Новости за 19.11.2015

АСТАНА. ҚазАқпарат - Шекаралық тексеруден өткізіліп болып, орнынан қозғалған көлікті, әсіресе теміржол көлігін, біраз жерге ұзап кеткенше қалыптасқан тәртіп бойынша шекарашылар сырттай бақылап, «көзбен шығарып салады». Бұл қозғалыстағы көлікке жылдамдығын арттырып алғанға дейін әлдебіреулердің жол-жөнекей секіріп мініп алмауын қадағалау үшін жасалатын шара, деп хабарлады ҚР ҰҚК ШҚ баспасөз қызметінен. 

АСТАНА. ҚазАқпарат - Елімізге шетелдік инвесторларды тартуда өңірлердің маңызы аса жоғары. Ол үшін Қазақстанда бизнес жүргізуге ынталы компанияларды іздестіруде белсенділік танытуымыз керек. Бейсінбіде Ақтауда Қазақстан саясаттанушылары конгресінің қолдауымен өткен жиында сарапшы Гүлмира Қорғанбаева Үкіметтің кеңейтілген отырысындағы Елбасы тапсырмасына орай өз пікірін білдірді, деп хабарлады 24.kz.

АСТАНА. ҚазАқпарат - Қазақстан аймақтары арқылы фронттальды бөліктердің өтуіне байланысты кей жерлерінде жауын-шашын сақталады, көбінесе қар жауады, бұрқасын, тұман, көктайғақ болады, жел күшейді, деп хабарлады ҚР ТЖК баспасөз қызметінен.

АСТАНА. ҚазАқпарат - Атырау облысының кәмелетке толмағандардың істері жөніндегі мамандандырылған ауданаралық соты кәмелетке толмаған баласының тәрбиесімен айналысудан бас тартқан әкені ата-аналық құқығынан айырды, деп хабарлады аталған соттың баспасөз қызметінен. 

АСТАНА. ҚазАқпарат - Құрлықтық хоккей лигасының чемпионатындағы кезекті кездесуін Астананың «Барысы» Санкт-Петерборда жергілікті СКА командасымен өткізіп, 1:5 есебімен жеңіліп қалды.

ШЫМКЕНТ. ҚазАқпарат - Тәтесінде құлдықта болған 9 жасар баланың әжесі табылды. ОҚО ІІД баспасөз қызметінен хабарлағандай, Қаратау аудандық полиция бөліміне 51 жастағы әйел барған. Ол жуырда полицейлер Шымкент шағын ауданында тапқан баланың әжесі екенін айтты. 

ОРАЛ. ҚазАқпарат - Тасқала аудандық сотының үкімімен Атамекен ауылының тұрғыны С.Русаков ҚР ҚК 273-бабына сәйкес (дайындалып жатқан терроризм актісі жөнінде көрінеу жалған хабар беру) айыпты деп танылып, екі жылға бас бостандығынан айыру жазасын жалпы тәртіптегі колонияда өтеуге сотталды. 

АСТАНА. ҚазАқпарат - Стамбұл қаласындағы Босфор арқылы жүзіп келген қабан Қожаелі жартыаралының солтүстік-батысындағы Бейкоз ауданында тұрғындар мен туристердің үрейін ұшырды, деп жазады түрік БАҚ-тары.

ҚЫЗЫЛОРДА. ҚазАқпарат - Үстіміздегі жылдың 16-19 қараша аралығында Қызылорда қаласы «Евразия» спорт кешенінде «Ибрайхан и К-ЛТД» ЖШС жүлдесіне арналған 1998-1999 жылдары туылған жастар арасында бокстан республикалық турнир өткізілді. Қазақстан Республикасы Конституциясының 20 жылдығы аясында ұйымдастырылған турнирге Қырғызстан, Өзбекстан, Тәжікстан елдерінен және Ақтөбе, Маңғыстау, Оңтүстік Қазақстан, Жамбыл және Қызылорда облыстарынан 8 команда қатысты. Бұл туралы облыстық дене шынықтыру... Читать дальше...

АСТАНА. ҚазАқпарат - Бүгін Қазақстанның Қарулы Күштерінде көне әскер тектерінің бірі Зымыран әскерлері мен артиллерия күні атап өтілуде. 1940 жылы «соғыс құдайы» ретінде бейнеленген бұл әскер түрі Ұлы Отан соғысының шайқас алаңында өзінің мақсатын орындап шықты. Барлық операцияларда дерлік артиллерия ең басты тапсырмаларды орындап, қарсыласты қырып-жоюдың негізгі атыс құралы болды, деп хабарлады ҚР Қорғаныс министрлігінің баспасөз қызметі. 

АСТАНА. ҚазАқпарат - Бостваннан әлемдегі ең ірі алмаз табылды. Салмағы 1111 карат тартатын  тас үлкендігі жағынан салмағы 3106 карат болған атақты Куллинан алмазына ғана жол береді.

АЛМАТЫ. ҚазАқпарат - Polymetal International plc (Полиметалл) компаниясы Шығыс Қазақстан облысының Жарма ауданындағы Бақыршық алтын рудасы кенішін қамтитын «Қызыл» жобасы бойынша техникалық-экономикалық негіздеме қорытындыларын жариялады.

ТАЛДЫҚОРҒАН. ҚазАқпарат - Бүгін Талдықорғанда тұрғын үй коммуналдық шаруашылығын жақсарту бойынша жаңа әдіс - мобильді жедел әрекет ету тобы таныстырылды. 

АСТАНА. ҚазАқпарат - Ертең, 20 қараша күні Астана қаласындағы Бейбітшілік және келісім сарайында «Өнеріміз саған, Қазақстан!» атты фестивальдің гала-концерті өтеді.

ШЫМКЕНТ. ҚазАқпарат - Португалиядағы әлем чемпионатында ОҚО ішкі істер департаментуінің полицейі  Айдар Қошқаров жеңімпаз атанды.

АЛМАТЫ. ҚазАқпарат - Бүгін Алматыда Халықаралық темекі шегуден бас тарту күніне орай арнайы баспасөз мәслихаты болып өтті. Бұл Күн әлем бойынша жыл сайын қараша айының үшінші бейсенбісінде атап өтілетіні белгілі. Оны алғаш рет АҚШ-тың Онкологиялық қоғамы 1977 жылы бекіткен болатын.    

ҚАРАҒАНДЫ. ҚазАқпарат - Қарағанды облысынан ІІМ-нің «Қазіргі заман қаһармандары» республикалық акциясына жедел әрекет ету арнайы жасағының коммандирі, полиция подполковнигі Сабыр Сапариянов қатысады.

АСТАНА. ҚазАқпарат - Аягөз аудандық соты мектеп директоры С.Естемісоваға және бас есепші Қ.Оразаеваға қатысты қылмыстық істі қарады.

ҚАРАҒАНДЫ. ҚазАқпарат -  Қарағанды облысында екі шиша сыра ішіп, көлігін басқарған елордалық тұрғынға үкім шығарылды.

ПАВЛОДАР. ҚазАқпарат - Жастар саясаты және патриоттық тәрбиелеу бойынша кеңес отырысында Павлодар әкімі Болат Бақауов қалпына келтіру жұмыстары жүргізіліп жатқан Ю.Гагарин атындағы саябақты бақылауды қалалық жастарға  тапсыруды ұсынды, деп хабарлады қалалық әкімдіктің баспасөз қызметінен.

АСТАНА. ҚазАқпарат - Түркия Президенті Режеп Тайып Эрдоған экстремизммен күресу үшін мұсылман елдерінің басшыларын бірыңғай майдан құруға шақырды, деп хабарлады  Gazeta.ru Hurriet түрік газетіне сілтеме жасап.

АСТАНА. ҚазАқпарат - Технологияларды коммерцияландыру орталығының 2014 жылғы ілкі жобасы аясында ғылыми грант алған 65 жобаның ішінен 35 ғалымның жұмысы коммерцияландыру мақсатын орындап, барлығы 880 млн теңгенің өнімін сатқан. Бұл туралы бүгін коммерцияландырудың тиімді жүйесін құру мәселелері талқыланған дөңгелек үстел барысында «Технологияларды коммерцияландыру орталығының» директоры Дамир Егізбаев мәлім етті.

ОРАЛ. ҚазАқпарат - Зеленов аудандық №2 сотының үкімімен басқа біреудің құжатын пайдаланып, Қазақстанның мемлекеттік шекарасын қасақана заңсыз кесіп өткені үшін Ж.Оралбаева ҚР ҚК 392-бабы 1-бөлігі бойынша айыпты деп танылып, 6 ай мерзімге бас бостандығынан айыру жазасы тағайындалды. ҚР ҚК 63-бабы қолданыла отырып, жаза шартты деп саналып, 6 ай мерзімге пробациялық бақылау белгіленді.

АСТАНА. ҚазАқпарат - Бүгін Астанада ғылыми зерттеулердің нәтижелерін коммерцияландырудың тиімді жүйесін құру мәселелері талқыланған дөңгелек үстел өтті. ҚР БҒМ Технологияларды коммерцияландыру орталығының ұйымдастыруымен өткен кездесу барысында Қазақстанның және шет елдердің сарапшылары ғылыми зерттеулерді коммерцияландырудың тиімді жүйесін құруға қатысты өз ойларын білдірді.

ТАРАЗ. ҚазАқпарат - Тараз тұрғындары ошағы Қытай аумағында болған жер сілкінісін сезді.