلان په تمه دي، امریکا متحده ایالتو د پنجشنبې په ورځ په دې برخه کې پر زغم ټینګار کړی. د جنوبي او مرکزي اسیا په چارو کې د امریکا د بهرنیو چارو وزارت مرستیالې الیس وېلز کابل ته له سفر وروسته ویلي، هغه خوشاله ده چې ټولو مخکښو کاندیدانو د انتخاباتو د پایلو منلو ته ژمنتیا څرګنده کړې ده. د فرانسې خبري اژانس د الیس وېلز له خولې وايي: "ما د رأیو د شمېرلو د شفافې او باوري پروسې په اړتیا او پر دې چې د افغانستان... Читать дальше...
د پاکستان د بشري حقونو مخکښه فعاله ګلالۍ اسماعیل وايي، پلار یې ناپېژاندو وسله والو د پنجشنبې په ورځ په پېښور کې د سترې محکمې د ودانۍ له مخې تښتولی دی. ګلالۍ اسماعیل خپله هم وروسته له هغې له پاکستانه متحدو ایالتونو ته پناه یوړه چې پاکستاني چارواکو یې پرله پسې د نیولو هڅې کولې. د بشري حقونو دې فعالې او د پښتون ژغورنې د غورځنګ ملاتړې ازادي راډیو ته په ټیليفوني خبرو کې وویل، پلار یې محمد اسماعیل په پېښور کې محکمې ته له حاضرېدو وروسته کور ته ستنېده چې د پاکستاني ملېشو د یونیفورم لرونکو ناڅرګندو کسانو تښتولی دی او دوی یې له برخلیکه نه دي خبر. Читать дальше...
پینټاګون وايي، د سوریې په شمال ختیځ کې به د امریکا پوځي حضور پیاوړی کړي، څو د اسلامي دولت د وسله والې ډلې مخه ونیسي چې د تېلو دا بډایه سیمې بیا لاندې نه کړي. د پنجشنبې په ورځ دا پرېکړه له هغې څو وروځې وروسته ده چې د امریکا ولسمشر ډونالد ټرمپ د سوریې له هغو سیمو چې له ترکیې سره پر پوله پرتې دي، د امریکايي سرتېرو د ایستلو اعلان وکړ. دې اقدام ترکیې ته اجازه ورکړه چې په سیمه کې د انقرې په وینا د خوندي زون د رامنځته کولو لپاره د امریکا د متحدو کُردي جنګیالیو پر ضد پوځي عملیات پیل کړي. د سوریې په... Читать дальше...
د بغلان سیمه ییز چارواکي وایي چې د دهنه غوري ولسوالۍ درې کاله وروسته بیا د افغان ځواکونو لاسته ورغلې ده.
د افغانستان ولسمشر محمد اشرف غني نن د اکټوبر په ۲۵مه د اذربایجان په پلازمېنه باکو کې د "غیر منسلکو هېوادونو حرکت" د مشرانو په غونډه کې وینا کوي. ارګ پرون په یوه بیان کې وویل چې ولسمشر غني په باکو کې د اذربایجان له یو شمېر چارواکو سره جلا جلا کتنې هم لري. د اذربایجان په پلازمېنه باکو کې د غیر منسلکو هېوادونو د مشرانو دا غونډه به سبا هم روانه وي. د "غیر منسلکو هېوادونو حرکت" ټولنه تقریباً ۶۰ کاله مخکې د سړې جګړې د اوج په کلونو کې جوړه شوه. د دې ټولنې هدف په عمومي ډول په نړۍ کې د امنیتي، اقتصادي او فرهنګي همکاریو پراختیا بلل کېږي. Читать дальше...
د افغانستان د فوټسال ملي لوبډله نن د اکټوبر په ۲۵مه له نیپال سره مسابقه لري. د افغانستان د فوټسال د فدراسیون پر فېسبوک پاڼه لیکل شوي چې دا سیالي به د ایران په اورومیه ښار کې وي. د افغانستان او نیپال د فوټسال د ملي لوبډلو سیالي به د کابل په وخت د ماسپښين په ۲ بجو پیل شي. د افغانستان لوبډله د اسیايي هېوادونو د فوټسال د اتلولۍ د جام لپاره په سیالیو کې د ګډون لپاره ایران ته تللې ده. افغانستان تر اوسه د تاجکستان او ازبکستان له لوبډلو ماته خوړلې ده. فوټسال د فوټبال یو ډول دی چې په سرپټي لوبغالي کې پر کلک میدان کېږي. Читать дальше...
د غور چارواکو تأیید کړه چې د فېروز کوه ښار په لوېدیځ کې د بشري مرستو د هماهنګۍ د ادارې (CHA) د کارکوونکو په موټر په حمله کې یوه ښځه وژل شوې او یوه زخمي شوې ده. د غور د والي ویاند عبدالحی خطیبي پرون د اکټوبر په ۲۴مه ازادي راډیو ته وویل چې حمله د پای کمر په سیمه کې شوې ده. عبدالحی خطیبي وویل: "دواړه ښځې د دې موسسې کارکوونکې دي، هغوی په سیمه کې روغتیايي خدمتونه کول، خلکو ته یې زده کړه ورکوله چې څرنګه خپل ماشومان له ناروغیو وساتي." د غور چارواکي وایي چې حمله وسله والو طالبانو کړې، خو طالبانو تراوسه په دې اړه څه نه دي ویلي. Читать дальше...
د ناټو د دفاع وزیرانو په غونډه کې پرون د اکټوبر په ۲۴مه ترکیه د سوریې په خاوره کې د پوځي عملیاتو د پیل له امله ترکیه له سختو انتقادونو سره مخامخ وه. د امریکا د متحدو ایالاتو د دفاع وزیر مارک ايسپر وویل چې د سوریې په خاوره کې د ترکیې عملیات چې د اکټوبر په ۹مه یې پیل کړل، د توجیه وړ نه دي، خو ترکیه د ناټو غړې ده. د امریکا د دفاع وزیر پرون په بروکسل کې خبري کنفرانس ته وویل چې ترکيې ټول په سخت وضعیت کې اچولي دي. مارک ايسپر زیاته کړه چې انقره په ناسم لوري روانه ده. د ناټو د دفاع وزیرانو د غونډې... Читать дальше...
د بریتانیې صدراعظم بوریس جانسن غوښتنه کوي چې له اروپايي اتحادیې د بریتانیا د وتلو (برېکزيټ) د بن بست د ماتولو لپاره د ډېسمبر په ۱۲مه انتخابات وشي. بوریس جانسن ونه توانېد چې په خپل پارلمان کې هغه توافق چې له اروپايي ټولنې سره یې کړی و، تأیید کړي. هغه پرون د اکټوبر په ۲۴مه وویل چې د بریتانیې له پارلمانه به وغواړي چې د راتلونکې اوونۍ له پیل سره سم د وختي انتخاباتو د ترسره کولو پر وړاندیز رأيې واخلي. د بریتانیې پارلمان د سې شنبې په ورځ د بوریس جانسن د برېکزیټ د موافقې له تصویبه ډډه وکړه. وکیلانو... Читать дальше...
د راډیويي مجلې دا ګڼه مو په ځينو هنري مسایلو راښکلې کړې ده.
د امریکا، چین، روسیې او پاکستان استازي به نن د اکټوبر په ۲۵مه په مسکو کې غونډه وکړي.
د ناټو دفاع وزیران او شریکان یې نن په بروکسل کې د افغانستان د امنیتي او دفاغي ځواکونو پر پیاوړتیا او په دې هېواد کې د سولې پر بهیر بحث کوي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости