Новости за 26.03.2020

Алтаев Ренат Дагестанерчу Новолакскан кIоштарчу нохчаша Аухан кIошт меттахIотторца йолу проблемаш йийцарейина Къилбаседа Кавказан Iеламчийн кхеташонан хьалханчица Кадыров Хожа-Ахьмадца (Нохчийчоьнан куьйгалхочун Кадыров Рамзанан дешича ву иза). Къамел доьрзуш сацамбина гулбеллачара гIуллакх Iеламнехан кхеташоне даккха – Къилбаседа Кавказан республикашкара динан дай бу цунна юкъахь. Цхьанакхеттачара латкъам бира Дагеснерчу Iедална – 1944-чу шарахь нах махках а бохуш, йохийна кIошт меттахIоттор низамо 30 шо хьалха къастийна делахь а... Читать дальше...

Нохчийчохь карантине охьавиллина 500 стаг ву аьлла, дIахьедина республикан могушаллин министро Сулейманов Эльхана, яздо "Грозный-информ" агенталло. Эпидемиологин хьал телхинчу пачхьалкхашкара цIа баьхкина, я цаьрца контакт хилларш бу уьш аьлла, къастийна цо. "Ун даьллачех аьлча, таханалерачу дийнахь Нохчийчохь 10 ву уьш вовшахкхетта. 5 шо кхаьчна бер а ду царлахь. Суна ишта ала луур дара, селхана мехкан куьйгалхочуьнца дIаяьхьначу кхеташонехь билгалдаьккхина ма хиллара, регионерчу хIора стага ларъян езаш ю карантинан раж"... Читать дальше...

ДаIишхочунна кхел яр, полисхочух латар, Covid-I9-х фейкаш ехкар, кеманаш совцор (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Нохчийчохь Псковрчу десантхошна тIелатар динчу тобанхошлахь хилла Нохчийчуьра вахархо Башаев Майрбек лаьцна Владимирскан кIоштахь. Иза бехке во зуламаш лелорна а, герзашца бунт гIатторна а, къепе ларъечу органийн ницкъахошна тIелатар дарна а аьлла, хааме даьккхина Оьрсийчоьнан ФСБ-но. REGNUM агенталло бина цунах хаам еаридийнахь. Башаев десантхошна тIелеттачаьрца билггал хиларх тоьшаллин материалаш гулйина шаьш Талламан комитетца цхьана аьлла, дIахьедина къайлахчу сервисаша. Шеконашца лаьцнарг изолятор чу воьллина. Читать дальше...

Къилбаседа Кавказера хьал карарчу ханна Нохчийчохь дуьххьара стаг дарбан цIийне виллина коронавирус а кхетта. Дозанал арахьара цIавеана ву иза. 5-6 стеган тесташ ю шеконехь, цкъачунна билгалдалаза ду цаьрца дерг. Мехкан парламентан спикера Даудов Мохьмада бинчу хаамца, шайн цIахь карантинна сацийна ву 600 вахархо (ши де хьалха карантинехь вара 400 стаг). «#ЦIахь саца» цIе а йолуш, флешмоб ю яьржина нохчашлахь интернетехула. ГIебарта-Балкхаройчохь таханенна ву ун кхетта 4 стаг. Иза бакъдо меттигерчу урхаллаша... Читать дальше...

Оьрсийчоьнан Талламан комитетан куьйгалхочун Бастрыкин Александран инициативаца белхан тоба вовшахтоьхна, коронавирусах лаьцна яржочу фейкашца къийсам латторхьама. Бахархошлахь паника ца яккхийтархьама, цара мессенджерашкахь гучуйохур ю Оьрсийчохь коронавирусах ун даьллачех яржон фейкаш. ТАСС агенталле бина хIара хаам, Талламан комитетан векало Петренко Светланас. "Талламан комитетан куьйгалхочун тIедилларца кхоьллина и группа. Интернетехь а, мессенджерашкахь а, хаа а хууш, Оьрсийчохь коронавирусан инфекци яьллачех а... Читать дальше...

Iедалан векална дуьхьал ницкъбаьккхина цо аьлла, Нохчийчуьра вахархо бехкехилар тIечIагIдина меттигерчу прокуратурано, яздо "Чечня Сегодня" агенталло. Талламчийн версица, стохка Стигалкъекъа-баттахь шега низамашца лела аьллачу полисхочунна дуьхьал тасавеллера бехкевийриг. Буй-тIара а еш, полисхочун барзакъ дохийнера цо, яздо. Лаьцначун бехк хиларх тоъал тоьшаллаш вовшахтоьхна шаьш, гIуллакх кхин дIа талла Шеларчу кхеле дIахьажийна боху прокуратурано.

