Новости за 05.04.2023

ამერიკის შეერთებულმა შტატებმა საქართველოს სამი მოქმედი და ერთი ყოფილი მოსამართლე დაასანქცირა. როგორც სახელმწიფო მდივანი ბლინკენის განცხადებაშია აღნიშნული, მათ გაუუქმდათ მოქმედი ვიზები მნიშვნელოვანი კორუფციული საქმიანობის გამო. გთავაზობთ განცხადებას უცვლელი სახით: "დღეს, ამერიკის სახელმწიფო დეპარტამენტი ახდენს მიხელ ჩინჩალაძის, ლევან მურუსიძის, ირაკლი შენგელიას და ვალერიან ცერცვაძის საჯარო სანქცირებას, ვიზის აკრძალვის შესახებ 7031(c) წესის საფუძველზე, მნიშვნელოვან კორუფციულ საქმიანობაში მათი ჩართულობის გამო. Читать дальше...

უკრაინაში შეჭრის გამო რუსეთისთვის დაწესებულმა სანქციებმა შეცვალა რუსეთის როგორც ეკონომიკური და პოლიტიკური განვითარების ვექტორი, ასევე განათლების სისტემაც. რუსეთს მოუწია ბოლონიის პროცესიდან გასვლა, რაც, სპეციალისტების შეფასებით, უთუოდ იქონიებს გავლენას უმაღლესი განათლების სისტემის ხარისხზე, სტრუქტურასა და ხელმისაწვდომობაზე. ამავე დროს, რუსეთის აღმოსავლეთისაკენ მასშტაბური მიბრუნების ფონზე უმაღლეს სასწავლებლებშიც გაძლიერდა ჩინური ენის სწავლების კომპონენტი. ეს ევროპული ენების ხარჯზე, რამაც სტუდენტთა ნაწილის უკმაყოფილება გამოიწვია. Читать дальше...

ბოლო ხუთ დღეში, უკრაინაში, ბახმუტთან ბრძოლისას სამი ქართველი მებრძოლი დაიღუპა. მიხეილ მაზანაშვილი, რომლის დაღუპვის ცნობაც პირველ აპრილს გავრცელდა, ფრონტის ხაზიდან 4 აპრილს, გამთენიისას გამოასვენებს თანამებრძოლებმა. როგორც მისი ძმა, ლევან მაზანაშვილი ეუბნება რადიო თავისუფლებას, 29 წლის მებრძოლს საქართველოში, სავარაუდოდ, კვირას ჩამოასვენებენ. ბახმუტთან კიდევ ორი ქართველი მებრძოლის, ვახტანგ ბარაბაძისა და დავით ქუჩუკიანის დაღუპვის შესახებ ცნობა კი 4 აპრილს, გვიან ღამით გავრცელდა. რადიო თავისუფლების ინფორმაციით... Читать дальше...

რუსეთის სიდიდით მეორე ბანკი, VTB-ი - რომელიც ერთ-ერთი პირველი გამოთიშეს SWIFT-ის გლობალური გადახდის სისტემას, უკრაინაში რუსეთის შეჭრის გამო - 5 აპრილს აცხადებს, რომ 2022 წელს დაკარგა 612.6 მილიარდი რუბლი, ანუ 7.7 მილიარდი ამერიკული დოლარი.  "2022 წელს VTB ჯგუფი სირთულეების და გამოწვევების წინაშე იყო. ... ჩვენ ვიყავით მაქსიმალური სანქციების პირველი სამიზნე, რასაც დიდი დანაკარგები მოჰყვა" - წერს ბანკის ფინანსური ხელმძღვანელი, დმიტრი პიანოვი გავრცელებულ განცხადებაში.

რიკოთის უღელტეხილის გადაკეტვის საკითხზე მორიგ განცხადებას ავრცელებს საავტომობილო გზების დეპარტამენტი. ის პარტია „ლელოს" ადანაშაულებს ცრუ ბრალდებებში და აღნიშნავს, რომ „ფაქტების დამახინჯებით ცდილობს მდგომარეობის დრამატიზებას". როგორც დეპარტამენტი განმარტავს, თბილისი-სენაკი-ლესელიძის საავტომობილო გზის 149-ე კმ-თან, არსებულ და არა ახალ აშენებულ გზასთან 200 მეტრის სიახლოვეს, მთის ფერდზე, განვითარდა ახალი მეწყრული პროცესი. „ამ პროცესის ნიშნები პირველად გამოვლინდა წელს, თოვლის დნობის შემდეგ. მონიტორინგის შედეგად... Читать дальше...

