Ауылдарда қажетті қондырғы болғанымен маман тапшы – ауыл дәрігері
ПЕТРОПАВЛ. ҚазАқпарат – Медицина – игі істің шыңы болса, дәрігер – адам жанының арашашысы, мейірімділік пен ізгілік иесі. Медицина қызметкерлері көмекке мұқтаж жандарға ем беріп қана қоймай, жылы сөзімен дем беріп, қаншама науқаста үміт отын жағып келеді. Маусым айының үшінші жексенбісі күні осы бір қастерлі мамандық иелері өздерінің кәсіби мейрамдарын атап өтеді. Мереке қарсаңында ҚазАқпарат тілшісі Солтүстік Қазақстан облысы Уәлиханов аудандық ауруханасының хирургы Дәулет Серғазинді әңгімеге тартқан еді.