"ГIалгIайн цхьааллин комитетан" декъашхочун Саутиева Зарифин хьокъехь адвокато чукхачийначу дехарна жоп ца делла Ставрополан кIоштан кхело. Регионехь эпидемиологин хьал кхераме латтарна, цIера дIасаялар а доьхкуш, лаьцначуьра мукъаяккха аьлла, дара цуьнан дехар. "Кавказ.Реалии" портале дийцина цунах Дзугаев Билана. "Набахтехь атта дала тарло ун, - дийцина адвокато Дзугаевс. - Наркотикаш тIехь Iийна, хIинца царех дIахаьдда, хала мур ловчу зударшна юкъахь латтош ю Саутиева. Дукхахболчаьрца гепатит С а, ВИЧ а ю. Читать дальше...

Талламаша гайтарехь, муьлхачу метте нисъелла хьаьжжина еха коронавирус.

Еаридийнахь Iорабаьхначу хаамашца, Оьрсийчоьнан регионашкахь коронавирусан ун даьлла 182 стагна. Верриг а цомгуш ву 840 вахархо. Велла шиъ. Москвахь ун кхетта ву 136 стагна. "Эпидемиологин бинчу талламашца балгалдаьккхина, коронавирусан инфекци яьржинчу мехкашкара тIаьххьарчу шина кIиранчохь цIабаьхкина и нах хилар. Инфекционан боксашкахь охьабехкина бу уьш берриш а", - аьлла бу оперативан штабо бина хаам. Оьрсийчохь долчу хьолах хIоттийна статиcтика ишта ю: Москва — 136; Свердловскан кIошт ... Читать дальше...

Коронавирусан пандеми бахьана долуш "Аэрофлот" авиакомпанино пIераскандийнахь дуьйна совцош ю дозанал а арахьарчу пачхьалкхашка ечу 94 рейсах 92 аьлла, хааме даьккхина ТАСС агенталло. Оьрсийчоьнан Iедалхоша тIедиллинера Росавиацина кхечу мехкашка лелаш долу кеманаш, чартеран рейсаш а цхьана совцайе аьлла. Цул совнах транспортан а, Росавиацин а белхахошна тIедиллина, коронавирус яьржинчу пачхьалкхашкара кху деношкахь цIаоьхуш болчу нахах талламаш бе аьлла.

Нохчийчуьрчу Ноьвр-кIоштан вахархочунна Арсанухаевна дуьхьал бехкзуламан гIуллакх диллина. Ницкъаллийн структураша бинчу талламашца гучудаьлла, Арсанухаев Туркойчуьра дехьаваьлла, Шемарчу даIишхойх дIа а кхетта, тIемаш беш хилар. Пачхьалкхан эскаршна дуьхьал леташ ву иза аьлла, дIахьедина "Кавказский узел" агенталле Нохчийчуьрчу прокуратуран белхахочо. Цо дийцарехь, жимстаг бехкево зуламан кодексан 208-чу артиклца: герзашца вовшахтоьхначу тобанехь дакъалацар, кхечу пачхьалкхан территори тIехь тIом бар. Читать дальше...

Коронавирусан унах чекхваьллачух тера ду ша аьлла, дIахьедина Нохчийчоьнан куьйгалхочо Кадыров Рамзана, регионехь коронавирус ца яржийта кхоьллинчу оперативан штабан белхахошца хиллачу цхьанакхетархь. Цо бахарехь, кхо кIира хьалха коронавирусан йоллу симптомашца могуш воцуш хиллера иза, цхьана а антибиотико гIо а ца деш. Карарчу хенахь дика ву ша, гIора а ду шегахь аьлла Кадыровс.

ГIезалойчуьрчу къайлахчу сервисийн урхалле дехьаваьккхинчу Хвостиков Игоран метта Нохчийчоьнан ФСБ-н куьйгалле хIоттийна Кочнев Игорь. Инарла-полковнико Гончаров Александра нохчийн куьйгаллина вовзийтина керла хьаькам, яздо "Грозный-информ" агенталло. Тюмменерчу ФСБ-н урхаллехь вара Кочнев Нохчийчу хьажавале. Цо куьйгалла а деш дIаяьхьна Тюменан кIоштахь масех йоккха спецопераци. 2017-чу шеран ГIуран-баттахь дIалецира кхаьънаш оьцуш хилла Ямалера экс-депутат Крюков Павел; cтохка Чиллан-баттахь... Читать дальше...