ვარშავაში მყოფმა უკრაინის პრეზიდენტმა ვოლოდიმირ ზელენსკიმ 5 აპრილს განაცხადა, რომ უკრაინა პოლონეთს მიიჩნევს თავის ერთ-ერთ ყველაზე მჭიდრო დასავლელ მოკავშირედ და უმნიშვნელოვანეს პარტნიორად უკრაინის რეკონსტრუქციის პროცესში, რუსეთთან ომის დამთავრების შემდეგ. ზელენსკი, რომელმაც შეხვედრები გამართა პოლონეთის პრეზიდენტთან, ანჯეი დუდასთან და პრემიერ-მინისტრთან, მატეუშ მორავიეცკისთან, ეს პოლონეთის პრეზიდენტთან ერთად გამართულ პრესკონფერენციაზე განაცხადა. დუდამ პრესკონფერენციაზე თქვა, რომ პოლონეთი უკრაინას... Читать дальше...

წლის ერთ-ერთი ყველაზე მნიშვნელოვანი სპორტული მოვლენა, ფორმულა 1-ის ჩემპიონატი, მარტიდან მსოფლიო ყურადღების ცენტრშია. ავტორბოლის ყველაზე ძვირ და მაღალტექნოლოგიურ სახეობაში რბოლა ნოემბრამდე გაგრძელდება და გამარჯვებულიც ამ დროისთვის გამოვლინდება. ჩემპიონატში, სადაც ასპარეზობენ როგორც ცალკეული პილოტები, ისე გუნდები, უმნიშვნელოვანესია სისწრაფე, ხარისხი და გამძლეობა. წარმატების მიღწევაში დიდი როლი აქვთ პარტნიორ პრემიუმ ბრენდებსაც. ფორმულა 1-ის ასპარეზობის 10 მონაწილე გუნდიდან 7 ...

სილვიო ბერლუსკონი, რომელიც ოთხჯერ იყო იტალიის პრემიერ-მინისტრი, მილანის საავადმყოფოს კარდიოლოგიური დეპარტამენტის ინტენსიურ განყოფილებაშია მოთავსებული. ამის შესახებ ინფორმაცია 5 აპრილს პოლიტიკურმა წყაროებმა გაავრცელეს.  86 წლის მილიარდერის და მედიამაგნატის ჯანმრთელობა ბოლო წლებში მკვეთრად გაუარესდა. ის მორიგ ჯერზე გასულ კვირაში გაეწერა საავადმყოფოდან. ბერლუსკონის, რომელმაც ქონება პოლიტიკაში მოსვლამდე, სატელევიზიო არხებით დააგროვა, 2016 წელს გულის ოპერაცია გაუკეთეს, ჰქონდა პროსტატის სიმსივნეც. მას შემდეგ... Читать дальше...

პერსონალურ მონაცემთა დაცვის სამსახურმა აღმოაჩინა, რომ ერთ-ერთი სამინისტრო და მის სისტემაში შემავალი 10-ზე მეტი დაწესებულება აგროვებდნენ დეტალურ ინფორმაციას თანამშრომლების კომპიუტერებიდან. საბოლოოდ, ეს მონაცემები 30-მდე თანამშრომლისთვის ხდებოდა ხელმისაწვდომი. სამინისტროს შემოწმება ანონიმური შეტყობინებით მოითხოვეს. პერსონალურ მონაცემთა დაცვის სამსახური 5 აპრილს გავრცელებულ განცხადებაში არ აკონკრეტებს, რომელ სამინისტროში ირღვეოდა 3000-მდე  დასაქმებულის უფლებები. ეს ინფორმაცია უწყების პრესსამსახურში... Читать дальше...

საფრანგეთის პრეზიდენტის, ემანუელ მაკრონის განცხადებით, ჩინეთს, რუსეთთან მისი ახლო ურთიერთობის გამო, შეუძლია დიდი როლი ითამაშოს უკრაინაში მიმდინარე ომში. აღნიშნული განცხადება საფრანგეთის ლიდერმა პეკინში გააკეთა. მისი თქმით, ჩინეთთან დიალოგის შენარჩუნება საკმაოდ მნიშვნელოვანია. ცნობისთვის, საფრანგეთის პრეზიდენტი ემანუელ მაკრონი სამდღიანი სახელმწიფო ვიზიტის ფარგლებში პეკინში ჩავიდა. მასთან ერთად ჩინეთს ევროკომისიის პრეზიდენტი ურსულა ფონ დერ ლაიენიც სტუმრობს. მედია წერს, რომ ევროპელი ...

