Новости за 28.03.2020

"ГIалгIайн къоман тайпанийн Кхеташо" вовшахъяккха аьлла, стохка ГIалгIайчуьрчу юстицин министралло чуелла иск къобалйина Лакхарчу кхело. "Бакъонашларъяран "Мемориал" организацино бина и хаам. Iедалан органаша бечу балхана юкъагIортарна а, пачхьалкхан къайле йостуш хаамаш зорбане бахарна а бехкейора Кхеташо. Стохка ГIадужу-беттан 8-чохь латкъамбинера юстицин министралло организацина. Iедалхоша масийттазза шайна йина претензеш тергалйина ца хиллера цара, я нисбала а ца гIоьртинера аьлла, билгалдаьккхина кхелахоша. Читать дальше...

Шоьтадийнахь Роспотребнадзоро Iорабаьхначу хаамашца, Нохчийчохь кхин а 2 стагца коронавирус хилар къаьстина, ткъа Адыгейхь - 1 гучуваьлла. Маршо Радионо яздира еаридийнахь Нохчийчохь карантине охьавиллина 500 стаг ву, царлахь ун даьлла 10-нна аьлла, республикан могушаллин министро Сулейманов Эльхана дIахьедарх. Эпидемиологин хьал телхинчу пачхьалкхашкара цIа баьхкина, я цаьрца контакт хилларш бу уьш аьлла, къастийнера министро. "Ун даьллачех аьлча, таханалерачу дийнахь Нохчийчохь 10 ву уьш вовшахкхетта. Читать дальше...

Оренбургерчу инфекцийн дарбан цIийнехь коронавирусан ун даьлла 57 шо долу Бузулукера вахархо велла аьлла, хаамбина меттигерчу Orenday хьостано, регионерчу могушаллин министран хаамна тIетевжина. Официалехь хоуьйтуш дац, мича бахьанца нисделла цуьнан кхалхар. Де хьалха пневмони гучуяьлла аьлла, хаийтинера лоьраша. Са даIадолуьйтучу аппаратна тIетесна хиллера иза. 5-гIа стаг ву хIара Оьрсийчохь коронавирусах беллачарлахь. Дийцарехь, шен доьзалца Францехь а, Испанехь а, Туркойчохь а лелла, цIавирзина и стаг, дарбан хIусамехь охьавиллина хиллера. Читать дальше...

Яхначу буса Нохчийчоьнан коьртачу шахьарахь спецсигналаш а летийна, полисхойн патруль яра урамашкахула дIасалелаш, бахархошка арахь ма латта, чохь хила бохуш, дехарш деш. BAZA телеграм-канало зорбане яьккхинчу видео тIехь гуш ду ха дар. Иттех ю видео тIехь гуш йолу полисхойн машен. Яьржина коронавирусан инфекци бахьана долуш, радиокедачухула полисхоша хаамбо бахархошка дан дезачух а, ларвала эшарх а.

Коронавирус яржарна а, соьман мах божарна а Къилбаседа Кавказерчу бахархошлахь лахделла хьаьжцIа баха луучийн терахь аьлла, дийцина туроператорша. СаIуда Iаьрбийчоьно зияртхой чу ца бита сацам тIеэца тарло, тIаккха Мекка баха тур эцначийн ахчанаш юхадала дезар ду операторийн аьлла Оьрсийчоьнан министрийн кабинетехь хьаьжцIа бахар вовшхтухучу офисан белхахочо. Чиллан-беттан 14-чохь дуьйна долийра СаIуда Iаьрбийчу баха луучу Нохчийчуьрчу бахархошкара кехаташ схьаэцар. Кху шарахь итт проценте хьалабаьллера мах - 3600 долларшкахь. Читать дальше...

Коронавирусан ун даржар сацон Iалашонца Туркойчоьно совцийна кеманийн дIасалелар. ПIераскандийнахь президент Реджеп ЭрдогIан вистхилла оцу дIахьедарца. ПIераскандийнахь меттигерчу "Анадолу" хьостано бинчу хаамашца, Туркойчохь вирусах 92 стаг велла. Телевизионехь къоме вистхуьлучу ЭрдогIана дIакхайкхийна, цкъачунна дуьненаюкъара авиарейсаш юкъахйохуш сацамбина шаьш аьлла. Ткъа шайн пачхьалкхехула лелачу кеманех дерг къаьстар ду, регионерчу Iедалхойн органашца дагадевллачул тIаьхьа аьлла, билгалдаьккхина президенто. Читать дальше...

ПIераскандийнахь бинчу хаамашца, Италехь 919 вахархо кхелхина коронавирусан инфекцех. Верриг а пачхьалкхехь COVID-19 вирусах велла 9134 стаг. Цомгуш хилла 86 эзар сов италхо. Оцу юкъанна дарба хилла 11 эзарна. Ткъа тIаьххьарчу буса тесто тIечIагIдинера 6 эзарг гергга вахархочунна ун даьлла хилар. ПIераскандийнахь Дуьненаюкъарчу могушалла Iалашъяран организицин (ВОЗ) куьйгалхочо хаамбира, дуьненчохь коронавирусан ун ах миллион сов стагах хьакхаделла хиларх. Царех велларг ву 20 эзар сов. Къаьсттина... Читать дальше...

Нохчийчуьрчу могушаллин министро Сулейманов Эльхана дIахьедарехь, 630 стаг ву махкахь лоьрийн тергонехь латтош. Коронавирусан эпидеми яьржинчу пачхьалкхашкара цIабаьхкина нах а, цаьрца уьйр хилларш а бу цу тептарехь берш. "Коронавирусан ун даьллачех дерг аьлча, уьш 3 ву. Цул совнах, ас хьалхо хаам ма-барра, 7 стагаца тхан талламаша керла коронавирусан инфекци гучуяьккхина. Москвано тIечIагIдаре ладоьгIуш Iа", - аьлла министро. Цо дийцарехь, Москвара юхаеанчу зудчуьнца а хааелла коронавирусан инфекци. Читать дальше...