რუსეთის ქალაქ ყაზანში „ლგბტ პროპაგანდის“ ბრალდებით დააკავეს ბლოგერები ჰაოიანი და გელა. ამის შესახებ მათ თავიანთ ტელეგრამის არხზე დაწერეს. ბლოგერების დაკავების შესახებ იუწყებიან რუსული გამოცემები „Сота“ , „Baza“ და „ОВД-Инфо“. ჰაოიან სიუი ჩინელია, გელა გოგიშვილი - რუსეთში მცხოვრები ქართველი. ჰაოიანი რუსეთში რუსული ენის სასწავლებლად ჩავიდა და გელა გაიცნო, მათ ერთმანეთი შეუყვარდათ. ამის შესახებ მათ უამბეს რადიო თავისუფლების რუსულ სამსახურს, ტექსტი რადიო თავისუფლების გვერდზე ქართულადაც გამოქვეყნდა. Читать дальше...

ღრმა მწუხარებას გამოვთქვამ ქართველი ჟურნალისტის, სპორტის დამსახურებული მოღვაწის ჯამლეტ ხუხაშვილის გარდაცვალების გამო. ჯამლეტ ხუხაშვილმა, როგორც ყველასათვის საყვარელმა და ცნობილმა სპორტის კომენტატორმა, სახელი გაითქვა თავისი გამორჩეული სტილის დამსახურებით. მის სახელს უკავშირდება როგორც პირადი წვლილი ქართული სპორტის განვითარების საქმეში, ისე მისი პოპულარიზაციის ხელშეწყობა. ჯამლეტ ხუხაშვილი ასევე იყო ქართველი და ებრაელი ხალხების ურთიერთობათა განმტკიცების დიდი ქომაგი და თავისი ...

ვფიქრობ, სისტემური რეფორმების გარეშე დეოლიგარქიზაცია არ მოხდება, რადგან სახელმწიფო ინსტიტუტები ერთ ადამიანს ემორჩილება და სახელმწიფო ინსტიტუტები უნდა გაძლიერდეს, – ამის შესახებ ოპოზიციონერმა დეპუტატმა, ხატია დეკანოიძემ საქართველოს პირველ არხს განუცხადა. მისივე თქმით, კანონპროექტი უნდა ჩავარდეს და სისტემური მიდგომა იყოს. „ძალაუფლების შემცირება მოხდება არჩევნებით. უკრაინაში სხვა რეალობაა და საქართველოში სხვა. დეოლიგარქიზაციის კანონის პერსონიფიცირება მოხდება პირველ რიგში, ოპოზიციაზე. ...

რონდელის ფონდის უფროსი მკვლევარი ბუკა პეტრიაშვილი ფინეთის ნატოში გაწევრიანებას ეხმაურება: "ფინეთს აქვს ძალიან მაგარი ეკონომიკა, დემოკრატიული სისტემა, თავდაცვის სისტემა, სამხედრო ინდუსტრია, შეიარაღებული ძალები და ძალიან დიდი მზაობა თავდაცვისუნარიანობის ერთობლივდ განსამტკიცებლად ნატოს ფარგლებშიც. მინდა შევუერთდე აშშ-ის სახელმწიფო მდივან ენტონი ბლინკენს, რომელმაც მადლობა გადაუხადა რუსეთის პრეზიდენტ ვლადიმირ პუტინს ქმედებისთვის, რამაც განაპირობა ფინეთის ნატოში გაწევრიანება".

პოლონეთი მუშაობს იმისთვის, რომ უკრაინამ უსაფრთხოების დამატებითი გარანტიები მიიღოს ნატოს სამიტზე, რომელიც ლიეტუვის დედაქალაქ ვილნიუსში ივლისში გაიმართება, თქვა პოლონეთის პრეზიდენტმა ანჯეი დუდამ 5 აპრილს. "ჩვენ ვცდილობთ ნატოს მომავალ სამიტზე, ვილნიუსში, უკრაინისთვის მოვიპოვოთ... უსაფრთხოების დამატებითი გარანტიები, რომლებიც გააძლიერებს უკრაინის სამხედრო პოტენციალს", - თქვა დუდამ უკრაინის პრეზიდენტთან, ვოლოდიმირ ზელენსკისთან ერთად გამართულ პრესკონფერენციაზე.

არასამთავრობო ორგანიზაცია "უფლებები საქართველო" ეჭვობს, რომ შესაძლოა, 17 მარტის ღამეს დიდ დიღომში 12 წლის ანას გვამის გადამალვა სცადეს. 5 აპრილს გავრცელებულ განცხადებაში ოჯახის უფლებების დამცველი არასამთავრობო ორგანიზაცია ამ გარემოებაზე საუბრობს. "გარდაცვლილის ტელეფონი ნაპოვნია გვამისგან მოშორებით. წარმოდგენილი ფოტოსურათებით იკვეთება, რომ გოგონას აღენიშნებოდა სახის, შუბლის, ყურის და ზურგის არეში ნაკაწრები და დაზიანებები. დაზიანებული იყო ასევე ბავშვის ტანსაცმელი. გარდა ამისა, გოგონას გვამის განლაგება ბადებს ეჭვს... Читать дальше...

გაერომ ავღანეთში თავის 3300 თანამშრომელს შეატყობინა, რომ ორი დღის განმავლობაში არ უნდა გამოცხადდნენ ოფისებში - მანამ, სანამ ავღანელი ქალებისთვის გაეროს ოფისებში მუშაობაზე დაწესებულ აკრძალვაზე გაეროს მისია განმარტებას ელის თალიბანისგან. გაეროს პრესმდივანმა სტეფან დიუჟარიკმა ჟურნალისტებს უთხრა, რომ ამ საკითხზე "გარკვეული სიცხადის მისაღებად" ავღანეთში გაეროს მისია 5 აპრილს გამართავს თალიბანთან მოლაპარაკებას - მას შემდეგ, რაც ერთი დღით ადრე მიიღო ცნობა იმის შესახებ, რომ ქაბულში დე ფაქტო მთავრობამ მუშაობა... Читать дальше...

რუსეთმა ოკუპირებული აფხაზეთის გავლით თურქეთში ტვირთების გადაზიდვა დაიწყო. მანამდე იუწყებოდნენ, რომ სოხუმში „პირველი საკონტეინერო მატარებელი“ შევიდა. მედიაში გამოითქვა ვარაუდი, რომ ეს რუსეთის მორიგი სქემაა სანქციების გვერდის ასავლელად. სოხუმიდან თურქეთში ტვირთების გადასაზიდად გემი Anatolian-ი გამოიყენეს, იტყობინებოდა გამოცემა СОВА. ახლა ტრანზიტის ფაქტი დაადასტურა ოკუპირებული აფხაზეთის ე.წ. სახელმწიფო საბაჟო კომიტეტის თავმჯდომარის პირველმა მოადგილემ, ალიას ლაბახუამ. „ცოტა ხნის წინ 62 კონტეინერის შემადგენლობის მატარებელი შემოვიდა... Читать дальше...

“დღეს უნდა ყოფილიყო ჩემი და ნიკა მოსიაშვილის სასამართლო, ჩვენს მიერ სპეცრაზმის დარბევის საქმეზე, მაგრამ გადაიდო მოსამართლის ჯანმრთელობის მდგომარეობის გამო. სამაგიეროდ ხვალ დამიბარეს სასამართლოში, აუდიტის სამსახური გვიჩივის, რაზე არ ვიცით, დანართში ნახეთო და დანართი არ არის, არ ჩამოიტანეს,” – წერს სოციალურ ქსელში ზურაბ ჯაფარიძე.

ბელარუსის ავტორიტარი ლიდერი ალიაქსანდრ ლუკაშენკა, უკრაინაში მიმდინარე ომის ფონზე, 5 აპრილს მოსკოვში ხვდება რუსეთის პრეზიდენტს, ვლადიმირ პუტინს. ორმა ლიდერმა უნდა განიხილოს პროგრესი რუსეთ-ბელარუსის ერთიანობის საკითხებთან მიმართებით, იუწყება კრემლი. ორმხრივ განსახილველ საკითხებს შორისაა ტაქტიკური ბირთვული იარაღის განთავსება ბელარუსის ტერიტორიაზე, პირდაპირ პოლონეთის საზღვართან - როგორც ეს პუტინმა გამოაცხადა - და ასევე რეაგირება ნატოში ფინეთის გაწევრიანებაზე.

საფრანგეთის პრეზიდენტმა ემანუელ მაკრონმა 5 აპრილს პეკინში განაცხადა, რომ ნებისმიერი პირი, რომელიც უკრაინის კონფლიქტში "აგრესორ" რუსეთს უწევს დახმარებას, ამით "თანამონაწილე" ხდება. "კონფლიქტის დასაწყისიდან ჩვენ გადავწყვიტეთ მსხვერპლს დავეხმაროთ და მკაფიოდ განვაცხადეთ, რომ ნებისმიერი პირი, ვინც აგრესორს ეხმარება, თანამონაწილე გახდებოდა საერთაშორისო კანონის დარღვევაში", - უთხრა ჩინეთში სამდღიანი ვიზიტით ჩასულმა მაკრონმა ჟურნალისტებს.

პოლონეთის პრეზიდენტი ანჟეი დუდა ვარშავაში უკრაინის პრეზიდენტ ვოლოდიმირ ზელენსკის შეხვდა, რომელიც პოლონეთის დედაქალაქში მეუღლესთან, ოლენა ზელენსკასთან ერთად ჩავიდა. შეხვედრა პრეზიდენტის სასახლეში გაიმართა. ვიზიტის ფარგლებში, ლიდერების საუბრის მთავარი თემა უკრაინის სამხედრო დახმარება, ომის შემდგომი რეკონსტრუქცია და უკრაინის ევროატლანტიკური ინტეგრაცია იყო.

ერთი კვირის განმავლობაში ბევრჯერ ვესაუბრე ჩემს ამერიკელ მეგობრებს, რომელთაც, სხვადასხვა დროს, ბევრი რამ მასწავლეს თავისუფლების და, ზოგადად, ცხოვრების შესახებ, რომლებისაც ნამდვილად და უპირობოდ მჯერა და მათთან კონსულტაციების შედეგად საბოლოოდ გადავწყვიტე, რომ, მიუხედავად აშშ-ის სახელმწიფო დეპარტამენტისადმი დიდი პატივისცემისა, არ გადავდგები, – ამის შესახებ საქართველოს პირველი არხის სამეურვეო საბჭოს თავმჯდომარე ვასილ მაღლაფერიძე სოციალურ ქსელში წერს. როგორც ვასილ ...

ზუგდიდის რაიონულმა სასამართლომ 4 წლით პატიმრობა შეუფარდა "საქართველოს ბანკის" ზუგდიდის ფილიალზე თავდასხმის საქმეზე ბრალდებულ ბადრი ესებუას, მისდამი დამატებით წარდგენილი ბრალისთვის - იარაღის უკანონო შეძენა-შენახვა-ტარებისთვის. მოსამართლე შოთა ბიჭიამ არ გაითვალისწინა პროკურორების შუამდგომლობა, რომელიც ითვალისწინებდა წარდგენილი მუხლით გათვალისწინებულ მაქსიმალურ სასჯელს - 6 წლით პატიმრობას. დაცვის მხარე კი მინიმალურს, 3 წლით პატიმრობას ითხოვდა. თავად ბადრი ესებუამ სხდომაზე აღიარა, რომ დაკავებისას თან ჰქონდა ცეცხლსასროლი იარაღი... Читать дальше...

საქართველოს პარლამენტი განიხილავს მთავრობის მიერ ინიციირებულ კანონპროექტს, რომლითაც უნებართვო გარე ვაჭრობისთვის ჯარიმების გამკაცრებაა გადაწყვეტილი. "ადმინისტრაციულ სამართალდარღვევათა კოდექსში" შესატან ამ ცვლილებებს პარლამენტმა პირველი მოსმენით მხარი დღეს, 5 აპრილს, დაუჭირა. გარე ვაჭრობის წესების დარღვევისთვის უცვლელი რჩება ზოგიერთი სახის ჯარიმა: უნებართვო გარე ვაჭრობისთვის ჯარიმა 20-დან 50 ლარამდეა; უნებართვო გარე ვაჭრობასთან დაკავშირებით უფლებამოსილი პირის დაუმორჩილებლობისთვის გათვალისწინებულია... Читать дальше...